مشاهدة النسخة كاملة : كيفية النقل بين المحافظات للمعلمين المساعدين ؟
شمس2050 20-08-2010, 12:17 AM السلام عليكم ورحمه الله وبركاته
كل علم ولنتم بخير ورمضان كريم عليكم
كيفية النقل بين المحافظات للمعلمين المساعدين ؟
عندى سؤال هام انا مدرس مساعد بتاريخ تعيين 1/12/2008 ولم أدخل امتحانات الاكاديمية لان الاكاديمية اخذت جميع المتعاقدين من تاريخ اخره 1/11/2008 يعنى فرقت معايا فى شهر بس الحمد لله على كل حال
المهم انا دلوقتى معلم مساعد رياضيات بمحافظة الاسكندرية وأصلا انا من اسوان وكان سفرى للاسكندرية للدراسة فى الدراسات العليا والحمد لله ربنا كرمنا ومضيت عقد معلم مساعد والحمد لله ربنا كرمنى وسجلت ماجستير ودة كان حلمى بس انا دلوقتى امنية حياتى احول لمحافظة اسوان بلدى وأهلى وحبايبى كلهم فيها
فعلى من لديه اى معلومات عن كيفية النقل بين المحافظات للمعلمين المساعدين ( من محافظة الاسكندرية الى محافظة اسوان ) ارجو منه الرد وجزاكم الله عنا كل خير :excl:
المتابع2010 20-08-2010, 12:28 AM يا راجل يا طيب
مع احترامنا لكل المدن
وكذلك من إن ا لطيور المهاجرة لابد من إنها تعود لأصلها
حد يسيب إسكندرية
قلعة قايتباي وكوبري استانلي والمكتبة والمندرة والمنشية ......... إلخ
وهريسة أحمد حسنين وفول وفلافل محمد أحمد ......... إلخ
علي أساس أنهما من المعالم الإسكندرانية
يا راجل دي عروس البحر الأبيض المتوسط يا ريتني كنت فيها
شمس2050 20-08-2010, 12:34 AM أولا شكرا لردك بس
لو ليك حد بتحبه يمكن تضحيله بكل ماعندك
وخصوصا لما يكونوا ابوك وأمك
ولا ايه ؟
المتابع2010 20-08-2010, 12:37 AM أولا شكرا لردك بس
لو ليك حد بتحبه يمكن تضحيله بكل ماعندك
وخصوصا لما يكونوا ابوك وأمك
ولا ايه ؟
لا تعليق
غلبتني
أنت تكسب
وخاصة لأن أهل أسوان معرفون بالطيبة الشديدة وبر الوالدين
وصديقنا الأسواني أبو الفضل كان مثال علي ذلك
شمس2050 20-08-2010, 12:44 AM الله يكرمك ودعواتك معانا وربنا يوفق الجميع
وليد غربية 20-08-2010, 01:08 AM للأسف لا يوجد نقل للمعلم المساعد خارج المحافظه
أن شاء الله تقدر تنقل بعد التثبيت
شمس2050 20-08-2010, 01:14 AM استاذ وليد غريبة شكرا لردك
ولو توصلت لاخبار جديدة راسلنى وجزاك الله خير
وليد غربية 20-08-2010, 01:22 AM استاذ وليد غريبة شكرا لردك
ولو توصلت لاخبار جديدة راسلنى وجزاك الله خير
أن شاء الله
أ/محمد على عاشور 20-08-2010, 01:43 AM تمام كلام الاستاذ وليد
لانقل للمعللم امساعد الان الا بعد التثبت ان شاء الله
محمد ابوصلاح 20-08-2010, 02:05 AM ممكن نقل بس لو فيه بدل
شمس2050 20-08-2010, 02:11 AM استاذ محمد أبو صلاح شكرا لردك
الحمد لله يوجد بديل بس مش نفس التخصص وهى مدرسة لغة عربية مش مدرسة رياضيات
فى معلومات تانى عندك ؟
وجزاك الله خيرا
mak2007 20-08-2010, 02:36 AM تحيا اسكندرية وأسوان
وليد غربية 20-08-2010, 02:55 AM ممكن نقل بس لو فيه بدل
يا استاذ محمد البدل داخل المحافظه وليس خارج المحافظه يعنى واحد شغال فى مدينه ووواحد فى مدينه أخرى بس فى نفس المحافظه يمكن النقل بينهم ببدل
وهذا للعلم
سعيد عسكر 20-08-2010, 06:18 AM لا يوجد نقل للمعلم المساعد الا بعد لتثبيت انا حاولت انقل من البحيره الى الجيزه ومعرفتش
mratwa7 20-08-2010, 10:44 AM فى الازهر فى ناس انتقلت من محافظه لمحافظه اخرى ...... متاكد تماما لانهم زملاء لى فى العمل منهم من انتقلت للعاشر من رمضان حيث عمل و اقامة الزوج و منهم من جاء منقولا من حلوان و غيرهم
Observer 20-08-2010, 01:06 PM الله يكرمك ودعواتك معانا وربنا يوفق الجميع
استاذ شمس حضرتك منين فى اسوان
حاسس اننا اتقابلنا قبل كدة مش عارف ليه !!
شمس2050 20-08-2010, 01:53 PM استاذ شمس حضرتك منين فى اسوان
حاسس اننا اتقابلنا قبل كدة مش عارف ليه !!
استاذ محمد فوزى اهلا وسهلا
انا من السباعية وتقريبا انت كمان من هناك صح ؟
Mr.AI 20-08-2010, 01:56 PM بعد التثبيت وعليك خير ( إن كان فى تثبيت )
Observer 20-08-2010, 04:34 PM استاذ محمد فوزى اهلا وسهلا
انا من السباعية وتقريبا انت كمان من هناك صح ؟
اهلا بيك استاذ شمس
انا من كوم امبو وشغال فى سلوا
وقابلت اخ زميل مدرس رياضيات وبيعمل دراسات عليا جامعة الاسكندرية
وبيسافر كتير اسكندرية بس مش فاكر شغله كان فين بالظبط
عموماً تشرفت كتير بحضرتك
بس والله اسكندرية احسن مليون مرة من اسوان فى كل حاجة
على فكرة كنت براقب امتحانات شهادة فى السباعية السنادى
احسن ناس السباعية بس اتقتلنا فى المواصلات :d
amirahmed 20-08-2010, 05:55 PM اعتقد ان ممكن النقل ولية لا ممكن حاول وجرب
شمس2050 20-08-2010, 07:08 PM بعد التثبيت وعليك خير ( إن كان فى تثبيت )
استاذ احمد :تفاءلوا بالخير تجدوه وان شاء الله فى تثبيت
وبعدين " انظر الى الجزء المملوء من الاناء فسترضى بحالك وتروى ظمأك"
شمس2050 20-08-2010, 07:10 PM اهلا بيك استاذ شمس
انا من كوم امبو وشغال فى سلوا
وقابلت اخ زميل مدرس رياضيات وبيعمل دراسات عليا جامعة الاسكندرية
وبيسافر كتير اسكندرية بس مش فاكر شغله كان فين بالظبط
عموماً تشرفت كتير بحضرتك
بس والله اسكندرية احسن مليون مرة من اسوان فى كل حاجة
على فكرة كنت براقب امتحانات شهادة فى السباعية السنادى
احسن ناس السباعية بس اتقتلنا فى المواصلات :d
الله يكرمك يا مستر محمد وناس كوم امبو ناس حبايبنا وأجدع ناس ربنا معاك ويوفقك
Miss Reem 20-08-2010, 08:54 PM خليك فى اسكندريه
يمكن دا سبب ربنا مسببه لك علشان تقعد وتقيم انت وااسرتك واجياللك القادمه فى هذه البلد
ويمكن مع الزمن تشكر الظرووف ال خلتك تقيم هناك مدام دراستك وشغللك هناك
واخيرا حسب علمى انه مفيش تنقل بين المحافظات
شمس2050 20-08-2010, 09:28 PM خليك فى اسكندريه
يمكن دا سبب ربنا مسببه لك علشان تقعد وتقيم انت وااسرتك واجياللك القادمه فى هذه البلد
ويمكن مع الزمن تشكر الظرووف ال خلتك تقيم هناك مدام دراستك وشغللك هناك
واخيرا حسب علمى انه مفيش تنقل بين المحافظات
انا بشكرك خالص Miss Reem وجعله الله فى ميزان حسناتك
ممدوح الخفاجى 21-08-2010, 01:36 AM الله معاك على الظالمين
ممدوح الخفاجى 21-08-2010, 01:41 AM الله معاك على الظالمين:mad:
:039uw8::022yb4::022yb4::giljotiiniug3::friendsxs3 ::mad::mad:
elfeky 21-08-2010, 02:05 AM سلام عليكم ورحمة الله وبركاتة
الاخوة الافاضل انا مدرس من الغربية واعمل في مرسي مطروح بالتحديد في مدينة الحمام ونفسي انقل الغربية بس طبعا مطروح ما بتسمح بالنقل ال بعد مرور 5 سنوات
ولكن بعض الناس افادوني انة يمكن النقل لان انا مدرس مساعد بمعني ان المدرس المساعد بدون درجة مالية ولا يوجد ما عوق النقل من مكان لاخر
ارجو من الخوة الافاضل الي عندة فكرة بالموضوع دة يفدنا او يعرف احد المسؤلين يوضح اكتر لنا جميعا
وشكرا
أستاذ/شفيق الأخضر 21-08-2010, 12:39 PM يوجد نقل للمعلم المساعد في الأزهر
بشرط ان يكون تاريخ عقد القران بعد تاريخ اول تعاقد
اما في التربية والتعليم فليس عندي فكرة
وبالتوفيق للجميع
خالد قاسم 21-08-2010, 02:20 PM بالتوفيق للجميع ان شاء الله
احمد منقوره 22-08-2010, 01:10 AM يا اخى لا يوجد نقل من محافظة لمحافظة انا كنت عايز انقل من محافظة المنيا للغربية ولكن لا يوجد نقل للمتعاقدين حتى الان فى التربية والتعليم اما الازهر فيوجد نقل عاددى
elmister 22-08-2010, 01:27 AM يستحيل الان
ايادممدوح 22-08-2010, 02:25 AM انت فينك ياعم شمس من زمان دا انا حفيت علي مدرس رياضيات في اسكندرية يبدل معايا لانهم رفضوا ينقلوني من اسوان لاسكندرية بالتعاقد غير لما يكون فيه بديل وان متعاقد من 2006
ايادممدوح 22-08-2010, 02:30 AM الحل يا شمس 2050 في وجود بديل يتنقل من اسوان للأسكندرية وانا البديل لاني عايز اعيش مع اهلي انا متعاقد رياضيات في اسوان من 2006
شمس2050 22-08-2010, 02:55 AM الحل يا شمس 2050 في وجود بديل يتنقل من اسوان للأسكندرية وانا البديل لاني عايز اعيش مع اهلي انا متعاقد رياضيات في اسوان من 2006
استاذ اياد كل سنة وانت طيب وفرصة سعيدة
انا معلم مساعد "رياضيات تعليم اساسى " ادارة شرق التعليمية
وانت ادارة ايه بالظبط يا استاز اياد
لانى عايز انقل بلدى السباعية اخر مدينة فى اسوان من الشمال
وبعدين انت دخلت الاكاديمية اكيد ؟
ابعتلى التفاصيل وانا اسأل وجزاك الله خيرا
أ/محمد على عاشور 22-08-2010, 04:04 AM الاخ شمس
لا نقل للمعلم المساعد من محافظة الى اخري بل ممكن داخل المحافظة فقط
monamode 22-08-2010, 06:17 AM حد يسيب اسكندريه ويروح اسوان ف الحر ده
ومش هتشتغل دروس ف اسوان زي اسكندريه خالص عشان تبقي عارف
بص احمد ربنا واعتبرها فرصه انك تعيش في مكان افضل وتكون اسره هناك وكده
الي اعرفه ان مينفعش العقود ينقلوا من بلد لبلد الا بعد الثتبيت لان انا كنت عاووزة انقل وسالت وقالولي كده برضو
tahataha40 22-08-2010, 09:03 PM محدش عاجبه حاله لابتوع اسوان ولا اسكندرية
ولا المتثبت ولا المتعاقد والف حمدوشكر ليك يارب على النعمة اللى احنا فيها
وصدقنى ياشمس فى نقل وتحويل عادى لان انا من اسوان وفى واحد زميلى من سوهاج ونقل عادى لسوهاج هسالهولك على الاجراءات باذن الله
شمس2050 22-08-2010, 09:25 PM محدش عاجبه حاله لابتوع اسوان ولا اسكندرية
ولا المتثبت ولا المتعاقد والف حمدوشكر ليك يارب على النعمة اللى احنا فيها
وصدقنى ياشمس فى نقل وتحويل عادى لان انا من اسوان وفى واحد زميلى من سوهاج ونقل عادى لسوهاج هسالهولك على الاجراءات باذن الله
الف شكر ليك يا مستر ويا ريت تبلغنى بالاجراءات الازمة والف شكر ليك بجد وجعله الله فى ميزان حسناتك
sharo2020 23-08-2010, 09:02 PM حتى الجواز الوزير بيتحكم فيه
يعنى اللى عاوزة تتجوز فى محافظة تانية ياتختار الوظيفة وماتتجوزش
ياتختار الجواز وبلاش تشتغل
انا بقالى اكتر من 5 سنين بشتغل وواخدة تعاقد مميز 2008 ونفسى انقل المحافظة اللى هاتجوز فيها مش عارفة
وكل شوية بأجل الفرح
قولولى اعمل ايه
وليد غربية 23-08-2010, 09:32 PM حتى الجواز الوزير بيتحكم فيه
يعنى اللى عاوزة تتجوز فى محافظة تانية ياتختار الوظيفة وماتتجوزش
ياتختار الجواز وبلاش تشتغل
انا بقالى اكتر من 5 سنين بشتغل وواخدة تعاقد مميز 2008 ونفسى انقل المحافظة اللى هاتجوز فيها مش عارفة
وكل شوية بأجل الفرح
قولولى اعمل ايه
أجلى الفرح كمان شويه ما باليد حيلة
mk9999 25-09-2010, 11:44 AM ان شاء الله فى نقل لان انا ليا زميلى نقلو بالفعل وفيه ناس كمان بتسعى للنقل وانا منهم بس الى انا اعرفه للمتزوجين يعنى لم شمل اسره
ميرو1988 25-09-2010, 02:34 PM ممكن النقل بشرط موافقة المحافظين
المحافظة اللى هتمشى منها واللى هتروحلها
هتلفلك لفة حلوة يعنى
وليد عبد العظيم بركات 27-09-2010, 08:42 PM لو أعطيت الأحمق خنجرا أصبحت قاتلا
وليد عبد العظيم بركات 27-09-2010, 08:45 PM الريش الجميل ليس كافيا ليصنع طائرا جميلا
|