|
مشاهدة النسخة كاملة : أرجو الافادة بجد DR Ahmed92 30-08-2010, 04:36 AM لو سمحتم عاوز اعرف كل حاجة عن كلية طب الاسنان ايه هي المواد اللي بندرسها في كل سنة من ال 5 ان شاء الله وكمان نبذة مختصرة عن المواد اللي في السنة الاولى ونظام الدرجات والامتحان وكده للمواد سنة اولى شكرا Dr-Mahmoud Ehab 30-08-2010, 02:49 PM أنت جامعة إيه ؟؟؟؟ د\ الاء 30-08-2010, 03:00 PM السلام عليكم اولا مبروك علي دخولك الكليه ثانيا اسنان ست سنين خمس سنين دراسه والسنه السادسه امتياز اول سنه اسمها اعدادي دي بتاخدها كلها ف كليه علوم وده لانك بتدرس مواد من علوم وملهاش اي علاقه باسنان زي الكيميا والفيزيا والنبات والحيوان واللغه وتاني سنه اسمها الفرقه الاولي دي بتاخد فيها مواد من طب بشري ومواد من اسنان وبرده الفرقه التانيه كده والفرقه التالته والرابعه هي بس اللي بتدرس فيها مواد التخصص وبتبدا تنزل العيادات علشان تتدرب بتاخد مواد زي التقويم والجراحه والحشو والخلع واسنان اطفال كده يعني ومواد طب دي زي الباطنه والتشريح والجلديه والجراحه العامه وشويه مواد كده .................................................. ... بالنسبه للدرجات فدرجات المواد مش كتير يعني بتتراوح من 100 ل 150درجه قليل اوي لما بتلاقي ماده درجاتها اكبر من كده وبالنسبه للامتحانات طبعا مفيش تيرم خالص ف اسنان الامتحانات الفاينال اخر السنه بس دي بقي بتبقي عباره عن امتحانات العملي وبعدين النظري والشفوي بس طول السنه بنبقي برده شغالين امتحانات اعمال السنه كل فتره وفتره بنمتحن علشان يبقي فيه مزاكره باستمرار اسنان كليه جميله ولذيذه بس صعبه ف دراستها ومحتاجه مجهود ومزاكرة من اول يوم وباستمرار ودي طبيعه اي كليه عمليه ده ملخص عام عن اسنان واي استفسار تاني او سؤال عن اعدادي احنا موجودين Dr-Mahmoud Ehab 30-08-2010, 05:34 PM شكرآ د\ الآء علي المتابعة يارب دايمآ كده تمام يا أحمد ولا إيه عشان أنت بتقول أنك مش لاقي المعلومات إلي أنت عايزها DR Ahmed92 30-08-2010, 07:14 PM شكرا يا دكتورة الاء وشكرا يا دكتور محمود بس ياريت اعرف مواد كل سنة بالظبط كم مادة و ايه هما ؟؟ ثانيا انا لسه مدخلتش الكلية انا لسه مستني النتيجة ويا رب تطلع لان الواحد زهق بجد من الانتظار معلش هنتعبك معانا شوية يا الاء بس شوية كده لحد ما النتيجة تظهر طلبي بس اعرف المواد اللي هخدها في كل سنة بالظبط وياريت شوية تفيل عن مواد السنة الاولى او الاعدادي زي ما بتسموها د\ الاء 31-08-2010, 12:52 AM السلام عليكم يا دكتور احمد عدد المواد ف كل سنه بيختلف من جامعه لجامعه بس لو تحب تعرف المواد بالظبط اسمائها وكده فانا هكلمك علي اساس جامعتي (جامعه المنصورة) ولو فيه اختلاف بينها وبين اي جامعه تانيه اكيد هيبقي بسيط وهيبقي نسبي السنه الاعداديه: ودي هكلمك عنها بالتفصيل زي محضرتك عاوز هي عباره عن ثانويه عامه بس بالانجلش ودي تعتبر سنه تمهيدي ملهاش اي علاقه بالكليه الحيوان او zoology ........ بينقسم لست فروع وهما 1- فسيولوجي وده زي احياء ثانوي بالظبط بس بالانجلش 2- سيتولوجي وهستولوجي وده فرع بسيط ف السيتولوجي عباره عن دراسه مكونات الخليه ووظائفها ولو انت واخد مستوي رفيع احياء ف الثانويه فده هيساعدك كتير بس هي بسيطه والهستولوجي بسيط برده بس محتاج شويه حفظ وهو عباره عن دراسه الانسجه اللي ف الجسم معرفه اماكنها ووظيفتها 3- امبريولوجي وده علم الاجنه برده من الحاجات اللي اخدتها ف ثانوي مع اضافات بسيطه بس 4 - كورداتا او الحبليات ودي من اسمها بتدرس الحبليات وتطورها بدايه من ابسط حيوان حبلي اولي اسمه الامفيوكسس الي الانسان 5- بارا parasitology ودي بتدرس دورات حياه الطفليات زي الاسكارس والانكلستوما وسهله اوي 6- اورال كافيتي oral cavity (تجويف الفم) ودي لذيذه برده بتدرس فيها مكونات الفم ووظائفها زي الاسنان واللسان واللثه كده يعني ده بالنسبه للحيوان كان عليه 100 درجه النظري عليه 50 والعملي 20الشفوي 15 واعمال السنه او الميد تيرم 15 وف العملي بتاعه بيبقي فيه تشريح ف التيرم الاول كان فيه تشريح الضفدعه ...والباقي بتاخد شرايح لانسجه بتمتحن عليها بانك تتعرف ع الشريحه اللي قدامك اما التيرم التاني فبنشرح سمكه البلطي والسحليه والارنب والحمامه وبرده فيه شرايح ودي ماده بسيطه وسهله والكل بيجيب فيها تقديرات كويسه .................................................. ......................................... تاني ماده الكيميا بتنقسم لكيميا عضويه organic هي تقيله شويه ومحتاجه مزاكره باستمرار وكيميا فيزيائيه وبرده فيها كتير من ثانوي وكيميا تحليليه برده كلها من ثانوي مع شويه اضافات بسيطه الكيميا برده عليها 100 درجه بنفس التوزيعه اللي فاتت عملي الكيميا عباره عن تجارب بتعملها ف المعمل تفاعلات كيميائيه يعني وف الامتحان بيجيبلك ماده والمطلوب منك انك تتعرف عليها وبيبقي امتحانها سهل اوي ومضمون وفيه ف التحليليه بتشتغل تجارب بالسحاحه اسمها المعايرة برده سهله اوي الفيزيا والاحصا تالت ماده الاحصا كلها من تالته ثانوي هي سهله بس مشكلتها انك هتاخد وقت عما تفهمها بالنجلش الفيزيا فيها فروع كتير زي الضوء والكهربيه والحراره و الكهربيه وفيزيا حديثه وفيها فرع اسمه dental materials او مواد اسنان دي بتاخد فيها اسماء المواد المستخدمه ف الحشو ومميزاتها وعيوبها وفرع اسمه bioactive material ده خاص بشرايح العظم وده سهل اوي عباره عن فكره مبدئيه عن تكوين الشريحه ونسبه مكوناتها كده يعني الفيزيا بتنضاف مع الاحصا وعليهم 150 درجه 70تحريري و30 عملي و25 شفوي و25 اعمال سنه عملي الفيزيا عباره عن تجارب ف المعمل بتشتغلها بنفسك وتطلع نتايجها و ف الامتحان مش مطلوب منك غير انك تحفظ نظريه التجربه وطريقه العمل وانك تكتبله نتايجها ولو فيه رسم بياني بترسمه والتجارب معظمها من ثانوي زي ارشميدس والمنشور واللزوجه وطبعا الاحصا ملهاش عملي الماده الرابعه بقي وهي النبات والوراثه ودي تلت فروع الاول فسيولوجي بتدرس مكونات الخليه النباتيه ووظائفها وده سهل اوي معظمه من معلوماتك اللي من قبل كده 2- الميكروبيولوجي وده تقيل شويه وعايز حفظ وتركيز جامد وده بتدرس فيه الكائنات الدقيقه بدايه من اصغرها وهو الفيروس الي اكبرالممالك وهي الاشونات وفيه بتدرس المملكه و خصائصها العامه وامثله عليها 3 - الوراثه وهي زي ثانوي بس متوسعه عنها بشويه وعايزة فهم وتفكير هي عليها 80 درجه 30 نظري و20 عملي و15 شفوي و15 اعمال سنه العملي فيها عباره عن تجارب ف الفسيولوجي بتكتب المشاهده والتعليق وبيبقي من فهمك للتجربه اما الميكرو عباره عن شرايح بتتعرف عليها وبترسم الشريحه وبيبقي فيه اسئله عليها اما الوراثه فالعملي بتاعها عباره عن مسائل كتير كانو بيشتكو من النبات وكتير شالوه بس انا رايي انه كان سهل ولذيذ وبالمزاكرة الكتير والتركيز هتجيب فيه تقدير وهتحبه الماده الخامسه بقي وهي اللغه عليها 80 درجه وطبعا ملهاش عملي او شفوي كل اللي عليك انك تسلم الشيتات وتجاوب كويس اخر السنه اعدادي دي سنه سهله جدا وطبعا بالمزاكره كل شئ بيبقي سهل وربنا يوفق د\ الاء 31-08-2010, 01:27 AM اما بقي بالنسبه للسنين اللي بعد كده السنه الاولي موادها عباره عن اربع مواد من بشري وهما 1 التشريح 2- هستولوجي عام 3- فسيولوجي عام 4- كيميا حيوي وتلت مواد اسنان: 5- المواد الحيويه لطب الاسنان 6- التشريح الوصفي للاسنان 7- هستولوجيا الفم .................................................. ............................. اما الفرقه التانيه فيها 1- تكنولوجيا الاستعاضه الصناعيه 2- تكنولوجيا العلاج التحفظي 3- تكنولوجيا التيجان والجسور 4- الباثولوجيا العامه 5- علم الادويه 6- الميكروبيولوجيا والمناعه الطبيعيه 7- ماده غير اساسيه وهي اسمها حقوق انسان .................................................. ................. اما السنه التالته بتنزل فيهاعيادات الجامعه علشان تتدرب بتاخد فيها 1- التشخيص - الاشعه - الامراض الباطنه العامه 2- الجلديه والتناسليه الجراحه العامه 3- انف واذن وحنجره طب وجراحه العيون 4- الاستعاضه الصناعيه 5- العلاج التحفظي 6- التيجان والجسور 7- علاج الجذور 8- جراحه الفم والتخدير الموضعي 9- طب اسنان اطفال 10- صحه الفم وطب اسنان وقائي 11- تقويم الاسنان 12- باثولوجيا الفم .................................................. السنه الرابعه والاخيره 1- الاستعاضه الصناعيه 2- العلاج التحفظي 3- التيجان والجسور 4- علاج الجذور 5- طب الفم 6- جراحه الفم والتخدير الموضعي تشمل( جراحه الوجه والفك والتخدير العام) 7- طب اسنان اطفال 8- صحه الفم وطب الاسنان الوقائي 9- تقويم الاسنان وبعد كده بقي تيجي سنه الامتياز وربنا يوفق ف المشوار الطويل ده DR Ahmed92 31-08-2010, 05:23 PM الف شكر ليكي بجد يا دكتورة الاء بجد مش عارف اشكرك ازاي ؟؟ د\ الاء 01-09-2010, 12:38 AM العفو يا دكتور احمد تشكرني علي ايه احنا كلنا اخوات ولو احتجت اي حاجه هتلاقينا موجودين ان شاء الله وربنا يوفقك المبتسم الحزين 13-09-2010, 03:56 AM شكرا د\ الاء بارك الله فيكي انا برده استفدت كمان ربنا يوفقكم المبتسم الحزين 13-09-2010, 04:01 AM لو سمحتم عاوز اعرف كل حاجة عن كلية طب الاسنان ايه هي المواد اللي بندرسها في كل سنة من ال 5 ان شاء الله وكمان نبذة مختصرة عن المواد اللي في السنة الاولى ونظام الدرجات والامتحان وكده للمواد سنة اولى شكرا صحيح انت في صيدله تقريبا ازاي بتدرس في طب اسنان :028ja7: DR Ahmed92 13-09-2010, 12:31 PM صحيح انت في صيدله تقريبا ازاي بتدرس في طب اسنان :028ja7: هههههههه عادي يا باشا كنت مستني نتيجة التنسيق وكنت كاتب الرغبات الاولى اسنان وملحقتش ودخلت صيدلة الحمد لله Sh.I.A 15-09-2010, 05:57 PM طيب يا جماعة انا جالي اسنان عين شمس ممكن حد يفيدني ويقوللي عن المواد خصوصا انهم بيقولو خلاص مش هنحضر في علوم زي زمان خلاص لأ هنحضر في اسنان عادي ف هل هيضيفوا مواد تانية او كدا و سؤال اهم .. هل اول يوم دا بيكون فيه محاضرات؟؟؟؟ يعني لو مروحتش هتبقى مشكلة ؟؟؟؟ واكون شاكرة ليكم يا دكاترة ... Sh.I.A 16-09-2010, 03:00 AM ردوا عليا بليييييييييييييييييييز :( المبتسم الحزين 17-09-2010, 07:03 PM هههههههه عادي يا باشا كنت مستني نتيجة التنسيق وكنت كاتب الرغبات الاولى اسنان وملحقتش ودخلت صيدلة الحمد لله ربنا يوفقك صيدله مش وحشة حلوة بردة المهم تشد حيلك منتوو 19-09-2010, 01:28 AM أنا كمان في أسنان عين شمس بس ما رحت النهردة ،،، بكرة الأحد ان شاء الله أروح وأعرف النّظام ، خاصة اني سمعت انهم لغوا الاعدادي ... فهتأكّد وهأقولكم ... إن شاء الله .. Sh.I.A 19-09-2010, 09:20 AM أنا كمان في أسنان عين شمس بس ما رحت النهردة ،،، بكرة الأحد ان شاء الله أروح وأعرف النّظام ، خاصة اني سمعت انهم لغوا الاعدادي ... فهتأكّد وهأقولكم ... إن شاء الله .. انا كمان مروحتش اول يوم انا رحت النهاردة .. بس قالولي النهاردة سكاشن بس مفيش محاضرات والسكاشن مبتبدأش اول اسبوع .. ف رجعت |