وزير التعليم العالي هاني هل هلاله قال في تصريحات ان التنسيق هيكون الحد الادنى للسنوات الاخيرة والكلام ده هيطبق على جميع الشرائح بما فيها الدبلومات الفنية ومن اربع ايام هل هلاله علينا بتصريح للاهرام المسائي بتاريخ 10 \ 8
قال فيه :
لا تخفيض في أعداد المقبولين بالجامعات من حملة دبلوم المعاهد الفنية
كتب ـ علاء ثابت‏:‏
قرر المجلس الاعلي للجامعات قبول نفس الاعداد المقررة العام الماضي لحملة دبلوم المعاهد الفنية والمدارس نظام السنوات الخمس بالجامعات والمعاهد ولايطبق عليهم نسب القبول الخاصة بسنة الفراغ‏
وأكد خبراء التنسيق ان هذا القرار سيكون في صالح الطلاب وسيحافظ علي الحد الادني للقبول بالجامعات عند نفس معدلات العام الماضي‏.‏
الكلام ده معناه ان احنا مش هيعاملونا زي الثانويه العامة وتنسيق الكليات هيفضل زي ما هو وده ظلم لان الدبلومات من حقهم ياخدوا فرصتهم زي الثانويه العامة
انا عن نفسي ده لو حصل هرفع قضية على وزير التعليم العالي لكن ايد لوحدها متسقفش ودي قضية مستقبلنا وحلمنا ونكون او لا نكون

أنا اخترت "يا حيطة داريني" بصراحة ... مش لشيء إلا لأن موضوع القضية ده فشنك

وشــكراً

واضح انك معندكش ثقة في حد لكن ممكن يكون ده الحل الوحيد لو حسيت انك اتظلمت

لا داعى لهذا
وإن شاء الله يكون التنسيق فى صالحكم


بالتوفيق

انا معاك يا اخ old warrior
لاكن فى سؤال بس انت جايب كام
والحد الادنى للخمس سنوات الماضية ها يبقى كام؟
----------------------------------------------

انا جايب 86 % والحد الادنى للسنوات الاخيرة 85.4 هندسة المنيا

انا جايب 86 % والحد الادنى للسنوات الاخيرة 85.4 هندسة المنيا
بجد يا استاذ old warriorحضرتك متاكد انها الحد الادنى للسنوات الاخيرة 85.4 اصل انا جايبه 86.63% وبصراحه فقدت الامل انى ادخل هندسه ياريت يا استاذ ترد عليا هل السنه دى فعلا هيطبقوا الحد المتوسط وانا اسفه جدا ممكن حضرتك تقولى جبت التنسيق اللى فات الخمس سنين منين ياريت حضرتك ترد عليا الله يطمنك زى ما حضرتك طمنتنى ومنتظرة رد حضرتك بفارغ الصبر؟؟؟؟؟؟؟؟؟؟؟؟؟؟؟؟؟؟؟؟؟؟؟

بس حبيب قلبى لو التنسيق نزل او منزلشى صوتى معاك لو هترفع قضية :s

يا اخ old warrior
ان شاء الله ما فيش اى قواضى وتدخل هندسة
تفائل اخى
------------------------------------
انا خايف ذيك تمام ومستغرب ان التنسيق لسة ما نزلش لغاية دلوقتى
------------------
بس ان شاء اللة ها نلحق

يا اخت هند انا جبت الحد الادنى ده من موقع بوابة الحكومة الالكترونية :

إعلان نتائج تنسيق الدبلومات الفنية قبول 16 ألف طالب بحد أدني 60 % في الجامعات
12/9/2006
أعلنت أمس نتائج القبول بالجامعات والمعاهد لطلاب الدبلومات الفنية والمدارس الفنية المتقدمة.. بلغ عدد المقبولين من حملة 7 أنواع من الدبلومات 15906 طلاب في 374 كلية جامعية.. وجامعة عمالية ومعهدا عاليا خاصا.. وتدل المؤشرات المعلنة للحد الأدني للقبول أن طلاب الدبلومات الصناعية تم قبولهم في كليات الهندسة بالجامعات المصرية بحد ادني 85.04 % وكانت هندسة جامعة جنوب الوادي. بينما بلغ الحد الأدني لهندسة بترول وتعدين السويس 91.10 % وتليها هندسة القاهرة 89.77 % . وطلاب هذه الشهادات كما صرح د. عبدالله بركات أمين المجلس الأعلي للجامعات يلحقون بالسنة الاعدادية بكلية الهندسة.. وكذلك الطلاب بكليات الفنون الجميلة عمارة أو فنون وهذه يشترط النجاح في اختبارات القدرات بها وقد بلغ الحد الادني للقبول بها من حملة دبلوم الفني الصناعي والثانوية المتقدمة 81.58 % . كما بلغ الحد الأدني للقبول بكليات التجارة 75 % انتساب موجه لطلاب دبلوم فني تجاري وبلغ الحد الادني للقبول بكليات الحقوق الشعبة القانونية لطلاب الدبلوم الفني التجاري والثانوية المتقدمة 75 % .. ويقبل هؤلاء الطلاب بالسنة الثانية بالكليات المرشحين لها
www.emigration.gov.eg/allnews/DisplayNews.aspx

اما عن انهم هيطبقو الحد المتوسط انا قريت في الموضوع خبرين الاول في الاهرام :
استيعاب‏10 %‏ وانخفاض الحد الأدني بين‏2 % ‏ و‏4 %‏ بتنسيق الدبلومات
تؤكد مؤشرات تنسيق طلاب الدبلومات الفنية الناجحين هذا العام في سنة الفراغ أن‏10%‏ من الطلاب سيتم قبولهم بالجامعات‏,‏
وفقا للحد الأدني المعلن من خلال السنوات الأخيرة وباقي الناجحين ستكون الفرصة متاحة أمامهم للقبول بالمعاهد العليا الحكومية والخاصة أربع سنوات‏,‏ والمعاهد المتوسطة سنتان‏,‏ ومن المنتظر أن ينخفض الحد الأدني بين‏2%‏ و‏4%‏ نظرا للانخفاض الحاد في المجاميع وشرائح المجاميع بشكل عام‏.‏

لكن للاسف في خبر تاني يخوف شوية في الاهرام المسائي :
لا تخفيض في أعداد المقبولين بالجامعات من حملة دبلوم المعاهد الفنية
كتب ـ علاء ثابت‏:‏
قرر المجلس الاعلي للجامعات قبول نفس الاعداد المقررة العام الماضي لحملة دبلوم المعاهد الفنية والمدارس نظام السنوات الخمس بالجامعات والمعاهد ولايطبق عليهم نسب القبول الخاصة بسنة الفراغ‏
وأكد خبراء التنسيق ان هذا القرار سيكون في صالح الطلاب وسيحافظ علي الحد الادني للقبول بالجامعات عند نفس معدلات العام الماضي‏.‏
10/08/2010 الاهرام المسائي

من الاخر احنا مفيش في ايدينا حاجة دلوقتي غير اننا ندعي ربنا انه يكرمنا ويجعل لينا نصيب في الهندسة هو اكبر من هاني هلال ومن الدنيا كلها افتكروا حديث الرسول صلى الله عليه وسلم :
قال رسول الله : (( من لازم الاستغفار جعل الله له من كل ضيق مخرجاً ، ومن كل هم فرجاً ، ورزقه من حيث لا يحتسب ))(2)رواه أبو داود.

انا فهمت من الكلام دا ان 85.04% دى مش الحد المتوسط السنه دى دى بتاعت 2006ياريت حضرتك ترد عليا انا فهمت غلط ولا صح ولو دا الحد الادنى بتاع 2006 اعرف ازاى الحد المتوسط بتاع2010 ارجو الرد؟

ربنا معاكو يا رب

بس بصيحة مش تشغلوا نفسكوا بالحسابات دي

ركزوا في حاجتين وبس

اولا المذاكرة الصح

ثانيا الدعاء المتواصل


لان قل لن يصيبنا الا ما كتب الله لنا

عن تجربة

صحابي قعدوا يحسبوا كام في المية

و
مش عارفة لو نقصت كدا والتنسيق هيقل كذا علشان ...


و الله وربنا سترها معاياه مع ان بحسابتهم دي مكنتش هعدي

في مادة معينة ويمكن كمان مكنتش ادخل كليه خااالص

بس الحمد لله ربنا سترها ودخلت احدى كليات القمة


زي بيقولوا عليها


وبالتوفيق ان شاء الله

يارب اكرمنا و يسر لنا امرنا

طب انتوا هترفعوا قضية عشان لو منزلش الحد الادنى
امال انا اعمل اية
انا منزلوش اساسا تنسيق لينا السنادى
مع ان كل سنة بينزل
(تلمذة صناعية )

اولا شكرا على الموضوع ده لان مفيش حد مهتم بلدبلومات الفنيه غير طلابها بس عايز اقول حاجة انا دبلوم 5 سنوات وجايب 88% وتنسيق السنة الى فاتت ارتفع حوالى 5% هندسة القاهرة واخده من 92% دبلومات وواحد اعرفه جاب 87% وجالو تعليم صناعى السويس ومكملش تعليم ربنا يستر علينا انا مش بقفلها فى وش حد بس الواحد بقالو خمس سنين مع الشغل فى التعليم الفنى الى هوا اصلا مقلب وعامل زى عمود السوارى ياله وعسى ان تكرهو شىء وهو خير لكم

دة قرار فى صالحكم مش ضدكم لأن لما الكليات تاخد اعداد اكبر المجاميع تقل مش تزيد وانتوا فعلا ملكوش علاقة بسنة الفراغ

دة قرار فى صالحكم مش ضدكم لأن لما الكليات تاخد اعداد اكبر المجاميع تقل مش تزيد وانتوا فعلا ملكوش علاقة بسنة الفراغ لا ياريت حضرتك توضح اكتر يعنى معنى الكلام دا ان الكليات هتاخد السنادى عدد اكبر من الطلابه اصل انا قرتها قبل كدا مكتوب 5% من عدد الطلاب المقبولين من كل كلية انا مش عارفه النسبه دى كدا ارتفعت ولا قلت عن السنين اللى فاتت ولا قصد القرار دا انا المجاميع هتكون زى السنه اللى فاتت ياريت حضرتك تردى عليا فى اقرب وقت بجد ماتتصوريش الموضوع دا عملى قلق قد ايه واعتقد من انا لوحدى فى ناس كتير اوى برضه قلقانه ولو حد يعرف معلومة موكده ياريت تقولها

ايه القر ده يا جماعة انتو فاكرين تنسيقنا هينزل صحيح ؟

عموما ربنا يوفق الجميع :d

انتوا فاكرين ان تنسيق الثانوية هيقل
لو قل والله العظيم لاجي ارفع معاكوا قضية
ياريت بس يقل حاجة بسيطة او يفضل زي اعلى سنة من السنين اللي فاتت