وجدان حنفي
18-08-2010, 12:15 PM
http://www.egylovers.com/pic/bsm-allah.png
الموضوع ده لقيته علي موقع احدي الجامعات بس عجبني جدا قلت اعرضه عليكم
يارب يعجبكم
مبروك يا عم إنك نفدت بجلدك من ثانوي .. ومبروك إنك هتبقا من طلاب الجامعة 1000 1000 مبروووك..
بص بقا يا أبو زُمل أنا زميل من زمايلك في الجامعة اسمي "مجرب" دخلت الجامعة قبلك وماعرفش مين فينا أنا ولا أنت هيخرج منها الأول ... المهم الزمن علمني حاجات – وأنتعارف إن الزمن ياما بيعلم- قلت لازم أعرفهالك علشان تبقا ماشي في الجامعة على نور .
بص يا سيدي! فتح دماغك معايا وخد نصيحة مجرب:
· طبعاً أنت خلصت ثانوي بهمه ومذاكرته وداخل الجامعة وأنت فاكر إن الجامعة دي صباح تكبير الدماغ من المذاكرة ..... لا لا أنت كده غلطان أوعا تفتكر الجامعة كلها فسح ولبس وخروج وأصحاب .. طبعاً الحاجات دي موجودة بس طبعاً المذاكرة الأول صحيح مش زي ثانوي بس مينفعش تخليها آخر حاجة ... قرب شويا كده أقلك على سر بيني وبينك ( أنت بجد ابتديت الدراسة المهمة في حياتك ) مواد ثانوي دي كانت أي كلام إنما دلوقتي هتدرس مواد تخصص وهي إلي هتشتغل بيها طول حياتك يعني علشان تبقى واد مخلص في شغلك لازم تبقى شاطر في المواد دي .
· في الجامعة الأصحاب بيكترو و هتلاقي ناس من كل صنف ولون المهم أوعى تنسا إن زي المثل مابيقول ( الصاحب ساحب) يعني إيه ؟؟!!و أنت مالك بيا وبأصحابي ؟؟!".... ساعتها حاأقولك أصلي ياما شفت ناس زمايلي كانوا طيبين و غلابة ولما صاحبوا ناس "نص كم" أتقلب حالهم وخد عندك إشي سقوط كام سنة وإشي إدمان على جواز عرفي و................. يعني لازم تاخد بالك كويس لما تيجي تختار أصحابك .. طبعاً هتقلي: "
· البنات... هتقلي طبعاً فاكهة الجامعة !!!!! وطبعاً هقلك أنت مضحوك عليك ... الشاب من دول يدخل الجامعة وأول حاجة يفكر فيها إزاي أصاحب بنت - أي بنت – وبعد ما يحصل المراد تلاقي الاثنين عايشين مع بعض الوهم بالنهار في شوارع الجامعه وبالليل ع التليفون وتكون النتيجة إيه ؟؟! الولد هو إلي بيدبلر ... سامعك متغاظ وبتقلي: "إشمعنا الولد؟!" هقلك طبعاً البنت ممكن تدبلر معاه بس ده بيحصل أقل لأن البنات بيذاكرو في الخباثة!!
· معلهش يا جماعة... الولاد شويا علي جنب ويغمضوا عنيهم..
الكلمتين الجايين للبنات وبس .. بصي يا ستي :الجامعة دي معرض كبيييير قوي للهدوم .. شويا بدي على جينز على أستريتش على... على... المهم هقولك كلمة في ودنك بس بشرط قبل ما أقولها توعديني ما تزعليش ............ اتفقنا؟؟ (متخليش نفسك فرجة للي يسوا واللي ميسواش ) لأن مفيش شاب هيبصلك بصة بريئة .... أنا شايف كام بنت نفسهم يطبقوا في زمارة رقبتي بس إحنا اتفقنا من الأول إن مفيش زعل.
· آخر كلمتين بقا علشان أنا حاسس أني بقيت غتت ... بقلكم إيه اسمحولي أنصحكم نصيحة لوجه الله ... الرسول (ص) بيقول كلام حلو ومهم قوي عن الشباب ..عارفين بيقول إيه " لن تزولا قدما عبد يوم القيامة حتى يُسأل عن أربع" ... ومنها عن "شبابه فيما أبلاه؟ " يعني كل واحد فينا ربنا هيسأله عن فترة الجامعة دي عمل فيها إيه .. طبعا دي كل واحد فينا هيجاوب عليها لوحده .. ودي بالذات مفيهاش غشّّ!!
الموضوع ده لقيته علي موقع احدي الجامعات بس عجبني جدا قلت اعرضه عليكم
يارب يعجبكم
مبروك يا عم إنك نفدت بجلدك من ثانوي .. ومبروك إنك هتبقا من طلاب الجامعة 1000 1000 مبروووك..
بص بقا يا أبو زُمل أنا زميل من زمايلك في الجامعة اسمي "مجرب" دخلت الجامعة قبلك وماعرفش مين فينا أنا ولا أنت هيخرج منها الأول ... المهم الزمن علمني حاجات – وأنتعارف إن الزمن ياما بيعلم- قلت لازم أعرفهالك علشان تبقا ماشي في الجامعة على نور .
بص يا سيدي! فتح دماغك معايا وخد نصيحة مجرب:
· طبعاً أنت خلصت ثانوي بهمه ومذاكرته وداخل الجامعة وأنت فاكر إن الجامعة دي صباح تكبير الدماغ من المذاكرة ..... لا لا أنت كده غلطان أوعا تفتكر الجامعة كلها فسح ولبس وخروج وأصحاب .. طبعاً الحاجات دي موجودة بس طبعاً المذاكرة الأول صحيح مش زي ثانوي بس مينفعش تخليها آخر حاجة ... قرب شويا كده أقلك على سر بيني وبينك ( أنت بجد ابتديت الدراسة المهمة في حياتك ) مواد ثانوي دي كانت أي كلام إنما دلوقتي هتدرس مواد تخصص وهي إلي هتشتغل بيها طول حياتك يعني علشان تبقى واد مخلص في شغلك لازم تبقى شاطر في المواد دي .
· في الجامعة الأصحاب بيكترو و هتلاقي ناس من كل صنف ولون المهم أوعى تنسا إن زي المثل مابيقول ( الصاحب ساحب) يعني إيه ؟؟!!و أنت مالك بيا وبأصحابي ؟؟!".... ساعتها حاأقولك أصلي ياما شفت ناس زمايلي كانوا طيبين و غلابة ولما صاحبوا ناس "نص كم" أتقلب حالهم وخد عندك إشي سقوط كام سنة وإشي إدمان على جواز عرفي و................. يعني لازم تاخد بالك كويس لما تيجي تختار أصحابك .. طبعاً هتقلي: "
· البنات... هتقلي طبعاً فاكهة الجامعة !!!!! وطبعاً هقلك أنت مضحوك عليك ... الشاب من دول يدخل الجامعة وأول حاجة يفكر فيها إزاي أصاحب بنت - أي بنت – وبعد ما يحصل المراد تلاقي الاثنين عايشين مع بعض الوهم بالنهار في شوارع الجامعه وبالليل ع التليفون وتكون النتيجة إيه ؟؟! الولد هو إلي بيدبلر ... سامعك متغاظ وبتقلي: "إشمعنا الولد؟!" هقلك طبعاً البنت ممكن تدبلر معاه بس ده بيحصل أقل لأن البنات بيذاكرو في الخباثة!!
· معلهش يا جماعة... الولاد شويا علي جنب ويغمضوا عنيهم..
الكلمتين الجايين للبنات وبس .. بصي يا ستي :الجامعة دي معرض كبيييير قوي للهدوم .. شويا بدي على جينز على أستريتش على... على... المهم هقولك كلمة في ودنك بس بشرط قبل ما أقولها توعديني ما تزعليش ............ اتفقنا؟؟ (متخليش نفسك فرجة للي يسوا واللي ميسواش ) لأن مفيش شاب هيبصلك بصة بريئة .... أنا شايف كام بنت نفسهم يطبقوا في زمارة رقبتي بس إحنا اتفقنا من الأول إن مفيش زعل.
· آخر كلمتين بقا علشان أنا حاسس أني بقيت غتت ... بقلكم إيه اسمحولي أنصحكم نصيحة لوجه الله ... الرسول (ص) بيقول كلام حلو ومهم قوي عن الشباب ..عارفين بيقول إيه " لن تزولا قدما عبد يوم القيامة حتى يُسأل عن أربع" ... ومنها عن "شبابه فيما أبلاه؟ " يعني كل واحد فينا ربنا هيسأله عن فترة الجامعة دي عمل فيها إيه .. طبعا دي كل واحد فينا هيجاوب عليها لوحده .. ودي بالذات مفيهاش غشّّ!!