اهلييي هوهو !! [الأرشيف] - بوابة الثانوية العامة المصرية

نقاء الروح

30-08-2010, 03:42 PM

السلام عليكم ورحمة الله وبركاته ،،

طبعا الكل فاكر اني هتكلم عن ماتش امبارح ،

بس انا جاية اتكلم عن حاجة فكل الماتشات يعني ،

طبعا عارفين قبل المباراة بتيجي صورة الملعب واللاعيبة و كدة ،

المخرج عمّال يجيب فلان بسخن و علان بيجهز نفسه و تاني بياخد التعليمات ،

و المعلق عمّال بيرغي كالعادة ،

المهم فجأة اسمع المعلق يقول :

و طبعا زي ما احنا شايفين الجنس اللطيف جاي النهاردة و بيشجع ،،

فالتفت اشوف ايه الجنس اللطيف ده ،،

فلقيت خمس ست بنات عمّالين يطنططوا زي القرود !! :d

كل وحدة ماسكة علم و زمارة

و بتقول اهلييي هوهو ،:av4056bb7jp3:، ( طبعا الاهلي كمثال ، وممكن يبقى زمالك ، اسماعيلي ، اي حاجة بئا )

المهم قلت ايه هما ايه ال جابهم هنا ؟!

هو حتى الاستاد وصلنالو ؟!:o

اما احنا جبارين صحيح ،، B)

فحبيت اشوف رأيكم فالموضوع ده ،

هل ذهاب الفتاة للاستاد حق من حقوقنا المشروعة و غير المشروعة ،

و ايه نظرتك لبنت بتروح الاستاد و بتشجع و تتحشر وسط الشباب ؟!

و بتبص ازاي لباباها ؟ اخوها ؟! اهلها بشكل عام يعني ؟

هل ده مقبول و بئا شيء عادي ؟
ولا شيء مفروض من وجهة نظرك ؟

مستنية اراائكم ،،

سؤئة الطيوبة

30-08-2010, 03:55 PM

usernamo

30-08-2010, 05:57 PM

طالبة ولكن

30-08-2010, 06:11 PM

موضوع جمييل جزاك الله خيييرا

محمد على المنياوى

30-08-2010, 06:51 PM

محدش يزعل منى !!!
الاسلام أكثر الديانات صونا للمراة وكأنها كنز نفيس يجب أن يصان ويحمى حتى من عيون الحاسدين وبين ذلك فى أمر واضح لنساء النبى صلى الله عليه وسلم وطبعا الأمر لعامة نساء المسلمين " وقرن فى بيوتكن " حتى فى العبادات فمن باب المستحبات أن تصلى فى بيتها !!ونحن الآن نسأل عن مكان لا يليق بالفتاة أن تكون فيه احتراما لها وصونا وتقديرا وحماية كيف تسمح لنفسها أن تقف فى وسط هذا الحشد من الشباب والشباب يخلع ملابسه دليلا على الحماس وممكن يتطور الأمر لألفاظ غير محترمة وشتائم وضرب وشجار وتكسير وغير ذلك وفى النهاية نقول ده تحضر للفتاة ودليل على أنها غزت كل المجالات حتى الرياضة والتشجيع
آآآآآآآآآآآآآآآآآسف الذهاب للتشجيع ليس للسيدات ومن الصحيح ألا يترك الشاب عمله ويذهب ويدفع مالا ليشاهد مبارة لا يستفيد فى نهايتها إلا خزينة النادى وجيوب اللاعبين أنا مش ضد الرياضة ولا حاجة ولكن ضد التعصب الأعمى الذى يجعلنا نترك كل شىء من أجل مبارة كرة قدم
شكرا " لكاتبة الموضوع " جزاك الله خيرا

نقاء الروح

30-08-2010, 08:23 PM

انا عــــــــمرى ما روحت الاستا د..... نفسي اروح ... واقول زمالك يا زمالك ياهووووووووو ههههههههههه ..وبشوف دي حاجة عادية جدا للبنت .........لو تروح مع باباها اخوها كدة.......ودة بقى شي عادى ........دلوقتى فى حرية للمراة ..... وشكرا ليكى يا نقاء ..............بس ماتش مين ومين كان امبارح ................

هههه ماشي ياسؤئة ،

بس احسن خليك فالبيت و افضلي قولي

زمالك اقدام التلفزيون براحتك ،

افضلك كبنوتة ،،

يعني انتي مواقفة على ذهاب البنات للاستاد ؟!

لا لاء انا بختلف معاكِ ،

الافضل لينا نعقد فبيتنا و نشجع براحتنا :d،،

ايوة حرية بس مش نسيء استخدمها ،

يعني مش هينفع نروح نحشر نفسنا وسط الشباب كدة ،، :)

العفوو يا حبيبتي،

امبارح ،، معقولة مش عارفة ،

ده كانت مباراة مهمة اوي بين الاهلي و شبيبة القبائل الجزائري ،

و الحمدلله الحمدلله اتعادلنا :d ،،

شكرا يا سؤئة عالمرور الجميل ،

Mr. Ali 1

30-08-2010, 08:46 PM

smsma81

30-08-2010, 08:56 PM

BaNZeR

30-08-2010, 08:57 PM

يعني الموضوع غريب حبتين وكمان لإنه صادر من بنت

بس بعد ما عملو كل حاجة .... مجتش على تشجيع الجمهور يعني
اللى خلاهم كانو عايزين يدخلو الجيش :d

وبعدين المشجعات اللى بيروحو دول مش هينيين .... دنا لو رحت ممكن اخاف منهم اصلا

مشفتوش الجزائرية اللى كانت في استاد القاهرة كانت بتعملنا ايه هناك
اللى معملوش الرجالة اللى كانو جنبها :d

دول اللى بيسموهم البنات اللى مسترجلة ... ميتخفش عليهم من الولاد يعني
مقلتش على ده انه صح
بس يمكن ده اهون الاوضاع الغلط اللى بيبقو عايشنها طبيعي وكانها عادي ومفهاش حاجة

smsma81

30-08-2010, 09:05 PM

بنات مسترجله ارحم مليون مره من راجل مدي علي بنات ........لدرجه اننا مش لا قين راجل يحمل الصفات اصلا .

ويقولك الحياء فضيله في الرجل ...هههههههههه ده قله حيله . في حاجات تستاهل الحياء ومواقف لما بيستحي بيبقي مشكوك في امره:d

Dr.Silent

30-08-2010, 09:33 PM

لا بصراحة دى حاجة بتنرفز جداااااااا

مشكورررة يا نقاء

ياسمينايا

30-08-2010, 09:36 PM

وانا بردوا ضد ان البنت تروح الاستاد ,,,بصراحه حاجه مش لطيفه ..
شكرا يانقاء ..موضوع جميل ..

THE CodeR

30-08-2010, 09:40 PM

والله انا ولد
لكن عمري مارحت اي ماتش قبل كده
دا انا حتي مش بتفرج عليهم في التلفزيون ولا بتابع كورة من اساسه
و كتير من ماتشات مصر مش بشوفها و بطنشها
الاقي بنات في الاستاد؟؟؟؟؟
دول بقي فاضيييييين مش وراهم حاجة
ماهي الكورة بقت من مغيبات العقول في وقتنا ده
بقت حاجة عاملة زي المخدرات كده
بقت ادمان
و ياريت نتعالج منه كلنا بإذن الله
لكن حقها ولا مش حقها؟
والله شوفوا الشوخ قالوا ايه عن الجامعات المختلطة بعد كده نرجع نشوف هايقولوا ايه في الاستاد
تقبلي مروري السريع

نقاء الروح

30-08-2010, 10:10 PM

انا متهيالى انها استرجال شوية .. اولاً .. البنات مش بيشجعوا البنات ... بيوشوشو الناس ... دى حتى صوتهم رفيع هيوصل ازاى ... احنا عايزين الرجلة عشان و الحمد لله صوتنا بيقلب كلابى فى لاستاد .. و بنهزو من اصواتنا مش البنات اللى لو الاستاد كلها اتملى بنات .. اتحداكى مش هتسمعى تشجيع إلا لو ركزتى و المشكلة لاكبر ان لبنت بتبقى رايحة الماتش للتسلية .. يعنى مش عارفه ماتش مين و مين ... و الله مرة كنت فى ماتش و لقيت بنت قدامى و بدون اى مقدمات اوووووووه اهلاوية .. اووووووه اهلاوية .. و الماتشبين اتحاد لشرطة ووادى دجلة !! عشان كده انا برجح انها تتفرج من امام التلفيزيون رفقةً بينا عشان مجيلناش شلل رباعى فى الاستاد ..

انا بردو بشوف انها كدة ،،

على قدهم بئا ، يعني هيروحوا و يعلو صوتهم كمان :d

اها البركة فيكم ،،

فعلا الهدف الاساسي التسلية ،

يعني رايحة تتفسح و تشم هوا ، :p

هههه مش مشكلة ، اصل الاهلي فكل مكان ،

ربنا يهديهم ،

ايوة فعلا افضل ليها و ليكم انها تقعد فالبيت ،،

وربنا يحفظكم من الشلل وغيره :dو يعافينا يارب ،،

شكرا عالمرور الرائع ،

أزهار الخريف

30-08-2010, 10:10 PM

وانا والله البنات دول بيسقطوا من نظرى
سبحان الله ربنا يهدى

نقاء الروح

30-08-2010, 10:38 PM

موضوع جمييل جزاك الله خيييرا

الاجمل مرورك ياقمر ،،

و جزيتِ مثله ،،

شكرا عالمرور العطر ،،

damwsthel

30-08-2010, 11:33 PM

الباب المفتوح

30-08-2010, 11:43 PM

جزاك الله خيرا

نقاء الروح

31-08-2010, 01:50 PM

نقاء الروح

31-08-2010, 01:58 PM

أنا استغرب من تكرار عبارة "حرية المرأة" بصورة مقززة لدرجة ان الواحد كره العبارة دي . ماذا تعني حرية المرأة؟؟؟ هل تعني أن تفعل كل ما يحلو لها؟؟ هل تعني أن تفعل كل ما يفعله الرجل؟؟؟ هل تعني عدم وجود حدود لأفعالها وتصرفاتها؟؟؟ يا جماعة حرام كده . الدين الاسلامي ايه فائدته؟؟ هي كل واحدة عايزة تعمل اللي يعجبها ؟؟ فين الأباء والأمهات والأخوة والأزواج؟؟؟ ايه المجتمع كله بقي حريم؟؟؟ الكلمة كلمتها والشوري شورتها !!!!!! أي بنت تذهب لمكان تتزاحم فيه مع الشباب فهي بنت غير محترمة بالمرة ونفسي أعبر بكلمة تانية غير " غير محترمة" ولكن الحياء يمنعني. أنا رجل ويمنعني الحياء فما هو المفروض أن تكون عليه الفتاة؟؟!!!!!!!!!!!!!!!!!!

للاسف الكثير يفهمون الحرية بشكل خاطئ تماما ،

و ادى ده للحضرتك بتقول عليه ،

من انها بتقوم بكل ما يحلو لها ،

ربنا يهدينا جميعا ،،

بس العيب مش منها وحدها ،

لانه فين الاب الاخ او الزوج حتى ،

يعني كتيير مسئول عن الصورة ال بنشوفها حاليا ،

يعني فيه امور كتير عاوزلها تظبيط ،
فيه خلل فالمجتمع ككل و ليس ببناتنا فقط ،،
وربنا يلطف بينا ،،

و يرزقنا الحياء الذي غاب عنا ،

شكرا لمرور حضرتك الرائع ،،

نقاء الروح

31-08-2010, 02:06 PM

والله انا شايفه البنات تسيب للشباب كل حاجه بس ان شاالله ينفعوا ............... !
وانا امبارح مكنتش عايزه الاهلي يكسب اصلا ..........ومردتش اقول لبابا لانه متعصب رغم اني مبحبش الكوره ومبشجعش الجزاير طبعا.........

بس اولا بيلعبوا كوره شراب .
ثانيا معندهومش اصل..........................في موضوع الحضري اللي الزمالك حيستفيد بيه اوي اوي ان شاءالله

ان شاء الله ،،
ايه انت مش واثقة فقدرات شبابنا الجبار و لا ايه ؟:d

ليه كدة يا سمسما :slap1qk6:،
كويس انك مقولتيش و لا الله اعلم كان ايه مصيرك :p،،

اللعب مش كان كويس يعني ،،
عادي تيكت ايزي ،،
مع البدري مش هتقدر تغمض عينيك ;)،،

ايه ال دخّل الحضري ؟! :confused:
ديه حكاية و خلصت خلاص
بس اوعى تكوني زمالكوية :stickjo4::stickjo4:،،

مرسي عالمرور يا قمر ،،

نورتي ،

نقاء الروح

31-08-2010, 02:16 PM

يعني الموضوع غريب حبتين وكمان لإنه صادر من بنت

لا عادي ، لا غريب ولا حاجة ،
بس اصل الجملة ال بسمعها فكل مباراة بتستفزني اوي ،
فقلت لازم اوقف وقفة جادة :d

بس بعد ما عملو كل حاجة .... مجتش على تشجيع الجمهور يعني
اللى خلاهم كانو عايزين يدخلو الجيش :d

فعلا والله ،،
دا احنا فعلا مافيش زينا اتنين ،
دا الاولاد بيهربوا منه ، احنا بئا ال هندخلوه ،، :d

وبعدين المشجعات اللى بيروحو دول مش هينيين .... دنا لو رحت ممكن اخاف منهم اصلا

مش كلهم ،،
فيه ناس فافي خالص ،
رايحة تتفسح و تغير جو :d

مشفتوش الجزائرية اللى كانت في استاد القاهرة كانت بتعملنا ايه هناك
اللى معملوش الرجالة اللى كانو جنبها :d

لا ديه كان منظرها تحفة بجد ،
انا شكيت انا بشوف راجل و لا ست ،،
فعلا ستات ........

دول اللى بيسموهم البنات اللى مسترجلة ... ميتخفش عليهم من الولاد يعني
مقلتش على ده انه صح
بس يمكن ده اهون الاوضاع الغلط اللى بيبقو عايشنها طبيعي وكانها عادي ومفهاش حاجة

فعلا ،، فيه حاجات كدة اصبحت عادي جدا ،
ومش عارفة هي بقت عادي ازاي ؟!:slap1qk6:

ربنا يصلح الحال ،،

شكرا عالمرور يا باشمهندس ،

مصرية وبحب بلدي

31-08-2010, 02:17 PM

نقاء الروح

01-09-2010, 01:42 PM

لا بصراحة دى حاجة بتنرفز جداااااااا

مشكورررة يا نقاء

فعلا حاجة بتنرفز الواحد ،،

و بستفزه ،،

ربنا يهديهم ،،

العفوو ،

شكرا لمرورك يا قمر ،

نقاء الروح

01-09-2010, 01:44 PM

وانا بردوا ضد ان البنت تروح الاستاد ,,,بصراحه حاجه مش لطيفه ..
شكرا يانقاء ..موضوع جميل ..

ايوة فعلا مش لايقة خالص ،

العفوو ،

الاجمل مرورك ياجميل ،

نقاء الروح

01-09-2010, 01:46 PM

نقاء الروح

01-09-2010, 01:47 PM

وانا والله البنات دول بيسقطوا من نظرى
سبحان الله ربنا يهدى

صح ، الكل بياخد فكرة وحشة عنهم ،،

اللهم امييين ،،

شكرا لمرورك ياجميل ،

نقاء الروح

01-09-2010, 01:50 PM

بصراحه انا مش مع فكره ان البنات تروح الاستاد او حتي تتفرج علي المتش في التليفزيون
بحس انو بيضيع الوقت علي الفاضي (كان ممكن يستغلوا في حاجه مفيده)
دولا ممكن لو عندهم امتحان يسبوا المذاكره ويتفرجو علي متش الكوره
وتلاقي مثلا اللي بيشجع الاهلي لو الفريق خسر تقعد زعلانه و مخنوقه
بس بصراحه حاسه انها ملهاش لزمه لو كانت الدوله كلها بتهم بالعلوم و الحاجات المفيده كان زمنا بقينا احسن دوله
انا عن نفسي معرفش اي حاجه عن الكوره ولا عمري اتفرجت عليها ولا هتفرج

انا بردو ضد انها تروح للاستاد ،
بس مش ضد متابعة الكورة نفسها ،

بس لازم كمان تبقى بحدود ،

يعني انها تسيب حاجات تانية لماتش

ده مرفوض طبعا،،

فلازم كل حاجة بالمعقول ،

الافضل الاهتمام بالاتنين ،

لان العقل السليم فالجسم السليم ،،

شكرا عالمرور الجميل ،

نقاء الروح

01-09-2010, 01:53 PM

انا نفسى وهاموت واروح الاستاد اشوف ماتش لمصر واى دولة تانى غريبة
بس ماينفعش لان بيبقى فى اختلاط زيادة عن اللزوم وده حرام
وبعدين مش لطيفة يعنى البنت تقعد تتنطط زى القردة اومال فين الحياه ماتروح ترقص احسن
انا نفسى اعمل ده بس ولا بيئتى ولا دينى ولاتربيتى يسمحو بكدة
دا رأيى
موضوع جميل تسلم ايدك يا قمر

ما كل ما يتمناه المرء يدركه يا مصرية ،

هو فعلا الواحد نفسو يجرب الاحساس ده ،

بس يكون الاستاد فاضي ،:d

بس فالنهاية بيتنا اولى بينا ،

الاجمل مرورك ياعسل ،

شكرا ليكِ