بسم الله الرحمن الرحيم

انا احمد 3 ثانوى
ان شاء الله معايا أحياء و فيزياء
الحقيقة كان املى اجيب 50 فى المادتين دول و طبعا علم النفس ده سهل و مش مشكلة
لكن كل اللى قبلى قالوا بنفس النص: 50 ؟؟!!!!! انت بتحلم
اعلى درجة ممكن تجيبها فى الفيزياء 49.5 و لو جبت 50 دى انت تبقى محظوظ اوى
اما الاحياء فممكن تجيبها بنسبة 20%
مش عارف انا ايه الاحباط ده؟!

المهم انا كنت عاوز اجيب 50 فى الفيزياء...... اعمل ايه؟؟؟
اى كتاب خارجى اشتريه ؟؟
و لو فى مذكرات من على النت(مراجعة و اسئلة بس تكون صعبة) ياريت اللينك بتاعها

على فكرة انا مجموعى 97.3 و ال 50 دى هتفرق معايا فى حاجات كتيير اولها ترتيب المدرسة
فلو سمحتم حد يساعدنى
و اللى عنده فكرة عن الطلبات اللى انا طالبها دى فى الاحياء يبقى مشكور

وانا زيك ياحمد بس الفرق انى علمى راضة ومجموعة اقل شوية وعندى احباط من الفيزياء ياريت حد يفيدنا

بص يا احمد انا كنت احياء السنة اللي فاتت (سنة تانية) والحمد لله ربنا اكرمني بمجموع حلو جدا بس حكاية تقفيل الاحياء محتاجة مجهود جبار جدا والتركيز علي الرسومات والمذاكرة من الكتاب اهم حاجة والتركيز والحفظ الجيد والفهم الدقيق وعدم مراكمة الدروس حاجات مهمة اوي وعلي فكرة انا ما قفلتش الاحياء لاخطاء تافهة اوي في الامتحان ولول كنت قفلتها كان زماني التانية او التالتة ع الجمهورية بس قدر الله ماشاء فعل واجتهد فيها علي قد ما تقدر وبالنسبة للفيزياء فناس كتير اوي من مدرستي بيقفلوها عادي جدا بس الاجتهاد والمذاكرة اول باول هي مفاتيح التقفيل واكيد طاعة ربنا في المقام الاول

انا كنت احياء وبفضل الله جبت فيها 49.5 ومن السهل تجيب 50 لى اصحاب كتير جايبن 50

فموضوع انك تجيب 50 مش مستحيل بس مفاجأة الاحياء الحقيقية ان الامتحان ما كانش معتمد على الحفظ اهم حاجة الفهم ثم الفهم ثم الحفظ وموضوع الرسومات يا ريت تكون متعود عليه من اول السنة علشان ترتاح فى الاخر

وطبعا انت اكيد مسلم فقبل اى مذاكرة وخاصة الاحياء تصلى ركعتين وتقرأ ولو صفحتين بس من القران

وبعدها ابدأ مذاكرة وبالتوفيق ان شاء الله
وموضوع مستحيل والاحباط ده ما ينفعش التوفيق من عند الله احنا بنأخذ بالاسباب وان الله لا يضيع اجر من احسن عملا
وكتب الاحياء فى الرفيق والندى لكن النفيس مش اوى لان فيه غلطات بس مش كتير والله المستعان