انا مستغربة جدا من اعضاء هذا المنتدى مع كامل احترامى ليهم ليه لما بنكتب موضوع دينى وفيه اقوال العلماء بيحرم حاجات من اللى الاعضاء بتعملها تقابل بالسب والشتم وتتهم بالتعصب ليه ماعنى لو كتبت الموضوع نفسه فى منتدى تااانى يقابل بالترحيب ليه؟؟؟
ليه بتحس ان فيه اعضاء عاملين جروب مع بعض يعنى لو اختلفت مع واحد منهم تلاقى الجروب كله مختلف معاك وبيعارضك من غير ما يعرف الحكاية ؟؟؟
ليه كل المواضيع فى القسم ده للتسلية بمعنى اصح المواضيع الدينية مالهاش مكان بالذات فى المنتدى العام وردودها اقل؟؟؟
ممكن حد يجاوبنى؟

السلام عليكم ورحمة الله وبركاته


أظن أني المقصود من هذا الموضوع


وبعد . . . أضع نفسي مكان المحامي حتى أبرئ نفسي

فما احب ان اكون متهما



شوفي يا ست الناس


من ناحية انتي متشددة فانتي فعلا متشددة


وبنبقى بنتكلم في شرق نلاقيكي بتردي غرب


يعني مثلا مرة كنا بنتكلم عن الاختلاط ومضاره وضوابطه وحدوده


وجدتكي تتكلمين في الخلوة

وحرمانية الخلوة ولا اعلم من قال لك انهما سيااان



ما علينا


الادهى انك لما بتوجهي النصج لحد (ودي حاجة تحسب ليكي طبعا) ألاقيكي كأنك بتتخانقي فيه


او طريقة النصح بتحسسني فعلا اني كافر وحضرتك بس اللي مسلمة وتوجهي نقد لاذع ممكن يجيب نتيجة عكسية بدلا من ان يؤتي ثماره




واخيرا بقول تأني وانتي بتكتبي الرد عشان محدش يزعل وفعلا ما هكذا الدين يكووون


الدين يسر


وانا لا أدعو ان نتساهل في اموره حتى لا افهم خطأ ولا ادعو ان نترك حكما من احكامه


ولكن ادعوكي للايغال في الدين برفق فلن يشااااد الدين احد الا غلبه الدين



والله الموفق


اخوك وجدان حنفي سيف

اولا لست انت المقصود بعينه والله الموضوع ده لاعضاء كتير ثانيا انا فعلا ببقى شديدة وانا بوجه النصح لكن ده من غيرتى ع الدين وفعلا هحاول اغير كده لكن المواضيع اللى فى القسم محتاجة ضوابط

انت يا سياتى الضياء من اكتر الاعضاء المحترمه هنا
ولكى اراء انا بحترمها
وفيه اراء بتبقى متشدده فيها اوى
بيبقى جواكى حاجه وبتوصليها لنا بطريقه غلط
يعنى بيبقى جواكى خير وعوزه تنصحينا
بس بتوصليهالنا بطريقه صدقينى متعصبه جدا
بس انت اختنا وكلنا هنا بنعزك

شوفي يا اخت سياتي الضياء


انا معاكي جدا ان القسم فيه حاجات كتييييييييييييييير غلط


ويمكن انا مشارك في كتييير منها


بس بالله عليكي ينفع مثلا واحد مش بيصلي وقاعد على قهوة


اجيبه واضربه واخده المسجد بالعافيه

ولا ابينله ان الصلاة فرض واعرفه ان اللي بيعمله دة حرام واعرفه هيستفيد ايه من الصلاة



ربنا بيقول (ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ)


اتمنى كلامي ميضايقش حضرتك


وسلامي للجميع

خلاص يا جماعة انا مستعدة اغير طريقة نصحى بس انتو كمان تغيروا نوع المواضيع ويبقى فيه ضوابط والنقد ليا يبقى بادب وانا بشكركم لان مشاركاتكم دى بادب واحترم وانا اقبل ذلك النقد

ليه كل المواضيع فى القسم ده للتسلية بمعنى اصح المواضيع الدينية مالهاش مكان بالذات فى المنتدى العام وردودها اقل؟؟؟
لان دا مش القسم الديني
فيه قسم مخصص لكداا ..
بس التسلية دا
اقرب يتحط لها حدود
.........
مع احترامي الشديد لك
انت عايزة محدش يناقشك في كلامك
عايزة الناس تقول آمين وخلاص
انا مش قريت الا شوية ردود لك
حسيت بحاجة غريبة
زي ما تقولي كدا
اللي مش عاجبه مش يرد...
أظن انك ممكن تكوني عايزة توصلي معلومة
وتكون كويسة ومحترمة وزي الفل
بس الاسلوب دا
لو هينفع مع شخص
مش هينفع مع التاني
سلالالام

يا جماعة والله انا مش متشددة خااالص وفعلا الدين يسر لكن انا عاوزة الموضوعات تبقى دينية او علمية او ترفيهية بس بحدود احنا يا جماعة اللى هنبنى امتنا واحنا الامل ما ينفعش نعلق فى حاجات هايفة ونسيب قضايا اهم زى قضية الاقصى وكدة ونفرح اليهود فينا

خلاص يا جماعة انا مستعدة اغير طريقة نصحى بس انتو كمان تغيروا نوع المواضيع ويبقى فيه ضوابط والنقد ليا يبقى بادب وانا بشكركم لان مشاركاتكم دى بادب واحترم وانا اقبل ذلك النقد



أرجو ماكونش انا المقصود من موضوع النقد بأدب دي


ومع ذلك انا هعتبرني انا المقصود وطبعا اعدك بأسلوب أفضل


بس طالما حضرتك طالبة تغير يبقى اتبعي هذه الجملة(بنفسك فابدأ )


تعالي حضرتك القسم وشاركي بموضوعات فيه


مش تكتفي بتوجيه اللوم لفلان والعتاب لعلان والقسوة على ثالث



يعني هو حد قال لحضرتك انك لو كتبتي موضوع ديني هنمسحه؟؟؟؟



هو مين فينا اصلا يقدر يمسح حاجة ؟؟؟؟؟

والله الموفق

انا معاك يا سياتى بس بصى
لكل حاجه مكان خاص
واللى بيخش القسم العام مثلا يبقى للترفيه
وانا معاك ان احنا المفروض نهتم اكتر بالمواضيع الدينيه
بس فيه ناس زى مابيشاركوا هنا بيشاركوا هنا

لا والله فعلا نقدكم بادب مش بتريق وانا بقبل النقد ده لكن ف مرة نقدت موضوع والله واحد شتمنى شتيمة يعنى كل الناس اللى كانوا معاه قالوله ما ينفعش كده ببيقول كلاب وحاجات تانية كدة من ساعتها وانا بنصح بشدة من كتر ضيقتى

ياحبيبتي اللي بيشتم بيشتم بنفسه ....
وهو قبل ما يهينك هان نفسه
ع فكرة فيه مواضيع كثير في القسم مفيدة
بس بتختفي لان مواضيع التسلية
منتشرة
دوري هتلاقي
سلالام ياقمر

أختى العزيزه

حينما يريد أى منا أن يعبر عما يدور بداخله
فيكتب موضوع سواء كان فى الدين أو فى الحب أو فى الكره أو فى العذاب
أياً كان
فيكتب ويكتب

أختى

ف لله الحمد كلنا مسلمون
ولله الحمد نعلم أسس ومبادىء ديننا الحنيف
ونشكرك جداً على الحث
ولكن أسلوب التعصب الدينى لا يأخذ جدوى
بمعنى أن أغلبية الأعضاء فى هذاالمنتدى
وهم فى سن المراهقه ... فى مقتبل العمر ....
فلابد من أن نتحدث إليهم بأسلوب بسيط كى يتفهموا وجهات النظر المختلفه


أختى

هل معنى أن أكثر كلماتى وأشعارى عن الحب والفراق والغدر
بمعنى أنى لا أفكر فى دينى
لا والله فالحمد الله الذى من علينا بنعمة الإسلام




أما بالنسبة للجروبات
وكلامك عنها
فكلامك أكيد
ودى مشكله كبيرة
وكلنا بنواجهها مش حضرتك لوحدك




تقبلى مرورى ،،،،
والله كلام من القلب
ياريت محدش يزعل
;)

انا كنت موجوده هوه فعلا كان غلطان الجزء الاكبر
بس انت برضه ياسياتى نقضتيهم بطرقه مش كويسه الاول

انتي كدة بتثبتي الخطأ على نفسك يا سياتي الضياء


يعني هو عشان واحد خارج على القانون والعرف واداب الحديث


غلط في حضرتك يبقى تعممي الحكم اللي اصدرتيه عليه على الناس كلها



هل هذا عدل


ألا تزر وازة وزر أخرى


يعني هل لو سرق أبي - حفظه الله - تقطعو لي يداي ؟؟؟؟؟؟؟؟



فهميني حضرتك

جزاكم الله خيرا وشكرا ليكى يا تسابيح وفتكات

ولا تزر وازرة وزر اخرى

وشكرا ليكى ياسياتى على تفهم وجهه نظرنا وانت اختنا كلنا
والللا يسىء ليكى يسىء لنا

وشكرا ليكى يا اختى الحمد لله مش هضايق حد تاانى باذن الله

بس عاوزاكم تساعدونى لو لقيت موضوع فيه مخالفات اعمل ايه ؟؟؟

بس عاوزاكم تساعدونى لو لقيت موضوع فيه مخالفات اعمل ايه ؟؟؟

(ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ ) صدق الله العظيم

الصــــــــراحة بعد كلامكم اقول اية .... كلام جميل .......واكيد النصح يبقي باللين لان الشدة مش بتجيب نتيجة ابدا...........انا بقى بتاعت المواضيع الروووشة طحن ........والمفرفشة اخر حاجة.بس على فكرة. بس بتبقى مفيدة جدا لانى بوجة رسالة او فايدة بالضحك واللين والهزار......تقبلى مرورى اختى ساتى الضياء

لحد دلوقتى متقبلة مروركم ربنا يستر ع الباقى حاسة ان فيه حاجة هتحصل

ليه كل المواضيع فى القسم ده للتسلية بمعنى اصح المواضيع الدينية مالهاش مكان بالذات فى المنتدى العام وردودها اقل؟؟؟

مش مواضيع دينية بس
اي مواضيع ممكن تكون مفيدة وليها هدف ممكن ماتتقابلش ردود كتيرة
باين ان القسم ده قسم تسلية بس
المفروض ان اسمه القسم العام و المفروض انه قسم نقاش و حوار عام بين الاعضاء لكن للاسف مش شايفين كده
انا يمكن مشفتش موضوعاتك يا سيأتي الضياء لاني عضو جديد
لكن منتظر اني اشوفها و اكون من الناس اللي ردودهم كتيرة فيها
منتظرين المواضيع دي
تقبلي مروري

شكرا ليكى يا اختى ع تقبلك للاراء والردد

وده مطلوب من كل الاعضاء فى المنتدى

اما ننزل المواضيع الدينية ونشوف رغم انى نزلت مواضيع جميلة ومفيش ردود

اما ننزل المواضيع الدينية ونشوف رغم انى نزلت مواضيع جميلة ومفيش ردود

نزلي مواضيع دينية في شكل نقاش
ام المخالفات في قسم للتبليغ
بالمخالفات

ماشى يا تسابيح وشكرررا

اولا يا اختى العزيزة احنا لا فى تعصب ولا احنا عاملين جروب بالعكس والله كلنا اخوه
انا بس بعترض على حاجه حضرتك بتعمليها يعنى مثلا لو الموضوع مش عجبك او بتحسى انه مايصحش يكون هنا فى القسم بتردى رد بيخلى اللى كاتب الموضوع يضايق ويحس انه اجرم فى شىء طب ليه ما تبعتيش ليه رسالة خاصة مابينك وبينه يكون افضل وما يحسش انك احرجتيه وفعلا انا كذا مرة اشوف كده وكنت هبعتلك رسالة وقولك كده بس انا كان لازم اواجهك قدام الناس زى ما انتى بتواجهينا على الملاء اعتقد الحمد لله كلنا كبار مش اطفال وبنقدم مواضيع اجتماعيه وهادفة وانا اخترت القسم العام لانه لكل شىء اما بقى لو عايزة افتى فى الدين يبقى هختار القسم الدينى فمع احترامى لحضرتك ياريت لو سمحت تعلمى ان حتى النصيحه لازم تكون بيسر ارجوكى انتى كده بتخلى الناس تتحرج و اه فى حاجات ماينفعش تتقال وتجاوزات كتير بس لايمكن ققول لحد ده حرام انا مش ربنا عشان احرم ده واحلل ده وشكرا

يعنى موضوع زى لا للحب ده ينفع يتحط فى منتدى تعليمى انتو اللى تحكمو يا جماعة انا قولت خلاص هغير طريقة نصحى بس الموضوع ده عصبنى فيه تجاوزات فظيعة

على فكرة ابقى اقرأى مشاركتى وردى فيه والله انا هاجمته اكتر منك بس يا حبيبة قلبى انتى والله عارفة انا بحبك قد ايه وبحب كلامك وحتى مرة لو تفتكرى بعتلك على الخاص وشكرتك وكلنا بنحترمك جدا والله بس احنا بس عايزينك تنصحى بلين شوية وبلاش حرام وحلال دى وانا اسفة لو كلامى ضايقك بجد بعتذر جدا بس انتى اختى فى الله

(ادْعُ إِلَى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَنْ ضَلَّ عَنْ سَبِيلِهِ وَهُوَ أَعْلَمُ بِالْمُهْتَدِينَ ) صدق الله العظيم



جزاك الله خيرا

شكرا ليكى يا سمر وانا والله بحترمك يا اختى

العفو يا اختى واانا بحترمك والله

يا جماعة انا بتأسف بجد على موضوع لا للحب دة وبتأسف لاني كنت السبب في وجوده اصلا بس غصب عني


والحمد لله الادارة حذفته بعتذر مرة اخرى على اي تجاوز حصل بسببي

يا اختى والله انا اسفة جدا سامحينى انا بعتذر بجد بس انا والله مش حابه حد يتهمك بالتعصب او حاجة والله كلنا بنحترمك جدا انا اسفة لتانى مرة وياريت تسامحينى ورمضان كريم

الاحترام والالتزام شئ جميل جدا وخصوصا لما نطبقه ونكون قدوة لغيرنا

اما موضوع النصيحة فانتى بتنصحى مرة استجاب فلنفسه واذا لم يستجيب فلنفسه

وموضوع العصبية دى مش عصبية دى غيرة على الدين لكن لستى مسئولة عن تعديل الكون انتى بتحاولى اكتر من مرة وبعدها

كل واحد يتحاسب على عمله

الحمد لله البوابة من اكتر المنتديات المحترمة وبها اعضاء ممتازة علما وخلقا

فلا تغضبى من اى رد جاف او قاس وتغاضى عنهم واى موضوع لازم يناسب القسم

وهناك شروط للقسم العام

مسئولة عنها الادارة وهى من تعطى الصلاحيات


لا تغضبى اختى

الدين المعاملة

الاحترام والالتزام شئ جميل جدا وخصوصا لما نطبقه ونكون قدوة لغيرنا

اما موضوع النصيحة فانتى بتنصحى مرة استجاب فلنفسه واذا لم يستجيب فلنفسه

وموضوع العصبية دى مش عصبية دى غيرة على الدين لكن لستى مسئولة عن تعديل الكون انتى بتحاولى اكتر من مرة وبعدها

كل واحد يتحاسب على عمله

الحمد لله البوابة من اكتر المنتديات المحترمة وبها اعضاء ممتازة علما وخلقا

فلا تغضبى من اى رد جاف او قاس وتغاضى عنهم واى موضوع لازم يناسب القسم

وهناك شروط للقسم العام

مسئولة عنها الادارة وهى من تعطى الصلاحيات


لا تغضبى اختى

الدين المعاملة

انا بجد بحيي حضرتك جدا رد حضرتك معقول جدا الف شكر:022yb4: