نفسي أكون مشرفة ياجماعة..!! [الأرشيف] - بوابة الثانوية العامة المصرية

**تسابيح**

29-08-2010, 01:15 PM

السلام عليكم ورحمة الله وبركاته
صراحة ما وصل إليه القسم من تدني من المواضيع أو الحوار
يرثي له بل وتدمع عليه القلب قبل العين
أصبح هناك مجموعة تريد الإشراف
ومجموعة تريد ترك المنتدي لهذا السبب
ومجموعة تتهكم
وومجموعة آخري تزداد ألما من التهكم عليها .....
لماذا هذا كله؟
من أجل إشراف علي العام ...
لا يستاهل أن نخسر بعضنا البعض من أجله..
نحن في شهر مبارك
يزداد في التقرب من الله
والاجتماع بالخير مع الناس..
حتي لا يتهمني أحد بأنني منافقة
كيف أن اكتب موضوع عن الإشراف وأنا من ضمن
المرشحين لهذا الإشراف
لا أخفي عليكم لم يكن في بالي مطلقا أن أكون مشرفة علي العام
كنت أتمني أن يمسك الأستاذ رضا عطية
القسم لأن القسم شاهد علي نشاطه وحواراته الراقية
ولكن حدث سوء فهم وحظر الأستاذ
فُستبعد
وأيضا كنت أتمني أن يمسكها البشمهندس بانزر
هذا كله قبل أن وضع العام في الترشحات
أو يُرشح أحد
لأن البشمهندس يشهد قسمه علي نشاطه
ومتأكدة من تنظيمة للقسم
هذا لا يعني أن المرشحين الآن ليسوا متميزين..!!
لا طبعا أفضل مني أكيد بكثير كثير...
ولست أعمل دعاية لأحد...
والله علي ما أقول شهيد ....
سواء كنت مشرفة أو لم أكن
الشيء سيان عندي
ليس يفرق معي ...
بل إن الإشراف صعب
كنت مشرفة من قبل علي قسم التنسيق
يمكن أن يكون من الأقسام النشيطة في المنتدي
أكثر من العام في ذلك الوقت...
حقيقة أتذكر أن فقط صندوق الرسائل هذا
لا يتوقف كل يوم أجد رسائل
سواء رسائل سخيفة ليس لها معني...
رسائل غبية....
رسائل للقسم ...
من كل وادي ...
ومشاكل ...الله لا يذكرني بها ...
كنت أتمني أيضا ترك المنتدي والإشراف في ذلك الوقت
من أجل مشاكل نقلي لمواضيع ليس في مكانها
فيتضايق العضو ..
ويشتكي من ذلك....
صدقوني أنا مقتنعة بشيء واحد فقط
أن نصيبي سوف يأتيني
وبالذات علي الإنترنت
أعلم أننا في عالم خيالي ولكن نحن بشر حقيقيون...
لذلك أقول لو كان نصيب الموضوع
أن يكون الرد عليه مليون سوف يكون..
وليس لي دخل في ذلك...
ولو نصيب واحد فقط يكفي
وليس لدي مشكلة المهم انني استفيد وافيد
أتمني
أن أعرف
هل حقااا الإشراف يستحق إن نتضايق من بعضنا
ونتهكم علي بعض ....!

Mohamed.Helmy

29-08-2010, 01:26 PM

كلامك جميل جدا وصحيح 100% ..

والله أنا مش مصدق اللى بيحصل ده ...

فين أيام الاعضاء لما كانوا أكتر من أخوات , أنا مش بنكر ده دلوقتى ... لكن بقول أن المنتدى دلوقتى فيه مشاكل كتيرة و المنتدى مش زى الاول ... والله بدعى من كل قلبى ان ربنا يخفف عننا و يهدينا ..

ويارب نكون متسامحين لاننا فى شهر مبارك و مينفعش والله اللى بيحصل ده .. وكمان الموضوع مش مستاهل ..

الاشراف مش مستاهل الخناقات و المشاكل دى كلها ... لا هو أول ولا آخر الدنيا يعنى..

ده أحنا يادوبك عاوزين كام عضو نشيط لتنظيف القسم العام من المشاركات المخالفة و نقل المواضيع بس مش أكتر .. وانا مش بقلل من قيمة المشرف ... لكن بقول ان الخلافات اللى حاصلة دلوقتى موجوده على حاجة مش مستاهلة أى خناق ...

وياريت كلنا نبقى أهل و أخوات زى الاول ...

وسمعة المنتدى و القسم لا تسمح بكل هذه الخلافات ..

أسأل الله أن يتوب علينا و يغفرلنا ويهدينا
...

وياريت كل اللى زعل حد برد أو خلافه يعتذرله علشان أحنا فى شهر مبارك وربنا يتوب علينا جميعا ...

و شكرا أختى تسابيح على الموضوع الجميل .. وانا والله كنت عاوز أعمل موضوع أقول فيه كده ...

بارك الله فيكى و جزاكى الله الجنة

**تسابيح**

29-08-2010, 01:30 PM

عاشقة الطفولة

29-08-2010, 01:33 PM

كلامك بصراحة مية في المية

وموش عارفة ليه يعني كل ده

كل ده عشان اسم ها يتحط اسمه الاشراف نخسر بعض

وكمان احنا في شهر رمضان يعني اكتر شهر عظيم نعمل فيه كده حرام بجد

جزاكي الله كل خير

نقاء الروح

29-08-2010, 01:35 PM

فعلا انا لم اصدق ما تابعته عيني

خلال الايام الماضية ،،

فيه احتقان شديد فالساحة ،

و مش لاقية سبب وجيه ،

يمكن كان فيه اعضاء بتتمنى تكون مشرفة

بس الاشراف ماهو الا زيادة اعباء لا غير ،

يعني وانا عضو مسؤوليتي بتتقلص فمواضيعي

لكن المشرف !!

تتسع دائرة كثيرا ،

باتمنى انه الجو يرجع لسابق عهده ،

و انه تزول كل هذه الاحساسيات ،

و كل واحد ممكن يكون مشرف

على نفسه ، و بالتالي مش هيكون فيه

مخالفات و مواضيع غير هادفة ،

يعني الفكرة اكبر من مجرد لون او لقب بيضاف !!

و ربنا يوفق المشرفين الجدد يارب ،،

و شكرا يا تسابيح عالموضوع ال جه فوقته ،،

**تسابيح**

29-08-2010, 01:36 PM

كلامك بصراحة مية في المية

وموش عارفة ليه يعني كل ده

كل ده عشان اسم ها يتحط اسمه الاشراف نخسر بعض

وكمان احنا في شهر رمضان يعني اكتر شهر عظيم نعمل فيه كده حرام بجد

جزاكي الله كل خير
جزانا الله وإياكي ياجميل
الموضوع مش يستاهل اصلا
نسيت اقول كمان ان فيه ناس اتحظرت بسبب الكلام دا..
يعني فعلا ربنا يهدي
ونرجع زي الاول واكثر
شكراا لك

محمد كامل فوده

29-08-2010, 01:38 PM

بارك الله فيكم

Mohamed.Helmy

29-08-2010, 01:38 PM

ما شاء الله!

ايه الرد دا

ربنا يخليكى ده بعض ما عندكم :p

بصراحة انا فاكرة ان ردودك كلها بتبقي جزاك الله خيراا:d

هو فيه أحسن من (( جزاك الله خيرا )) ..
ودى بتبقى فى المواضيع العادية .. لكن لو موضوع محتاج نقاش و بيقول كلام مفيد زى موضوع حضرتك كده ..أكيد الرد هيبقى فيه رأيي الشخصي و هيبقى طويل ..وبرضه هيبقى فيه (( جزاك الله خيرا )) :p:p

رد مميز جداا
وكلامك تمام

ربنا يخليكى ..

الإشراف مش كل حاجة
المهم نستفيد وفيد الآخرين
وننظف القسم ع حد تعبيرك من الشوائب العالقة به:d
وطبعا فعلا احنا أخوات
وفي شهر كريم
وان شاء الله تدوم الاخوة دي للأبد

آآمين يااااااااااااارب ..

ومش شوية حااجات بسيطة هتوقعنا في بعض
جزيت خيراا أخي محمد

و جزاكى الجنة باذن الله تعالى ..

لا تحرمنا من آرائك القيمة هذه مرةآخري:022yb4:

باذن الله ...بس أكيد أرائى دى هاتبقى فى مواضيعك الاقيم و الافضل ..

جزاكى الله كل خيرا ... و آآآسف جدا على الاطالة .. انا عارف أنى صدعتكم ...:p

ياسمينايا

29-08-2010, 01:44 PM

عندك حق ياتسابيح ..

فعلا كميه خناقت وزعل كل دقيقه ..

يجى عضو مثلا يقوول كلمه بغرض تهديه النفوس ..الاعضاء يفهموها غلط وتبدأ خناقه جديده..لدرجه انى مبقتش ارد لحسن ارد ومحدش يعجبو ردى ..وتبقى ايه حكايه ..فبقيت اتفرج بس ..وبستغرب ..
اما بالنسبه للاشراف ..
فأنا هقول حديث لرسول الله صلى الله عليه وسلم ..
عن عبد الرحمن بن سمرة رضي الله عنه قال: قال لي رسول الله صلى الله عليه وسلم : "يا عبد الرحمن بن سمرة، لا تسأل الإمارة، فإنك إن أوتيتها عن مسألة وكِّلت إليها، وإن أوتيتها عن غير مسألة أُعِنْتَ عليها. وإذا حلفت على يمين فرأيت غيرها خيراً منها، فائْتِ الذي هو خير، وكفِّر عن يمينك" متفق عليه...
شكرا ليكى ياتسابيح ع الموضوع ..
واحنا في شهر الرحمه ..فيجماعه ..
يلا بقى منزعلش من بعض ونصفى نفوسنا وكل واحد يسامح التانى ..والله العظيم ما مستاهله ..
والسلام عليكم ورحمه الله وبركاته ..:d

shimaa2009

29-08-2010, 01:47 PM

فعلا ياتسابيح احنا دخلنا عالم النت لكى نفيد ونستفيد مش شرط يكو ن اشراف

والله انا مستغربه اللى حصل الفتره اللى فاتتت دى اوى بجد القسم كان بيشتكى من كتر المواضيع اللى ملهاش لازمه فيه

وانا شايفه ان اللورد قايم بنشاط عالى اليومين دول لتظبيط القسم اعانه الله

ويارب يتعين مجموعه مشرفين حلوين كده يظبطو القسم ده وانا برشحك منهم طبعا ياتسابيح انتى اهل للثقه والاحترام

**تسابيح**

29-08-2010, 02:03 PM

**تسابيح**

29-08-2010, 02:06 PM

بارك الله فيكم

وفي حضرتك بركة
شكراا لحضرتك

ربنا يخليكى ده بعض ما عندكم :p

هو فيه أحسن من (( جزاك الله خيرا )) ..
ودى بتبقى فى المواضيع العادية .. لكن لو موضوع محتاج نقاش و بيقول كلام مفيد زى موضوع حضرتك كده ..أكيد الرد هيبقى فيه رأيي الشخصي و هيبقى طويل ..وبرضه هيبقى فيه (( جزاك الله خيرا )) :p:p

ربنا يخليكى ..

آآمين يااااااااااااارب ..

و جزاكى الجنة باذن الله تعالى ..

باذن الله ...بس أكيد أرائى دى هاتبقى فى مواضيعك الاقيم و الافضل ..

جزاكى الله كل خيرا ... و آآآسف جدا على الاطالة .. انا عارف أنى صدعتكم ...:p

أكيد طبعا مفيش احسن من جزاك الله خيراا
يارب يجزينا كل الخير
بس الحمدلله انك عرفتي انك بتحب تتناقش
شرف لي ان اعرف في موضوعي:d
ولا إطالة ولا حاجة
نورت الموضوع برأيك
شكراا لك
نورتني

**تسابيح**

29-08-2010, 02:08 PM

**تسابيح**

29-08-2010, 02:09 PM

نقاء الروح

29-08-2010, 02:20 PM

ما شاء الله عليكي ياقمر
قلتي المفيد اللي بالاحمر:p
ربنا يوفق الجميع لما فيه خير
ويهدي النفوس
وحلوة احتقان دي
دكتورة بئا :p
نورتي ياقمر

اقصدك يعني ان كلامي الباقي .......:stickjo4::stickjo4:

هههه عجبتك ،،

لزوم الموقف بئا ;)

دكاترة و بنتفذلك ،، :d

الله يخليك يا عسل ،،

usernamo

29-08-2010, 03:10 PM

اشراف ايه بس ^^ ..على فكرة الاشراف مش محتاج ده كله و بالعكس كل ما كان القسم عليه دوشة و كبير كل ما ساء الاشراف و مسؤليته بقيت صعبه (( انا الحمد لله قسمى اخر موضوع اتعمل فيه من 2 سنة :d (( و ده بيبقى احلى اشراف

المهم بالنسبة للخناقات انا كل اللى اعرفه ان لناس بتخبط فى بعضيها لان كل واحد شايف ان احق .. و نسى ان ده عن طريق الترشيح مش مش بس بالكفائة و لازم يكون متوافر الشروط ... و ياريت محدش يخسر صحبه او اخوه فى لله عشن اشراف قسم لانه ده فى لاول و الاخر .. منتدى .. مش حياة !!

**تسابيح**

29-08-2010, 03:14 PM

Rymonda

29-08-2010, 03:15 PM

عاوزه اكتب ومكسله
صايمه بقى
هجيلك تاني يا حبي
ماشي ؟

**تسابيح**

29-08-2010, 03:16 PM

اقصدك يعني ان كلامي الباقي .......:stickjo4::stickjo4:

هههه عجبتك ،،

لزوم الموقف بئا ;)

دكاترة و بنتفذلك ،، :d

الله يخليك يا عسل ،،

ان شاء الله
تبقي دكتورة ياروحي
وربنا يوفقك

**تسابيح**

29-08-2010, 03:19 PM

عاوزه اكتب ومكسله
صايمه بقى
هجيلك تاني يا حبي
ماشي ؟

ع اساس اننا فاطرين
وفينا طاقة وانت صايمة:stickjo4::stickjo4:
ليلتك بمبي ...:slap1qk6:
تنوري في اي وقت ياأحلي صايمة في الدنيا:av4056bb7jp3:

سامحنى يا الله

29-08-2010, 03:29 PM

**تسابيح**

29-08-2010, 03:36 PM

لم ولن أقرأ الردود ولكنى قرأت الموضوع فقط
وشكرا وانتم عارفين إن الاشراف مش على بالى
لأ دا أنا بخطط لبعيد وعايز أبقى مدير المنتدى
وعلشان كدا وقفونى هههههههههههههشوفى حتى التوقيع
-------------
المهم

ياتسابيح
لاتنازل عن حق أنت الأحق به وإذا حدث هذا
سأكون فعلا أخطأت فى التمييز وكبرت وخرفت كمان
وكفاية كدا
وشكرابغضب إلى أن يظهر السبب وراء هذا الموضوع
الموضوع
اني مش عايزة حد يزعل من حد عشان اشراف حاجات من دي...
والناس اللي بتتهكم ع ناس تانية
وممكن تغلط في حقها
دا كله عشان اشراف
وفيه ناس عايزة تسيب المنتدي لان
اترفضوا يكونووا مشرفين
اتمني ان روح الاخوة ترجع بين الاعضاء
وان مش عشان اشراف نخسر بعض...
هو حضرتك فهمت موضوعي ازاي
عشان شكراا بغضب دي!!!:romarioxp6:
وحضرتك نورتنا

أزهار الخريف

29-08-2010, 03:43 PM

بصى يا تسابيح الادارة اختارت ناااس كويسين وعندها حق ف الاختيار وفعلا القسم محتاج ضبط وانتى يا تسابيح طالما هتقدرى تغيري اوعى تتنازلى عن الاشراف

سامحنى يا الله

29-08-2010, 03:45 PM

شكرا ياأخت تسابيح النجوم
وربنا يوفقك
بس كل هدفى من الكلام هو إن إنت الأحق بهذا الاشراف
أنا بعتذر لك وشكرا

**تسابيح**

29-08-2010, 03:46 PM

بصى يا تسابيح الادارة اختارت ناااس كويسين وعندها حق ف الاختيار وفعلا القسم محتاج ضبط وانتى يا تسابيح طالما هتقدرى تغيري اوعى تتنازلى عن الاشراف

ربنا يخليكي ياحبيبتي
انا عارفة انهم فعلا ناس كويسة
بس الموضوع هدفهتخفيف حدة النقاش وترك المنتدي
بسبب اشرااف
وان كلنا هنا اخوات جداا كمان
ودا احسن من اي اشراف
وشكراا ع زوقك ياقمر

Free Love

29-08-2010, 03:58 PM

بارك الله فيكي
كلامك أكثر من رائع

**تسابيح**

29-08-2010, 04:00 PM

شكرا ياأخت تسابيح النجوم
وربنا يوفقك
بس كل هدفى من الكلام هو إن إنت الأحق بهذا الاشراف
أنا بعتذر لك وشكرا

ياأستاذنا فقط
مش فهمت كلام حضرتك
وشكراا ع زوق حضرتك
وحضرتك فعلا متميز
وتساهل كل خير
بس بقدر الله وما شاء فعل
ان شاء الله ربنا يولي الأصلح
جزيت خيراا استاذنا

**تسابيح**

29-08-2010, 04:02 PM

بارك الله فيكي
كلامك أكثر من رائع

جزيت خيراا أخي
وفيك بركة

THE CodeR

29-08-2010, 04:06 PM

هي الفوضي اللي كانت حاصلة في القسم العام كانت السبب
هي اللي سببت العامل النفسي ده
قسم عليه ضغط كبير
اعضاء كتير و مشاركات اكتر
بدأت مواضيع استضافات و برامج زي برنامج سمر سعد
البرامج دي مش يتعاب فيها لكنها سببت رغبة كبيرة من الاعضاء انهم يكونوا ضيوفها
و طبعاً لو كانوا ضيوفها هايكونوا معروفين في القسم كله و زي ماحصل مع حلمي و و جدان
الحالة دي خلت شغلانة المشرف في نظر ناس كتير افضل سبيل يجعلهم معروفين في القسم كله
علشان كده زاد التنافس عليها و زادت العصبية في التنافس ده
انا شايف ان الانتخابات اللي فاتت كانت هادية جداً و مفيهاش مشاكل زي الانتخابات دي
لكن الحق يتقال ان لازم الاعضاء اللي اتوقفوا يرجعوا تاني لان ده مش اسلوب كويس في التعامل معاهم
و انا بنادي كل الاعضاء اللي كانوا هنا في القسم العام اننا نبدأ نتجه الي قسم ابداعات الاعضاء لان فيه مساحة نعمل فيه اللي بنحبه
و جزاكي الله كل خير علي الموضوع و تقبلي مروري

**تسابيح**

29-08-2010, 04:09 PM

Rymonda

29-08-2010, 08:05 PM

بصي يا ستي
احنا تقريبا بيغلب علينا طابع الانانيه وحب الذات
ولو كنا غير كدا مكنش حد زعل لما استبعدوه
لان الفروض الهدف الاساسي المصلحه العامه
سواء المصلحه دي انا هحققها او غيري هيحقهها
المهم انها تتحقق
لكن اين نحن من هذا
كل منا يجري وراء حلم جميل يحلم به الملايين
الا وهو الاشراف
وليس الاشراف فحسب
ولكن الاشراف على الركن العام
اي
مكانه
منظر
برستيج
واخيرا واللي الكل ناسيه شغل وهدة حيل
من المؤكد ان الجميع قد رأوا ما حدث من مهازل في موضوع الانتخابات
والردود المستفزه لبعض الاعضاء
متجاهلين تماما الهدف الرئيسي من وراء هذه الانتخابات
الا وهو اختيار مشرف كفئ قادر على العطء
وعلى تنسيق القسم كي يظهر بشكل افضل مما وصل اليه
حيث انه الواجهه الرئيسيه
والقسم الاكثر زياره ومشاهده
تناسينا كل هذا وبدأنا نحارب بعضنا ونرمي الاداره بالباطل
واصبح الموضوع موضوع عند وكرامه
كل منهم استخدم مبدأ ""اهد المعبد عليا وعلى اعدائي""
===========================
لازم نكون ارقى من كدا
احنا كبار مش صغيرين
وطبعا اللي حاصل ده ميرضيش حد
ربنا يهدي الجميع
=======
موضوعك حلو على فكره
وكويس الواحد وضح جزء من وجهة نظره
لاني جيت اوضحها امبارح لاحد الزملاء
اتفهمت غلط جدا
وزعلت طبعا
====
اهدينا يا رب

**تسابيح**

29-08-2010, 09:55 PM

بصي يا ستي

احنا تقريبا بيغلب علينا طابع الانانيه وحب الذات
ولو كنا غير كدا مكنش حد زعل لما استبعدوه
لان الفروض الهدف الاساسي المصلحه العامه
سواء المصلحه دي انا هحققها او غيري هيحقهها
المهم انها تتحقق
لكن اين نحن من هذا
كل منا يجري وراء حلم جميل يحلم به الملايين
الا وهو الاشراف
وليس الاشراف فحسب
ولكن الاشراف على الركن العام
اي
مكانه
منظر
برستيج
واخيرا واللي الكل ناسيه شغل وهدة حيل
من المؤكد ان الجميع قد رأوا ما حدث من مهازل في موضوع الانتخابات
والردود المستفزه لبعض الاعضاء
متجاهلين تماما الهدف الرئيسي من وراء هذه الانتخابات
الا وهو اختيار مشرف كفئ قادر على العطء
وعلى تنسيق القسم كي يظهر بشكل افضل مما وصل اليه
حيث انه الواجهه الرئيسيه
والقسم الاكثر زياره ومشاهده
تناسينا كل هذا وبدأنا نحارب بعضنا ونرمي الاداره بالباطل
واصبح الموضوع موضوع عند وكرامه
كل منهم استخدم مبدأ ""اهد المعبد عليا وعلى اعدائي""
===========================
لازم نكون ارقى من كدا
احنا كبار مش صغيرين
وطبعا اللي حاصل ده ميرضيش حد
ربنا يهدي الجميع
=======
موضوعك حلو على فكره
وكويس الواحد وضح جزء من وجهة نظره
لاني جيت اوضحها امبارح لاحد الزملاء
اتفهمت غلط جدا
وزعلت طبعا
====
اهدينا يا رب

ولا تزعلي ياروحي
أانا كتب الموضوع مخصوص عشان مش يكون فيه زعل:d
وانت قلتي حته مهمة
ان الاشراف مش سهل خالص أبداا كمان
وبالذات لما القسم يكون نشيط ....
ام اللي بيفكروا في الاشراف وزعلوا
اكيد عجبهم اسم مشرف والمكانة
لكن ميعرفوش الحقيقة المرة بتاعة الإشراف
ربنا يهدي عباده
وشكراا ياروحي
نورتي ;)

no cry

29-08-2010, 11:42 PM

ربنا يوفقك اختى

واتمنى لكى الاشراف بجد لانك تستحقى

ولا نزاع على الاشراف هو ليس مهم بل مسئولية لكنك ادها باذن الله

**تسابيح**

29-08-2010, 11:48 PM

ربنا يوفقك اختى

واتمنى لكى الاشراف بجد لانك تستحقى

ولا نزاع على الاشراف هو ليس مهم بل مسئولية لكنك ادها باذن الله

شكراا لحضرتك أخي
شهادة أعتز بها
رغم ان أناس فهمت انه دعايو لنفسي
كان القصد
تهدئة الأجواء بين من يريد الإشراف ..
ومن غضب لعدم وصوله
ربنا ييسر الأحوال

BaNZeR

30-08-2010, 04:51 AM

** ر يــهـ القاضي ــام **

30-08-2010, 05:03 AM

sympathique

30-08-2010, 05:03 AM

انتوا يا جماعة زعلانين على الاشراف علشان ضاع منكم
والله الاشراف ده هم بمعنى الكلمة
وتعب بااااااال
احمد ربنا انك انت وانتى مبقتوش مشرفين على العام
الناس اللى جربت الاشراف عارفين معنى الكلام اللى انا بقوله ده
وبجد ربنا يعين الناس اللى هتمسك الاشراف على العام
صدقونى الناس دى مش هيكون عندها وقت خالص
ربنا يكون معاهم

BaNZeR

30-08-2010, 05:09 AM

علي كلام حضرتك كده ... يبقي تدي كل واحد الاشراف اسبوع اهو يجرب ...

وليك الحرية المطلفة تقول اي حاجه انت عايزها في الفترة دي ..

اي خدمات .... :d
...............
ماهي الترشيحات كانت اتعلمت ولسه حتتعمل على اقسام كتير
وفي ناس اتعينت مشاركاتها 200
ولا كانوا طابخينها ولا كان في حاجة
اعترضتو لما طلبو ناس خبرة عالعام وحتى المعترض ده مش كامل الشروط اصلاً :d
القسم العام كان عايز تظبيط وشغل كتير ... مينفعش يبقى في حد جديد
لكن بقية الاقسام لسه كتير وحتجربو فيها براحتكو

على فكرة في فترة ما بين الانتخابات اللى فاتت لحد انتخابات القسم العام
مش اقل من 5 او 6 شكاوي من ناس قديمة هنا بيطالبو بسرعة وجود حل للقسم ده
واكتر من العدد ده متفقين كلهم على انه القسم العام بقى خرابة !!

sympathique

30-08-2010, 05:26 AM

والله ما حد يعرف اللى فيها غير لما يجربها

انا كنت بفكر عالمدى القريب اسيب قسمي حطوني في واحد اصعب منه

وياريت على كده .... بنتحسد كمان :d
وياريت بناخد فلوس عليها مثلاً
مبناخدش غير المشاكل والخناقات وطلبات الوقف الظالمة :d

والله يا جماعة الاشراف مفهوش اي ميزة
وده كله بيبقى على حساب مشاركة الفرد في المنتدى عامة وحريته كمان !

الاشراف بيقيد احياناً ردود الواحد اكتر وممكن حد يحس الكلمة دي غريبة نوعاً ما
بس ده الواقع

وكمان اهم حاجة زي ما جابت ياسمينا في الحديث
محدش يطلب الامارة ... لكن لو جتلك مترفضهاش

ربنا يرحم الجميع ... ويدينا الالفة ونبغض الكراهية

ماهي الترشيحات كانت اتعلمت ولسه حتتعمل على اقسام كتير
وفي ناس اتعينت مشاركاتها 200
ولا كانوا طابخينها ولا كان في حاجة
اعترضتو لما طلبو ناس خبرة عالعام وحتى المعترض ده مش كامل الشروط اصلاً :d
القسم العام كان عايز تظبيط وشغل كتير ... مينفعش يبقى في حد جديد
لكن بقية الاقسام لسه كتير وحتجربو فيها براحتكو

على فكرة في فترة ما بين الانتخابات اللى فاتت لحد انتخابات القسم العام
مش اقل من 5 او 6 شكاوي من ناس قديمة هنا بيطالبو بسرعة وجود حل للقسم ده
واكتر من العدد ده متفقين كلهم على انه القسم العام بقى خرابة !!

Your words are true
And I hope that the new members for more time to supervise
Because the General Section are in need of veteran members of the organization so that they can once again

أستاذ/شفيق الأخضر

30-08-2010, 05:31 AM

بارك الله فيك
موضوع مميز
وزي ما بيقولو
لكل مقام مقال
وفقك الله لكل خير

eng.midosaid

30-08-2010, 05:46 AM

هههههههههههه

اشراف ايه بس يا جماعه دا وجع دماغ كفاية ان الواحد هيكون مضطر

انو يدخل كل يوم وهيكون عليه التزامات واعباء كتير اوي خلينا كدا

في عيشة الحرية

7ooooda gamal

30-08-2010, 05:48 AM

والله يا تسابيح كلامك صح جدا
وفعلا ايه اللى الناس بتعمله ده
بجد انا مش عارف
والله اللى بيحصل ده غلط جدا
وبصراحه كده ومن غير زعل
الناس اللى بتتوقف دى بتبقى فعلا اخطأت
مش شرط ف حق مشرف ولا ادارى
لأ دى كمان بتغلط ف اعضاء او يعنى ف اى اعضاء
اللى نايعجبوش يروح منتقده انتقاد جامد وحاد
ومش بيعمل اعتبار حتى لمشاعره

بتمنى ان الناس تكون فهمتنى صح
انا مش قصدى حاجه
ولا قصدى على حد بعينه

شكرا يا تسابيح للموضوع الجميل
وبجد انا عندى كلام اكتر من كده
لو قعدت من هنا لاسبوع قدام مش هاخلص
لكن ده يعتبر مختصر كلامى

شكرا تسابيح
وجزاكى الله كل خير

تقبلى مرورى

Doctor S.E

30-08-2010, 10:34 AM

هو انا سيبتكم يومين عملتوا في بعض كده
محدش يسيبكم لوحدكم في البوابه بعد كده :d:d
خلاص بقى بطلوا مشاكل انتو مش عارفين ان فيه هنا ثانويه عامه مش عارفه اركز :bosyht9:
استهدوا بالله و الي في نفسه حاجه من اي عضو يصفيها ... خلونا نطلع من رمضان ب نيه صافيه و مش زعلانين من حد و لا مزعلين حد مننا صح و لا ايه ؟؟؟

ياسمينايا

30-08-2010, 01:05 PM

NOUFALL

30-08-2010, 05:45 PM

أعلم أننا في عالم خيالي ولكن نحن بشر حقيقيون...
تمام التمام الله ينور
عجبتنى الجزئية دى اوى

ايه المواضيع المميزة دى يا تسابيح
ع العموم انا رأيى مش هيختلف كتير عن معظم اللى دخلوا

ولكن زى ما حضراتكو شوفتوا ف موضوع الانتخابات
ان المعظم عاوز يكون مشرف وبس
ولكن الاهم من الاشراف هوه خدمة المنتدى
زى ما الاخت تسابيح وضحت

اقولكوا ع حاجة السنة اللى فاتت زى الايام دى تقريبا
كانت خوخة عاملة حملة لتنظيف المنتدى كله

وكنا كتير اوى شاركنا ف الحملة دى
بدون ما نبقى مشرفين او اى رتبة او اى حاجة
المهم اننا نكون ف منتدى محترم واخوة

ومبروك للجماعة اللى مسكو الاشراف مقدما

the black rose

31-08-2010, 12:24 AM

والله يا تسابيح
انا مستعجبة فعلا من اللى بيحصل
السلطة ليها اثر كبير عند الناس كدا :o
اللى هيموت عالاشراف كدا
بجد ميعرفش يعنى ايه اشراف
يعنى مسؤلية و قرف و بهدلة بمعنى الكلمة

كنت مشرفة من قبل علي قسم التنسيق
يمكن أن يكون من الأقسام النشيطة في المنتدي
أكثر من العام في ذلك الوقت...
حقيقة أتذكر أن فقط صندوق الرسائل هذا
لا يتوقف كل يوم أجد رسائل
سواء رسائل سخيفة ليس لها معني...
رسائل غبية....
رسائل للقسم ...
من كل وادي ...

دى اقل حاجة تشوفيها
ده انا اتشتمت شتايم ساعت التنسيق السنة اللى فاتت
بجد يشهدوا على كلامى الناس القدامى
بجد كلام مينفعش يتقال
مسؤلية فوق تخيلهم
\و اكيد انتى شفتى بنفسك
ربنا يهدى الجميع
و اكيد اللى هيتحط ف المسؤلية دى هيعرف كلامى كويس
خصوصا منتدى كبير زى هنا
يلا ربنا يهدى
فى امان الله

MoHaMeD ELsHeRbEnY

31-08-2010, 03:45 AM

موضوغ مغلق لما بانزر يمسح كل المشاركات المخالفة دى

BaNZeR

31-08-2010, 04:00 AM

تم حذف جميع الردود اللى كان فيها شد او بره الموضوع تقريباً

ولو في حاجة مخدتش بالي منها نبهوني

والموضوع مفتوح النهاردة تقدرو تلمو فيه كل اللى عايزينه
اللى عنده حوار عايز يخلصه بخصوص النقطة دي تخلص دلوقتي
عشان من بكره حيكون في تصرف تاني لاي حد حيتكلم بخصوص اللى حصل الاسبوع ده من اول الانتخابات تقريباً
ومش حيبقى القسم العام (العام) في اهدافه

MoHaMeD ELsHeRbEnY

31-08-2010, 04:06 AM

توضيح صغير بس
the coder
معلش ياريت تأجل المناقشة بتاعتنا ليوم الاربعاء
لانى بكرة للاسف مش هكون موجود
وان شاء الله نطلع من المناقشة دى بنتائج جيدة
الاخت سمر سعد
ممكن فى اى وقت حضرتك تكتبى الشكوى
والاخ محمد بانزر قادر بالرد على حضرتك نيابة عنى
ولو فى اى حاجة يا محمد عاوز تعرفها فى المناقشة كلمنى عالموبايل

--------------
بخصوص الموضوع ممنوع الكلام فى اى حوارات جانبية
فى رعاية الله

THE CodeR

31-08-2010, 04:09 AM

الامبراطور محمد

31-08-2010, 04:10 AM

ellord
ممكن اعرف ليه حضرتك وقفت عضوية الاميرمحمد
من دقائق
انا كنت داخل اعمل بيها شكوي

THE CodeR

31-08-2010, 04:12 AM

توضيح صغير بس

معلش ياريت تأجل المناقشة بتاعتنا ليوم الاربعاء
لانى بكرة للاسف مش هكون موجود
وان شاء الله نطلع من المناقشة دى بنتائج جيدة

اعتقد كده انها اتحولت لمناظرة مش مناقشة :d
لكن ماشي
بإذن الله يوم الاربع انزل الموضوع و يبقي نتناقش فيه مع الادارة
و جزاك الله كل خير

MoHaMeD ELsHeRbEnY

31-08-2010, 04:20 AM

اعتقد كده انها اتحولت لمناظرة مش مناقشة :d
لكن ماشي
بإذن الله يوم الاربع انزل الموضوع و يبقي نتناقش فيه مع الادارة
و جزاك الله كل خير

طالما مش مناقشة يبقى حضرتك ممكن تعملها فى اى وقت
ولكن اذا كانت خاصة بموضوع الترشيح فلتكن شكوى واحدة فقط
يعنى تتفق حضرتك انت وسمر سعد والاخ الامير محمد
وتوكلو واحد بس فى عمل الموضوع وهو الى يتولى الرد
وان شاء الله هنرد علية فى كل شئ
اما اذا تم عمل اكتر من موضوع عذراً
سيتم التوضيح من قبل الادارة ويتم اغلاق الموضوع دون انتظار ابداء رأيكم
وانا لا احب ذلك فأنا ارغب فى ان تكون الشكوى تشبة المناقشة بأختلاف النتائج

ممكن اعرف ليه حضرتك وقفت عضوية الاميرمحمد
من دقائق
انا كنت داخل اعمل بيها شكوي
حضرتك ممنوع الدخول بأى عضوية جديدة
الا بعد انتهاء مدة الوقف الاساسية
ومع ذلك هسمح لحضرتك تعمل شكوى بالعضوية الحالية
ولكن رجاء اتفق حضرتك انت وباقى الاعضاء الذين يطلبون التوضيح فى اى شئ
انت وTHE CodeR و سمر سعد
على ان تكون الشكوى واحدة حتى يتم الرد بأيجاز
ورجاء توكيل احدكم فقط فى الرد على كافة المشاركات
حتى يكون الموضوع بشكل اسرع

الامبراطور محمد

31-08-2010, 04:25 AM

جميل
طيب دلوقتي .. مكتوب تاريخ انتهاء الوقف : لايوجد
يبقي العضوية هتفتح امتي ؟؟؟

MoHaMeD ELsHeRbEnY

31-08-2010, 04:32 AM

للاسف مش هتتفتح لان مش مسموح لحضرتك بتعدد العضويات فى اثارة المشاكل
وان شاء الله العضويات التانية ايضاً هيتم ايقافها بشكل دائم نتيجة للسب الى حضرتك قولتة
ولو حضرتك شايف انى ظالمك
اعملو شكوى ولو ليك حق هتاخدة وعضوية واحدة فقط الى هتشتغل
:)

ع فكرة
حضرتك اقسمت ان عضوية الامير محمد عمرها ما اتوقفت
وانا اقسمت انها اتوقفت وبسبب شكاوى البنات من حضرتك
وسبحان الله الدليل لقيتة وانا قاعد والله صدفة
فى رعاية الله

THE CodeR

31-08-2010, 04:36 AM

جميل
طيب دلوقتي .. مكتوب تاريخ انتهاء الوقف : لايوجد
يبقي العضوية هتفتح امتي ؟؟؟
يبقي اتوقفت نهائي
انا عايزك بس انتا و سمر تشرحولي عايزين تثبتوا ايه بالظبط و سيبوا الباقي عليا انا هاعرف بإذن الله تعالي اجيب الحق لصحابه
انتا هاحاول ابرءك من الاتهامات الموجهة ليك
اما سمر فهشوف مشكلتها و هادرس القضية..قصدي هاشوف الموضوع و اجهز شكوة محترمة
و بإذن الله كل اللي ليه حق هيرجعله

الامبراطور محمد

31-08-2010, 04:40 AM

حضرتك انا مش عاوز العضويات التانية
بس ياريت ترجعلي العضويات .. ( الاميرمحمد) و ( الأميـرمحمد )
ومش عاوز باقي العضويات..
وبالنسبة للقسم انا اقسمت ع العضوية الجديدة اللي حضرتك وقفتها بتاعت الانتخابات
انا الاولي فدي اوقفت بسبب خاص بي و من سنة الكلام ده
وكانت مشكلة واتحلت

MoHaMeD ELsHeRbEnY

31-08-2010, 04:42 AM

الامبراطور محمد

31-08-2010, 04:44 AM

تقولي بنات والله العظيم هما اللي بيتلزقوا زي اللبان
وانا مابحلفش كدب
وعلشان افهمك الموضوع عاوز سنة للشرح

وانا مشرح THEcodeR
بالنيابة عني

MoHaMeD ELsHeRbEnY

31-08-2010, 04:45 AM

انا الاولي فدي اوقفت بسبب خاص بي و من سنة الكلام ده
وكانت مشكلة واتحلت
حضرتك اقسمت على عضوية الامير محمد وكلامك واضح جداً فى ردك
وبعدين انا مش ليا دعوة ةبالعضويات انا ليا دعوة بصاحب العضويات الى كان مرشح نفسة
ولا انا مثلاً ارتكب الجريمة وانا لابس طقم ولما اروح اغيرة ويبقى كدة مش انا الى ارتكبت الجريمة !
والسبب ليس خاص بيك ولا حاجة يافندم
السبب هو ممنوع ارسال رسائل تعارف للبنات فى المنتدى
والى واقفك انا يعنى مش حد غريب وسبب الوقف واضح جداً
فى رعاية الله

THE CodeR

31-08-2010, 04:46 AM

تمام جميل اوى كدة

ممكن دا بقى يبقى عالرسايل حفاظاً على الموضوع ؟
ملحوظة :-
فى شكوى مقدمة ضد حضرتك انت والاخ الاميرمحمد فى صوت الاعضاء من قبل احد الاعضاء
فرجاء سرعة كتابة شكواكم حتى يتم اتخاذ اللازم
والا سيتم تطبيق العقوبة قبل رؤية شكواكم
:)

ضد مين؟؟
انا؟؟؟
اخي اللورد
ارجو انك تقوم تنام و تنهي النقاش ده حالاً
احنا لما صدقنا لمينا الموضوع
مش لازم نفتهح دلوقت تاني
لازم تسيب فرصة الدنيا تهدي شوية و علشان تقدر ندخل من سكة صح علشان كل واحد ياخد حقه
و علي فكرة حكاية البنات دي لو فكرت فيها شوية هاتلاقي امكانية انه يكون فيها خدعة و هاحاول اشرحها في الشكوة لو في نصيب
ياريت تنهي النقاش ده دلوقت حلاً
و شكراً لاهتمامك
و اكون في غاية الشكر لو عضوية الامير محمد رجعت فترة بكرة دي بس لغاية ما اقدم الشكوة و نبدأ نقاشها
و جزاك الله كل خير

MoHaMeD ELsHeRbEnY

31-08-2010, 04:53 AM

ايوة شكوى ضد حضرتك انت والامير محمد
بخصوص حكاية البنات يافندم مفيش اى خدعة ممكن تحصل فيها
لانى قبل ما بوقف العضو بحاجة زى كدة ببعت لة تحذير فى رسالة الاول
وقد تم
وبعدين حتى لو مظلوم كان عمل شكوى حتى بعد انتهاء المدة ولكنة محصلش
للاسف يعنى
ودا من فترة مش قليلة
وللاسف مفيش عضويات تنفع ترجع احتراماً للقرارات
فى رعاية الله

الامبراطور محمد

31-08-2010, 04:54 AM

حضرتك اقسمت على عضوية الامير محمد وكلامك واضح جداً فى ردك
وبعدين انا مش ليا دعوة ةبالعضويات انا ليا دعوة بصاحب العضويات الى كان مرشح نفسة
ولا انا مثلاً ارتكب الجريمة وانا لابس طقم ولما اروح اغيرة ويبقى كدة مش انا الى ارتكبت الجريمة !
والسبب ليس خاص بيك ولا حاجة يافندم
السبب هو ممنوع ارسال رسائل تعارف للبنات فى المنتدى
والى واقفك انا يعنى مش حد غريب وسبب الوقف واضح جداً
فى رعاية الله
اولا حضرتك متأكد اني انا اللي اتوقفت بسبب بنات
حضرتك ما شوفتش ارقام الموبايلات الي كانت بتجيلي
بس للاسف مسحت الرسايل دي
ع العمومـ
ياريت حضرتك تتقدم شاكرا وترجعلي عضوية الاميرمحمد و عضوية الأميـرمحمد و هناك فرق بينهم بس اللي اتنين
يخصوني ..
وحضرتك انا مارتكبتش جريمة زي ما بتقول ..
علشان اتنكر .. الحمد لله عارف نفسي
وكل ما ادخل بعضوية بقول انا الاميرمحمد..
ومش عاوز باقي العضويات

THE CodeR

31-08-2010, 04:54 AM

محمد
اوعي تقول حاجة
احنا لما صدقنا ان الحالة استقرت دلوقت
مش عايزين نبوظ اللي عملناه اليوم كله علشان لحظة تهور
اصبر اصبر لغاية بكرة ربنا هايسهلها

الامبراطور محمد

31-08-2010, 04:56 AM