مشاهدة النسخة كاملة : نصيحه لطلاب الثانويه العامه
بنداه 23-08-2010, 08:08 PM نصيحه لوجه الله
علم النفس والفلسفه إنضربوا هذا العام
خاصة لطلاب علمى ( خد اقتصاد واحصاء ) لأنها توفر لك وقت كبير لمذاكرة الفيزياء والرياضه أو الأحياء ) لأن دراستها فى ترم واحد فقط
أما طلاب أدبى فهذه الماده إجبارى على كل الكليات وإسألوا إللى أخذوا علم النفس أو الفلسفه عن الندم فى إختيار هذه المواد بعد دخولهم الكليه
على فكره أعلى درجه فى علم النفس فى مدرستى هى 47 من الصف الثانى
mustafa.sharf 25-08-2010, 04:33 AM لا يا عم مين قالك كدا انا جايب 49.5 فى علم النفس ومظلوم والهى
خش علم نفس واتكل على الله مكنتش بذاكره الا ساعه فى الاسبوع والهى
طالبة حالمة 25-08-2010, 04:43 AM انا اخترت اقتصاد واحصاء بس كله نصحنى بعلم نفس ييقولوا وقت المذاكرة قليل والدرجة مضمونة وان شاء الله ناوية احول
شهد204 25-08-2010, 04:45 AM انا طالبة ادبى وكنت محتارة بين الفلسفة و الاقتصادوالاحصاء يارب كلامك يكون صح
عاشقه الدراسه 25-08-2010, 03:12 PM نصيحه لوجه الله
علم النفس والفلسفه إنضربوا هذا العام
مش فاهمه قصدك من ( انضربوا هذا العام )
انا طالبه علمى علوم ولسه محتاره بين المادتين وفعلا بدات مذاكره علم النفس والاقتصاد
والمادتين فهمهم سهل جدااا
Qwer Qwer 26-08-2010, 10:35 PM ههههههههههههههههههههههههههههههه
مس رانيا حسن 27-08-2010, 02:42 PM يا جماعه
مفيس اسهل من علم النفس والفلسفه
واللى بيدخل يكتب كلام يسبب قلق للطلاب
سيعرض نفسه للوقف
خاصة لو كان كلامه غير صحيح
abdelRhman772007 28-08-2010, 02:14 PM فعلاً علم النفس و الفلسة سهلين جدًا و كذلك الإحصاء
و هى مجرد ميول للناس
و مشوفتش حد قال علم النفس أو الفلسفة صعبة
بس فيه تحفظات لأن ناس كتر بيقولوا نقصوا درجات بدون سبب
و سعات ناس يحلوا زى بعض و يجيبوا درجات مختلفة
بس طبعًا ده حالات فردية
إنما الهدف فى القسم
الناس اللى جربوها زيى بيحاولوا يدافعوا عنها من الإشاعات برده
و بنحاول نوضح إن الإحصاء هى الأسهل للى بيحب رياضة و ميعرفش يحفظ
و أظن نادر جدًا لو حد اتكلم عن الإحصاء فى قسم علم النفس
على عكس كمية الاستفسارات الكبيرة نسبيًا للقسم غير النشيط - الإحصاء -
و ده يدل إن احنا موقف دفاع بحت
و غير ذلك حالات فردية
و رمضان كريم يا أستاذتنا
و جزاكى الله خيرًا
و بنكرر التلات مواد أسهل من بعض مجرد ميول
omargomaa 29-08-2010, 01:56 AM لا الاحصاء دي ماده لذيذه جدا جدا ومفيش فيها اي مشكله
مدرسين علم النفس هما اللي عملو كده وقالو ان الاحصاء صعبه علشان يشتغلو دروس
BaNZeR 30-08-2010, 06:12 AM انا عن نفسي خدت الاقتصاد والاحصاء عشان حابب مجال الاحصا مش الاقتصاد
والاقتصاد مليان على فكرة ... مش بقارنه بعلم النفس عشان مشفتوش
بس الاحصاء على الرغم من سهولتها على الرغم من كثرة تريكاتها (مقالبها يعني)
فطبيعي حتيجي عند ميول البعض والبعض مش بيحب اي حاجة تجاه رياضة او الحسابات
فبالتالي علم النفس افضلهم بكتير
العملية ميولات مش اكتر
fasel.sha7n 26-10-2010, 10:53 PM انا كنت اقتصاد واحصا بس بفضل علم النفس لان الغلطة فى الحسابات فى الاحصا ممكن تبوظلك المسالة كلها وتاخد الزيرو المتين لكن علم النفس مش فية حسابات ولا وجع دماغ خدى علم نفس وريحى الجمجمة انا اضربت فى الاقتصاد والاحصاء بسبب غلطة فى حسابات
alexboy262 27-10-2010, 11:49 PM هههههههههههههااااااااااااااى انا توهت يا جدعان و بعدين بقى اسمع كلام مين دلوقتى اللى بيقول علم النفس و لا اللى بيشجع الاحصاء حاجه تحير بصراحه
bebo_93 28-10-2010, 08:07 PM هههههههههههههااااااااااااااى انا توهت يا جدعان و بعدين بقى اسمع كلام مين دلوقتى اللى بيقول علم النفس و لا اللى بيشجع الاحصاء حاجه تحير بصراحه
اختار اللى انت شايف نفسك فيه كويس
انا فى تالته السنه دى واخدت اقتصاد واحصاء لانى بحب الماده دى
مافيش حاجه صعبه الماده اللى بتحبها هتلاقيها سهله جدا
اختار اللى تناسبك وان شاء الله تجيب 50
محمود إبراهي 17-11-2010, 08:09 PM الإقتصاد والإحصاء مادة سهلة جداً وموفرة للوقت جداً خصوصاً لطلاب العلمى لمذاكرة الفيزياء والأحياء إنما الفلسفة خاصة تأخذ وقت كبير جداً فى المذاكرة وتحتاج حفظ كتير واللى كله بيتنسى قرب الإمتحان للإهتمام الزائد بالفيزياء ونصحتى الإقتصاد والإحصاء مادة المتفوقين فعلاً وعلى فكرة كلامى دهعن س}الى لناس كتير قبلى ومش معقولة أنا هجازف بمجموعى وأنا جايب 201
ahmedelsandoly 19-11-2010, 05:40 PM لا ياعم من قالك كدا انا جايب 50 فى علم النفس
دموع الورد 02-12-2010, 07:54 PM انا اقتصاد واحصا والمادتين سهلييين جدا وفعلا مش بياخدوا وقت ف المذاكرة ابدااااا اما علم النفس فالطلاب بيشتكوا من علم الاجتماع واصحابي متضايقين منه جدااا وبحس انه بياخد وقت ف المذاكرة عندهم كتير وبالنسبة لطلاب احياء زيي بتهيالي احنا عندنا حفظ بما فيه الكفااااية !!
هبة الله هوبة 20-12-2010, 09:10 PM علم نفس اسهل والهى ومزاكرته اقل
الشبح الصغير 19-02-2011, 03:30 AM اقتصاد واحصاء ولا جغرفيه
|