ماذا تقول لسيادته .... ؟؟؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : ماذا تقول لسيادته .... ؟؟؟؟؟؟

MR : ABO BATTA

18-08-2010, 05:59 PM

السلام عليكم ورحمة الله وبركاته

بعد التحية
كل عام وحضراتكم جميعاً بخير

الأخ العضو الأمير الرقمي له موضوع بعنوان
رقم موبايل السيد الرئيس

حقيقة أنا توقعت الموضوع لو الواحد فينا عارف رقم موبايل الرئيس كان هيتصل بيه ويقوله ايه ؟؟؟؟

لكن وجدت الموضوع حاجة تانية خالص انا لا أقلل من الموضوع لا سمح الله

وبذلك اقترحت ان اقوم بهذا الموضوع

فعلا ...

لو كنت تعرف رقم موبايل رئيس الجمهورية ومسموح لك بدقيقتين فقط

ماذا تقول لسيادته .... ؟؟؟؟؟؟

yara attia

18-08-2010, 06:05 PM

اولا مشكور علي الموضوع يا مستر ومنور القسم

ثانيا هقوله :_

بجد حرام عليك الغلي الي احنا فيه ده ونفسي تخلينا نحبك زي ما اي رئيس بيحبب شعبه فيه

نفسي تعمل فرص عمل للشباب بدل الي بيطلعوا بره دول

نفسي تخلي مصر ديه احسن دولة في العالم كله

نفسي تاخدلنا حقنا من اي حد ظلمنا

وبعد كده هيقولي

عفوا لقد نفذ رصيدكم ههههههههههههههههههههههههههههههههههه

وشكرا علي الموضوع الجميل

MR : ABO BATTA

18-08-2010, 06:10 PM

لو الموضوع يستحق الرد والمشاركة فتفضلوا وشرفوني بردودكم وإن كان لا يستحق فليتفضل الإشراف بحذفه على الفور
والشكر لكم جميعاً

محمد خليفة 6

18-08-2010, 06:11 PM

والله انا اعرف ان السيد الرئيس مشاغلة كثيرة ومهامة اكثر

والراجل لحد دلوقتى مدخلناش فى حرب بس احنا دخلنا فى

حرب العن وهى حرب النفوس اقول له انة هناك فئة من الناس

لا يراعون اماكنهم ولا مناصبهم تجاة الدولة وكفاية كدا بقا

الوسايط كترت اوى مفيش حاجة فى البلد من غير الوسايط

MR : ABO BATTA

18-08-2010, 06:15 PM

روووووز

18-08-2010, 06:20 PM

:dموضوع جميل :d
بس الوقت ده مش كفاية ;);)
شوف يا كبير :dالبلد دى اتغيرت 180 درجة وده بسبب الظلم والمحسوبية والواسطة وتزوير وغيره كتير
وفى الاول كنا ام الدنيا بس الايام دى بقينا :006et4::006et4: عند ماما امريكا ليه احنا مديونين للدول التانية
ده احنا عندنا قناة السويس غير السياحة يعنى ما شاء الله دخل كبير بس الفلوس دى بتروح فين :excl::excl:
هتقول المصانع والتجديد لتشغيل الايدى العاملة
الحمد لله واضح ده حتى مفيش بطالة وكمان الشباب بيتوظف على طول والشغل كتير ده حتى الشباب مش بيسافر عشان يشتغل ولا بتعذف فى الغربة ولا بتهان هناك
والله فى حاجات كتير عايزة اقولها بس الرصيد :d:d:d
طيب العيب فى مين الشعب ولا الحكومة ولا حضرتك :excl::excl::excl:
يلا سلام عشان مطولش

MR : ABO BATTA

18-08-2010, 06:23 PM

usernamo

18-08-2010, 06:29 PM

هقوله ... شكراً انك شايلنا بقالك .. 29 سنة .. جالك المرارة و القلب و السكر و لضغط و المصران الاعور و الزايدة و صداع حتى مسلمتش من البرد و انيميا الفول ^^

هو هيسمع دول هيعيط و يموت و بكده يبقى قمت بالمهمة الوطنية .. من غير دم او اى حاجة .

MR : ABO BATTA

18-08-2010, 06:30 PM

MR : ABO BATTA

18-08-2010, 06:34 PM

mohamed264

18-08-2010, 08:03 PM

انت عبيط يا بنى
انت اول ماهاتقول الووووووووووووووووووووووو
هيقولك رصيد خلص يا .................................................. .................................................. .................................................. .................................................. .................................................. ...................................

انا هاسيب باقى المكالمة لاحساسك

MR : ABO BATTA

18-08-2010, 11:23 PM

أمير بلا إمارة

19-08-2010, 01:12 AM

هتوحشنا ياريس

mera_mar21

19-08-2010, 03:10 AM

انا هقوله حاجه واحده بارك الله فيك وجعلك زخراااااااااااااااااااا لمصر المحرروسه
وهتوحشنا يااااااريس

emadcom

19-08-2010, 04:32 AM

انا بقة هقوله كلمتين مخطروش على بال حد فيكم
(( كلمنى شكرا ))

MR : ABO BATTA

24-08-2010, 06:31 PM

شكــــــــــــــــــــــــــــــــــــــرا

abosalah_crazyboy

24-08-2010, 06:55 PM

مش هتكلم كتير معاه ... هيا كلمة واحدة هقولها
ربنا يسامحك و يسامحنا

رمضان كريم 2

24-08-2010, 07:06 PM

أقول له
فى عهدك لو نهر النيل اتقلب صلصلة مش هيقضى الكوسة اللى فى مصر

من أقوال الرئيس الخالدة :

يخطب يقول الثورة كانت فى دمه http://www.ebnmasr.net/forum/images/smiles/new/plane.gif
ولما الحرب قامت..الحرية كانت كل همه
ومن يوم مابقى فى الحكم مابقاش حد همه
ولا هو بيتلم... ولا لاقى حد يلموا

الأميـرمحمد

24-08-2010, 07:07 PM

هقول له
عاوزين نحارب يا ريس
اسرائيل جابت اخرها

//

MR : ABO BATTA

27-08-2010, 02:07 PM

هتوحشنا ياريس

شكرا لمرورك يا أمير

MR : ABO BATTA

27-08-2010, 02:08 PM

إيه اللى دخلك فى الخطوط الحمرا يا أخى وحبيبى أبوبطه
هتوحشنا والله :d
بس ماتقلقش
أكتر حاجه فى البلد الحلاوه
كل يوم هجيبلك شنطه مليانه
وماتقلقشى برضه لأن يارا هتكون فى الأوده اللى جمبك :d

إحنا أحسن ناس نتريق على حياتنا
وسؤال برىء يا أبو بطه
هو ولى أمر التلميذه بتاعت موضوع التعبير إياه
خد حقه وحق بنته إزاى
بمكالمه للريس
وهيما العظيمه اللى عمال يسىء للتاريخ والمصرين
خرج من السجن إزاى بتليفون من الريس
هو المشكله مش تليفون الريس
المشكله كلها فى اللى يشوف الغلط ويسكت عليه
وبعد كدا يقولك البلد مليانه فساد
واللى استخدم الواسطه والمحسوبيه حتى فى طابور العيش
وخد قبل غيره يطلع ويقولك البلد مليانه محسوبيه
ومعظم المدرسين نازلين دروس خاصه وحرق فى دم الغلابه
ويطلع يقولك التعليم فاشل
صدقنى إحنا خدناها من الكوره -- اللاعيبه تتنيل فى لعبها
وفى الأخر الحكم هو السبب
إذا أردنا الصلاح فعلينا بإصلاح الكل كبير وصغير
ومفيش فرق بين واسطة فرن العيش وواسطة الدخول للكليات
ومفيش فرق بين فساد الدروس وفساد رجال الأعمال
ورشوة جنيه زى مليون جنيه

ويروح ريس وييجى ريس ماينفع غيرلما كل الشعب يبقى كويس مش النص شغال فى حر الشمس ونص قاعد متيس

ربنا يصلح حالنا ويسويها بفضله ويهدينا جميعا
يا رب يا مستر
وشكرا لمرورك

العابدة

27-08-2010, 02:10 PM

حسبنا الله ونعم الوكيل فيك يا ريس

MR : ABO BATTA

27-08-2010, 02:10 PM

انا هقوله حاجه واحده بارك الله فيك وجعلك زخراااااااااااااااااااا لمصر المحرروسه
وهتوحشنا يااااااريس

يا رب
شكر لكي يا ميرا

MR : ABO BATTA

27-08-2010, 02:12 PM

انا بقة هقوله كلمتين مخطروش على بال حد فيكم
(( كلمنى شكرا ))

ههههههه
شكرا لمرورك يا عماد

MR : ABO BATTA

27-08-2010, 02:14 PM

مش هتكلم كتير معاه ... هيا كلمة واحدة هقولها

ربنا يسامحنا جميعا
شكرا لمرورك ابو صلاح

MR : ABO BATTA

27-08-2010, 02:19 PM

MR : ABO BATTA

27-08-2010, 02:20 PM

هقول له
عاوزين نحارب يا ريس
اسرائيل جابت اخرها

//

هنحارب بس مش دلوقتي يا محمد
شكرا لمرورك

Mostafa Ahmad

27-08-2010, 02:58 PM

انا كمان لازم اقول حاجه للريس وهقوله :
بص يا عم الحج انا كنت بحب البلد دى قوى لكن بصراحه كده المسئولين كرهونى فيها سم ويا إما تشوفلك صرفه معاهم يا إما تحجزلى ف اول قطر مهاجر بره
انا اتخنقت من دى حكومه