على مدى سنوات الطفولة و المراهقة يقطع الابن منزل اسرته رايح جاى وهو يستمع للنصائح والتوجيهات نفسها و التوبيخ نفسه بأساليب وجمل ثابتة لا تتغير .. حتى اصبحنا بمرور الوقت نحفظها جيداً ونتوقعها ..

واسترجاع هذه المقولات " التى لا تسمعها الا فى البيت المصرى " يبعث فى الوجدان قشعريرة ما مصحوبة بالكوميديا

، و يعمق محبة اهالينا فى القلوب ، ويجعلنا نكتشف كم الهستيريا و القلق والمسئولية التى تكبدها الاهالى فى سبيل ان تقف فخوراً برأى الناس فيك "شكله ابن ناس .. ومتربي"

اشهر 53 جملة بيقولها الاب و الام فى مصر ..

............ ......... ..

- مش عايزة اسمع صوت ..
وفى هذه الجملة تدريباً مبكراً على تقبل القمع و الديكتاتورية اللذين ستواجهمها طوال حياتك ..

- ماتردش عليا ..
وهى نصيحة اذا التزمت بها ستكسب مديرك فى العمل ..

- تقعد فى اول صف قدام السبورة ...
وهى جملة تعودك على ان تكون فى المقدمة دوماً ..

- لو مش فاهم حاجة ارفع ايدك وقول للاستاذ مش فاهم .. ماتتكسفش ..
فاكرين المدرسين زى اللى على ايامهم زمان ..

- ما تتأخرش بعد المدرسة وتقعد تصيع مع اصحابك ..
وهى نصيحة ستحقق لك قدراً من السعادة الزوجية فيما بعد اذا تعودت على ان تكون رجلاً من الشغل للبيت ..

- اللى بيشيل قربة مخرومة بتخر عليه لوحده ..

- ومالها الكتب بتاعة الوزارة ؟!

- بُص كويس وانت بتعدى الشارع ..

- مافيش مذاكرة على المزيكا .. او .. بتذاكر ازاى والبتاع ده شغال جنبك

- ماتمشيش حافى فى السقعة دى

- صليت العصر ؟!

- ربنا يهديك .. ربنا يهديك ، واحياناً .. انك لا تهدى من احببت

- اطفى التليفزيون وقوم ذاكر ..او .. اطفى التليفزيون وقوم خُش اوضتك

- اوعى تقول لحد هاتلى حاجة

- اقفل صدرك

- بلاش وقفة الشبابيك والبلكونات

- كُل على مهلك .. وامضغ كويس .. وماتكلش وانت واقف وكل من قدامك ماتحفش

- كفاية رغى فى التليفونات ..

- ماتقعدش قدام المروحة وانت مستحمى

- المسلسل مش هاينفعك ... قوم

- وانت فاكر احنا مستنين منك حاجة ؟!

- ماتعليش صوتك ..

- بلاش لعب فى الشارع

- يا ابنى اللى ذاكر ذاكر خلاص .. قوم نام

- بلاش لعب بالمقص .. بيجيب الفقر ..

- يابنى كلم خالتك العيانة اسأل عليها

- اوعى حد غريب يديلك حاجة تاكلها ولا تشربها وتاخدها منه

- النوم لحد الضهر بيجيب الفقر

- اوعى تكدب عليا تانى مرة

- لازم تاكل سلطة

- لو شفت خناقة مالكش دعوة بيها

- عيب .. لازم تحترم الاكبر منك

- كلمنا لما توصل

- مالكش دعوة بالسياسة

- بلاش اكل بره

- ماتلبسش القميص على اللحم زى العيال الصايعة

- يا ابنى انت مسطول ولا ايه ؟!

- انت فاكرنا نايمين على ودانا ؟!

- وطى المدعوق ده شويه

- قوم اقرالك كلمتين ينفعوك

- ايه اللامبالاه و الاستهتار اللى انت عايش فيهم دول

- انت فاكرنا لاقيين الفلوس دى فى الشارع

- والله مانت فالح .. وآدى دقنى اهه ..

- ماتتكلمش بصوت عالى فى الحمام

- ما تنامش غير لما تغسل سنانك

- ماتلزقش فى التليفزيون كده .. نظرك هيضيع

- ضرب امثلة تشجع على الكفاح واشهرها " احد الاقارب اللى كان بيذاكر على لمبة جاز او على نور العامود فى الشارع ونجح وخد الدكتوراه وسافر امريكا "

- سّلم على عمك كويس يا ولد

- يابنى ماحدش بينفع حد

- ما تطلعش ايدك من شباك العربيه

- قصة الغريق الكاذب اللى كل مرة يقول الحقونى .. لحد ما غرق بجد

- التهديدات المخيفة شكلاً والكارتونية مضموناً .. مثل :
هاقطم رقبتك او هاقطع ايدك او هاقطعلك لسانك .. او هادبحك دبح

- ربنا يرزقك بعيل يوريك اللى ورتهونى ..

- ما تطلعش على الملايه النضيفه و رجليك متوسخه كده

- حول القناه دى بلاش قلة ادب ومسخرة

- نسيت تشرب ؟ نسيت تاكل ؟ نسيت تقول هاتوا المصروف؟ نسيت تعكنن عليا ؟

- طلع ايدك من جيبك وانت بتكلمنى ..

- يالا يا ابو كحكه حمرا .. انت فاكر نفسك هتاكل معانا؟

- عايز ابص الاقيك قدامى فوراً ..

- ماتتشقاش فى الفسحة وكُل سندوتشاتك كلها

- ادى اللى انت فالح فيه
هههههههههههههههههههه

هههههههههههههههههههههههههههههههههههههههههههههههههه هههههههههههههههههههههههههههههه

ميرسى على الرد

ههههههههههههه موضوع لذيذ يا راجية هههههههههههههه كلها حاجات موجودة فعلا هههههههههههههههه شكرا ليكى

ميرسى على ردك يا سؤئة:bosyht9:

هههههههههههههههههههههه دي اكتر حاجات ماما بتقولهالي والله حتى بعد ما دخلت الجامعة

- تقعد فى اول صف قدام السبورة ...
وهى جملة تعودك على ان تكون فى المقدمة دوماً ..

وطول عمري بقعد في اخر صف عندا فيها والله واديني دخلت طب الحمد لله

- لو مش فاهم حاجة ارفع ايدك وقول للاستاذ مش فاهم .. ماتتكسفش ..
فاكرين المدرسين زى اللى على ايامهم زمان ..

بتحسسني اني رايح المدرسة عشان اتكسف منا فعلا رايح عشان اسأل الاستاذ

- صليت العصر ؟!

هههههههههههههههههههه والله العظيم هتجنن طيب اشمعنا العصر ؟؟؟؟؟!!-


- لازم تاكل سلطة


ياما اتقالتلي


- مالكش دعوة بالسياسة

كتيييييييييييرر اصل الاخوان في بلدنا كتار أوي وليهم نشاط جامد

- بلاش اكل بره

وانا اساسا رمرام بموت في اكل الشارع والعربيات

- ضرب امثلة تشجع على الكفاح واشهرها " احد الاقارب اللى كان بيذاكر على لمبة جاز او على نور العامود فى الشارع ونجح وخد الدكتوراه وسافر امريكا "


زهقت من الحكاية دي


- ماتتشقاش فى الفسحة وكُل سندوتشاتك كلها

[
والله اتخنقت من الكلمة دي وكنت ساعات برمي الساندوتشات عند بس كان في ابتدائي الكلام دة

ميرسى يا وجدان على الرد
انا ماما بقى محسسانى انى مارلين مونرو
بتخاف عليا لما انزل لحسن اتخطف و كل موصل مشوار لازم اديهامزد
امال لما اروح الجامعة هتعمل ايه؟ هههه

ميرسى يا وجدان على الرد
انا ماما بقى محسسانى انى مارلين مونرو
بتخاف عليا لما انزل لحسن اتخطف و كل موصل مشوار لازم اديهامزد
امال لما اروح الجامعة هتعمل ايه؟ هههه


ربنا يخليهالك كدة احسن

في غيرك مش لاقي اهتمام خالص من بيته


وكمان انتي احسن من مارلين مونرو

انتي مسلمة هي لأ

هههههههههههههه
موضوع رائع و فعلاً حاجات كتير منها بتتقال في البيت
و بالذات اطفي المدعوق ده
تقبلي مروري

حكايه ضرب امثله المذاكره على لمبه الجاز دى اكتر حاجه بجد
احيانا كنت بقول اللمبه ليه متتكسرش وكانت تولع فالاوضه وارتاح
هههههههههههههههههههههههههههههههههههههههههههههه
بس موضوع جميل

ميرسى يا جماعة على الردود

ههههههههههههه
الكلام ده كله فعلا بيتقال
تسلم ايدك

عارفين انا وصحابى كنا بنتكلم فى الموضوع ده من فترة والغريب انها نفس المصطلحات عند الكل زى ما يكون هو دا درس التأهيل علشان يكونو امهات مش حاجة غريبة ويا ترى احنا كمان هنعمل فى ولادنا كدة برده
شكرا على الموضوع الجميل:039uw8:

ميرسى يا جماعة على الردود

هههههههههه
ياااااااااااااااه معظم الكلام دا ماما بتقوله
معنى كده ان احنا مش لوحدنا كده
ده كل البيوت المصرية زينا
بس بصراحة هو كلام جمييييييييييل
انا بتوقع الكلام ده من قبل ما ماما تقوله
وبقوله فى سرى معاها ههههههههههه لدرجة
انى حفظته وكمان كتبته فى كشكول الصمت الحزين
بس عارفين الكلام ده لما نفتكروا واحنا كبار
هنفضل نضحك عليه
هههههههههههه

ناااااااااايس

ميرسى على الردود