مشاهدة النسخة كاملة : دخلتوها ليه لما انتو قرفانين منها ...... ارجو التثبيت بجد
طالبة ولكن 22-08-2010, 05:16 PM بسم الله الرحمن الرحيم
ايه يا جماعة انا حاسة ان احنا بنراضي نفسنا
لييييه
اللى مش عايز يدخل الكلية باقتناع
لا يشرفنا انه يكون واحد مننا
احسن له يدخل اي كلية تانية تعجبه
يعني مش معقول كل ما اقابل طبيب بطري يقولي
ع فكرة الكلية حلوة اه والله بتعالج حيوانات
وتكون رحيم بيهم وهما مش بيعرفوا يعبروا
....... الخ
فيه ايه
انت عايز تكون دكتور ببلاش
لازم تتعب
مش عارفة ايه لهجة المواساة اللى ماشية في الكلية دي
والله انا قرفت من الكلية من كتر ما الناس قرفانة منها
دخلتوها ليه
دي مش مكانكوا خلاص روحوا دوروا ع مكانكوا
بعيد عن الكلية دي
انا اللى عرفتوا عنها وانا لسة مدخلتهاش
انها كلية عايزة حد يكون حاببها مش بس مقتنع بيها
لا راغبها وعايز يتحدة نفسة علشان صعوبتها
انا اعتقد ان اللى دخل الكلية ومش مقتنع مينفعش نقعد نكلم فيه
لاننا مهما اتكلمنا معاه للصبح
لازم يكون الاقتناع من جوه مش برة
لانه مع اول صعوبة هتواجه في الكلية
هيقرف منها وممكن يسيبها زي ما كتيييير عملوا كده
kooo--kooo 22-08-2010, 11:32 PM والله انتى عندك حق بس ممكن حد يدخل الكلية بالمجموع بس و بعد كده يحبها مش لازم يكون حاببها من الاول انا فى بيطرى الزقازيق و كنت داخلة فى الاول خايفة من الكلام انها مش كويسة وصعبة ...الخ بس و الله بعد ما دخلتها حبتها جدا و انها مش تقل عن اى كلية تانية فى اى حاجة وبقى اى حد يتكلم بعرف ارد عليه بكل ثقه و مش بقى يهمنى اللى بيتكلم بطريقة مش كويسة لان انا واثقة فى نفسى وفى الكلية اللى انا دخلتها و يا ريت كل اللى يدخل كلية الطب البيطرى يحاول يحبها مش ياخد على كلام الناس و بس لانها بجد تستاهل تتحب و بالتوفيق للجميع
طالبة ولكن 27-08-2010, 05:27 PM شكرااااااااااااااااااااا ع الرد
Dr.Mario 28-08-2010, 08:10 PM انتي فعلا والله عندك حق شوفي انا زعلت جدااااا طبعا اعتقد زي الناس الباقيين اني دخلتها بس لقيتها بجد ممتعه جداااااا ومفيده اوي مش بس م الناحيه المهنيه يعني الحيوانات لا دي كمان فيها معلومات جامده جدي عن بشري وافتكر لو قدامي فرصه اني ادخل صيدله اللي كان نفسي فيها هختار صيدله بردووو
الحمد لله علي كل شئ وربنا عمره مش بيختار لحد حاجه وحشه
طالبة ولكن 29-08-2010, 02:40 AM عندك حق
شكراا ليكي ع الرد
طالب علم123 04-09-2010, 02:54 PM انا كان نفسي ادخل طب بيطري بس لما فكرت هشتغل ايه لقيت انه مفيش شغل في مصر وحتى لو في شغل بيكون مش بيأكل عيش فمش عارف لو حد عنده فكره عن موضوع الشغل والمرتبات يا ريت يديني فكره
طالبة ولكن 04-09-2010, 06:54 PM لا طبعا دي اكتر كلية ليها مجالات كتيييييرة للعمل وبالتخصص و بعيدا عنه
مجالات عمل الطبيب البيطرى ما تتعدش
على فكرة يا جماعة احنا الكلية الوحيدة اللى الطلبة بيتخرجوا وقدامهم كذا شغلانة وكلهم فى المجال برضه
اللى عنده وقت يعد معايا
يلا بينا نبدأ :
عيادة حيوانات صغيرة (
عيادة حيوانات كبيرة (
مزرعة خيول سباق ( حتعيش ملك زمانك)::
مزرعة دواجن( لازم تفهمها كويس)
مزرعة ارانب( مربحة ومريحة جدا)
مزرعة اسماك( يا سعدك لو كنت بتفهم فيها كويس):0:
مزرعة عجول تسمين وحلاب::
مزرعة اغنام ::
معمل تحاليل ( عيش فى الميكروبيولوجى)::
شركة ادوية بيطرية( ودى فى نفس مجالك) بس حتتعب 12 ساعة يوميا
شركة ادوية بشرية ( ودى برة المجال) حتتعب 8 ساعات يوميا
طبيب بيطرى فى المجزر ( وتعيش وسط الجزارين , افتكر بوحة
لو نسيت حاجة يا ريت حد يفكرنى.......
طالبة ولكن 04-09-2010, 07:03 PM ده كام اقتباس لمشاركة في احدى المنتدى السعودية
لكل طبيب بيطرى فى السعوديه
الرواتب في الحكومة موحدة وتبدأ من 6300 ريال أول سنة تعيين + راتب إضافي يصرف لمرة واحدة بأول سنة تعيين + راتبين يصرفان كل بداية عام عبارة عن مكافئة اطباء بيطريين
العلاوة السنوية 360 ريال
يعني ممكن الطبيب البيطري يروح السعودية
السلام عليكم
الحد المتوسط للعمل في السعودية
1500 الى 3500
للي خبرتهم عاديه ومتوسطه
لكن اللي خبرتهم كبيره تكون بالاتفاق لكن ماتتعدى حصب توقعي السبع الاف ريال
مع تامين طبي وبدل سكن يعادل راتب شهر الى شهرين في السنه
لكن غالبا بيكون حسب الاتفاق بين صاحب العمل والطبيب
وشكرا
DR/ AHMAD 04-09-2010, 07:12 PM موضوع جمييل ومفيييد
dr.taz 07-09-2010, 01:08 PM شوفى حضرتك حكايه القرف من الكليه والكلام الكتير الى انتى بتقوليه دا مش بينطبق على كل الى داخل بيطرى دى قله قليله جدا والناس دى بيبقى هدفها لما تخلص من الكليه تشتغل بعيد عن المجال بتاعنا مثل العمل فى شركات الادويه كمندوب وانا سامع انها شغلانه مرتاباتها عاليه وبيدوهم عربيات وكدا :006et4::006et4:
لكن مع احترامى للى بيختار المجال دا .الطبيب البيطرى مابيقعدش يدرس خمس سنين وعملى ونظرى ودراسه مرهقه جداجداجدا:(
وفى الاخر يروح يشتغل مندوب :stickjo4:
ومع احترامى لحضرتك كاتبه الموضوع .اللى لسا داخلين الكليه جديد بيبقو زعلانين (ودا حقهم )علشان مايعرفوش ايه هو الدكتور البيطرى ولا دوره اللى بيقوم بيه فى المجتمع وكل اللى بيفكر فيه انه قعد طوووووووول الثانويه العامه يزاكر ويسهر ويجيب فى كتب وملخصات .وربنا يوفقه فى الاخر ويجيب 95%
وتلاقى مكتب التنسيق الموقر يبعت له مبرررررررروك علييييك كليه الطب البيطرى .اول حاجه بتيجى فى دماغه :giljotiiniug3:.انا بقيت دكتور حمير :confused:
ويسلام لو كان ابن طنط دولت (اللى هو ابن الجيران )دخل طب بشرى .ليه حق فى كل اللى هيعمله واللى هيقوله على الكليه وممكن يتعقد ويحول اى كليه تانيه بعيد عننا ذى ما حضرتك اشارتى
بس انا عايز اقول لك حاجه ان كليه الطب البيطرى فى البلاد الاوربيه هى الكليه رقم واحد ييجى بعدها الحقوق وبعدهم بقى الطب البشرى .واعجبتنى مقوله قالها احد اكبر الاقتصادين فى العالم قال(يمكنك ان تقيس مقدار التقدم الاقتصادى فى اى بلد بمكانه الطبيب البيطرى فيها )
فيا اختى لا تحزنى انك فى بيطرى انها من كليات القمه
اسف جدا على الاطاله .................................................. ...
طالبة ولكن 08-09-2010, 04:37 AM فيا اختى لا تحزنى انك فى بيطرى انها من كليات القمه
.................................................. ...
كلام جميل ولكن ادهشتني العبارة الاخييييرة
صدمت
وهل انا حزينة مثلا ؟؟
ربما كنت كذلك و لكني لما شغلت دماغي
عقلت
والا ما كنتش ادخلها
ومش اقعد اقلل منها ومن احترامها
قدام نفسي اولا
ثانيا قدام الناس اللي بره
يقولوا علينا ايه
واذا كنا احنا اللى الدكاترة
اللي فيها بنقول عنها كده
شكرا للمرور
أباالحسن 26-02-2011, 06:40 PM أى طبيب بيطري عليه أن يعتز بعمله ويترك الجهلاء من المجتمع الذين لا يقدرون قيمة هذه المهنه
وعلية أن يتذكر قول الرسول الكريم ((في كل كبد رطبة أجر)) ،
وأن رجلا دخل الجنة لأنه سقى كلبا ،
وأن أمرأة دخلت النار فى هرة لاهى أطعمتها ولا هى تركتها تأكل من خشاش الأرض
يكفى أن المرشد العام للأخوان المسلمين طبيبا بيطريا
:078111rg3::078111rg3::078111rg3:
اسماء هاشم 03-03-2011, 06:16 PM انا اكره الاخوااااااااااان المسلمين الين يتسترون تحت مسمى الدين ومصلحة البلد ال
Hadeero 31-07-2011, 09:13 PM أى طبيب بيطري عليه أن يعتز بعمله ويترك الجهلاء من المجتمع الذين لا يقدرون قيمة هذه المهنه
وعلية أن يتذكر قول الرسول الكريم ((في كل كبد رطبة أجر)) ،
وأن رجلا دخل الجنة لأنه سقى كلبا ،
وأن أمرأة دخلت النار فى هرة لاهى أطعمتها ولا هى تركتها تأكل من خشاش الأرض
يكفى أن المرشد العام للأخوان المسلمين طبيبا بيطريا
:078111rg3::078111rg3::078111rg3:
انا عندما عرفت ان المرشد العام للاخوان طبيبا بيطريا و عالما فى علم الامراض تحمست كثيرا للكلية:022yb4:
جزاك الله خيرا
انا اكره الاخوااااااااااان المسلمين الين يتسترون تحت مسمى الدين ومصلحة البلد ال
طبعا ده مش وقت النقاش فى الموضوع ده
بس اكيد حضرتك واخده فكره غلط عن الاخوان للاسف
..........................
كل سنه وحضرتك طيبه
|