|
مشاهدة النسخة كاملة : اللى كنت خايفه منه حصل يقظة فكرى 27-08-2010, 03:31 PM اخواتى معلش استحملونى ده قدركم انا جات اللى كنت اتوقعه كليه بنات حلقة ابتدائى عين شمس ماذا افعل ؟؟ يعنى ايه الخطوات اللى اعملها علشان اذا كان احول تربيه ابتدائى اسيوط او تربيه طفوله ؟؟:blush: Bellsh 27-08-2010, 03:49 PM انا سألت على نفس الموضوع بس كانت جت لبنت خالى اداب القاهره تعليم مفتوح وكانت عاوزه تحول تربية جامعة جنوب الوادى انتظام اتصلت بمكتب التنسيق قالولى انها تسأل فى الكليه الى عاوزه تحول ليها وهما هيقولوها تنفع تحول ولا لا وقالولى ممكن برضو تروح اقرب مكتب تنسيق وتسأل هناك وهما هيقولولها تعمل ايه بالظبط وانا انصحك بالذهاب إلى مكتب التنسيق الرئيسى بجامعة القاهره لان هناك فى مبنى التحويلات ... وربنا معاكى انا بنت خالى رايحه برضو مكتب تنسيق القاهره على بكره كده ان شاء الله يقظة فكرى 27-08-2010, 03:51 PM المشكله اخى انى من اسيوط ومش عارفه اروح فين سـلـمـى 27-08-2010, 03:56 PM روحى مكتب التنسيق فى اسيوط ممكن تحولى تربية طفوله وانتى هناك انا سالت وقالولى ان الموضوع سهل وممكن كمان تحولى وانتى فى البيت من جهازك بس روحى مكتب التنسيق احسن يقظة فكرى 27-08-2010, 03:58 PM ربنا يخليكى يا قمر اوك انا هروح بكره الأستاذة أم شاهندة 27-08-2010, 04:23 PM يا يقظة ادخلى على موقع التنسيق فيه حاجة اسمها تقليل اغتراب جربى شوفى كليات ايه التى ستظهر لك لتقليل الاغتراب ولو مش ظهر لك حاجة من المطلوبة ابقى روحى اسألى ربنا معاكى يقظة فكرى 27-08-2010, 04:43 PM مش عارفه اعمل تقليل الاغتراب ممكن تقوليلى اعمل ايه من خلال الموقع الأستاذة أم شاهندة 27-08-2010, 04:49 PM https://www.tansik.egypt.gov.eg/Transfer/main.aspx الرابط أهو اكتبى البيانات المطلوبة وشوفى حيظهر لك إيه ؟ يقظة فكرى 27-08-2010, 04:52 PM عملت مظهرش حاجه طيب ينفع فى حالتى دى اعمل التماس؟؟ الأستاذة أم شاهندة 27-08-2010, 04:54 PM يعنى إيه لم تظهر حاجة ؟ اكتبر رقم جلوسك والرقم السرى والتأكيدى واضغطى الخطوة التالية وعلى انترنيت اكسبلولر مش فاير فوكس يقظة فكرى 27-08-2010, 04:55 PM انا فاهمه يا غاليه لكن جاتلى بردو كليه تربيه عين شمش بنات الأستاذة أم شاهندة 27-08-2010, 04:57 PM يبقى توجهى لمكتب التنسيق وحاولى تعملى تحويل ورقى بس بسرعة يعنى بكرة على طول إن شاء الله وإن شاء الله ينفع بالتوفيق يقظة فكرى 27-08-2010, 06:09 PM يارب يا غاليه انا فعلا هعمل كده سـلـمـى 28-08-2010, 12:57 AM ربنا معاكى يا رب انا كمان هروح مكتب التنسيق الصبح فى كليه اداب عايزه اعرف التقديم على الكليه امتى يقظة فكرى 29-08-2010, 09:21 PM انا الحمد لله حولت ترربيه طفوله Bellsh 29-08-2010, 10:27 PM انا الحمد لله حولت ترربيه طفوله الف مبروووووووك يا يقظة وربنا يوفقك ان شاء الله فى كليتك وفى حياتك ومستقبلك بس ليه طلب عندك ياريت بقى ما تنسيش منتدانا الغالى بوابة الثانوية ولا تنسى الاستاذه الافاضل الى ساعدونا وساعدوكى ربنا معاكى ويوفقك الأستاذة أم شاهندة 29-08-2010, 10:35 PM مبروك يا يقظة ربنا معاك ويوفقك ان شاء الله يقظة فكرى 30-08-2010, 04:00 AM باذن الله الله يبارك فيكم وانا اقدر ابعد عنكم انا هفضل هنا وفيه قسم لكليه تربيه يعنى وراكم وراكم سـلـمـى 30-08-2010, 06:34 PM مبروك يا قمر وان شاء الله نتقابل هناك متعرفيش التقديم امتى انا سالت يوم السبت وقالولى لسه هحاول اروح يوم الابعاء اسال تانى لو عرفتى حاجه ياريت تقوليلى نروح نقدم مع بعض طالبة ولكن 30-08-2010, 06:47 PM الف الف مبرررووووووك يقظة فكرى 31-08-2010, 12:25 AM الله يبارك فيكم هشوفك هناك اكيييييييييييييييد والله معرفش لكن هشوف ليا دكاتره كتير اضحاب بابا فى الكليه |