دلوقتى انا طالب فى تانية ثانوى سقطت فى مادتين فى الدور الاول الرياضة والكيمياء وامتحنت الدور الثانى ونجحت فى الرياضة وسقطت تانى فى الكيمياء دلوقتى انا هاخد معايا الكيمياء السنة الجاية فا كنت عايز احول من علمى الى ادبى بس مش عارف هايبقى اية النظام يعنى هاخد مواد اية فى ادبى السنة الجاية ؟ والكيمياء اللى هاخدها معايا السنة الجاية دى الدرجة بتاعت امتحانها هاتتاخد كلها ولا زى الدور الثانى 50% منها بس ؟ وبعدين انا درجتى كدة فى تانية 46% دى ينفع ادخل بيها تالتة واحسنها السنة الجاية ولا اية؟ لو سمحت يا جماعة ساعدونى بسرعة جداا

يا جماعة لو سمحتوا قولولى اى حاجة علشان ابقى عارف راسى من رجليا بجد

انت ممكن تحول ادبى عادى بس برده هتاخد الكيميا مدام دخلت الامتحان بتاعها بس هتخدها بدل الجولوجيا وعادى 46%تكمل بيها عشان تانية غير تالتة تالتة بس اللى لازم تاخد فيها مادة تانية تمتحنها تكملك المجموع لو انت اقل من 50% بالتوفيق

طيب ونظام الفيزياء اية هاخدها تالتة بردو ولو حولت هايبقى معايا تاريخ يبقى جد كيمياء وفيزياء وتارخ ولا اية ؟

انت هتحول ادبى هيبقى معاك كيميا وتاريخ وعلم نفس واقتصاد واحصاء او فلسفة يعنى مادتين ادبي وتاريخ وكيميا وعربى وانجليزى

انت هتحول ادبى هيبقى معاك كيميا وتاريخ وعلم نفس واقتصاد واحصاء او فلسفة يعنى مادتين ادبي وتاريخ وكيميا وعربى وانجليزى

الف شكرا يا باشا على المعلومات دى

بالتوفيق ان شاء الله

لو عايز اي حاجة تانية احنا فى الخدمة

بصى لما تيجى تحول ادبى ليك مادتين ادبى بتختارهم (فلسفه* وعلم نفس *واقتصاد واحصاء) مع التاريخ ده اساسى

انا بارشحلك فلسفه وعلم نفس ان شاء الله تجيب فيهم الدرجات النهائيه

وهيبقى معاك كيمياء بردو
وربنا معاك ويوفقكم جميعا

طيب معلش سوال تانى دلوقتى الكيمياء دى انا لما هاخدها فى تالتة هاخد الدرجة كلها بتاعتها ولا 50% من بس لما امتحنها فى تالتة يعنى

طيب معلش سوال تانى دلوقتى الكيمياء دى انا لما هاخدها فى تالتة هاخد الدرجة كلها بتاعتها ولا 50% من بس لما امتحنها فى تالتة يعنى





اه يا غالي بتاخد كل الدرجة .. نص الدرجة بس لما تكون دور تاني بتمنالك التوفيق ان شاء الله ،

بجد ماعرفش تاخد كام بس يريت حد من المدرسين ير د عليك

اه يا غالي بتاخد كل الدرجة .. نص الدرجة بس لما تكون دور تاني بتمنالك التوفيق ان شاء الله ،
منا دى طالع بيها من تالتة وامتحنتها دور تانى السنة دى وسقطت فيها السنة الجاية هاخد عليها الدرجة كلها ياريت لو متاكد تقولى والف شكر