مشاهدة النسخة كاملة : مش عارفه
SENDRILLA 22-07-2007, 10:22 PM اولا انا مش عارفه الموضوع ده مكانه وللا لا
المهم
انا خلصت تانيه وجبت 96.3% انا عارفه انه مجموع زباله بالنسبه لطموحى
المهم انا قلقانه اكمل علمى علوم وللا علمى رياضه انا كنت ناويه علمى علوم علشان ادخل صيدله
لكن المجموع ميطمنش صح وللا لا ارجوكم مش عايزه حد يجاملنى بكلمتين عايزاكم تقفوا جنبى وتردوا عليا
لان ربنا اللى يعلم بحالتى وانا بكتب الموضوع
لكن مش قدامى غير الكتابه
انا بعد النتيجه ماما خافت عليالاحسن يجرا لى حاجه قامت خدتنى معاها المنيا عند جدو وتيتا ولسه جايه النهارده
بس يا ريت تردوا عليا متعملوش زيى لما كنت متضايقه اقرا الموضوع ولا كانى شفته انا اسفه
والمطلوب منى اعمل ايه لو كملت علوم واجيب كام وكده يعنى
مستنيه الردود اللى واثقه انها هتريحنى من الحيره اللى كل الناس ملاحظاها عليا
ارجوووووووووكم
مع العلم انى مقفله الرياضه وجايبه 49 فى الكيمياء
FRANKENSTEIN 22-07-2007, 10:26 PM اوك انتي لو حسه انك حتجيبي 100% ف تالته بالمستوي ادخلي احياء " دا شئ بجد صعب بس لو اجدعتني حتبقي اسهل "
لو حاسه انك عملتي اقصي ما عندك وداخرك ادخلي رياضه وبجد الهندسه مستقبلها حلو للي بيذاكر
يعني انتي اللي تختاري لانك ادري بنفسك يعني انتي ادري بمستواكي وقدراتك
تقبلي تحياتي
MohammeD el_SadaT 22-07-2007, 10:31 PM <div align="center"><span style="color:#0000ff">بصى هو مجموع كويس مش وحش وهتلحقى إن شاء الله صيدله
بس ده طبعا عاوز مجهود فى المذاكره أكبر
وتوكلى على الله وكملى علمى علوم عشان تحققى هدفك بدام رسمه
هدفك قدامك يبقى ان شاء الله ربنا هيكرمك وبعدين يا ستى
" إن الله لن يضيع أجر من أحسن عملا "ولا ايه
" <span style="color:#ff00ff">من جد وجد ومن زرع حصد " ازرعى
فى قلبك الايمان والثقه بالله عز وجل
وتوكلى على الله خير توكل واعملى الله عليكى والخيره فيما اختاره الله
وانا من كل قلبى بدعيلك ربنا يوفقك وتقدرى تحققى هدفك
</span></span> </div>
the white heart 22-07-2007, 10:54 PM انصحك يا اختي ان تستمري علمي علوم بس حاةلي تزودي مجهودك في الدراسه شويه وعالفكره لو بجد طموحك صدله ان شاء الله هتنوليها بس التصميم والعزيمه ومجموعك مش محبط هو كويس وربنا ان شاء الله هيوفقك
أحمد2025 22-07-2007, 11:01 PM لا يأس مع الحياة ولا حياة مع اليأس
basmala 22-07-2007, 11:56 PM لو مخك ينفع فيه الرياضه كملى رياضه احسن ...لو حاسه انك مش حابه الرياضه اوى يعنى مش هتجيبى فيها درجه عدله ..كملى علووم
بس خلى بالك من مذاكرتك
mohamed_oweis 23-07-2007, 12:08 AM السلام عليكم ورحمة الله وبركاته
مجموعك الحمد لله كويس جدا مهما كان الطموح لكن المهم انك تخشي في الأخر اللي انتي عوزاه مش اللي يفرضه عليكي المجموع يعني لو هاوية صيدلة فعلا كملي علوم وتوكلي على الله و لو لا قدر الله محصلش نصيب شوفي حاجة تناسبك في علوم او كليات ادبية مش عشان الكلية مجموعها قليل تبقى وحشة ولو مجموعها كبير تبقى كويسة ...مبقاش
صلي استخارة وربنا يهديكي ان شاء الله
The Happy Angel 23-07-2007, 12:25 AM ايه رايك تحولي ادبي وتختاري اقتصاد واحصاء وتاريخ وعلم نفس ودول مواد مضمون فيهم باذن الله الخمسين وهتقددري انشاء الله تخشي اقتصاد وعلوم سياسيه او اعلام لو شكلك ينفع او حتي السن او اثار وباقي الكليات وهتبقي كليات كويسه يعني
لو منك اعمل كدا المهم يعني تشاركي معانا وتكوني معانا النجاح لما بيكون من غير مسانده وناس بتحبك بجد مش هيبقي نجاح اوك بالتوفيق لينا كلنا واحنا مع بعض :) :) :rolleyes: ;) ;) ;) :D :D :D
JuMpO 23-07-2007, 04:43 AM كملي علوم وزودي ساعات مزاكرتك ساعة واحدة على اللي انتي كنتي بتعمليه وان شاء الله تحصلي صيدلة
amr_2010 23-07-2007, 04:57 AM انتي تحولي رياضه وانشاء الله تخشي هندسه
او تكملي ولو مجموعك ماجبش صيدله تخشي علوم
والاحسن تصلي صلاة استخارة
اسلام رشوان 23-07-2007, 05:30 AM <div align="center">اولا الف مبروكـ النجاح
ثانيا بالنسبة للعلوم الفرصة عندك مش عالية لان محدش ضامن الظروف لو انت كملتي علوم هيا مجازفة كبيرة منكـ لان كل شئ بيخضع لظروف الامتحان بس فرص الصيدلة بأمانة بالنسبة لمجموعكـ مش كبيرة و ابلغ دليل ابقي قاري التنسيق الجديد لما ينزل
ثالثا بالنسبة للرياضة فرصتكـ في الهندسة كبيرة جدا لو انت استمريت بنفس مجموعكـ او قليتي حاجة بسيطة
بس نصيحة مني عن تجارب قدامي كملي رياضة اضمن بجد </div>
SENDRILLA 23-07-2007, 09:48 AM جماعه متشكره جدا لويا قوفكم جنبى ومساعدتى
انا فعلا نفسى اكمل علوم بس على فكره انا عملت مجهود كبير بس مكنتش بذاكر عربى الا فى الاخر
وعلشان كده جبت 26 وده اللى خلانى اجيب المجموع ده
لكن فى كل المواد التانيه كويسه
فى ناس قالوا لى اكمل بس اخد دروس لانى ماخدتش ولا درس او على الاقل فيزياء واحياء
تفتكروا الدروس ممكن تساعدنى بعد التوفيق من ربنا طبعا
وانا على فكره عندى اخويا اعدادى هندسه وطالع اولى وبيقول لى انى كويسه اوى فى الرياضه لكن هو بيقول لى كملى لانه عارف انى نفسى جدااااااااا فى صيدله
طيب وبعدين اعمل ايه فى العربى علشان ماجيبش زى السنه دى
وانا مستعده اذاكر فيزياء واحياء من النهارده اذا كان ده هيساعدنى
ومع احترامى لكل ردودكم لكن انا مش عايزه ادخل ادبى خااااالصلانى لو دخلت ممكن اجيب 80% لانى فيه هكون داخله حاجه مش حاباها والا كنت دخلت من الاول
ومتشكره مره تانيه على مساعدتكم ليا[color="#000080
fares elnet 23-07-2007, 11:04 AM ربنا يوفئك لما فيه الخير والمنفعة ان شاء الله
ZerOo_CodE 23-07-2007, 12:33 PM <div align="center">مجموعك جميل ولو عاوزة تحققى هدفك يبقى تجدعنى شوية بسيطه
علشان تتقدرى على الأقل تحافظى على مجموعك
وربنا معاكى
انا من رأيى كملى لو انتى واثقه انك هتزيدى لكن لو مش واثقه يبقى
انتى وحريتك
</div>
د.حاملة المسك 23-07-2007, 08:25 PM <span style="font-family:Comic Sans MS">الف مبروك :)
اهم حاجة يا حبيبة قلبى اعملى استخارة قبل اى حاجة
وانا من رايي كملى علوم ان شاء الله
واجتهدى السنة الجاية ان شاء الله وهتجيبى مجموع كويس
وتدخلى صيدلة ذى ما انتى عايزةا ن شاء الله :)
وانا معاكى لو عزتى اى حاجة :)
اة بقولك معلش الموضوع منقول لساحة :: اقتراحات ومشاكل </span>
كرامة أمة 23-07-2007, 08:52 PM سلام عليكم
الف مبروك ياقمر على فكرة انا ادك بس جايبة مجموع اقل
صلى استخارة وربنا هيكرمك ان شاء الله
بصى انتى شكلك متقبلة فكرة علم رياضة لكن لو انتى قلقانة اوى انصحك كملى علم رياضة عشان قلقك هيأذيك
لكن بجد لو بقيتى واثقة فى الله كده ثم فى نفسك كملى علم علوم مجموعك ماشاء الله جميل
وربنا معاكى ياقمر
اختك ودعواتك ليا
غالي14 24-07-2007, 04:26 PM <div class='quotetop'>إقتباس(كرامة أمة @ Jul 23 2007, 09:52 PM) 342358</div>سلام عليكم
الف مبروك ياقمر على فكرة انا ادك بس جايبة مجموع اقل
صلى استخارة وربنا هيكرمك ان شاء الله
بصى انتى شكلك متقبلة فكرة علم رياضة لكن لو انتى قلقانة اوى انصحك كملى علم رياضة عشان قلقك هيأذيك
لكن بجد لو بقيتى واثقة فى الله كده ثم فى نفسك كملى علم علوم مجموعك ماشاء الله جميل
وربنا معاكى ياقمر
اختك ودعواتك ليا[/b]
اولا قبل كل شي ربنا يوفقك وتخشي الكليه اللي انتي عايزاها
ثانيا محدش يقدر يفيدك في الموضوع ده الا ربنا سبحانه وتعالي وانا من رأيي انك تعملي استخاره لله سبحانه وتعالي وان شاء الله يدلك علي اللي في الخير
ثالثا : انا من رايي المتواضع انك تستفتي قلبك شوفي انت هل عندك اراده تكملي وعندك ثقه في نفسك ولا ممكن تقصري وفي الوقت ده هتندمي
علي العموم ربنا يدلك علي اللي في الخير ويحققلك امانيكي
بس ابقي طمنينا
mr3leem 24-07-2007, 05:10 PM <span style="font-family:Arial Black">ربنا يوفقك
صلي صلاة استخارة وقرري بعدها
بس ما تهمليش العربي تاني
ولو فيه حاجة عايزاها في العربي ادخلي المنتدي
واسألي هتلاقي اللي أنتِ عايزها
وفقك الله</span>
بصى انا صحابى كانو جايبين فى تانيه 94 فى الميه
كملو فى تالته علمى علوم و جابو 99.5
و الكلام ده على تنسيق السنه اللى فاتت اللى كان وحش
و دخلنا صيدله كلنا
و كمان درجات تانيه و حشه
و من المتوقع ان التنسيق السنه الجايه يقل
ادخلى علمى و اتكل على الله
|