المساعد الشخصي الرقمي

مشاهدة النسخة كاملة : المسلســــل الكوميـــدى (( يوميــــات دحــــرور )) .... الحلقــــة الثالثـــــة !!!!

Mohamed.Helmy
23-08-2010, 08:25 AM
السلام عليكم ....

:bosyht9::bosyht9:



الحلقة الثالثــــة ...


*******************************

(( طبعا دحرور راح المستشفى وعربية الشرطة وراهم .. وكمان الدحرور الكبير ..قصدى والد دحرور عرف اللى حصل وراح هو و أم دحرور جرى على المستشفى ...... )) !!

** فى المستشفى **
الدكتور : ماتقلقوش يا جماعة .. ان شاء الله دى شوية خدوش بسيطة كده و سليمة ان شاء الله ...
نعمات : (( بعد ما القلق راح منها )) : الحمد لله ... (( وبصت لدحرور )) .. وانت يا منيـّل مش تبطل لماضة مع الناس ؟؟ !!
دحرور : يا ماما حرام عليكى والله .. هو ده وقت زعيق ؟؟ ... ابنك بيموت ..
الدكتور : ههههههه ... لا يا دحرور ماتقلقش .. سليمة ان شاء الله ... وهاتخرج بعد شوية بس لما الظابط يدخل يحقق معاك ويشوف اللى حصل ..
دحرور : حلاوتك يا دكتور ... هى كمان فيها ظابط .؟؟؟!!!
ممدوح : جبــــت العيش ياد ؟؟
دحرور : (( يزعق )) اااااااااااااااه ... حرام عليكو بجد ... يا دكتور أدينى حقنة و لا أى حاجة تريحنى م الدنيا دى ..
ممدوح : أنا بهزر معاك يا واد ... ألف سلامة عليك يا حبيبى ..
دحرور : يا سلام يا بابا ؟؟ ... هو انا لازم أتعب يعنى علشان تحبونى وتكلمونى براحة ؟؟
ممدوح : لا يا واد ما تقولش كده .. هو أحنا عندنا كام دحرور يعنى ؟؟ ...
أيـــــــدك بقى على الــ 2 جنيه بتـــوع العيــــــــش .. !!
دحرور : ياااااااااااااااااااارب ... والله ده أنا لو أيديال زانوسى مش هاستحمل كده بجد ...

** يدخل الظابط **

الظابط : أيه بقى اللى حصل معاك يابنى ؟
دحرور : مفيش يا باشا .. انا لقول للراجل ممكن مكانك و لقيت الناس كلها نازلة عليّا ضرب ..
الظابط : مممممم .. طيب انت هتعمل محضر ضد الراجل اللى ضربك ده ؟؟؟؟
ممدوح : خلاص يا باشا .. ربنا ما يجيب محاضرين .. و أحنا متنازلين مدام الواد سليم ..
الظابط : أسكت انت يا حاج .. أنا بكلم الولد !!!
دحرور : خلاص يا باشا حصل خير ... ورمضان كريم ..
ممدوح : بــــاشا ؟؟؟ متعرفش حد يشترى الواد ده ؟؟ ... أصله لمض وغلباوى أوى .. ومغلبنا فى البيت ؟؟
الظابط : لا قولى كمان أنك هاتبيعه بالشاحن بتاعه وكارت الميمورى !! ..... انت هاتهرج معايا يا راجل أنت ؟؟
نعمات : لا يا باشا أحنا آسفين جدا ... أحنا مانقصدش نزعل حضرتك ..
· خرج الظابط وهما طلعوا برة المستشفى *
نعمات : أمشى يا منيّل أنت كل يوم تاخدلك علقة بلماضتك دى ؟؟ ..
ممدوح : ده عيل موكوس ...و خايب .. مانا قولتله ميت مرة يبطل لسانه ده اللى زى العقربة ..
(( هههههههه.. على أساس أن اهل دحرور دول كلامهم كويس ومش مستفز خالص ))
دحرور : أنا تعبت من كتر الكلام بصراحة ... أنا برضه اللى لسانى زى العقربة و لمضى ؟؟
نعمات : تقصد مين يا واد ؟؟
دحرور : لا أبدا مفيش حاجة ... (( أرحمنى يا رب ))
ممدوح : يلا ياد أجرى و قفلنا توكتوك ليّا أنا و أمك ...
دحرور : يا جماعة حرام عليكم ... ده انا اللى طالع م المستشفى .. ده انتوا المفروض تشيلونى لغاية البيت ..
ممدوح : لسه هايشتم الواد ويرجعه المستشفى تانى ... بس مسك أعصابه وقال (( اللهم انى صائم ))
نعمات : يا واد يا دحرور بطل اللماضة اللى فيك دى .... خلى الناس تحبك ...
دحرور : طيب مانا الناس بتحبنى يا ماما ... وبتقول أنى دمى خفيف زى محمد هنيدى ..
ممدوح : يا واد بطل رغى .. عاوزين نروح بقى ...

** (( عموما .. دحرور و ممدوح ونعمات ركبوا التوكتوك وزنقوا دحرور ياعينى .. وروحوا ... وراح ممدوح يجيب العيش ... ))

دخل دحرور البيت ولسه هينام ..

موبايل دحرور : (( حبيبى عمل الواجب ولا اتنسى ؟؟ ... ماما بكرة الجمعة مفيش مدرسة !! ))

دحرور : (( بهزار مع صاحبه )) ألوووو .. صباح الخير يا حاج أبو حنان ؟؟ ...
سلطان : هو ده وقت هزار يا دحرور ؟؟ ... ألحق في مصيبة حصلت ... !!!!!!!!!!
دحرور : (( بقلق شديد )) ... ايه اللى حصــــــــــــــل ؟؟؟؟؟؟؟؟؟؟؟؟؟؟؟؟؟



طبعا الحلقة التالتة خلصت ...

هانشوف ايه بقى اللى حصل مع دحرور ... وايه سر مكالمة سلطان صاحبه فى الحلقة الرابعة ...

أنتظرونا .... :av4056bb7jp3::av4056bb7jp3:
دى برولى
23-08-2010, 09:45 AM
ههههههههههههههههههههههه


مستنيين ان شاء الله
وحلقة جميلة اووووووى ىىىىىىىىى
والله يكون فى عون دحرور
Mohamed.Helmy
23-08-2010, 09:49 AM
ههههههههههههههه... شكرا يا دى برولى على مرورك ... الواد ده متمرمت أوى بس أكيد القصة فيها أستفادة فى الاخر للشباب اللى زى دحرور ده ..
Mąlκђ
23-08-2010, 01:00 PM
الحلقة جميلة محمد
ان شاء الله الحلقات الجاية احلى..
Dr/ master2011
23-08-2010, 01:45 PM
ههههههههههههههههههههههههههههههههههههه
الحلقة جامدة جدا جدا
فى انتظار الحلقة الرابعة
usernamo
23-08-2010, 02:00 PM
قصة جامدة جداً ^^ ... يلا بقى هات الحلقة الرابعة و الله لو اتاخرت بعد ما عشمتنا بالحلقات كده .. ها ... مش هعمل حاجةبس و النبى هات الحلقة الرابعه
وجدان حنفي
23-08-2010, 02:20 PM
حبيبي يابو نسمة

استمررررررررررررر استمرررررررررررررررررر


جاااامد التشويق بتاع كل حلقة دة والحلقات نفسها حلوة
Doctor S.E
23-08-2010, 02:56 PM
جااامده اوي الحلقات
منتظرين الباقي ...
تقبل مروري
shahd_good2000
23-08-2010, 04:05 PM
عايز أتوقف أنا كمان هههههههههههه
القصة الجميلة دى مكاتها ليس القسم العام
صح ولاغلط؟!!!!!
yara attia
23-08-2010, 04:06 PM
دحرور : يا جماعة حرام عليكم ... ده انا اللى طالع م المستشفى .. ده انتوا المفروض تشيلونى لغاية البيت ..



ههههههههههههههههههههههههههههههه

ديه تحفة اووووووووي

والحلقة كلها علي بعضها والله جامدة بجد اخر حاجة
وفي انتظار الحلقة الرابعة
alaa eldein
23-08-2010, 04:22 PM
حلقه جميله اوى وفى انتظار الحلقه الرابعه
love ur life
23-08-2010, 05:54 PM
منتظرين
الرابعه
العمل سبب الامل
23-08-2010, 08:00 PM
عسسسسسسل اوى دحرور
تسلم ايدك
cool girle
23-08-2010, 08:05 PM
بجد تحفه ياحلمى




تسلم ايديك ياباشا


فى انتظار الحلقه الرابعه
سؤئة الطيوبة
23-08-2010, 08:29 PM
هههههههههههههههههه .....دحرور دة عيل تحفففففففففففففة .............شكرا ليك يا محمد ........كل حلقة بتبقى احسن من اللى سبقتها ..........شكرا ليك..................
Mohamed.Helmy
24-08-2010, 03:41 AM
بجد يا جماعة ميرسى أوى .. وانتظروا الرابعة ان شاء الله
Mohamed.Helmy
24-08-2010, 07:32 AM
.........................................
the golden flower
24-08-2010, 08:27 AM
تحفة والله
كل حلقة اجمل م اللى قبلها
منتظرين الباقى
Mohamed.Helmy
24-08-2010, 09:57 AM
ميرسى جدا لمرورك .............. نورتى الموضوع
Mohamed.Helmy
24-08-2010, 12:10 PM
...........................
εїз فيونكة فوشية εїз
24-08-2010, 12:22 PM
ههههههههههههه

نايس قثه


مستنيه الباقي
samar saad
24-08-2010, 12:27 PM
ههههههههههههههه جميلة اووووووووووووووى يا محمد لا وعجبانى اوووووووووى رنة الموبايل ومنتظره اعرف بجد ايه المصيبة ماتتاخرش علينا يا عم وبجد روعه بحييك
عاشق الكوره
24-08-2010, 02:06 PM
ياريت يا حلمى تحطلنا روابط الحلقتين اللى فاتو
fatakat400
24-08-2010, 02:29 PM
هههههههههههههههههههههههههههههههههههههههههههههههههه ه
خطيره مستنيين الجزء الرابع
7ooooda gamal
24-08-2010, 04:10 PM
صباح الخير يا حاج ابو حنان
حنان موجوده
هههههههههههههههههههههههههههه
هههههههههههههههههههههههههههههه
شكرا يا ثحبى للحلقه الرائعه دى
وف انتظار باقى الحلقات
؟؟؟؟؟
Mohamed.Helmy
25-08-2010, 03:20 AM
بجد ميرسى ليكو و ان شاء الله ه حطلكم روابط الحلقتين اللى فاتو .....
الأميـرمحمد
25-08-2010, 04:12 AM
السلام عليكم ..

100 - 100 يا حماده
حلقات جميلة ماشاء الله
..
.
واكيد سلطان جايب لدحرور مصيبة تانية
ع العلوم
منتظرين الحلقة الرابعة
روووووز
25-08-2010, 04:35 AM
حلقة خطيرة وطبعا واضح ان الناس بتخاف وتحترم الحكومة حتى الحاج ممدوح هههههههههههه

واحنا فى انتظار الحلقة الجاية
Mohamed.Helmy
25-08-2010, 05:42 AM
هههههههههههههههههههه.. شكرا يا روووووز ...


شكرا يا محمد رمضان .... وان شاء الله الحلقة الرابعة قريب جدا ......
زمن ميشو
01-09-2010, 03:43 PM
قصة جمييييييله
Mohamed.Helmy
02-09-2010, 08:44 AM
سبحان مغيّر الاحوال ....


ميرسى يا زمن ميشو على مرورك ..