مواطنون يوقعون بـ"الرفض" على بيانات تأييد جمال مبارك

http://www.youm7.com/images/NewsPics/large/smal8201025154324.jpg


فى مشهد جديد، تحولت حملات جمع توقيعات دعم جمال مبارك للترشح فى الانتخابات الرئاسية المقبلة، لحملات مضادة ترفض ترشيح أمين السياسات بالحزب الوطنى للانتخابات.

وحصل "اليوم السابع" على عدد من بيانات التأييد، وقع عليها المواطنون بالرفض ، حيث استبدلوا كلمة "أؤيد" بـ "أرفض" ، بينما استبدلها آخرون بـ" غير قابلة للتوقيع".

وقال داكر عبد اللاه المسئول عن حملة "جمال مبارك .. مصر تتطلع لبداية جديدة" بمنطقة منشأة ناصر والجمالية لـ"اليوم السابع"، إنه يرحب بكافة الآراء المؤيدة والمعارضة لترشيح جمال مبارك لانتخابات الرئاسة، وأن بيانات الرفض لن تؤثر على تحركات الحملة، وأن الحملة ستواصل جمع التوقيعات من المحلات التجارية والمنازل، مؤكدا أنهم استطاعوا جمع 210 توقيعات خلال ساعة.

وتواصل الحملة تحركاتها لجمع التوقيعات، حيث من المقرر أن تنطلق مساء اليوم الأربعاء بمنطقة الزاوية الحمراء.


http://www.youm7.com/News.asp?NewsID=270119

انا افتكرت ان الكل بيايد جمال غريبة
والله الايام الجاية هيحصل فيها مصائب وربنا يستر

مؤكدا أنهم استطاعوا جمع 210 توقيعات خلال ساعة.



:dياااااه 210 توقيعات رفض فى ساعة :d
:d:d:d:d

:dياااااه 210 توقيعات رفض فى ساعة :d

:d:d:d:d

لأ انت تقريباً فهمت الجملة دي بالمقلوب :d

لأ انت تقريباً فهمت الجملة دي بالمقلوب :d



وليه ما تقولش فاهم وعامل مش واخد بالى:romarioxp6:
تريقة
اصل شىء غريب وجديد ان واحد يديلى بيان تأييد .....
ثم أوقع أنا على الرفض وعدم التأييد :078111rg3:

مرفوض مرفوض مرفوض يا جيمى

جيمي الننوس مرفوض , وهو عارف كده والكل عارف كده دي بس حلاوة روح من المنتفعين بوجوده ليس الا. وعموما الحزب بتاعهم يؤيد بلاجماع اختيار الرئيس مبارك كمرشح للرئاسة. انسوا الننوس حتى اشعار اخر

أيام الملك و أيام نكسة 67 كانت الحالة افضل من الان بكتيير قوى
ما بالكم لما نجرب حكم عائلة مبارك كمان 40 أو خمسين سنة و يمكن جمال يخلف ولد و يحكمونا كمان 100 سنة خصوصا انهم اصبحوا خبرة فى السيطرة تفكروا حالنا هيكون إيه
ليه منجربشى حد من خارج العائلة يمكن يصيب و إن خاب يبقى عادى ماحنا خايبين من 30 سنة

ربنا معاهم ويحميهم

أنا حاسة اننا ايام سعد زغلول ....
ال توقيعات أل
هو اصلا هيتعين من غير توقيعات بيتعبوا نفسهم ليه:d
صحيح يابشمهندس مع مين
مع جمال ولا مع جمال
ولا يمكن الثلاثة مع جمال
اختر الإجابة الصحيحة:d

هو جمال وحش كده:(
لدرجة ان الناس مش عايزة تأيده
يا ترى الاستمارات الموقع عليها
بالرفض هتروح فين:d
وبعدين هما رفضوا ليه
مش ده جمال اللى كان مع المصريين اثناء مباراة الجزائر
ومصر وكمان دافع عن المصريين عشان اللى حصل
وقال ان احنا اخدنا حقنا:d
شكلوا كده بيحب مصر والمصريين وبجد:d
هو صحيح اتربى وسط اللى كلوا البلد
بس محدش عارف يمكن بكره يخاف عليها وعلى شعبها
ربنا معاكى يا مصر

أنا حاسة اننا ايام سعد زغلول ....
هو صحيح ايام سعد زغلول كان في توقيعات ورفض وكده :d

ال توقيعات أل
هو اصلا هيتعين من غير توقيعات بيتعبوا نفسهم ليه:d
صحيح يابشمهندس مع مين
مع جمال ولا مع جمال
ولا يمكن الثلاثة مع جمال

اختر الإجابة الصحيحة:d

نقول احتمال ... الاجابة الرابعة ... ليس ايا مما سبق



وبعدين هما رفضوا ليه
مش ده جمال اللى كان مع المصريين اثناء مباراة الجزائر
ومصر وكمان دافع عن المصريين عشان اللى حصل
وقال ان احنا اخدنا حقنا:d

قال ومشفناش حاجة
اي نعم كان معاهم هناك
بس ده كان حواليه حرسه الخاص وطيارته الخاصة
ومحصلوش حاجة .... وقال كلمتين رفع بيهم شعبيته وخلاص
والله اتغريت فيه انا ساعتها :d
كلهم متشابهون

مصر كبيرة عليك
جمد قلبك واشرب بيريل

ايه ده ،

هو فيه حد يرفض جيمي اخو لولو ؟! :d

لالا مش معاهم حق ،:p

هما اصلا مش لازم يتعبوا نفسهم ،

لانه هيكسبها كدة كدة ،،

أرفض جيمي بأسلوب عملى ووقع على بيان التغيير. للناس الرافضة تنتخب البرادعي, التوقيع على البيان لا يعني انك موافق على انتخبا البرادعي لكن يعني الموافقة على السبع نقاط دول:

# إنهاء حالة الطوارئ
# تمكين القضاء المصرى من الاشراف الكامل على العملية الانتخابية برمتها.
# الرقابة على الانتخابات من قبل منظمات المجتمع المدنى المحلى والدولى.
# توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
# تمكين المصريين في الخارج من ممارسة حقهم في التصويت بالسفارات والقنصليات المصرية.
# كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
# الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن

http://www.taghyeer.net/

غير واقعك و كفاية شكوى.

دى تقريبا اول مشاركة ليه من شهرين
بس بجد احب اقولكم لا البرادعى اللى بيسافر بره نافع
ولا جمال ابن الريس نافع
والبلد دى 2011
اللى هينجح هيكون الرئيس مبارك
وهو احق من الاثنين
وهذا اعتراف بذلك بعدما كنت معاديا للرئيس ولكن الحاج البرادعى عامل جواز السفر جديد ففرحان وعمال يسافر بيه
ولكن ربما يظهر عمرو موسى فى الصورة وربما احدا غيره

اللى هينجح هيكون الرئيس مبارك
وهو احق من الاثنين

المسألة مش اسم الرئيس القادم لكن ازاي هاينجح بانتخابات حقيقة والناس تختاره بحرية ونزاهة ولا بالتوزير و أغنية اختارناك؟ الخلاف الاساسي هو نزاهة الانتخابات. بس عجبتني ان هو احق من الاتنين دي هو الكهربا مش بتقطع عندك بالساعات زينا ولا ايه؟ :)

وهذا اعتراف بذلك بعدما كنت معاديا للرئيس ولكن الحاج البرادعى عامل جواز السفر جديد ففرحان وعمال يسافر بيه
البرادعي له ارتباطات دولية كثيرة, مؤتمرات بيرئسها مثلا, لكن سفره بيقى في الاغلب مرتبط بلقائات مع المصريين بالخارج ولدعم مطالب التغيير بينهم. انت ما بستمعش عنه كتير في التليفزيون المصري اكيد والاعلام الخاص بيعرض اخباره على استيحاء. لكن النشاط الرئيسي دلوقتي هو جمع التوقيعات و نشر الوعي بفكرة التغيير بين الناس ودي مش محتاجة البرادعي يظهر في التليفزيون.

وعموما ناخد حق الاختيار وننتخب بحرية و ماتنتخبش البرادعي

المسألة مش اسم الرئيس القادم لكن ازاي هاينجح بانتخابات حقيقة والناس تختاره بحرية ونزاهة ولا بالتوزير و أغنية اختارناك؟ الخلاف الاساسي هو نزاهة الانتخابات. بس عجبتني ان هو احق من الاتنين دي هو الكهربا مش بتقطع عندك بالساعات زينا ولا ايه؟ :)

اللى ميعرفش البرادعي حيحس من كلامك انه الملاك المتنتظر

هو يعني البرادعي لو كان مكان مبارك .... كان حيعرف في يوم وليلة يلغي اتفاقيات تصدير الغاز ؟ اللى معرفش يمشي كلمته بتاعت الوكالة على امريكا
تفتكر حيمشيها على اسرائيل ؟
هو الحزب الوطني هو اللى ماسك وزارة البترول والغاز الطبيعي عشان نرمي بكل الاثقال عليه

ويوم ما تيجي تحل المشكلة .... مندورش غير على ابعد واحد عن الاماكن والمشاكل دي ونقربه ليها ؟

ولا البرادعي ولا جمال ينفعوا فيها
مبارك هو الانسب لحين ظهور بديل

كالعادة تركت أصل المشكلة و ماسك في اسم مين ينفع ومين ما ينفعش, الرئيس القادم لازم يجي باختيارنا مش بالتزوير. وعموما ترشيح الرئيس الحالي لفترة اخرى احتماله مش كبير.

هو يعني البرادعي لو كان مكان مبارك .... كان حيعرف في يوم وليلة يلغي اتفاقيات تصدير الغاز ؟ لا لو مكانه ماكنش وقعها أصلا لانه راجل مش هايبيع ثروة من ثروات مصر بربع تمنها لمدة 15 سنة جاية.

اللى معرفش يمشي كلمته بتاعت الوكالة على امريكا ده على اعتبار ان في حد تاني بيمشي كلمته على أمريكا يعني؟ زي مين مثلا طيب؟
لكنه فعلا مشى كلمته على أمريكا لما منعها من انها تحتل العراق تحت غطاء الأمم المتحدة بحجة وجود أسلحة نووية, واضطرت أمريكا انها تكون تحالف دولي خاص بها من خارج الشرعية الدولية لاحتلال العراق والعالم وقف يتفرج على امريكا بما فيها مصر والدول العربية كلها. لا صحيح مصر والدول العربية قدمت مساعدات لامريكا لاحتلال العراق اقرا ده
http://www.albasrah.net/ar_articles_2010/0310/hamami_030310.htm

البرادعي: (تقرير الأمم المتحدة قبل غزو العراق بأسبوعين) لم نجد أي دليل على أن العراق استأنف برنامجه النووي
http://www.un.org/arabic/news/fullstorynews.asp?newsID=520

البرادعي: (تقرير من الأمم المتحدة) لم نجد أدلة على استئناف العراق لبرامجه النووية
http://www.un.org/arabic/news/fullstorynews.asp?newsID=329

هو الحزب الوطني هو اللى ماسك وزارة البترول والغاز الطبيعي عشان نرمي بكل الاثقال عليهالحكومات في اي مكان في العالم بتتشكل من الاحزاب المنتخبة في البرلمان. وبما ان الحزب "الوطني" هو صاحب الأغلبية فالحكومة جت منه, يعني كل اعضاء الحكومة اعضاء في حزب التزوير. فهو مسؤل و لا ليه تفتكر ان اسمه اسمه الحزب الحاكم؟

حسبى الله ونعم الوكيل

يا جماعة البرادعى غير قادر على المكوث فى مصر لانه لم يعتاد على ذلك

كينيا اللى اسمها كينيا عملت دستور جديد واحنا لسه مش عايزين نتغير لازم الأول الدستور يتغير ويبقى فى ديمقراطية وحرية رأى علشان مستقبل الأجيال اللى جايه