من اكون في عيونكم (دعوة للمصارحة) [الأرشيف] - بوابة الثانوية العامة المصرية

cool girle

28-08-2010, 12:50 AM

اصدقائى الاعزاء

بسم الله الرحمن الرحيم

كل سنه وانتوا طيبين

نخش فى الموضوع علطول

الفكرة بمنتهى البساطة هى مساحة بسيطة من الحوار والمصارحة فيما بيننا

المطلوب الاتى

1 - وصف العضو المختار بثلاث كلمات ..

1-

2-

3-

توضيح عيوب هذا العضو .. بكل صراحة ومفيش زعل

1-

2-

3-

3 مزايا هذا العضو ..

1-

2-

3-

4) توجية نصيحة للعضو او كلمه اخيره ..

طبعا يا اصدقائى نكتب راينا فى العضو لكن فى حدود الادب والزوق وبدون تجريح

واحب اقول ان مدة كل عضو فى استطلاع الراى عنه

يومين فقط
كل يومين هحط عضو جديد

اتمنى الفكرة تنال اعجابكم

وعلى العموم انا اختارت اول الاعضاء

هاختار بانزر

cool girle

28-08-2010, 01:00 AM

ايه ياجماعه محدش عارف بانزر ولا ايه

BaNZeR

28-08-2010, 01:04 AM

احم .... ملقتوش غيري تبدأو بيه :d

طب ربنا يستر بقى :d

cool girle

28-08-2010, 01:06 AM

حظك بقى ان عينى وقعت عليك

استلقى وعدك يامعلم

yara attia

28-08-2010, 01:08 AM

1 - وصف العضو المختار بثلاث كلمات ..

1-محترم جدا

2-انسان اجتماعي

3-مش بيحب يحرج حد

توضيح عيوب هذا العضو .. بكل صراحة ومفيش زعل

الصراحة مش شفت ليه حاجة وحشة

3 مزايا هذا العضو ..

1- دمه خفيف

2-مواضيعه جميلة جدا

3-مشرفة مميز

4) توجية نصيحة للعضو او كلمه اخيره ..

ربنا يوفقك ويسعدك في حياتك

cool girle

28-08-2010, 01:18 AM

ميرسى يايارا على مرورك

انا كمان شايفه فيه كده

بس بين بانزر خلع

ياسمينايا

28-08-2010, 01:18 AM

الوصف ..
صريح جدا جدا ..
مش بيجامل اى عضو ..
متميز فى ردوده ..

العيوب ..
ممكن صراحته تبقى عاليه شويه صغيرين ..
ده من وجهه نظري واتمنى ميكونش فيه زعل ..

النصيحه ..

استعن بالله في كل الخطوات ..

شكرا ع الموضوع ياكوول ..
موضوع جميل جدا ..
جزاكى الله كل خير ..

cool girle

28-08-2010, 01:20 AM

ميرسى ياياسمينا ع الرد

بس المفروض ان بانزر هو الى يرد

خلع وسابنى

BaNZeR

28-08-2010, 01:55 AM

لا لا مخلعتش ولا حاجة
الموضوع لسه مكملش ساعة اصلاً :d

وبعدين انا مش قد الكلام الكبير اللى بيتقالي ده

ليا عودة بإذن الله لكل الردود

وردة امل

28-08-2010, 02:04 AM

بما انى لسه جديدة هنا فى المنتدى
ومش بقالى كتييييييييييير
انا شايفة الباشمهندس بانزر
اكيد كله دلوقتى بيقول انا عرفت منين انه مهندس:d
انا شفت الاعضاء هنا بتقوله كده
ومن ساعتها عرفت انه مهندس:)
المهم
انا لحد دلوقتى شايفاه انه انسان كويس
ومحترم فى تعليقاته ومش بيحرج حد
ولسه مشفتش فيه عيوب
ولما اشوف ابقى اقول
انا فى الحاجات دى مش بتوصى:d
وبتمنى ليه ربنا يوفقه
ويحقق احلامه:)

عاشقة الطفولة

28-08-2010, 02:06 AM

وانا بتفق على راي يارا بصراحة هو عضو قدير

واهم حاجة انه دمه خفيفف

والله انا كل لما اقرالوا مشاركة اضحك

ربنا يكرمه

نقاء الروح

28-08-2010, 02:11 AM

- وصف العضو المختار بثلاث كلمات ..

1- مثقف جدا

2- عقليته ممتازة جدا

3- اسلوبه زي ما بيقولو الجد الهازل او الهزل الجاد كدة ،

توضيح عيوب هذا العضو .. بكل صراحة ومفيش زعل

امم بصراحة مش شفت عيوب
بس عيبه الوحيد وال هو مش له دخل فيه
انه بيفكرني بعضو فمنتدى تاني ، :mad:

3 مزايا هذا العضو ..

اعتقد انها نفس الوصف ،،

4) توجية نصيحة للعضو او كلمه اخيره ..

وفقك الله لما يحبه ويرضاه ،

mera_mar21

28-08-2010, 02:14 AM

اصدقائى الاعزاء

بسم الله الرحمن الرحيم

كل سنه وانتوا طيبين

1 - وصف العضو المختار بثلاث كلمات . بانزر.

1-بسيط جداا ومحترم

2-مرح وصريح

3-ردوده كلها مميزة ومقنعه ومش بيعمل حاجه غير مايقتنع بيها
يارب تقتنع

توضيح عيوب هذا العضو .. بكل صراحة ومفيش زعل

1-صراحه انا مشفتش عيوب ولا حتى تعصب فى الراى حتى فى الخلافات الى بتحصل بالعكس بيتكلم بتلقائيه جدا وبتعجبنى ردوده

4) توجية نصيحة للعضو او كلمه اخيره ..

ربنا يوفقك ويسعدك دنيا واخرة وللامام دائما

اتمنى الفكرة تنال اعجابكم

جزاكى الله خيرا ياسموحه ربنا يبارك لك
ونايس توبيك

BaNZeR

28-08-2010, 10:32 AM

طبعا يا اصدقائى نكتب راينا فى العضو لكن فى حدود الادب والزوق وبدون تجريح

واحب اقول ان مدة كل عضو فى استطلاع الراى عنه

يومين فقط
كل يومين هحط عضو جديد

اتمنى الفكرة تنال اعجابكم

وعلى العموم انا اختارت اول الاعضاء

هاختار بانزر

بجد انا سعيد جداً إني ليا الشرف اكون اول واحد في الموضوع هنا
ومبادرة لطيفة منك

ايه ياجماعه محدش عارف بانزر ولا ايه
شوية وحيعرفوني مع الوقت متستعجليش :d
بس هو صحيح فين مشاركتك انتي
ولا لسه متعرفنيش :p

1 - وصف العضو المختار بثلاث كلمات ..

1-محترم جدا

2-انسان اجتماعي

3-مش بيحب يحرج حد

توضيح عيوب هذا العضو .. بكل صراحة ومفيش زعل

الصراحة مش شفت ليه حاجة وحشة

3 مزايا هذا العضو ..

1- دمه خفيف

2-مواضيعه جميلة جدا

3-مشرفة مميز

4) توجية نصيحة للعضو او كلمه اخيره ..

ربنا يوفقك ويسعدك في حياتك
الله يخليكي يايارا مرسي كتير عالكلام الجميل جداً ده

BaNZeR

28-08-2010, 10:47 AM

الوصف ..
صريح جدا جدا ..
مش بيجامل اى عضو ..
متميز فى ردوده ..

العيوب ..
ممكن صراحته تبقى عاليه شويه صغيرين ..
ده من وجهه نظري واتمنى ميكونش فيه زعل ..
لأ طبعاً دنا زعلان إني محدش بيكتبلي عيوب
خلاص قدرت اتغلب باخفاء كل عيوبي يعني :d

وفعلاً احياناً الصراحة بتزعل وده الواقع عامة
بس انا شايف إنها مش بتبقى عائق قدام علاقاتي ... بالعكس معظمهم بنقرب اكتر من بعض

النصيحه ..

استعن بالله في كل الخطوات ..
جزاكي الله خيراً للنصيحة :)

شكرا ع الموضوع ياكوول ..
موضوع جميل جدا ..
جزاكى الله كل خير ..
وشكراً لكلام حضرتك الجميل

بما انى لسه جديدة هنا فى المنتدى

ومش بقالى كتييييييييييير
انا شايفة الباشمهندس بانزر
اكيد كله دلوقتى بيقول انا عرفت منين انه مهندس:d
لا منا اتعودت خلاص .... مفيش مجال لإني اخفيها اصلاً :d

انا شفت الاعضاء هنا بتقوله كده
ومن ساعتها عرفت انه مهندس:)
المهم
انا لحد دلوقتى شايفاه انه انسان كويس
ومحترم فى تعليقاته ومش بيحرج حد
ولسه مشفتش فيه عيوب
ولما اشوف ابقى اقول
انا فى الحاجات دى مش بتوصى:d
وبتمنى ليه ربنا يوفقه

ويحقق احلامه:)

اه ياريت متتوصيش
زي منتو بتقولو عليا صريح زيادة خليكو صرحا زيادة بقى :d

وشكراً كتير لكلام حضرتك

BaNZeR

28-08-2010, 10:52 AM

وانا بتفق على راي يارا بصراحة هو عضو قدير

واهم حاجة انه دمه خفيفف

والله انا كل لما اقرالوا مشاركة اضحك

ربنا يكرمه
يسعدني كثيراً الرد ده ودي شهادة بعتز بيها بصراحة
ولو انه كتير بيحسوني مستفز احياناً بس انا مبيهمنيش برده :d

- وصف العضو المختار بثلاث كلمات ..

1- مثقف جدا
اهو كله ممكن يمشي ما عدا الجملة دي
ممكن اظهر قدامكو كده اه لكني مش مثقف بتاتاً
انا بس بعرف استغل المعلومات اللى قدامي .... ده لو عندي معلومات اصلاً :d

2- عقليته ممتازة جدا

3- اسلوبه زي ما بيقولو الجد الهازل او الهزل الجاد كدة ،

توضيح عيوب هذا العضو .. بكل صراحة ومفيش زعل

امم بصراحة مش شفت عيوب

بس عيبه الوحيد وال هو مش له دخل فيه

انه بيفكرني بعضو فمنتدى تاني ، :mad:

احم ... طب لو المشكلة في اللون الاخضر ... مش حقدر اغيره
لو المشكلة في الاسم بتاعي .... ده مستحيل اغيره :d
لو غير كده .... احتمال اكون انا نفس الشخص اللى هناك ده :d
وانا في رأيي تبطلي المنتدى التاني احسن او تخليه هو يبطل :d

3 مزايا هذا العضو ..

اعتقد انها نفس الوصف ،،

4) توجية نصيحة للعضو او كلمه اخيره ..

وفقك الله لما يحبه ويرضاه ،

جزاكي الله خيراً اسعدني ردك وكلامك الرائع

BaNZeR

28-08-2010, 10:56 AM

1 - وصف العضو المختار بثلاث كلمات . بانزر

1-بسيط جداا ومحترم

2-مرح وصريح

3-ردوده كلها مميزة ومقنعه ومش بيعمل حاجه غير مايقتنع بيها
يارب تقتنع
الله يخليكي على الكلام الجميل ده

توضيح عيوب هذا العضو .. بكل صراحة ومفيش زعل

1-صراحه انا مشفتش عيوب ولا حتى تعصب فى الراى حتى فى الخلافات الى بتحصل بالعكس بيتكلم بتلقائيه جدا وبتعجبنى ردوده
ودي شهادة اعتز بيها تسلمي كتير

4) توجية نصيحة للعضو او كلمه اخيره ..

ربنا يوفقك ويسعدك دنيا واخرة وللامام دائما

الله يلخيكي ويوفقك انتي كمان ويسعدك يا متفوقة المنتدى ;)

شكراً كتير لكلامكو الجميل ده يا جماعة
مفيش حد ضدي طيب :d

**تسابيح**

28-08-2010, 12:01 PM

مفيش حد ضدي طيب :d

حد بينادي:d
ف الموضوع دا تم ذكر مرتين
أنه مش بيحرج حد:stickjo4::stickjo4:
أمووت واعرف مين اللي قال الإشاعة دي:stickjo4::stickjo4:
المهم
يلا بئا عشان أنا صايمة
لي عودة
سلالالالالالام:stickjo4:

Rymonda

28-08-2010, 12:18 PM

بانزر ؟
المفروض الواحد يتكلم بصراحه يعني ولا ايه ؟
:d

BaNZeR

28-08-2010, 01:48 PM

حد بينادي:d
ف الموضوع دا تم ذكر مرتين
أنه مش بيحرج حد:stickjo4::stickjo4:
أمووت واعرف مين اللي قال الإشاعة دي:stickjo4::stickjo4:

معلش انتي عارفة المشاهير دايماً بيطلقو عليهم اشاعات كتير :d

بس صحيح هو ايه اللى مدايقك من الجملة :stickjo4:
اكيد اه منا عارف إنك بتهزري :d
في انتظارك بعد ما تفطري ... بس افطري بضمير بقى :p

بانزر ؟
المفروض الواحد يتكلم بصراحه يعني ولا ايه ؟
:d
دكتورة ريموندا بنفسها .... ده شرف لينا والله
وبعدين مش محتاجة تتكلمي كفاية تواجدك هنا بس :p

نقاء الروح

28-08-2010, 03:47 PM

احم ... طب لو المشكلة في اللون الاخضر ... مش حقدر اغيره

ماهو من سوء الصدف اقصد حسنها ،
انه بيستخدم نفس اللون ، :d

لو المشكلة في الاسم بتاعي .... ده مستحيل اغيره :d

لا الحمدلله ،:d

لو غير كده .... احتمال اكون انا نفس الشخص اللى هناك ده :d

لا الحمدلله ، شكيت فالبداية بس طلع مستحيل اصلا :d

وانا في رأيي تبطلي المنتدى التاني احسن او تخليه هو يبطل :d

هو يبطل ؟!
ممكن يجراله حاجة المسكين :d

هو التشابه فالاسلوب
بس الاتجاهات مختلفة :lol: الحمدلله

Rymonda

28-08-2010, 08:09 PM

دكتورة ريموندا بنفسها .... ده شرف لينا والله

وبعدين مش محتاجة تتكلمي كفاية تواجدك هنا بس :p

تريقه وكدا ؟
ماشي
مش محتاجه اتكلم ..
انت حر بقى
سكت اهو
:-$
وعموما الاخوه الكرام قاموا بالواجب

BaNZeR

28-08-2010, 08:59 PM

هو يبطل ؟!
ممكن يجراله حاجة المسكين :d

هو التشابه فالاسلوب
بس الاتجاهات مختلفة :lol: الحمدلله

اخضر ونفس الاسلوب .... لا كده مينفعش بقى ... حتيتقمصوا الشخصية كمان :d
يلا المهم انه مش معانا هنا

تريقه وكدا ؟

ماشي
مش محتاجه اتكلم ..
انت حر بقى
سكت اهو
:-$
وعموما الاخوه الكرام قاموا بالواجب

احنا لينا في التريقة برده :d
وبعدين انتي عارفاني .... مليش غير في الرخامة :d

وعامة منورة مرة تاني
ولو انه الكهربا غليت دلوقتي وحتكلفك كتير :d
وشكراً لردك

مسلمة متفائلة

28-08-2010, 09:03 PM

انا متفقة معاهم فى اللى قالوا

و ممكن نقول على حضرتك ده

http://www.vitiligoteam.com/images/medals/11.gif

و بس

http://www.thanwya.com/vb/images/icons/icon7.gif

THE CodeR

28-08-2010, 09:21 PM

بالنسبالي انا
حصلك معايا كام موقف كده في المنتدي خلتني ابعد عند و اقلق منك و ابقي مش قادر اني اتوقع تصرفاتك

1 - وصف العضو المختار بثلاث كلمات ..
1- محترم
2-غير متكلف الي حد ما
3-كثير الاهتمام بالموضوعات المهمة
توضيح عيوب هذا العضو .. بكل صراحة ومفيش زعل
1-بعض ردودة تكتب بدون تفكير فتعطي فكرة سيئة عنه
2-قليل التواجد في القسم العام(علي الاقل في وجودي)
3-بعيد شوية عن الاعضاء (ده اللي انا حاسه)
3 مزايا هذا العضو ..زي الوصف

ده رأيي الشخصي فيك
ان كنت عايز تثبتلي ان العيوب دي مش موجودة فيك حاول بس تغير الفكرة اللي واخدها عنك
و ادي واحد ضدك يا سيدي علشان متزعلش
تقبل مروري الثقيل

Rymonda

28-08-2010, 09:25 PM

دبلوماسي ..

BaNZeR

28-08-2010, 09:25 PM

انا متفقة معاهم فى اللى قالوا

و ممكن نقول على حضرتك ده
http://www.vitiligoteam.com/images/medals/11.gif

و بس

http://www.thanwya.com/vb/images/icons/icon7.gif

الله يخليكي مرسي كتير للوسام الجميل
ويارب اكون عند حسن ظنكو دايماً

دبلوماسي ..

جميل .... شكراً للمشاركة

BaNZeR

28-08-2010, 09:39 PM

بالنسبالي انا
حصلك معايا كام موقف كده في المنتدي خلتني ابعد عند و اقلق منك و ابقي مش قادر اني اتوقع تصرفاتك

احتمال تكون غيرت اسمك او اتعاملت معايا من عضوية تاني فمش حفتكر اي حاجة من اللى بتقولها
بس على كل حال انا بنسى كتير ... ولو فكرتني بيها اكون شاكر ليك

1 - وصف العضو المختار بثلاث كلمات ..
1- محترم
2-غير متكلف الي حد ما
3-كثير الاهتمام بالموضوعات المهمة

كده التلاتة دول تماموز اوي ومن الجميل إنه حد يشهدلي بذلك

توضيح عيوب هذا العضو .. بكل صراحة ومفيش زعل
1-بعض ردودة تكتب بدون تفكير فتعطي فكرة سيئة عنه
مش حقدر اقولك بدون تفكير ... لكن بتلقائية نوعاً ما
مستحيل ان يتفق الجميع على صحة شيء او خطأ شيء
فمن الوارد إنك تلقى هجوم في بعض الاحيان
وانا مش ملاك ... طبيعي حيكون ليا سقطات

2-قليل التواجد في القسم العام(علي الاقل في وجودي)
باعتبار انه الجملة دي صحيحة .... معتقدش إنها تعد امر شخصي
لكنها نابعة من رؤيتك لاسمي في الانتخابات على القسم العام
والا ممكن اقولك انك من عيوبك انك مش موجود في قسم الاخبار !!!

ولكن على كل حال ... وللأسف في فترة وجودك انت يعتبر محضرتش القسم العام
اللى موجود دلوقتي ممكن تسميه سلطة او كشري او اي حاجة غير القسم العام بتاع اكبر بوابة تعليميةمصرية
ما بين نكت وفوازير ومسابقات وترحيبات وناس حتسيب المنتدى وناس عايزة ترجع
فين المواضيع اللى المفروض اتناقش فيها هنا ؟

لو لاحظت حتلاقي النخبة بتاعت المنتدى معظمها انقطعت عن القسم العام خاصة
لإنه ببساطة مبقاش فيها تقدير للمناقشات الحقيقية

لما حبيت احط موضوع مثلاً من يومين .... حطيته في التوقيع عشان انا نفسي اقدر اوصله في الصفحة الرابعة في القسم العام !
3-بعيد شوية عن الاعضاء (ده اللي انا حاسه)
دي إلى حد ما مظبوطة بدرجة كبيرة
لإنه انشغالي العام وكثرة الاشراف قللت امكانية تواجدي ومشاركاتي المستمرة
لكن ده اوي في الاقسام اللى انا منتشر فيها
زي قسم الاخبار والقسم الهندسي وقسم قسم الاذكياء وكنت في قسم الجرافكس وكده يعني

بس انتو مش بشوفكو عشان معظم تواجدكو بقى في العام
والعام بقى بيأدي وظائف جميع الاقسام :p

3 مزايا هذا العضو ..زي الوصف

ده رأيي الشخصي فيك
ان كنت عايز تثبتلي ان العيوب دي مش موجودة فيك حاول بس تغير الفكرة اللي واخدها عنك
و ادي واحد ضدك يا سيدي علشان متزعلش
تقبل مروري الثقيل
لا بالعكس ده اكتر رد خلاني ارد عليه بجد اساساً
وتشخيصك مظبوط لحد كبير
وانا برحب بالانتقادات طبعاً

THE CodeR

28-08-2010, 09:40 PM

لا بالعكس ده اكتر رد خلاني ارد عليه بجد اساساً
وتشخيصك مظبوط لحد كبير
وانا برحب بالانتقادات طبعاً
طيب ناوي تثبت غير كده ولا ايه؟؟
هل ينفع اني اكلمك علي الميل؟؟
؟

BaNZeR

28-08-2010, 09:46 PM

طيب ناوي تثبت غير كده ولا ايه؟؟
هل ينفع اني اكلمك علي الميل؟؟
؟
اثبت غير ايه ... اني مردش بتلقائية يعني ؟
طول مانا واثق من نفسي مش حيهمني الانتقادات ... ولا اقصد كل الانتقادات ... السلبية فقط
واكيد يا باشا تنوري عالميل انا مش كبير على حد
ويفضل لو كملنا ده في الرسايل الخاصة عشان منقلبش الحوار لـ(شات)

**تسابيح**

28-08-2010, 10:44 PM

بسم الله
نبدأ
(!)شخصة بتجبر الجميع علي احترامها
(2)ما شاء الله علي تفكيره ومعلوماته راقي جداا
وعندك ثقة في نفسه ,وكل حاجة عنده لها رد...
(3)نشيط كمشرف وكعضو ولما تلقيه في أي موضوع
يبقي أكيد الموضوع ثقة انك تدخليه ...
ولما دخل موضوعك يبقي يوم عيد:d

....................
(1) متعرفيش تأخذي معاه لا حق ولا باطل:bosyht9:
بالذات لما تكونوا مختلفيين في نقطة ما مثلا..
سبحان الله!
بيجيب أمثلة تحسي بخيبة الأمل
ولازم تفكري عشان متظهرش الخيبة دي:d
وعنده سرعة بديهه وردود لكل حاجة ...
وطبعا بيحترم رأي اللي أدامه ورأيه
بس ردوده جاهزة دايما ...:o:o

(2) أستاذ في الإحراج:d..
يعني مثلا يدخل الموضوع
ويسأل سؤال سهل وبسيط
ايه علاقة العنوان بالموضوع .....!!
هو اه يعني عشان مكذبش
كلام بيبقي صح ..
وبيخليني افكر الف مرة اقبل ما اكتب العنوان:d
بس بردو
أموت وأعرف مفيش حاجة تفوته أبداا:o

....................................
نصيحة بئا
يابنتي هو اللي يدينا نصايح
ياريت يابشمهندس تدينا نصايح كدا
ع الماشي :)
ع العموم
ربنا يوفقك يارب في حياتك كلها
ويرزقك بالزوقك الصالحة
اللي أبوها ميطلبش مهر كثير:d
.........
شكراا ع الموضوع
لو افتكرت حاجة تانية
أهو الموضوع مفتوح لحد بكره:d
ومنور يابشمهندس

cool girle

29-08-2010, 12:46 AM

شوفت ياعم بانزر

اشطه معاك خالص

انا رايى فيك باختصار بما انى مش اعرفك اوى يعنى

بس كل معلوماتى عندك انك محترم ولسه مشوفتش حاجه وحشه منك خالص

ولو شوفت هاقووووووووووووووول

ها ياجماعه ياله

هاختار عضو تانى بكره بليل ان شاء الله

شدوا حيلكوا

عاشقة الطفولة

29-08-2010, 12:54 AM

طيب احنا منتظرين العضو الجديد بكرة ان شاء الله

cool girle

29-08-2010, 12:58 AM

اوكى باذن الله

اجدعنوا انتوا بس وادوا لبانزر حقه

BaNZeR

29-08-2010, 01:15 AM

بسم الله

نبدأ
(!)شخصة بتجبر الجميع علي احترامها
اكيد طبعاً شئتم ام ابيتم :p
(2)ما شاء الله علي تفكيره ومعلوماته راقي جداا
وعندك ثقة في نفسه ,وكل حاجة عنده لها رد...
الله يخليكي ده مو ذوقك بس
(3)نشيط كمشرف وكعضو ولما تلقيه في أي موضوع
يبقي أكيد الموضوع ثقة انك تدخليه ...
ولما دخل موضوعك يبقي يوم عيد:d
مش للدرجة يعني .... احياناً بدخل الموضوع مجاملة لصاحبه بس :p

....................
(1) متعرفيش تأخذي معاه لا حق ولا باطل:bosyht9:
بالذات لما تكونوا مختلفيين في نقطة ما مثلا..
سبحان الله!
بيجيب أمثلة تحسي بخيبة الأمل
ولازم تفكري عشان متظهرش الخيبة دي:d
وعنده سرعة بديهه وردود لكل حاجة ...
وطبعا بيحترم رأي اللي أدامه ورأيه
بس ردوده جاهزة دايما ...:o:o

ده هو موقف واحد اللى اتعاملنا فيه كده
وده تقريباً قربت احضر فيه ماجستير ودكتوراه
فمستحيل حد يقدر يقفلي كل الادلة دي :d

وبصراحة مبرداش اخش موضوع مش حعرف احكي فيه

(2) أستاذ في الإحراج:d..
يعني مثلا يدخل الموضوع
ويسأل سؤال سهل وبسيط
ايه علاقة العنوان بالموضوع .....!!
هو اه يعني عشان مكذبش
كلام بيبقي صح ..
وبيخليني افكر الف مرة اقبل ما اكتب العنوان:d
بس بردو
أموت وأعرف مفيش حاجة تفوته أبداا:o

لا مش للدرجة يعني
بس اكيد العنوان اول حاجة بتلفتني
واول ما اقراه ... بيخطر في ذهني حاجتين
فكرة الموضوع وتعليقه
ممكن فكرة الموضوع تتغير ... بس التعليق لسه موجود :d
....................................
نصيحة بئا
يابنتي هو اللي يدينا نصايح
ياريت يابشمهندس تدينا نصايح كدا
ع الماشي :)
ع العموم
ربنا يوفقك يارب في حياتك كلها
ويرزقك بالزوقك الصالحة
اللي أبوها ميطلبش مهر كثير:d
.........
شكراا ع الموضوع
لو افتكرت حاجة تانية
أهو الموضوع مفتوح لحد بكره:d
ومنور يابشمهندس

الله يخليكي يا تسابيح ... وصف رائع بصراحة :022yb4:
بس ده بحكم قضية اتناقشنا فيها ومازلت مصر على رأيي فيها :d

لكن مش عامة في باقي المواضيع بصفة عامة

وتسلمي كتير للكلام الجميل

شوفت ياعم بانزر

اشطه معاك خالص

انا رايى فيك باختصار بما انى مش اعرفك اوى يعنى

بس كل معلوماتى عندك انك محترم ولسه مشوفتش حاجه وحشه منك خالص

شكراً لرد حضرتك وللكلام الجميل بتاع الاعضاء كلهم

وسعيد بتواجدي في الحلقة دي
وبالتوفيق للضيف الجديد

سؤئة الطيوبة

29-08-2010, 01:24 AM

girlystyle

29-08-2010, 04:08 AM

للاسف انا لسه جديده
مش هقدر اقول رأيي
بس اقدر اقول
اللهم اهدنا وسامحنا واغفر لنا جميعا وكل الاعضاء
تقبلوا مروري
تحياتي الطيبه

BaNZeR

30-08-2010, 06:43 AM

اممممم .....ممكن اقول انة صـــــــارم وحـــــازم وامــــام ههههههههههههه انا متعملتش معاة ابدا .......بس بحس انة.....شخصية مرحة ....ودمها خفيف .. وبيجتهد فى الاشراف ......وووبس وجميل موضعك يا سمسة يا قمرومستنين العضو الجاااااااااااااااااااااااى ع نارررررررررررررررررررررررر
صارم وحازم امام كمان :d
ماشية بما إني زملكاوي يعني :d
تسلمي للكلام الجميل يا سؤنة الطيوبة .... بغض النظر عن كونها في مدرسة السفاحات وصديقة قديمة لدراكولا :d
نورتيني يا سؤنة

للاسف انا لسه جديده
مش هقدر اقول رأيي
بس اقدر اقول
اللهم اهدنا وسامحنا واغفر لنا جميعا وكل الاعضاء
تقبلوا مروري
تحياتي الطيبه
ولا يهمك يكفيني مرورك معانا

_____________________

يلا يا كول جيرل اليومين خلصو ومحدش ضامن الردود الجاية ممكن تبقى شكلها ايه :d

Doctor S.E

30-08-2010, 10:29 AM

من خلال معرفتي السطحيه جدا
عضو مميز بجد
يعني انا لما بشوف رده على حاجه مش عارفه ليه كل مره افتكره من الاداره
بس و الله و من غير مجاملات ما شاء الله
ان شاء الله بالتوفيق و الى الامام يا بشمهندس

سؤئة الطيوبة

30-08-2010, 10:37 AM

[quote=BaNZeR;2598358]صارم وحازم امام كمان :d
ماشية بما إني زملكاوي يعني :d
تسلمي للكلام الجميل يا سؤنة الطيوبة .... بغض النظر عن كونها في مدرسة السفاحات وصديقة قديمة لدراكولا :d
نورتيني يا سؤنة

ولا يهمك يكفيني مرورك معانا

_____________________
واااااااااااااااو ........اخيرا لقيت حد زملكاوى هنا :022yb4:
شكرا ليك دة نورررررررررررك.:d.........اية دة انا مشهورة وانا مش واخدة بالى :006et4:

cool girle

30-08-2010, 12:42 PM

ها بقى مش عايزين تعرفوا العضو الجديد

العضو الجديد هو

the coder

احمد باشا

cool girle

30-08-2010, 12:44 PM

انا هابدا

كل معلوماتى عنه انه مثقف جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااا

ومحترم اوى وجدع

اوى اوى

وربنا يوفقه ياررب فى الفيزيا ويخش الكلية الى نفسه فيها

انتوا بقى ايه رايكوا فى احمد

BaNZeR

30-08-2010, 01:05 PM

ابو حميد .... اتعرفنا بالظبط من يومين بس :d

يمكن هو شافلي ردود كتير هنا وانا معرفش عنه كتير هنا اكتر من الكلمتين اللى عرفتهم عنه من بره

فطبعاً بما إنه عمل معايا الواجب هنا لازم حنعمل معاه الواجب :d

احمد شخصية محترمة جداً

طموحة جداً

تفكيره اكبر من سنه ... وعنده معلومات جميلة بصراحة

كعيوب ونظراً لإننا متعاملناش تقريباً
ممكن تكون بتحكم عالشخصيات بسرعة ؟

نصيحة ليه ...
اوعى تيأس او تدايق ولو فشلت تجربتك عشرين مرة !

cool girle

30-08-2010, 01:07 PM

ميرسى ياباشا ع المرور

معلشى انا بقى الى برد على ما احمد يبقى موجود

cool girle

30-08-2010, 03:08 PM

ياسلام ايه محدش عارف احمد

the coder

mohamed4

30-08-2010, 07:30 PM

the coder

السلام عليكم

المميزات :
(1) إنسان محترم وعضو نشيط
(2) محب للعلوم ( وخاصةً الفيزياء )*
(3) بيقول كلمة حق ..
العيوب :
بصراحة
ماشفتش فيه عيوب
رجل تمام

كلمة:
ربنا يوفقك وتبقي عالم فيزياء شهير
وتنفع الامة بعلمك
.. آمين

اتكلمـ بالنيابة عن الأميـرمحمد

..

cool girle

30-08-2010, 08:20 PM

ميرسى يامحمد ع المرور

ياريت احمد يخش بقى ويرد

NOUFALL

30-08-2010, 08:43 PM

يا خسارة حلقة بانزر خلصت دا انا كنت هسلخك

والبنسبة ل ذا كودر فانا معرفش عنه اى حاجة تقريبا
وربنا يوفقه

cool girle

30-08-2010, 08:47 PM

منور ياباشا

BaNZeR

30-08-2010, 09:00 PM

يا خسارة حلقة بانزر خلصت دا انا كنت هسلخك

والبنسبة ل ذا كودر فانا معرفش عنه اى حاجة تقريبا
وربنا يوفقه

من حسن حظي بقى :022yb4:

amira elnaggar

30-08-2010, 09:14 PM

حلو الموضوع دة شكلو لذيذ

THE CodeR

30-08-2010, 09:36 PM

ها بقى مش عايزين تعرفوا العضو الجديد

العضو الجديد هو

the coder

احمد باشا
الله يسامحك برضه خليتيني هنا
انا محدش يعرفني علي المنتدي علشان يتكلم
عامة ربنا يستر بقي:blush:
انا هابدا

كل معلوماتى عنه انه مثقف جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااا

ومحترم اوى وجدع

اوى اوى

وربنا يوفقه ياررب فى الفيزيا ويخش الكلية الى نفسه فيها

انتوا بقى ايه رايكوا فى احمد
والله شهادتك دي حاجة تشرفني و بإذن لالله اكون عند حسن ظنك فيا
و يارب انجح فعلاً في موضوع الكلية ده
ابو حميد .... اتعرفنا بالظبط من يومين بس :d

يمكن هو شافلي ردود كتير هنا وانا معرفش عنه كتير هنا اكتر من الكلمتين اللى عرفتهم عنه من بره

فطبعاً بما إنه عمل معايا الواجب هنا لازم حنعمل معاه الواجب :d

احمد شخصية محترمة جداً

طموحة جداً

تفكيره اكبر من سنه ... وعنده معلومات جميلة بصراحة

كعيوب ونظراً لإننا متعاملناش تقريباً
ممكن تكون بتحكم عالشخصيات بسرعة ؟

نصيحة ليه ...
اوعى تيأس او تدايق ولو فشلت تجربتك عشرين مرة !
سبحانك يارب
كنت من يومين متضايق من وجودك علي المنتدي
دلوقت بقيت بدخل علشان اشوفك
و رأيك صح 100%
انا لي حد ما سريع في حكمي علي شخص معين لاني باخد بالي من كل كلمة تتقال منه او عليه
شكراً لمرورك الكريم يا مهندس بانزر
ياسلام ايه محدش عارف احمد

the coder
اديكي اتأكدتي بنفسك و خليتي شكلي..........:blush::blush: ربنا يسامحك بقي

the coder

السلام عليكم

المميزات :
(1) إنسان محترم وعضو نشيط
(2) محب للعلوم ( وخاصةً الفيزياء )*
(3) بيقول كلمة حق ..
العيوب :
بصراحة
ماشفتش فيه عيوب
رجل تمام

كلمة:
ربنا يوفقك وتبقي عالم فيزياء شهير
وتنفع الامة بعلمك
.. آمين

اتكلمـ بالنيابة عن الأميـرمحمد

..

شكراً لمرورك الكريم يا امير محمد
و كلنا معاك بإذن الله في موضوع ايقافك لانك فعلاً من الاعضاء المميزين
مع انك داخل المنتدي بعديا لكن بقي ليك اسم رنان فيه
و انا شايف انك الاحق انك تكون في الموضوع ده مكاني لانك تستحق و زيادة
و بإذن الله كلنا وراك يا محمد
شكراً لمرورك
و يسمع من بقك ربنا يا محمد و اكون عالم فيزياء في المستقبل
يا خسارة حلقة بانزر خلصت دا انا كنت هسلخك

والبنسبة ل ذا كودر فانا معرفش عنه اى حاجة تقريبا
وربنا يوفقه
والله لو كل واحد دخل الموضوع رد زيك كنا كملنا علي الاقل خمس صفح
لان محدش يعرفني اساساً علي المنتدي
و حظك وحش انك ملحقتش بانزر
فرقت يوم واحد بس و كنا هانشوف حواديت في الموضوع :d
شكراً لمرورك
حلو الموضوع دة شكلو لذيذ
يإذن الله يكون اجمد بوجودك و مشاركتك فيه

جزاكم الله كل خير جميعاً

cool girle

06-09-2010, 08:01 PM

اظن بقى تحمد خد حقه وزياده

العضو الجديد

مفاجاه

حد محترم جداااااااااااااااااااااااا

الامير محمد

ورينى شطارتكوا ياحلوين

THE CodeR

06-09-2010, 09:16 PM

الامير محمد طبعاً كان ليه بصمة كبيرة هنا علي المنتدي
ربنا يرجعهولنا بالسلامة

بس هو انسان محترم و طيب و اخلاق علي عكس ما قالوا عنه
و حساس و اخلاقه عالية
و مش بيحب يسيب حقه و بيسعي وراه
بس عيبه انه طيب زيادة عن اللزوم
و احياناً مش بيقدر يسيطر علي نفسه
و ليه سمعة طيبة هنا علي المنتدي علي عكس ما شاع عنه مؤخراً

يارب اكون اديته حقه من الوصف مع اني متأكد من تقصيري تجاهه
و تقبلي مروري

Dr.Silent

06-09-2010, 10:01 PM

الامير محمد
على حد معرفتى بيه من خلال مشاركاتة الطيبة

انسان محترم جدااااااااااااااااااااااااااااااااااا

وخلوق وعنده كرامة وعزة نفس

اما العيوب فممكن يكون انه متسرع اومنفعل شوية

لكن بجد هو حد كويس اووووووووووى

ربنا يرجعه بالسلامة

cool girle

07-09-2010, 12:55 AM

ميرسى ياجماعه ع المرور نورتوا الموضوع

ياعينى يااحمد اتوقفت

Dr.Silent

07-09-2010, 01:00 AM

بسم الله الرحمن الرحيم!!!!!!!!!!
انا كنتت لسة داخلة من شوية وكان موجود عادى ايه اللى حصل؟

cool girle

07-09-2010, 01:08 AM

مش عارفه والله احمد بيموت فى المشاكل

Dr.Silent

07-09-2010, 01:20 AM

ربنا يستر ويعدى الفترة دى بقى على خير

طب غيرى العضو

يعنى قولى حد تانى غير الامير محمد
منعا للمشاكل

cool girle

07-09-2010, 01:22 AM

ما هو مش هينفع انا خلاص حطيته

وبعدين انا عرفت انه مظلوم

مش هينفع بجد

خلاص انا اخترته وقولوا رايكوا فيه بصراحه

بلالل

07-09-2010, 02:07 AM

بصراحه انا متعرفتش عليه بس من مشاركاته ومواضيعه ملحوظ انه انسان محترم ومجتهد وعلى خلق بس منفعل لابعد حد
تقبلى مرورى

cool girle

07-09-2010, 02:16 AM

ميرسى يابلال ع المرور

نورت

MR : ABO BATTA

07-09-2010, 05:11 PM

الأخ بانــــــــزر
1 - وصف العضو المختار بثلاث كلمات ..

1-انسان خلوق ومهذب

2-انسان اجتماعي

3- عضو بل مشرف فعال

توضيح عيوب هذا العضو .. بكل صراحة ومفيش زعل

لم اصادف شيء يعيبه حتى الآن

3 مزايا هذا العضو ..

1- ردوده سريعة

2-مواضيعه هادفة

3-اسمه حلو ... هههه

4) توجية نصيحة للعضو او كلمه اخيره ..

سر على خطى ثابتة نحو نجاح مستمر دائما في المنتدى وخارجه
وفقك الله الى ما تحب وترضى

cool girle

08-09-2010, 01:10 AM

ميرسى ياابو بطه ع المرور بس انا مختاره الامير محمد

بس نورتنى

BaNZeR

08-09-2010, 03:23 AM

شكراً جزيلاً للكلمات الجميلة استاذ ابو بطة
ودي شهادة على راسي من فوق :)

small star

08-09-2010, 10:52 AM

موضوع جميل .

MR : ABO BATTA

08-09-2010, 05:52 PM

ميرسى ياابو بطه ع المرور بس انا مختاره الامير محمد

بس نورتنى
معذرة اصل انا دخلت الموضوع من أول صفحة

MR : ABO BATTA

08-09-2010, 05:54 PM

شكراً جزيلاً للكلمات الجميلة استاذ ابو بطة
ودي شهادة على راسي من فوق :)
انت تستحق اكثر من ذلك يا بشمهندس

الأميرمحمد

08-09-2010, 07:37 PM

سبحان الله ,,

سبحان الله ,,

سبحان الله ,,

cool girle

09-09-2010, 02:55 AM

مدة الامير محمد انتهت

العضو الجديد

الباشا وجدان حنفى

استلقى وعدك بقى

samar saad

09-09-2010, 04:32 AM

حلو الموضوع ده يا سمسة وانا مش اعرف واخر من يعلم ماشى يا ستى استلقى وعدك بقا

والله لو هنتكلم عن وجدان على حد معرفتى بيه
- طيب جدا لابعد حد على الرغم انه دايما مظلوم وبيتهاجم يا عينى بس ربنا بينصره دايما
- دكتور نفسى شاطر وبتمنا يارب فعلا يبقا دكتور بجد لان عقليته حلوة وهيساعد ناس كتير
- وكريم جدا وجدع ولو حد طلب منه حاجه يحققهاله ان شاالله يكون فيها توقيفه ههههههههه
- مرح جدا وبيحب يعلق على الردود المرحه واللى دمها خفيف
- مثقف جدا من الناحية الدينية بس مش باين عليه بيظهر اوقات اوقات
- متفائل جدا للحياة وحاجه بحيه عليها رغم الصدمات اللى قبلته
- بيحب الناس جدا واجتماعى بس عنده كام حد مفضلين
- عنده قلق شوية بس بتمر بسرعه

بس عيبه بقا بالنسبة ليا انه بيحب يبقا فى الصفوف الخلفية ومش بيحب يكتي موضوعات بيكتفى بالرد بس وانا شايفة ان ده عيب ولازم يمحيه
وامنيتى ليه ودعوتى ان ربنا يحبب فيه خلقه دايما وينصره دايما وانه مش ييأس من رحمت ربنا ويفضل دايما فى طريقه
يارب اكون قولت كلام صح

تغريد الطيور

09-09-2010, 11:59 AM

يوووووووووووووه كان نفسى اكون فى دور البشمهندس بانزر لانى كان عندى شوية كلام ..........

cool girle

10-09-2010, 11:45 AM

[quote=samar saad;2639428]حلو الموضوع ده يا سمسة وانا مش اعرف واخر من يعلم ماشى يا ستى استلقى وعدك بقا

والله لو هنتكلم عن وجدان على حد معرفتى بيه
- طيب جدا لابعد حد على الرغم انه دايما مظلوم وبيتهاجم يا عينى بس ربنا بينصره دايما
- دكتور نفسى شاطر وبتمنا يارب فعلا يبقا دكتور بجد لان عقليته حلوة وهيساعد ناس كتير
- وكريم جدا وجدع ولو حد طلب منه حاجه يحققهاله ان شاالله يكون فيها توقيفه ههههههههه
- مرح جدا وبيحب يعلق على الردود المرحه واللى دمها خفيف
- مثقف جدا من الناحية الدينية بس مش باين عليه بيظهر اوقات اوقات
- متفائل جدا للحياة وحاجه بحيه عليها رغم الصدمات اللى قبلته
- بيحب الناس جدا واجتماعى بس عنده كام حد مفضلين
- عنده قلق شوية بس بتمر بسرعه

بس عيبه بقا بالنسبة ليا انه بيحب يبقا فى الصفوف الخلفية ومش بيحب يكتي موضوعات بيكتفى بالرد بس وانا شايفة ان ده عيب ولازم يمحيه
وامنيتى ليه ودعوتى ان ربنا يحبب فيه خلقه دايما وينصره دايما وانه مش ييأس من رحمت ربنا ويفضل دايما فى طريقه
يارب اكون قولت كلام صح[/quote

تسلميلى ياسمورتى ع المرور ع فكره والله حتى وجدان لسه مش قولتله

ع فكره كل الى قولتيه صح عن وجدان

نورتينى ياسمورتى

samar saad

10-09-2010, 04:25 PM