الكارثة ف كده بقي انت ليك 2 جيجا تحميل في الشهر (يعني تقريبا حجم فيلمين تنزلهم من النت ) تعمل بيهم اب ديت للانتي فيرس والويندوز و اي صفحه بتفتحها بتتحسب عليك تحميل برضه واي فيلم او اغنية او برنامج بتتحسب من ال 2 جيجا .. المهم لو خلصت ال2 جيجا قبل الشهر ميخلص النت بيفصل لحد ما يبدأ الشهر الجديد ... و لو عاوز تحمل اكتر وتشغل النت ومتستناش لما الشهر الجديد يبدأ يا مرحب بيك لكن لكن لكن حساب اي جيجا اضافيه علي ال2 الاساسيين حيكون الجيجا ب10 جنيه والحسابه بتحسب ...
ولو مش عاجبك اختار النظام التاني انهم يوصلوك كل يوم بالانترنت ساعتين (ساعات الربط ) تعمل اللي انت عاوزة ولو زودت عن ساعتين الساعة بتتحسب ب 1.5 جنيه</span>

<div align="center">لا تعليق
دى مصيبه ياجماعه
شكرا ياحسن على الموضوع</div>

شكرا على آخر الاخبار وطبعا واضح الاستغلال بدون تعليق

مع انى تقريبا مش فاهمة

بس تقريبا باين انها كارثه زي ما بتقول

عامة شكرا ليك ع الموضوع ..

<div align="center">طبعا اتخرب بيت الرجاله اللى عاملين
شبكات نت

وكمان حدد الدون لود من على النت دا يبقى تهريج

عمتا هى رخيصه بس أوحش حاجه فيها انه محدد الدون لود ب 2 جيجه فى الشهر امال النت هيبقى لإيه للتصف بس

دنا بنزل فى اليوم بتاع 2 جيجه أفلام بس

دا شكلها كده هتبقى مهيسه على الآخر
</div>

ايوة اللي عاوز يفضل على النظام القديم ؟
هو النظامين دول اجباري ولا اية واية اخبار السرعة 512؟

<div class='quotetop'>إقتباس(أحمد2025 @ Jul 23 2007, 07:26 PM) 342296</div><div align="center">طبعا اتخرب بيت الرجاله اللى عاملين
شبكات نت

وكمان حدد الدون لود من على النت دا يبقى تهريج

عمتا هى رخيصه بس أوحش حاجه فيها انه محدد الدون لود ب 2 جيجه فى الشهر امال النت هيبقى لإيه للتصف بس

دنا بنزل فى اليوم بتاع 2 جيجه أفلام بس

دا شكلها كده هتبقى مهيسه على الآخر
[/b][/quote]

هههههههههههههههههه ومين سمعك ....انا امبارح لسه منزل فيلم حجمه 1 جيجا وشوية .. ده غير اللي هنزله النهاردة :D :D
بس علي فكره اعتقد اللي عنده سيبر هيبقي ليه نظام خاص .. مش معقولة هينفع النظام ده معاه
وشكرا لمرورك وردك

<div class='quotetop'>إقتباس(mohamed_oweis @ Jul 23 2007, 09:17 PM) 342341</div>ايوة اللي عاوز يفضل على النظام القديم ؟
هو النظامين دول اجباري ولا اية واية اخبار السرعة 512؟[/b]

اجبااااااااااااااااااااااااري يا محمد
والسرعة 512 برضه نفس النظام بس طاقة التنزيل وساعات الربط هتبقي اكتر شوية ( علي حد علمي بتبقي 7 جيجا تقريب يعني )
وشكرا ع المرور

<div class='quotetop'>إقتباس</div>.. عدد الساعات اللي هيقعدها هتبقي محدودة .. مش 24 ساعة زي دلوقتي
وشكرا لمرورك[/b]
وليه الهبل ده
ده كل السيابر هتتقفل بقى ؟؟؟

مع اني مكنتش اهم على رأي رحمة

انا اعتقد ان الكلام ده مش هيطبق وبعدين مافيش لسه حد قال لينا الكلام ده انا قريت الخبر ده من يومين وربنا يستر علينا انا صاحب سيبر يا جماعة

<div class='quotetop'>إقتباس(JuMpO @ Jul 24 2007, 12:12 AM) 342392</div><div class='quotetop'>إقتباس.. عدد الساعات اللي هيقعدها هتبقي محدودة .. مش 24 ساعة زي دلوقتي
وشكرا لمرورك[/b]
وليه الهبل ده
ده كل السيابر هتتقفل بقى ؟؟؟

مع اني مكنتش اهم على رأي رحمة
[/b][/quote]

لا مش هتقفل
اكيد هيبقي ليها نظام خاص
هو الغرض م الموضوع ده كله انهم يلغوا الوصلات اللي الناس بتاخدها م السيابر (فهمتها بعد عناء :D ) ويوصلوا النت م الشركة علي طول


<div class='quotetop'>إقتباس(hosam darag @ Jul 24 2007, 12:27 AM) 342405</div>انا اعتقد ان الكلام ده مش هيطبق وبعدين مافيش لسه حد قال لينا الكلام ده انا قريت الخبر ده من يومين وربنا يستر علينا انا صاحب سيبر يا جماعة [/b]

هما قالوا انه هيتطبق من 1/9 ف الاهرام
والله اعلم بقي


وشكرا لمروركم

انا عن نفسي.. ما اعتقدش ان النظام دا هيطبق
لان كدا الناس هتزهق.. ومش هتلاقي حد ياعد علي النت
ومش هيقدروا يمحوا اميه الكومبيوتر اللي اعدين يرغوا فيها
آل 2 ميجا آل.. ودا رئيي الخاص


والله اعلم برده

<div class='quotetop'>إقتباس(اسماءفريد @ Jul 24 2007, 01:15 AM) 342443</div>انا عن نفسي.. ما اعتقدش ان النظام دا هيطبق
لان كدا الناس هتزهق.. ومش هتلاقي حد ياعد علي النت
ومش هيقدروا يمحوا اميه الكومبيوتر اللي اعدين يرغوا فيها
آل 2 ميجا آل.. ودا رئيي الخاص


والله اعلم برده[/b]

هي الناس هتزهق بعقل .. ده انا زهقت من دلوقتي :D :D

_______________________________


الموضوع ده منقول بالنص من منتدي تاني .. حملة للاعتراض ع النظام ده

<div class='quotetop'>إقتباس</div>يا جماعة في حملة على النت للشكوى من النظام الجديد على النت

هنبعت خطابات شكوى نعبر في عن سخط الناس على النظام الجديد للنت
طبعا حرام 2 جيجا في الشهر أو 60 ساعة في الشهر
على الأقل يعرفوا مقدار حنق المصريين على النظام الجديد
و لازم نخلى نص الخطاب موحد
----------
بسم الله الرحمن الرحيم

الي من يهمه الامر
اما وبعد

اولا وقبل كل شئ نشكر سيادة وزير الوزراء الدكتور الفاضل احمد نظيف و وزير الاتصالات الدكتور طارق كامل علي اهتمامها بالبنية التحتية المعلوماتية في مصر ومجهوداتهما الرائعة في سبيل تطويرها والعمل علي نموها وذلك املا في مصر متقدمة مسايرة لنهضة العالم المتحضر

تردد في الفترة القصيرة الماضية علي الساحة المعلوماتية في مصر انباء بخصوص تخفيض اسعار خدمة الانترنت وانتظرنا ذلك التخفيض بشغف وتطلعنا اليه وذلك لعلمنا بتوجيهات سيادة الرئيس محمد حسني مبارك حماه الله لنا برعاية شباب مصر والاهتمام بهم

الي ان فوجئنا جميعا بما اعلن من قبل وزارة الاتصالات في يوم 18 يوليو لسنة 2007 بتخفيض اسعار الانترنت الي اكثر من 50% مع تحديد عدد ساعات الربط او تخفيض الحد الاقصي للتحميل الي 2 جيجا

اننا مستخدمي شبكة الانترنت في مصر نعلن اعتراضنا علي هذا القرار ايا كان الدوافع المؤدية الي اطلاق هذه المبادرة

هل نسير بخطي الي الامام ام نرجع الي الخلف هل نتقدم ام نتاخر في اتخاذ قراراتنا
ان هذا التخفيض المزعوم ماهو الا تخفيض في الاسم فقط ولكن في مدلولوه واذا نظرنا له بنظرة اخري سنجد انه تخفيض كاذب وهذه الاسباب

1- النسبة الاكبر من مستخدمي الانترنت في مصر مشتركين بسرعه 256 ك ب /ث
2- 2 جيجا فقط حدا مسموحا للتحميل من الانترنت فاجئنا جميعا انه لحد ضئيل جدا
3-هذا الحد المسموح به للتحميل انه ليجعل مستخدمي الانترنت في مصر الي مرتادي شات فقط ومرتادي تصفح مواقع ليس اكثر خوفا من تعدية الحد المسموح بيه ودفع مبالغ اكثر قد توصف بانها خيالية ( 8 جنيه للجيجا الزائدة حسب اتصالنا بمعظم مزودي الخدمة في مصر وابلاغهم لنا بسعر الجيجا الزائد عن المسموح بيه )
4-هل تعلمون سيادتكم ان متوسط استخدام معظم شباب مصر لايقل عن (20-30 جيجا شهريا)
5- هل تعلمون سيادتكم ان الانترنت في مصر ليس اداة شات ولا تصفح فقط وانما هو مقصد للتعليم ومقصد للترفيه ومقصد للمبرمجين ومصممي صفحات الوب وهذا مايحتاج الي حد اعلي من هذا
6- هل تعلمون ان هذا الحد المسموح بيه ( 2 جيجا ) احبطنا جميعا

نحن جميعا مقدرين لسبب هذه المبادرة وذلك لردع الinternet connection sharing ومن يستغلون الانترنت للكسب غير المشروع من خلال توصيل الشبكات الي المنازل المجاورة عبر الشبكات السلكية واللا سلكية
ولكن سيدي انتم هكذا لستم فقط ستردعون هؤلاء الفئة ولكنم ستردعون جميع المستخدمين امثالنا من هما متتضرين من تلك المبادرة
بالعكس قرراكم هذا فيه مصلحة شخصية لمن يسموا بكبار موئسسي تلك الشبكات ال internet connection sharing حيث انهم سيتجهون للانترنت بسرعه 2 ميجا وستزيد نسبة توزيعهم وشبكاتهم

ناسف للاطالة ولكن مانطلبه هو الابقاء علي ال unlimited internet packages الحالية حفظا لحقوقنا بالتمتع بخدمات الانترنت ومسايرة العصر ومواكبة تطوراتوا بالاضافة الي طرح تلك المبادرة وذلك توجها لتلك الفئة من هم من مستخدمي الشبكات المحظور انشاءها وهم بكل تاكيد سيجدون في تلك الباقة مايسرهم لانها افضل بكثير لهم من استخدام الشبكات هذه بما لها من عيوب جمة

نرجو سرعه التوضيح وتعديل القرار


شكرا لكم لرحابة صدركم
----------
دي الأميلات اللي ممكن تبعتلها

الإيميلات الموجه إليها هذا الخطاب
أولا وسائل الإعلام :-
جريدة الجمهورية eltahrir@eltahrir.net
أخبار اليوم akhbarelyom@akhbarelyom.org
جريدة الأهرام ahram@ahram.org.eg
مجلة لغة العصر ait@ahram.org.eg
بريد الجمعه: baridelgomaa@ahram.org.eg
برنامج العاشرة مساءً: al3ashera@dreams.tv
عمرو أديب alkaheraalyoum@orbit.net
أحمد رجب a_ragab@akhbarelyom.org
90 دقيقة 90min@elmehwar.tv
ثانياً : المسئولون :-
http://www.mcit.gov.eg/ar/Contactus.aspx
وزارة الإتصالات
جهاز تنظيم الاتصالات
بريد اليكترونى: info@tra.gov.eg
صفحة الشكوي
http://www.tra.gov.eg/arabic/Complain_Add.asp?Menu=4
التليفون: 155

السيد رئيس الوزراء الدكتور احمد نظيف لترفع الشكوي الي التقرير الذي يقدم له شهريا
questions@cabinet.gov.eg
الموزعون :-
شركة Tedata احد اكبر مزودي الخدمة
ارسل الرسالة عن طريق
http://tedata.net/ContactUs.htm

شركة لينك دوت نت احد اكبر مزودي الخدمة
http://www.linkdsl.com/LinkDSL_Code/...dbackForm.aspx
Call center : ( 16333 )
شركة سوفيكوم احد كبري الشركات المزودة للخدمة
E-mail: support@soficom.com.eg
Call center : ( 19256 )
نرجوا الإلتزام بنص الخطاب والنشر إلى جميع المنتديات العربية والمجموعات بريدية
ونرجوا من كل عضو يريد الرد في هذا الموضوع أن يرد بلينك لنفس الموضوع في منتدى آخر قام هو بنقله حتى يتم متابعة آخر أخبار حملة المليون خطاب[/b]

علي فكره ..
سرعة ال 2 ميجا هتبقي عادي .. نت مفتوح

انما السرعات اللي اقل زي ال 256 وال 512 وال ا ميجا .. هي اللي هيتطبق عليها النظام ده

واعتقد ان ده الحل للي عنده سيبر

صباح الفل ايه بس التهريج ده انا كدا هركب نت علي الاريل بتاع التليفزيون احسن

الف شكر علي الاخبار الجديدة

صباح الفل ايه بس التهريج ده انا كدا هركب نت علي الاريل بتاع التليفزيون احسن

الف شكر علي الاخبار الجديدة