مشاهدة النسخة كاملة : وداعا
Dr.Silent 26-08-2010, 10:24 PM السلام عليكم ورحمة الله وبركاته
انا قررت قرار وعارفة انه مش شيفرق مع اى حد فيكو
ولكن كان لازم يتعمل
انا قررت ان دة هيبقى اخر كلام هكتبه فى المنتدى
لانى حاولت اندمج معاكم بالصح لكن منفعش
وربنا يعلم انا مضايقة ازاى
لكن اهم حاجة ان مخرجتش غير بعد معملت اللى يريح ضميرى
واحب اعتذر
لوجدان حنفى ...سمر سعد .....المحب لله......محمد اشرف
واشكر كل من
العابد لله ...رمضان كريم
samar saad 26-08-2010, 10:26 PM لو سمحت يا محمد انا مش موفقاك فى اللى بتعمله ده من فضلك اهدى كده مش انا يا سيدى اللى بيهاجمونى انا برد اهو وبتحداهم وانا مش زعلانه من حد ارجوك تتراجع فى اعتزالك ده من فضلك ياريت ووقتها مش هكون زعلانة انا مرضاش حد يسيب مكان عشانى ارجوك
Dr.Silent 26-08-2010, 10:27 PM اولا انا مش محمد
ثانيا دة اللى لازم يحصل واسالى الخ وجدان وهو هيقولك
تايهة فى مكانى 26-08-2010, 10:27 PM ايه اللى حصل بس ياجماعه فهمونى..
تغريد الطيور 26-08-2010, 10:27 PM ليه كدة بس و سمر بتقول محمد لمين ؟؟؟؟؟؟؟؟؟
Dr.Silent 26-08-2010, 10:29 PM يا ريت الرسالة الخاصة تكون وصلت
وعلى فكرة انا بنت مش ولد
yara attia 26-08-2010, 10:29 PM صلي علي النبي واهدي بس كده وهتروق كمان شوية ان شاء الله
تغريد الطيور 26-08-2010, 10:30 PM يعنى هاتخرجى من المنتدى خالص كدة و بعد ما اتعرفت عليكى و بدات احبك جدا ليه كدة فهمينى اكتر ؟؟؟؟؟؟؟؟؟؟
yara attia 26-08-2010, 10:32 PM يا حبيبتي اهدي بس وارجعي عن قرارك عشان خاطرنا كلنا احنا مش يرضينا اننا نخسر واحدة زي القمر زيك
الأميـرمحمد 26-08-2010, 10:33 PM السلام عليكم
ممكن بس افهم ..
انا حاسس اني عامل زي الاطرش في الزفّة ..
!!
طيب ليه يا دكتور هتسيبي المنتدي
مش اي حاجة تحصل .. نسيب المنتدي
احنا نحل المشاكل اللي بتقابلنا بدل ما نسيب المنتدي وبعدين
كده نبقي بنهرب من المشاكل .. ؟؟
..
والله الموفق ولله الامر
تغريد الطيور 26-08-2010, 10:34 PM اه و الله يا يارا عندك حق فعلا و انا مش عايزاها تخرج خالص دا انا بحبها جدا زى ما بحبك كدة
BaNZeR 26-08-2010, 10:34 PM لذيذ اوي اللى بيحصل ده
عشرة اطراف بيتخانقو وكلهم عايزين يمشو :d
على فكرة ترك المنتدى عشان كلمة شخص ... يدل على عدم الثقة بالنفس
في ناس بتسيب المنتدى لظروف خاصة
سافر ... معندوش نت ... اعتزل للمذاكرة
لكن يمشي عشان واحد قاله كلمتين
كان زماني انا سبته من سنتين .... اول خليها سنة ونص عشان انا مسجل من سنتين بس :d
لكن بجد لو واحد حاسس نفسه انه في وسط مش مرغوب فيه
يقارن بين اللى ضده واللى معاه
وحيلاقي كتير جداً معاه
مفيش حد حيلاقي كل الناس معاه
واحياناً بتبقى الاختلافات وجهات نظر مش عداوة
زي اللى حاصل معاكو هنا بالظبط
فدي كده بعتبرها اسباب اكثر تفاهة للرحيل
وعامة عشان انا شهدت من الحالات دي كتير
ياريت اللى عايز يمشي تاني يرد هنا
عشان مش ححط نفس الرد في كل موضوع :d
تايهة فى مكانى 26-08-2010, 10:37 PM ايوه فعلا بدام مش عاملة حاجة غلط ليه تمشى..
دى برولى 26-08-2010, 10:41 PM وقع الشيطان بيننا
اعوذ بالله من الشيطان الرجيم
اهدى كده وارجعى لصوابك
yara attia 26-08-2010, 11:04 PM يارب يا حبيتي ترجعي في قرارك
samar saad 26-08-2010, 11:07 PM متشكرة يا دكتور بس بجد انا مش عارفة ان المنتدى هيتقلب كده بسبب كلمه وجدان قالها وانتوا غلطوا فى حقى وانا بعتذرلك وانتى مش عاجبك والله انا بعتذر لنفسى متشكرين اوووووووووى
سؤئة الطيوبة 26-08-2010, 11:13 PM انا مش فاهمة حاجة .........بس عايزة اقولك حاجة..........اعتزال المنتدى دة مش حل ابدا..........واحنا هنا بنحبك وانتى عارفة غلاوتك عندنا.....................ياريت ترجعى فى قرارك دة يا دوكـــ
cool girle 27-08-2010, 02:25 AM ايه يادكتور تسيبى المنتدى ايه
خليكى معانا واهدى كده بس
bosyy cat 27-08-2010, 03:01 AM اسمحولى ان اتدخل
انا بقى مش فاهمه ايه الموضوع ده وايه كل اللى حصل علشان تسيبى المنتدى وعلى فكرة الهروب من المشاكل مش حل احنا لما نهرب من المشاكل كده نتعقد وبنحط نفسنا فى مشاكل اكبر وياريت تفهمونى الموضوع
DR/ AHMAD 27-08-2010, 03:10 AM يا جماعة صلوا ع النبي
وعلى فكرة انا بنت مش ولد
هههههههههههههههه
وجدان حنفي 27-08-2010, 03:27 AM والله انا مش عارف ارد اقول ايه
بس انا مش معاكي خالص يا دوك
انا نفسي قلتها في ساعة غضب وآديني اهو في المنتدى
هو انا انا اقدر امشي؟؟؟؟
هو في حد بيسيب اخواته بردو ؟؟؟؟؟؟
بعدين مين قاللك انها مش هتفرق معانا
انتي نسيتي العيش والملح اللي كلناه سوا في لعبة سمعك تقيل ؟؟؟؟؟؟؟؟؟؟؟
الأميـرمحمد 27-08-2010, 03:35 AM محدش عارف حاجه .. خااااااااااااااالصـ ..!!
ربنا يهدينا ويصلح احوالنا
آمين
Dr.Silent 27-08-2010, 04:02 AM بجد يا جماعة انا متشكرة ليكم جدا وانا فعلا محتاجة وقت مع نفسى عشان اقدر اقيم الموضوع
واحب اقول للاخ وجدان انه مش بسببك ولا حاجة
هى بس صدمة من الردود اللى حصلت
بل بالعكس انا اللى متاسفة ليك ولسمر عشان عملت عموضوع اساء ليكم انتو الاتنين بدون قصد
انا يا جماعة مقدرش اسب المنتدى لكن فى نفس الوقت مقدرش اتعامل مع حد وانا مضايقة فمهلونى الوقت ليس الا
وجدان حنفي 27-08-2010, 04:08 AM براحتك يا دكتورة (ان شاء الله )
بس فعلا والله هنفتقدك جدا وانتي مش حد قليل عشان نفرط فيكي بالسهولة دي
THE CodeR 27-08-2010, 04:17 AM ازاي تقبلي تخرجي من المنتدي بعد ما مشاركاتك عدت الـ200 مشاركة؟؟؟
نهار ابيض
200 مشاركة و عايزة تمشي؟؟
لا ملكيش حق
دا انا اول مرة اوصل لعدد المشاركات ده في اي منتدي و فرحان
و انتي معدية الـ200 و عايزة تمشي
عامة موضوع وجدان انتهي و ان كان حد السبب فيه فهو وجدان
انتي ملكيش اي دعوة بالموضوع ده
و اعتبري كل اللي دخل الموضوع ده زمايلك علي المنتدي
يعني مفيش عضو غير مرغوب فيه هاتجيله الردود دي كلها في فترة صغيرة
عيدي النظر تاني في الحكاية دي و افتكري ان المنتدي مش هايبقي سعيد بخروجك
تقبلي مروري
7ooooda gamal 27-08-2010, 05:38 AM نتمنى ان تكون الدكتوره شافت كل الردود دى
وتكون عرفت قيمتها ف المنتدى
بجد يا دكتوره انتى متميزه جدا
ووجودك معانا فارق جدا
ارجوكى راجعى نفسك تانى
ماتتسرعيش ف القرار
ولو متدايقه من اى حد قوليلى وانا ادبحهولك
هههههههههههههههههههههه
بجد يا دكتوره احنا مفتقدينك
ومنتظرين ان تدخلى المنتدى وتقولى
(انا رجعت يا جماعه ومفيش حاجه )
ياريت ادخل المنتدى بقية اليوم او حتى بكره
اشوف الكلام ده
تقبلى رجائى يا دكتوره
mera_mar21 27-08-2010, 05:55 AM ياانهار ابيض .............تسيبى المنتدى ازاى بقى
عموما انا مش فاهمه مشكله ايه الى بتتكلموااااااا فيها وياريت حد يفهمنى
وبعدين ياحبيبتى تمشى ازاى وتسيبناااااااا
mustafa.sharf 27-08-2010, 08:18 AM بصوا بصراحه انا اللى هسيبوا انا كل ما اخش وانا بخش المنتدى كل فين وفين
الاقى واحد عاملى نفس الموضوع ونفس الكلام .... يلا تشاو
|