ماذا تفعل لو كنت وزير التربيه والتعليم ؟؟؟!!! [الأرشيف]

مشاهدة النسخة كاملة : ماذا تفعل لو كنت وزير التربيه والتعليم ؟؟؟!!!

said_math

29-08-2010, 07:23 PM

انا كنت تعرضت لذا السؤال فى الحلقه الاولى من يوميات معلم مساعد بناءا على رغبه بعضكم..

بس المره دى اعرضه بشكل جديد...لانه موضوع مهم

لو كنت وزير التربيه والتعليم....وفى ظل هذه

الاوضاع..

كيف تستطيع النهوض بالتعليم ؟؟؟

وايمها تفضل ؟؟؟...ولماذا؟؟

1- ان يكون وزير التربيه والتعليم من خريجى كليات التربيه ام غيرها من الكليات؟؟ ولماذا؟؟

2- ان يكون وزير التربيه والتعليم -شاب-(ما بين 37 الى 45 سنه)....ام اكبر 50 فيما فوق ولماذا؟؟

3- ان يعيد وزير التربيه والتعليم الضرب فى المدرس ام لا؟

4-ان يقوم وزير التربيه والتعليم بالزايارات المفاجئه لاكبر عدد من المدارس ام لا؟؟

5-ان يقوم وزير التربيه والتعليم بتطوير او تعديل نظام الثانويه العامه
وكذلك حضور التلاميذ ؟؟ ولماذا؟؟

6-ان يطبق وزير التربيه والتعليم نظام التطبيق الشامل ام لا؟؟

ارجو الجديه والاهتمام لو سمحتوا

اللهم ولى امورنا خيرنا

اللهم بلغنا رمضان

وربنا يقدم اللى فيه الخير

وصلى اللهم على سيدنا محمد رسول الله صلى الله عليه وسلم

دوري المظاليم

29-08-2010, 09:18 PM

اللهم ولى امورنا خيرنا

منار على

29-08-2010, 09:43 PM

اللهم ولى امورنا خيرنا

اللهم امين

وليد غربية

29-08-2010, 10:24 PM

محبش اكون وزير

محمد محمد الجمل

30-08-2010, 08:10 AM

بس انا اكون مدرس بالقلم الجاف

10القعقاع

30-08-2010, 09:50 AM

اللهُمَّ لك الحمدُ كما ينبغي لجلال وجهك ولعظيم سلطانك
اللهُمَّ صلي وسلم وبارك على عبدك ورسولك محمد صلى الله عليه وآله وصحبه وسلم
اللهُمَّ نسألك بكُلِّ أسمائك الحُسنى وبكل صفاتك العُلا أن تُولِّي أمورنا أتقانا وأفضلنا
ونعوذُ بك من شرار خلقك ، ونسألك الهُدى والتُّقى والعفاف والغِنى

اللهُمَّ بلغنا ليلة القدر وتقبلها منا وأعنَّا على القيام فيها ووفِّقنا لصالح الأعمال فيها واجعل كل ذلك خالصاً لوجهك الكريم ، ونسألك أن تُتقبل منا إنَّكَ أنت السميعُ العليم وتُب علينا إنَّكَ أنت التوَّابُ الرحيم اللهُمَّ آميييييين

وصلي اللهُمَّ على عبد ورسولك محمد وعلى آلهِ وصحبهِ وسلم

والحمدُ لله ربِّ العالمين

كان رسول الله يجتهد في العشر الأواخر ما لا يجتهد في غيره. رواه مسلم

دوري المظاليم

30-08-2010, 12:29 PM

اللهم ولى امورنا خيرنا

msrahmedseef

30-08-2010, 01:05 PM

said_math

30-08-2010, 07:04 PM

شكرا على مروركم..

وافكاركم الجميله...والرائعه

اللهم بلغنا رمضان

وصلى اللهم على سيدنا محمد رسول الله صلى الله عليه وسلم

جارةالوادى

30-08-2010, 10:36 PM

ياااااااااااااه وزير مرة واحدة لاء انى اكون عروسة للمتعاقد اياه بتاع الحلقة اللى فاتت اسهل كتيييييييير
المهم اما وانى قد اصبحت وزيرة وقد ابتلانى الله بهذا المنصب واختارنى رئيس الوزراء ياجماعة صراحة تكليفا لاتشريفا هههههههه كلام وزير عتيق فى الوزارة بقى اول قرار هاخده طبعا ان كل الناس فى الوزارة عندى خصوصا المدرسين لازم يبقو تعيين وطبعا بالتنسيق مع زميلى وزير التنمية الادارية ووزير المالية هندبر الدرجات والدعم اللازم لان من حقم انهم يحسو بالامان عشان نقدر نستفيد من خبراتهم وطبعا رفع سقف الكوادر والدفاع عن الموضوع ده بشدة لان التعليم هو اكثر جهة منتجة لانها تتعامل مع التنمية البشرية طبعا مش هقعد فى مكتبى واستنى تقارير المتابعة لاء هنزل اتابع بنفسى وطبعا فيه لجان متابعة تانية فى كل المحافظات وطبعا يستحسن عشان نوفر فى المصاريف انها تكون من المديريات التعليمية وكلها تخضع لرئاستى شخصيا وطبعا تشجيع المعلمين المبدعين سواء فى طرق التدريس الجديدة او حتى بالسماح لهم بالمساعدة فى وضع المناهج وبالتاكيد هشجع التعليم الفنى لانه مستقبل البلد الحقيقى سواء فى عمالة مدربة على اعلى مستوى وفرص عمل حقيقية لناس استفادت بجد من التعليم وطبعا على ايامى مفيش فصل فيه اكتر من 30 فى الفصل الواحد ده على اقصى تقدير والمهم بقى ان مفيش تقويم شامل على الاقل زى ماهو موجود دلوقتى شوية ورق ودرجات غير حقيقية واولياء الامور هما اللى بيعملو النشاط وانما هحاول اشوف تجربة تانية تكون مقياس حقيقى لقدرات الطالب وطبعا تطوير المعامل وحجرة الوسائط فى كل المدارس وتفعيل الانشطة المفيدة فى المدارس زى الرياضة والتربية الفنية والمسرح واختار قيادات جديدة شابة للتعليم مليانة حيوية وكفاءة وطبعا مفيش ضرب لانه وسيلة متخلفة جدا وبتسبب عقد نفسية صعبة جدا وبعدين العيال بقيت بجحة جدا مش بياثر فيها العقاب الجسدى وانما اقتراح طرق عقاب جديدة مؤثرة وفعالة وتكون تربوية ويشترك معانا الطب النفسى فى وضعها وطبعا مفيش دروس خصوصية لان المدرسة هتبقى بيئة جاذبة جدا وهيرجع دورها المعرفى والتربوى والمدرس هيبقى مرتاح ماديا ونفسيا لان مرتبه كويس وبرستيجه لايسمح له بهذه الاهانةواللف على البيوت زى الشحاتين ومش فاضى بقى بيحط سياسات وخطط مع وزارته والناس كلها مهتمة بيه وبنتايجه مع تلامذته ومحصلة انتاجه المعرفى والتربوى

جارةالوادى

30-08-2010, 11:16 PM

[quote=msrahmedseef;2599098]والله لو كنت وزير التربية والتعليم كنت عملت ثورة فى التعليم المصرى من كل المجالات كل ده بعد اذن الله تعالى اولا هاطبق نظم التعليم المتفقة مع مجتمعنا وثقافتنا واولا الاهتمام باللغة العربية اهتمام بالغ حيث انها الاساس فى الارتقاء بالتعليم وعلى فكرة انا مدرس رياضيات علشان ما حدش يفتكر انى مدرس لغة عربية لانى بواجه مشكله كبيرة مع الطلاب عندى انهم مش فاهمين الفاظ لغتهم يعنى اللغة المشتركة بيننا مفقوده كيف اوصل لهم المعلومة ثانيا افعل التعليم الفنى لان القطاع الفنى فى اى دولة هو اساس نهوض هذه الدولة ثالثا اقسم التعليم على حسب التوزيع الغرافى يعنى البلاد الساحلية يجب ان تاخذ قسط كبير عن التعليم البحرى فهى بيئتهم وهم اولى الناس بمعرفة اسرار بيئتهم المناطق الريفية ننشط فيها التعليم الزراعى المناطق الصناعية ننشط فيها التعليم الصناعى وهكذا مع اتاحة الفرص للانتقالات بين الطلاب فى اى منطقة لتلقى ما يحتاجة من تعليم هذا مشروع اولى ولو نظرتوا لاصلاح التعليم انا اعتقد انة عاوز مجلد فى وضع نقاط التحسين وانا اعجز الان عن ذكر جميع النقاط بس لو مسكتونى وزير التربية والتعليم اوعدكم باذن الله بتعليم فعال ونشيط ومتطور ويواكب احتياجات الدولة واتجهاتها العلمية والعملية والسياسية والثقافية والاجتماعية والله ولى التوفيق[/quot
اقتراحات هايلة جدا وجديرة بالخضوع للدراسة والتمحيص والتدقيق حط لى خطة كاملة متصورة عن هذه الاقتراحات واليات تنفيذها وهاتها لى على مكتبى فى الوزارة متخافش المواصلات على حساب الوزارة

zemosat

31-08-2010, 12:01 AM

والله لو كنت وزير التربية والتعليم كنت عملت ثورة فى التعليم المصرى من كل المجالات كل ده بعد اذن الله تعالى اولا هاطبق نظم التعليم المتفقة مع مجتمعنا وثقافتنا واولا الاهتمام باللغة العربية اهتمام بالغ حيث انها الاساس فى الارتقاء بالتعليم وعلى فكرة انا مدرس رياضيات علشان ما حدش يفتكر انى مدرس لغة عربية لانى بواجه مشكله كبيرة مع الطلاب عندى انهم مش فاهمين الفاظ لغتهم يعنى اللغة المشتركة بيننا مفقوده كيف اوصل لهم المعلومة ثانيا افعل التعليم الفنى لان القطاع الفنى فى اى دولة هو اساس نهوض هذه الدولة ثالثا اقسم التعليم على حسب التوزيع الغرافى يعنى البلاد الساحلية يجب ان تاخذ قسط كبير عن التعليم البحرى فهى بيئتهم وهم اولى الناس بمعرفة اسرار بيئتهم المناطق الريفية ننشط فيها التعليم الزراعى المناطق الصناعية ننشط فيها التعليم الصناعى وهكذا مع اتاحة الفرص للانتقالات بين الطلاب فى اى منطقة لتلقى ما يحتاجة من تعليم هذا مشروع اولى ولو نظرتوا لاصلاح التعليم انا اعتقد انة عاوز مجلد فى وضع نقاط التحسين وانا اعجز الان عن ذكر جميع النقاط بس لو مسكتونى وزير التربية والتعليم اوعدكم باذن الله بتعليم فعال ونشيط ومتطور ويواكب احتياجات الدولة واتجهاتها العلمية والعملية والسياسية والثقافية والاجتماعية والله ولى التوفيق

ياااااااااااااه وزير مرة واحدة لاء انى اكون عروسة للمتعاقد اياه بتاع الحلقة اللى فاتت اسهل كتيييييييير
المهم اما وانى قد اصبحت وزيرة وقد ابتلانى الله بهذا المنصب واختارنى رئيس الوزراء ياجماعة صراحة تكليفا لاتشريفا هههههههه كلام وزير عتيق فى الوزارة بقى اول قرار هاخده طبعا ان كل الناس فى الوزارة عندى خصوصا المدرسين لازم يبقو تعيين وطبعا بالتنسيق مع زميلى وزير التنمية الادارية ووزير المالية هندبر الدرجات والدعم اللازم لان من حقم انهم يحسو بالامان عشان نقدر نستفيد من خبراتهم وطبعا رفع سقف الكوادر والدفاع عن الموضوع ده بشدة لان التعليم هو اكثر جهة منتجة لانها تتعامل مع التنمية البشرية طبعا مش هقعد فى مكتبى واستنى تقارير المتابعة لاء هنزل اتابع بنفسى وطبعا فيه لجان متابعة تانية فى كل المحافظات وطبعا يستحسن عشان نوفر فى المصاريف انها تكون من المديريات التعليمية وكلها تخضع لرئاستى شخصيا وطبعا تشجيع المعلمين المبدعين سواء فى طرق التدريس الجديدة او حتى بالسماح لهم بالمساعدة فى وضع المناهج وبالتاكيد هشجع التعليم الفنى لانه مستقبل البلد الحقيقى سواء فى عمالة مدربة على اعلى مستوى وفرص عمل حقيقية لناس استفادت بجد من التعليم وطبعا على ايامى مفيش فصل فيه اكتر من 30 فى الفصل الواحد ده على اقصى تقدير والمهم بقى ان مفيش تقويم شامل على الاقل زى ماهو موجود دلوقتى شوية ورق ودرجات غير حقيقية واولياء الامور هما اللى بيعملو النشاط وانما هحاول اشوف تجربة تانية تكون مقياس حقيقى لقدرات الطالب وطبعا تطوير المعامل وحجرة الوسائط فى كل المدارس وتفعيل الانشطة المفيدة فى المدارس زى الرياضة والتربية الفنية والمسرح واختار قيادات جديدة شابة للتعليم مليانة حيوية وكفاءة وطبعا مفيش ضرب لانه وسيلة متخلفة جدا وبتسبب عقد نفسية صعبة جدا وبعدين العيال بقيت بجحة جدا مش بياثر فيها العقاب الجسدى وانما اقتراح طرق عقاب جديدة مؤثرة وفعالة وتكون تربوية ويشترك معانا الطب النفسى فى وضعها وطبعا مفيش دروس خصوصية لان المدرسة هتبقى بيئة جاذبة جدا وهيرجع دورها المعرفى والتربوى والمدرس هيبقى مرتاح ماديا ونفسيا لان مرتبه كويس وبرستيجه لايسمح له بهذه الاهانةواللف على البيوت زى الشحاتين ومش فاضى بقى بيحط سياسات وخطط مع وزارته والناس كلها مهتمة بيه وبنتايجه مع تلامذته ومحصلة انتاجه المعرفى والتربوى
اقتراحات هايلة وجميلة لا تنم إلا عن فكر واع لشباب متحضر
بس أخشى أول متشوفوا كرسى الوزارة البراق والعربيات آخر موديل اللى هتكون تحت خدمة سيادتكم وده غير البطانة السوء اللى حواليكم هتنسوا الدنيا باللى فيها

said_math

31-08-2010, 12:04 AM

شكرا على مرورك جاره الوادى...

ودايما منورة المنتدى..

وطعا معاكى تكون عروسه ..اسهل كتير ههههههههههه...واتمنى تكون اليوميات عجباكى وتضيف روح من المرح..

بس بجد افكارك رائعه وجديده...

ياريت تتطبق..وياريت حد يشوف افكرانا دى ..ويسمعنا

فيه نماذج رائعه...

على ايدها باذن الله هيتطور التعليم....

لان التعليم الايام دى يتدهور بحاله صعبه..

وفيه ناس تسعى وراااء ذلك

لاكن مادام فيه ناس تعامل ضميرها...نا س عارفه ربنا....مدرسين بمعنى الكلمه

مصر باذن الله هتفضل بخير...

لانها ام الدنيا وهتفضل ام الدنيا

وربنا يقدم اللى فيه الخير

وصلى اللهم على سيدنا محمد رسول الله صلى الله عليه وسلم

مدرسة الانجلش

31-08-2010, 12:25 AM

.............................................

said_math

31-08-2010, 12:32 AM

شوف الناس....

اهو كدا الوزاره هتتقدم بيكى....الله ينور عليكى

كلمه تترستأ دى مش سمعتها من زمان..بس حلوة

طب فيكى خير..مش هتنسى زمايلك الى كانوا معاكى فى المدرسه..فيكى الخير والعشم..

بس يا مدرسه الانجلش انا طلبت الجديه والاهتمام فى الرد لو سمحتى

وصلى اللهم على سيدنا محمد رسول الله صلى الله عليه وسلم

مدرسة الانجلش

31-08-2010, 12:35 AM

.................................................. ................................

said_math

31-08-2010, 12:40 AM

اوك مدرسه الانجلش معاكى نظام شبه فاشل...

بس كنت اتمنى اضافه جديده او فكره اجمل؟؟

اكيد فيه افكار رائعه...

المنتدى مليان نماذج رائعه..

وصلى اللهم على سيدنا محمد رسول الله صلى الله عليه وسلم

ghoneem84

31-08-2010, 12:57 AM

أنا الوزير
ينهار أبيض
الوزير جة وأنتو لسة قاعدين
كلوا يقوم يوقف ويدى للوزير التحية
هههههههههههههههههههههههه
دا لو أنا الوزير
دا أنا هوريكم أيام ما يعلم بيها إلا ربنا أيام:mad:
أول واحد هشيلة المدير بتاعى
أو انقلة السلوم
دا ورانى أيام سوداء
وبعد ما أنقلة هسيب الوزارة واروح:romarioxp6:
ههههههههههههههههه
كل عام وحضرتكم بألف خير

zemosat

31-08-2010, 01:03 AM

.............................................
وكل لبيب بالإشارة يفهم

said_math

31-08-2010, 01:10 AM

وانتا بالف سلامه...

هو كل واحد هيجى يفش غله فى المدير بتاعه ...او اى كلام من هذا القبيل....

احنا مش منتدى الشكاوى يا جماعه...

انا بقول عايزين نغير او نطور التعليم...

بالافكار الجديده ...والحلول المناسبه....

ارجو الجديه لو سمحتوا

وربنا معاكم

وصلى اللهم على سيدنا محمد رسول الله صلى الله عليه وسلم

zemosat

31-08-2010, 01:27 AM

said_math

31-08-2010, 01:45 AM

يا عم
..وعشت فى الدور

لو سمحت نحن مدسون..

وياريت يكون الكلام افضل من كدا

انا ارجو الجديه فى الاجابه...وكل سنه وحضرتك طيب

وصلى اللهم على سيدنا محمد رسول الله صلى الله عليه وسلم

Observer

31-08-2010, 02:02 AM

لو بقيت وزير التعليم هطبق النموذج اليابانى فى التعليم بكل حذافيره

said_math

31-08-2010, 02:36 AM

ياريت مستر محمد...

وربنا يوفق الجميع

وصلى اللهم على سيدنا محمد رسول الله صلى الله عليه وسلم

MISS.DINA

31-08-2010, 12:14 PM

انا اتمنى اولا ان يكون وزير التربية والتعليم من خريجى كليات التربية وكان يعمل معلما حتى يكون متيقنا بمتطلبات العملية التعليمية بشكل كامل بالاضافة الى ذلك اتمنى ان لا يزيد عمرة عن الاربعين ليكون وسطا بين الجيل الجديد من المعلمين والقديم واتمنى ان يطور من الكتب الدراسية التى تمثل مجرد عبىء على الطالب فى حملها وليس الاستفادة منها واتمنى ان يصدر قانون الترقيات بالجدية وليس بالاقدمية وتغيير نظام الثانوية العامة وانا من وجهة نظرى ان النظام الجديد للثانوية العامة المطروح نظام جيد لانه سيجعل الطالب ينتظم فى المدرسة وسيعيد احترام الطالب للمعلم من جديد وانا من مشجعى اعادة نظام الضرب فى المدارس وليس العنف واخر امنياتى واهمها ان يتم تعيين كل المتعاقدين حتى لا يكون هناك تمييز بي معلمى مصر ومنسمعش كلمة انت لسة بالقلم الرصاص واى حد يقولها لمدرس يتحول للتحقيق فورا بس كفاية كدة ههههههههه

احمد الكوامي

31-08-2010, 12:31 PM

وإذا كانت الأكاديمية تؤكد على وجود مراحل أخرى تالية لتجميع هذه الشهادات ، إلا أنها تؤكد أيضاً على أهمية الإسراع في الحصول على هذه الشهادة ؛ لأن التعيين في وظيفة معلم سيكون على أكثر من مرحلة في ضوء استكمال الملفات

m.a.h.2050

31-08-2010, 01:05 PM

لو بطلنا نحلم نموت

جارةالوادى

31-08-2010, 01:13 PM

لو بطلنا نحلم نموت
ونموت كدة فطيس واحنا لسة معملناش حاجة لاء طبعا اتجوز الاول وبعدين اموت ههههههههه من ضمن الاحلام يعنى وبعدين خليهم يحلمو كل الافكار كانت فى الاول احلام وبشوية توفيق وجهد وصبر اتحققت ربنا يحقق كل امانينا

ghoneem84

31-08-2010, 05:04 PM

said_math

31-08-2010, 07:05 PM

شكرا على مروركم...

وكل رمضان وانتم بخير

وللاستاذه miss dina

افكار اكتر من رائعه وجميله..

ونتمنى افكار اجمل وحلول انسب منك ومن كل الموجودين...

ويارب يا جاره الوادى تحققى كل احلامى وخصوصا الزواج المهم مش تنسى تدعينا...ههههههههه

وصلى اللهم على سيدنا محمدرسول الله صلى الله عليه وسلم

aladdin027

31-08-2010, 07:51 PM

كنت سأتخذ القرارات الوزارية الآتية :
(1) ازالة الحشو الزائد من الكتب المدرسية و اسناد طباعتها لواحدة من دور نشر الكتب الخارجية .
(2) تعيين المعلمون المساعدون علي درجة معلم مع تقديم اعتذار رسمي لهم علي تأخر قرار التعيين كل هذه المدة الماضية .
(3) تعيين العشرة الأوائل من خريجي كليات التربية مباشرة دون مرورهم علي وظيفة المعلم المساعد .
(4) رفع مرتبات المعلمون لتتساوي مع مرتبات موظفي وزارة البترول .
(5) اصدار قانون يجرم الدروس الخصوصية .
(6) للمعلم الحق في عقاب طلابه العقاب الذي يراه ملائما دون المبالغة في استخدام العقاب البدني .
(7) اقامة مسابقة علنية في نهاية السنة الدراسية للاحتفال بأوائل الشهادات العامة ، و تكريم المعلم المثالي لكل محافظة علي حدة ، و يذاع الاحتفال علي القنوات التليفزيونية المصرية .
(8) اقامة اجتماع موسع عقب نهاية السنة الدراسية في كل محافظة مع مدرسي المراحل المختلفة لمناقشة المشاكل التي واجهها المدرسون الأفاضل ، و اقتراح الحلول علي أرض الواقع .

جارةالوادى

31-08-2010, 11:23 PM

لو بقيت وزير التعليم هطبق النموذج اليابانى فى التعليم بكل حذافيره

انا كمان عجبانى التجربة اليابانية فى التعليم حلوة جدا بس مش بكل حذافيرها لانهم مش بيهتمو بالدين معتمدة على العلم والسلوك والمهارات وبس ومفيش جوانب روحية مهمة جدا زى الدين اللى بيخلى سلوكياتنا وعلمنا ليه هدف ومعنى وبيرتقى بيها جدا

دوري المظاليم

31-08-2010, 11:25 PM

تبثيت المتعاقدين

جارةالوادى

31-08-2010, 11:28 PM

said_math

31-08-2010, 11:30 PM

جميله جدا افكارك الاستاذ علاء الدين.....

عجبانى جدا جدا جدا...

ياريت حد يسمعنا ويشوف الافكار الاكتر من رائعه دى..بجد هيكون تعليم اكتر من ممتاز

وكذلك موضوع التجربه اليابانيه...

وزى ما بتقول جاره الوادى ماعندهم تمسك بالدين...

وصلى اللهم على سيدنا محمد رسول الله صلى الله عليه وسلم

said_math

01-09-2010, 06:56 PM

خلاص جارة الوادى...

الف مبرووووك

بس

مش لما تشوفى لكرسى الوزاره هتنسينا..

وربنا يوفقك