FRANKENSTEIN
22-07-2007, 09:00 PM
احنا بنتباع .. مين يزود !
الواضح أننا مبقاش لينا قيمة .. علشان كدة البلد بتتباع .. ممكن بكرة يبيعوا ويشتروا فينا أحنا كمان .. ما هو مافيش حد حامينا .
جدتي زمان لما كانت تحب تعرف حد أنه ملوش لزمه كانت تقول له يا للي بتتباع في سوق الرجالة بتلاتة ماليم .. أحنا دلوقتي مانسواش التلاتة مليم دول .
والدليل شوفوا كام مصري من باخرة السلام مات .. أكتر من ألف وربعميه لكن بالتأكيد مش أقل .. سمعنا أن فيه تعويضات للي عاشوا وتعويضات أكتر للي ماتوا وكلام وردي كتير لدرجة ان الواحد حلم أنه يموت في الباخرة دي عشان اهله المتكحرتين في مصر يستفيدوا بالفلوس دي مادام وجود الأنسان في مصر بقي زي عدم وجودة .
لكن تعالي ندور علي اللي حصل لحد دلوقتي .. المحاكم رفضت القضية .. والناس ماصرفتش التعويضات .. وصاحب باخرة السلام سافر فرنسا تحت سمع وبصر الشرطة المصرية ومحدش كلمه .. أصل معلهوش حاجة .
وياعالم هيرجع ولا لأ ..هو يعني أحسن من اللي هربوا بره مصر ومرجعوش .
كل يوم يكلمونا عن الأنتماء وعن حب الوطن اللي غالي علينا .. وهما بيبعوا ترابها .. أقولكم علي حاجة أنتم أكيد عارفنها كويس .
شركة عمر افندي تمتلك 28 فرع تمليك و54 فرع ايجار وأراضي تتجاوز مساحتها 30 ألف متر مربع بالاضافة إلي عدد من المخازن واسطول نقل يضم 146 سيارة نقل بضائع و11 سيارة مقطورة و55 سيارة ركوب.
ومع ذلك تقرر بيعه بمبلغ 500 مليون جنية رغم أن ثمنة الاساسي يقدر بمليار ومائة وتسعة وثلاثين مليون جنيه .
يعني بيبعوا البلد برخص التراب .. اقولكم علي حاجة أفظع .
تعرفوا الوليد ابن طلال طبعا..
وللي مش عارفينة انه صاحب جميع قنوات روتانا .. وصاحب
الفور سيزون .. وصاحب الميريديان اللي بقي اسمة جرند حياة دلوقتي .. وحجات كتير جدا في مصر غير طبعا الاراضي اللي مالهاش عدد في توشكا ..عارفنها طبعا اللي كانوا بيقولوا عليها انها الامل المصري اللي هيوفرا فرص العمل للبطالة لشبابنا .. واتباعت للأمراء الخليج اللي بيزرعوا فيها دلوقتي أفضل انواع الخضار والفاكهة وبتتصدر لبلادهم .
عمنا الوليد ودي المفاجأة اللي هتصدم اللي ميعرفش واللي هتقلب المواجع علي اللي يعرف .. أشتري .. أشتري إية المرة دي .
1- مجمع التحرير .. عشان يعمل مكانة فندق كبير .. طبعا فيه حركات تمهيدية قالت انه المجمع ايل للسقوط .. وان بالتأكيد زلزال 92 أثر فية
2- اشتري مكان المتحف المصري .. قالوا ان الاثار بقت كتيرة علي المتحف الصغنن ده وان فيه اثار بقت تتسرق وانهم هينقلواه مدينة 6 أكتوبر
3- اشتري حديقة الحيوان بالجيزة .. انتم عارفين مساحتها قد أية علشان تتعمل منتجع للسياح اللي بيقيموا في فندقة .. طبعا قالوا انهم قفلين حديقة الحيوان علشان فيه كام بجعة عندها انفلونزا الطيور وخايفين علي الناس الزوار .
طب تعرفوا ان مرض انفلونزا الطيور ده نخعة وخطة كبيرة جدا عملينها علينا ..اقولكم ازاي .
من كام سنة والحكومة مش قادرة تسيطر علي سوق الفراخ في مصر بسبب المزارع والتربية فوق البيت .. مش راضيين الناس تأكل من غير ما تدفع ضرايب .
طبعا بعد هوجة انفلونزا الطيور قالوا ان المزارع فيها الفيرس ودبحوا كام ألف فرخة وحزروا الناس تربي فوق البيت فراخ عشان اي طير هينزل علي سطحهم ضروري هينقلهم الفيرس .
طبعا بدأو ينزلوا فراخ مثلجة للبيعين وطبعا عليها ضرايب وبالسعر اللي عاجبهم .
طب مسألناش نفسنا هما جابوا الفراخ السليمة منين أدام الفراخ المصرية بقت كلها عندها أنفلونزا رغم اني ماشفتش فرخة يتيمة بتعطس في مصر .. وان علي مدار 3 سنوات هي عمر المرض لم يتوفي غير 130 شخص علي مستوي العالم .
في فلسطين لما لقوا الفيرس في مزرعة عمال المزرعة وقفوا للشرطة الأسرائلية وقالوا مش هنموت فرخة واحدة غير لما الحكومة تعوضنا عن الأضرار دي .. والحكومة عوضتهم .
طب ليه الحكوم ما عوضتش الناس صحاب المزارع في مصر .. لية ما شوفناش فرخة واحدة بتتحرق أدام عنينا من اللي عندهم الفيرس .. منين الحكومة جابت كل الفراخ المثلجة دي ونشرتها علي مستوي الجمهورية في الوقت القليل ده .
يا جماعة البلد ما بقتش بتاعتنا بقت بتاعة الكبار .. اللي بيتحكموا فينا بفلوسهم وبصفقاتهم الخارجية .
هقولكم علي حاجة تاني تعرفوا ان القرار اللي صدر بخصوص حزام الامان في مصر من سنة ولا سنتين وقالوا ان عدم وجودة هو سبب الحوادث في مصر .
تعرفوا ان فيه مسئول مصري مهم هو اللي مدخل الصفقة دي مصر لأنه مكنش عارف يبيعها فين غير هنا .. عشان كدة كلم صحابه اللي احنا عارفينهم عشان يصدروا قوانين لصالح أحزمتة ويتباع الحزام الواحد ب200 جنية بدل 45 جنية وطبعا ده النص بالنص مع اللي بالي بالكم .
أقولكم أية .. أنا محبط .. محبط بشكل فظيع .. لازم نداس بالجزم في البلد دي عشان نحس بإنتمأنا ليها .. ولازم نتهان عشان نعرف نعيش .. لازم نتسرق وأحنا بنضحك .. لازم يخدوا أبداعاتنا وأفكارنا وينسبوها لنفسهم واحنا راضيين عشان الملاليم اللي بناخدها منهم في الاخر عشان نعرف نعيش .
من كام يوم سافرت قطر .. في استضافة علي نفقة قناة الجزيرة لأجراء حوار خاص معي عن قاموس روش طحن الذي تشرفت بكتابته ..
مش هقولكم علي الأستقبال وعلي الحفاوة اللي لقتها برة مصر .. مش هحكي ليكم علي جمال الناس هناك وجمال الشوارع والعربيات الحديثة اللي اكتشفت أن اصغر عيل فيكي يا قطر راكب عربية مرسيدس وان عربيات الهامر الخيالية التي نراها في الأفلام ملية الشوارع هناك وبرخص التراب .
والله .. والله احنا ما عايشين .. أحنا متكحرتين .. بنكح اسفلت .. وكلانا البرومة .. العفشة قفشة والابلتين لادع في دهاليز الحياة .. والحكومة منفضة للشعب حلاقه له .. مطنشاه فاكرنا خارج نطاق الخدمة .. شبكتنا واقعة .. والمصري هيفضل مصر خيرة مسروق ومش عارف يفوق .
ياسر حماية
الواضح أننا مبقاش لينا قيمة .. علشان كدة البلد بتتباع .. ممكن بكرة يبيعوا ويشتروا فينا أحنا كمان .. ما هو مافيش حد حامينا .
جدتي زمان لما كانت تحب تعرف حد أنه ملوش لزمه كانت تقول له يا للي بتتباع في سوق الرجالة بتلاتة ماليم .. أحنا دلوقتي مانسواش التلاتة مليم دول .
والدليل شوفوا كام مصري من باخرة السلام مات .. أكتر من ألف وربعميه لكن بالتأكيد مش أقل .. سمعنا أن فيه تعويضات للي عاشوا وتعويضات أكتر للي ماتوا وكلام وردي كتير لدرجة ان الواحد حلم أنه يموت في الباخرة دي عشان اهله المتكحرتين في مصر يستفيدوا بالفلوس دي مادام وجود الأنسان في مصر بقي زي عدم وجودة .
لكن تعالي ندور علي اللي حصل لحد دلوقتي .. المحاكم رفضت القضية .. والناس ماصرفتش التعويضات .. وصاحب باخرة السلام سافر فرنسا تحت سمع وبصر الشرطة المصرية ومحدش كلمه .. أصل معلهوش حاجة .
وياعالم هيرجع ولا لأ ..هو يعني أحسن من اللي هربوا بره مصر ومرجعوش .
كل يوم يكلمونا عن الأنتماء وعن حب الوطن اللي غالي علينا .. وهما بيبعوا ترابها .. أقولكم علي حاجة أنتم أكيد عارفنها كويس .
شركة عمر افندي تمتلك 28 فرع تمليك و54 فرع ايجار وأراضي تتجاوز مساحتها 30 ألف متر مربع بالاضافة إلي عدد من المخازن واسطول نقل يضم 146 سيارة نقل بضائع و11 سيارة مقطورة و55 سيارة ركوب.
ومع ذلك تقرر بيعه بمبلغ 500 مليون جنية رغم أن ثمنة الاساسي يقدر بمليار ومائة وتسعة وثلاثين مليون جنيه .
يعني بيبعوا البلد برخص التراب .. اقولكم علي حاجة أفظع .
تعرفوا الوليد ابن طلال طبعا..
وللي مش عارفينة انه صاحب جميع قنوات روتانا .. وصاحب
الفور سيزون .. وصاحب الميريديان اللي بقي اسمة جرند حياة دلوقتي .. وحجات كتير جدا في مصر غير طبعا الاراضي اللي مالهاش عدد في توشكا ..عارفنها طبعا اللي كانوا بيقولوا عليها انها الامل المصري اللي هيوفرا فرص العمل للبطالة لشبابنا .. واتباعت للأمراء الخليج اللي بيزرعوا فيها دلوقتي أفضل انواع الخضار والفاكهة وبتتصدر لبلادهم .
عمنا الوليد ودي المفاجأة اللي هتصدم اللي ميعرفش واللي هتقلب المواجع علي اللي يعرف .. أشتري .. أشتري إية المرة دي .
1- مجمع التحرير .. عشان يعمل مكانة فندق كبير .. طبعا فيه حركات تمهيدية قالت انه المجمع ايل للسقوط .. وان بالتأكيد زلزال 92 أثر فية
2- اشتري مكان المتحف المصري .. قالوا ان الاثار بقت كتيرة علي المتحف الصغنن ده وان فيه اثار بقت تتسرق وانهم هينقلواه مدينة 6 أكتوبر
3- اشتري حديقة الحيوان بالجيزة .. انتم عارفين مساحتها قد أية علشان تتعمل منتجع للسياح اللي بيقيموا في فندقة .. طبعا قالوا انهم قفلين حديقة الحيوان علشان فيه كام بجعة عندها انفلونزا الطيور وخايفين علي الناس الزوار .
طب تعرفوا ان مرض انفلونزا الطيور ده نخعة وخطة كبيرة جدا عملينها علينا ..اقولكم ازاي .
من كام سنة والحكومة مش قادرة تسيطر علي سوق الفراخ في مصر بسبب المزارع والتربية فوق البيت .. مش راضيين الناس تأكل من غير ما تدفع ضرايب .
طبعا بعد هوجة انفلونزا الطيور قالوا ان المزارع فيها الفيرس ودبحوا كام ألف فرخة وحزروا الناس تربي فوق البيت فراخ عشان اي طير هينزل علي سطحهم ضروري هينقلهم الفيرس .
طبعا بدأو ينزلوا فراخ مثلجة للبيعين وطبعا عليها ضرايب وبالسعر اللي عاجبهم .
طب مسألناش نفسنا هما جابوا الفراخ السليمة منين أدام الفراخ المصرية بقت كلها عندها أنفلونزا رغم اني ماشفتش فرخة يتيمة بتعطس في مصر .. وان علي مدار 3 سنوات هي عمر المرض لم يتوفي غير 130 شخص علي مستوي العالم .
في فلسطين لما لقوا الفيرس في مزرعة عمال المزرعة وقفوا للشرطة الأسرائلية وقالوا مش هنموت فرخة واحدة غير لما الحكومة تعوضنا عن الأضرار دي .. والحكومة عوضتهم .
طب ليه الحكوم ما عوضتش الناس صحاب المزارع في مصر .. لية ما شوفناش فرخة واحدة بتتحرق أدام عنينا من اللي عندهم الفيرس .. منين الحكومة جابت كل الفراخ المثلجة دي ونشرتها علي مستوي الجمهورية في الوقت القليل ده .
يا جماعة البلد ما بقتش بتاعتنا بقت بتاعة الكبار .. اللي بيتحكموا فينا بفلوسهم وبصفقاتهم الخارجية .
هقولكم علي حاجة تاني تعرفوا ان القرار اللي صدر بخصوص حزام الامان في مصر من سنة ولا سنتين وقالوا ان عدم وجودة هو سبب الحوادث في مصر .
تعرفوا ان فيه مسئول مصري مهم هو اللي مدخل الصفقة دي مصر لأنه مكنش عارف يبيعها فين غير هنا .. عشان كدة كلم صحابه اللي احنا عارفينهم عشان يصدروا قوانين لصالح أحزمتة ويتباع الحزام الواحد ب200 جنية بدل 45 جنية وطبعا ده النص بالنص مع اللي بالي بالكم .
أقولكم أية .. أنا محبط .. محبط بشكل فظيع .. لازم نداس بالجزم في البلد دي عشان نحس بإنتمأنا ليها .. ولازم نتهان عشان نعرف نعيش .. لازم نتسرق وأحنا بنضحك .. لازم يخدوا أبداعاتنا وأفكارنا وينسبوها لنفسهم واحنا راضيين عشان الملاليم اللي بناخدها منهم في الاخر عشان نعرف نعيش .
من كام يوم سافرت قطر .. في استضافة علي نفقة قناة الجزيرة لأجراء حوار خاص معي عن قاموس روش طحن الذي تشرفت بكتابته ..
مش هقولكم علي الأستقبال وعلي الحفاوة اللي لقتها برة مصر .. مش هحكي ليكم علي جمال الناس هناك وجمال الشوارع والعربيات الحديثة اللي اكتشفت أن اصغر عيل فيكي يا قطر راكب عربية مرسيدس وان عربيات الهامر الخيالية التي نراها في الأفلام ملية الشوارع هناك وبرخص التراب .
والله .. والله احنا ما عايشين .. أحنا متكحرتين .. بنكح اسفلت .. وكلانا البرومة .. العفشة قفشة والابلتين لادع في دهاليز الحياة .. والحكومة منفضة للشعب حلاقه له .. مطنشاه فاكرنا خارج نطاق الخدمة .. شبكتنا واقعة .. والمصري هيفضل مصر خيرة مسروق ومش عارف يفوق .
ياسر حماية