بسم الله الرحمن الرحيم

اب و نازل الجامع يصلى

بيقول يا ولادى تعالو نصلى

واحد على الكمبيوتر و التانى فى التليفزيون و التالت نايم .

يقول للى على الكمبيوتر .. سيبك منه .. ده هيئذيك

يقول الولد .. لا يا والدى ده نافعنى و بكلم اصحابى اللى مستنينى

الوالد يفقد امل .. و يسيبه و يدعى و يقول يارب اهديه ولا توريله ..

راح للى قدام التليفزيون ... و يقوله تعالى نصلى ده الاذان اذن

يقول الولد .. سيبنى ده احنا فى رمضان .. يعنى المسلسلات

يعنى الحاجة زهرة .. و صفية و غيره .. ده انا مستنيهم

يقول الوالد فى سره .. حرام يا ربى حرام ممثلة تقول

انا فى رمضان هبعد عن السينما و هبقى اقرا قران

و تطلع تفطر ولادى فى عز النهار .. ده الحر ارحم يارب

راح للى نايم .. اصحى و قوم ده الاذان اذن و احنا فى رمضان

يقول الولد .. لا يا بابا انا عايز انام دانا نايم الفجر

الوالد يسال و متحير .. ايه يبنى صليت الفجر

الولد يضحك بسخرية .. فجر ايه يا بابا لا انا كنت بلعب كورة مع اصحابى

و اتخانقنا مع امام الجامع ال ايه عشان عايز يقيم الصلاة و يمشينا

يتركه ابوه فى صدمة

و بيقول فى سره .. ليه يا ربى كده انا عملت ايه

ليه ولادى عصاه كده ؟!

انا عملت ايه غلط

علمتهم من سبع سنين الصلاة .. يارب انجدنى فيهم

ياااااااااااااااااارب ...

اهديهم ...

ياااااااااااااااااارب

(( رغم للى عملوه الولاد ..غفرلهم ربهم بسبب دعوة ابوهم الصالح ))

اللى كان على الكمبيوتر فتح الفيس قرأ لصديق له كلمات واضعها ..

(( و اتقوا يوماً ترجعون فيه الى الله ))

يترعب الولد و يحس برعشه يجرى و يقول يارب و يتوضأ

اللى بيتفرج على المسلسل ..

جه اعلان لشيخ محم حسان .. بيدعى و يقول يارب

اهدى شباب المسلمين .. الولد اترعب و قام و اتوضأ

و اللى كان نايم صحى و سمع الراجل بيرتل القران صوتهه ولا الكروان

قام و الدمعه على عينه و يجرى و اتوضأ

و نزلو التلاتة و صلو جمب ابوهم .. و الدمع على عنيهم و فى صوت واحد بيقولو


(( اغفرلنا ياااااااااارب ))

(( و غفرلهم ربهم ... لانه الغفور الرحيم ))

.. حلها يا رمضان ..