السلام عليكم ورحمة الله وبركاته
انا سمعت قريب عن نظام american system وانه موجود في جامعة اسماعليه..هيا الجامعة دي حكوميه...؟؟
اصلي وانا بدخل الرغبات كان موجود طب اسماعليه ج قناة السويس ...الجامعه دي هيا نفسها دي ولا ايه..؟؟
وفي جامعات تانيه فيها النظام ده ولا دي بس؟؟ وفي شروط معينه للقبول ولا عادي زي باقيت الجامعات؟؟
وانا قريت في المنتدى ان النظام ده مفهوش حفظ ولا كتب ..كله عباره عن عملي
أمال المذاكره بتكون ازاي وبيمتحنوا ازاي؟؟؟
وهوا النظام ده معترف بيه في مصر؟؟ يعني لما بيتخرجو بيشتغلو عادي ..؟؟ ونفس عدد السنين ولا ايه؟
واي نظام احسن وافضل وبيخلي الطالب عنده مهاره اكتر ويكون مستقبلا دكتور كويس ..النظام العادي ولا american system ؟؟؟

انا عارفه ان اسئلتي كتير بس ياريت الاقي اجابات ليها وانا في انتظار ردودكم واركم

بلغكم الله ليلة القدر ان شاء الله

اه جامعه حكوميه ..عاديه جدا (طب اسماعيليه جامعه قناه السويس)

و بيطبق في قناه السويس من سنه 1978 يعني من وقت انشاء الكليه ...وحاولوا يطبقوه في اسكندريه السنه اللي فاتت علي دفعه سنه اولي (مش عارف نجحوا في التطبيق ولا لأ )

وطب المنصوره نظام عادي زي اي كليه في مصر ...هما بس عندهم حاجه اسمها طب مانشستر وده قسم خاص يعني بيدفعوا مصاريف فيه وبيبقي اختياري مش اجباري


لأ مفيش شروط معينه ..اهم حاجه تجيبي الحد الادني ليها

بالنسبه للاعتراف في مصر :

طب اسماعيليه ..الكليه الوحيده المعتمده في مصر ..مفيش اي كليه تانيه معتمده
http://www.youtube.com/watch?v=aEk_w3IGppo&feature=player_embedded#!

شوفي الفيديو ده


اه نفس عدد السنين وبنشتغل عادي



بالنسبه للنظام الاحسن ؟؟


انا مجربتش العادي بس مرتاح في ده جدا جدا



وده النظام :


اولااا النظام ده بيطبق في العالم كله ...بالنسبه لمصر بيطبق في اسماعيليه بطريقه رائعه زي اي كليه بره مصر

السنه دي بدأوا يطبقوه في اليكس ..مش عارف نجحو يطبقوه ولا لأ

المهم ده نظام بيعتمد علي problem solving بمعني ان احنا معندناش كتب بنذاكر فيها ....الدكاتره عندنا مش بينزلوا كتب

فيه حاجه اسمها classes
كل كلاس 8 طلاب

يوم الاربع كنا بناخد بروبلم ...ونتناقش فيها ونحاول نحلها ومعانا معيد ..دوره ان يدير الجلسه بس ومش بيدينا اي معلومات الا لو لقانا بنبعد.. المهم في الاخر بنحدد اهداف معينه نشتغل عليها عشان نحل المشكله

طول الاسبوع بنحاول نجمع في الاهداف دي ..والكليه بتبقي منظمه الاسبوع حسب المشكله يعني هتلاقي محاضرات بتساعد في حل المشكله (بمعني انك لو غطيت الهدف اللي الدكتور هيتكلم عنه في المحاضره مش لازم تحضر )
وفي خلال الاسبوع بيبقي عندنا يوم في الوحدات الصحيه ..بنتوزع ..كل وحده 8 طلاب ..والدكاتره بتوع الوحده بيبقوا عارفين المشكله ..بيحاولوا يساعدوك ..يعني يوروك حالات ليها علاقه بالمشكله..ده غير معامل الكليه اللي بيبقي ليها علاقه بالمشكله بردو

من الاخر تغطي اهدافك من اي مكان انت ترتاح ليه ..في ناس بتذاكر من كتب اجنبي (تيكست بوك) بس حد الله بيني وبينها يا جدع :p ساعات بشتري كتب مصري ..بفتحها احيانا :p

وبعد كده بأسبوع بنروح الكلاس ونحل المشكله وكده يبقي تمام ..والمعيد يقيم شغل كل واحد في الاسبوع

كل بلوك بيبقي خمس مشاكل ...مثلا زي بلوك الاطفال ..بيبقي 5 اسابيع وبلوك المراهقه وكده يعني

والمشكله بيبقي فيها كل المواد ..يعني بندرس حاجه واحده من وجهه نظر جميع المواد ..يعني كل المواد ماشيه مع بعضها مش كل حاجه لوحدها

وفيه كل اسبوعين حاجه في الكليه اسمها معمل مهارات ..بتتعلم كل مره مهاره جديده ...زي قياس الضغط والحقن وhearing test و cpr

والامتحان بيبقي علي هيئه مشاكل

يعني بنمتحن كل المواد في ورقه واحده ...بمعني ان لكل بلوك امتحان :022yb4:
وعلي فكره معندناش كورسات لأن صعب اوي عشان النظام بتاعنا

غير عندكو اللي هو نظام عادي ..كتب ومواد وكده وامتحانات لوحدها لكل ماده

طيب يا دكتور بس المشكله اني بعديه عن اسماعليه اوي ...في سكن تبع الجامعه؟؟؟
ولو جتلي نتيجة التنسيق في كلية طب تانيه ممكن احول لطب اسماعليه عادي؟؟؟
وحضرتك قلت ان في معيدين بيبقو معاك ...يعني مفيش دكتره ولا ايه؟؟؟
ولو في ...الدكتره كويسين وشرحهم حلو
وحضرتك شايف ان النظام ده سهل ولا ايه ؟؟؟ ولازم اكون شاطره في الانجليزي ؟؟؟ اصلي مش اد كدا فيه

طيب يا دكتور بس المشكله اني بعديه عن اسماعليه اوي ...في سكن تبع الجامعه؟؟؟
ولو جتلي نتيجة التنسيق في كلية طب تانيه ممكن احول لطب اسماعليه عادي؟؟؟
وحضرتك قلت ان في معيدين بيبقو معاك ...يعني مفيش دكتره ولا ايه؟؟؟
ولو في ...الدكتره كويسين وشرحهم حلو
وحضرتك شايف ان النظام ده سهل ولا ايه ؟؟؟ ولازم اكون شاكره في الانجليزي ؟؟؟
وحضرتك قلت ان طب اسماعليه هيا الجامعة الوحيده الي معترف بيها في مصر ...يعني بقيت الجامعات كلهم مش معترف بيهم؟؟؟


اه فيه مدينه جامعيه ..ناس كتير معانا فيها
بالنسبه للتحويل ...مش عارف هينفع ولا لأ ؟؟ بس غالبا بينفع
مفيش دكاتره بتنزل classes لأن عددها كبير ..يعني ممكن تلاقي 20 كلاس ..هيجيبوا 20 دكتور من فين ؟؟!!
وعلي فكره المعيدين كويسين جدا جدا جدا ....الدكاتره بينزلوا في المحاضرات زي الكليات التانيه ...ومكدبش عليكي ..فيه دكاتره كويسين جدا وفيه دكاتره وحشيين بردو (زي اي كليه بردو)

انا شايف انه سهل وممتع ...ومشكله الانجلش هتقابلك في اي كليه ,,,وهتتحل مع الوقت

بالنسبه للاعتراف ....مش انا اللي قولت ..دي حقيقه ..والكليات التانيه للاسف مش معترف بيها وممكن تشوفي الفيديو عشان تتأكدي

جميل أنها معترف بيها قوميآ
بس كنا عايزين نعرف إيه الفرق بينها وبين كليات الطب التانية إلي مش معترف بيها

جميل أنها معترف بيها قوميآ
بس كنا عايزين نعرف إيه الفرق بينها وبين كليات الطب التانية إلي مش معترف بيها


هو مفيش هيئه او منظمه بتعتمد الكليات في العالم ....الموضوع كله ان فيه معايير عالميه في الدراسه ومستوي الخريجين ...فكل دوله تقول انا عندي جامعه كذا وكذا وكذا ..بيدرسوا بالمعايير دي ومستوي خريجنها زي المستوي اللي انتوا حاطينه :d

الاعتماد القومي ...ان الدوله بتقول ان الكليه الوحيده اللي بتحقق الشروط والمعايير دي ..هي طب اسماعيليه جامعه قناه السويس ..و مفيش عندنا كليات تانيه بتحقق الشروط دي :d

يعني اكيد هي مفيده في الشغل بره ..و كمان عندنا الخريج بيبقي فاهم اكتر

ياريت الفكره تكون وصلت حضرتك

طيب يا دكتور بس المشكله اني بعديه عن اسماعليه اوي ...في سكن تبع الجامعه؟؟؟ ولو جتلي نتيجة التنسيق في كلية طب تانيه ممكن احول لطب اسماعليه عادي؟؟؟

بالنسبه للتحويل ...مش عارف هينفع ولا لأ ؟؟ بس غالبا بينفع

شكراً dr\villa لاستفاضتك في الشرح ولكن هذه الملحوظة موجودة في دليل موقع التنسيق
·القبول بكلية الطب بالإسماعيلية جامعة قناة السويس (اختيار حر) ولا يجوز التحويل منها إلى أي من كليات الطب الأخرى طوال فترة الدراسة.
يُقال ولست متأكداً أنه يمكن التحويل بعد السنة الثالثة والله أعلم
وهذا العام تم قبول 7 طلاب فقط من الثانوية العامة بها سيضاف إليهم طبعاً الطلاب الراسبين وطلاب الشهادات المعادلة والوافدين

المشاركة التالية مقتبسة من مشاركات مجمعة وجدتها في منتدى آخر لصاحبتها " أمل " وهي طالبة في كلية الطب بجامعة قناة السويس ، نقلتها للفائدة ولا أعلم مدى صحة المعلومات والآراء الواردة بها



نظام الدراسة في كلية طب جامعة قناة السويس_و الموجودة بالاسماعيلية_ مختلف تماماً عن باقي جامعات مصر

نبذة مختصرة عن الدراسة:

الدراسة تعتمد على نظام اسمه problem based learning و يعني التعليم القائم على حل المشاكل و هذا على خلاف الكليات الاخرى
ببساطة شديدة
في كلية طب قناة السويس
السنة الأولى و الثانية و الثالثة
ستدرس كل المواد متداخلة مع بعضها البعض على هيئة blocks بلوكات
في سنة أولى مثلاً بلوك اطفال بلوك حوامل و هكذا في كل بلوك ستدرس الفروع الخاصة بموضوعه بحيث في نهاية ال 3 سنوات تكون انتهيت من جميع المواد لكن بطريقة متداخلة
أما الجامعات الأخرى
الفرقتين الأولى والثانية
anatomy and embryology physiology
biochemistry histology
الفرقة الثالثة
pathology pharmacology
microbiology parasitology

بالاضافة إلى هذا في جامعة قناة السويس بعض الفروع الأخرى منها معمل المهارات و فيه تتعلم قياس الضغط و إعطاء الحقن و جميع الفحوصات بطن و صدر و قلب و كذلك فحص الاذن و العين و فحوصات خاصة بالاعصاب بحيث يتم اعدادك من البداية بخلاف الجامعات الأخرى

كذلك من الفروع الأخرى الوحدات الصحية
تكفل لك التعامل مع المريض من أول سنة أولى
ستتعلم فيها كيفية أخذ تاريخ صحي للمريض و كيفية التعامل معه و تتعرف اقسام الوحدة و الانشطة بها و ما إلى ذلك
و حديثاً وضعوا نظام لتسجيل انشطتك بالوحدة اسمه log book

بالاضافة الى ذلك ستدرس من أول سنة أولى مادتي طب الاسرة و طب المجتمع و ستتعاون مع بقية زملائك في عمل مشروع الدفعة من أول سنة أولى
و طبعا هما أكثر ما يميز طب جامعة قناة السويس

و هناك ميزة أخرى (لا توجد دروس خصوصية نهائياً و من يأخذ درس في الخفاء و يُكشف يتم تحويله للتحقيق و هذا لم نسمع عنه إلا مرة واحدة فقط و طبعا لم يكون الاستاذ من جامعتنا )


للأمانة

لا توجد كتب محددة للأقسام و هذا من مبدأ البحث في جميع الكتب و عدم تقيد الطالب فالادارة ترفض فكرة الحفظ الأعمى للكتب و تبحث عن توسيع إدراك الطلاب بالبحث في مصادر مختلفة
لكن هذه النقطة يتم معالجتها
بأننا نشتري كتب الجامعات الأخرى و ننتقي في هذا أفضل الكتب من أي جامعة أخرى
و بجانب تلك الكتب المصرية ستجد كتب أجنبية و إذا قيدك دكتور بكتاب اجنبي أنصحك بالمذاكرة منه لأنه سياتي الامتحان منه حقاً
( بالتالي اسأل الاساتذة المسؤولين عنك عن الكتب التي يُنصح بالمذاكرة منها و سيتم توجيهك)
و طبعا استشر طلبة أكبر منك أيضاً فستكون لديهم خبرة بمميزات و عيوب الكتب و اهتمامات الاساتذة و الى اي الكتب يميلون


الخلاصة
اذا كنت ممن يحبون البحث و تتمتع بنفس طويل و تحب الدراسة المطبقة و العملية لا الحفظ و التسميع فطب قناة السويس افضل _ رأي شخصي _

بالمناسبة شرحت السنوات الثلاث الاولى باختصار
و اذا اردت شرح لباقي السنوات الدراسية او الاستفسار عن اي نقطة اخرى تفضل

نقطة أخيرة
كلية طب جامعة قناة السويس تسعى للحصول على شهادة الاعتماد و الجودة و قد تم تطوير انظمة الدراسة و الامكانيات المتاحة تطوير كبير

و حسب فهمي لكلام اساتذتي فهذا الاعتماد لن تتمكن باقي الجامعات من الحصول عليه بسبب وجود الدروس الخصوصية فيها

بالنسبة للسنوات الثلاث

سنة رابعة و خامسة و سادسة

فسنة رابعة و سادسة مرحلة منفصلة

و سنة خامسة مرحلة اخرى

سنة رابعة

تدرس الآتي

ترم
راوند نسا و معه الfamily
راوند اطفال و معه الcommunity
الترم الاخر
راوند باطنة ، راوند جراحة ، راوند occupitional

طبعاً لا تدرس المنهج كاملا انما انصاف مناهج و ستكمل هذه الانصاف في سنة سادسة ان شاء الله

لكن ما هي رواندات سنة سادسة بالضبط في الحقيقة لا اعلم

أما سنة خامسة

فيها الآتي

ترم
راوند رمد ، راوند جلدية ، راوند نفسية و عصبية و معه طول الترم طب شرعي(مثلا)
الترم الاخر
راوند حميات ، راوند عظام ، راوند انف و اذن و حنجرة و معه طول الترم سموم(مثلا)

*طبعا معمل المهارات و الواحدات الصحية التي كانت دائمة في السنوات الاولى توقفت
اما بالنسبة للمشروع
فلسنة رابعة و خامسة مشروع واحد تقوم به كل الدفعة
اما سنة سادسة فلك مشروع منفصل تقوم به

بالنسبة لنظام الامتحانات

مختلف عن باقي الجامعات أيضاً من نظرية التداخل و طبعا اكثر ما ييميز جامعتنا ان الامتحانات كثيرة

سنة أولى فيها(امتحان ترم اول ، امتحان ترم ثاني ، امتحان شامل)

سنة ثانية و ثالثة سويا مرحلة أي ( امتحان ترم أول و ثاني سنة ثانية، امتحان ترم أول و ثاني سنة ثالثة ، امتحان شامل على سنة ثانية ثالثة )

و الملاحظ أنه في السنين الثلاثة الاولى تمتحن بلوكات و ليس مواد كباقي الجامعات

سنة رابعة و سادسة مرحلة سويا

امتحانات دورية (تمتحن بعد الانتهاء من كل راوند امتحان عملي و في نهاية الترم تمتحن على رواندات هذا الترم امتحان نظري)

ثم بعد انتهاء سنة رابعة و سادسة تمتحن امتحان شامل

سنة خامسة مرحلة وحدها

امتحانات دورية (تمتحن بعد الانتهاء من كل راوند امتحان عملي و في نهاية الترم تمتحن على رواندات هذا الترم امتحان نظري)

ثم بعد انتهاء سنة خامسة تمتحن على كل راونداتها امتحان شامل

تمام الكلام ده ...كل اللي فيه معلومات صحيحه 100 %

شكراً dr\villa لاستفاضتك في الشرح ولكن هذه الملحوظة موجودة في دليل موقع التنسيق
·القبول بكلية الطب بالإسماعيلية جامعة قناة السويس (اختيار حر) ولا يجوز التحويل منها إلى أي من كليات الطب الأخرى طوال فترة الدراسة.
يُقال ولست متأكداً أنه يمكن التحويل بعد السنة الثالثة والله أعلم
وهذا العام تم قبول 7 طلاب فقط من الثانوية العامة بها سيضاف إليهم طبعاً الطلاب الراسبين وطلاب الشهادات المعادلة والوافدين

اه بعد 3 ممكن تحول ...عميد الكليه مره قالنا كده

السنه دي قبلوا 14 طالب ثانويه عامه مصريه ..(معلومه مؤكده ) ..صاحبي كان مأجل وداخل اولي السنه دي وقالي

مفيش راسبين عندنا في سنه اولي ...يبقي هيضاف شهادات معادله ووافدين بس:p

اه بعد 3 ممكن تحول ...عميد الكليه مره قالنا كده

السنه دي قبلوا 14 طالب ثانويه عامه مصريه ..(معلومه مؤكده ) ..صاحبي كان مأجل وداخل اولي السنه دي وقالي

مفيش راسبين عندنا في سنه اولي ...يبقي هيضاف شهادات معادله ووافدين بس:p

ههههه :d .. حسناً ولكن بالنسبة للعدد فأنا استقيت هذه المعلومة من موقع شبكة الأستاذ التعليمية
الذي يتيح خدمة " اعرف مين من مدرستك ، محافظتك معاك في الكلية "
ويمكنك أن تتأكد بنفسك من هنا (http://www.elostaz.com/nat2010.php?stage=than&govern=as7ab)
في أمان الله

http://www.quicklook4u.com/upload//uploads/images/quicklook4u-08ada8b88b.jpg

طيب يا دكتور سنايبر افهم من كلام حضرتك انو انا لو جالي اي طب تاني مقدش احول لطب اسماعليه؟؟؟
ويعني ايه اختيار حر؟؟؟

طيب يا دكتور سنايبر افهم من كلام حضرتك انو انا لو جالي اي طب تاني مقدش احول لطب اسماعليه؟؟؟
ويعني ايه اختيار حر؟؟؟



نعم وهذا الكلام ليس من عندي إنما موجود في دليل القبول بالكليات
الموجود في موقع التنسيق الإلكتروني.. من هنا (https://www.tansik.egypt.gov.eg/application/Dalel/4-2.htm)
فلا يمكن التحويل إليها طالما تم ترشيحك إلى كلية طب أخرى
والعكس لا يمكن التحويل منها إلى أي كلية طب أخرى إذا تم اختيارها
ولا أعلم هل تنطبق عليكم " أي الشهادات المعادلة " هذه القواعد أم لا ؟
وأيضاً يوجد تحويل ورقي إذا لم يفلح التحويل الإلكتروني

كلية طب الإسماعيلية تعتبر من الكليات الفريدة التي ليس لها مناظر
ومعنى اختيار حر أنه يمكن اختيارها طالما استوفى الطالب الحد الأدنى لها
دون التقيد بشروط التوزيع الجغرافي أو الإقليمي

ملحوظة : أذكر أنني رأيت مشاركة لأحد طلاب الشهادات المعادلة العام الماضي
وقد تمكن من التحويل من طب الإسماعيلية إلى طب عين شمس
لذا أعتقدت أن هذه الشروط ربما لا تسير عليكم
ويمكن سؤال الأخ dr.abdullah إن تيسر عن ذلك
بالتوفيق




هاتان مشاركتان له قبل وبعد أن قام بالتحويل

اسف تشابه في الاسماء

على العموم الف مبروكك

انت عايز تحول ليه ؟؟

ده جالي طب الاسماعيلية

ونفسي اخش عين شمنس:):):):)


يا جماعة باركولي

الحمد لله اتقبلت في طب عين شمس

والجواب لسه واصل دلوقتي

ومبروك للجميع مقدما

:022yb4:

نعم وهذا الكلام ليس من عندي إنما موجود في دليل القبول بالكليات
الموجود في موقع التنسيق الإلكتروني.. من هنا (https://www.tansik.egypt.gov.eg/application/dalel/4-2.htm)
فلا يمكن التحويل إليها طالما تم ترشيحك إلى كلية طب أخرى
والعكس لا يمكن التحويل منها إلى أي كلية طب أخرى إذا تم اختيارها
ولا أعلم هل تنطبق عليكم " أي الشهادات المعادلة " هذه القواعد أم لا ؟
وأيضاً يوجد تحويل ورقي إذا لم يفلح التحويل الإلكتروني
كلية طب الإسماعيلية تعتبر من الكليات الفريدة التي ليس لها مناظر
ومعنى اختيار حر أنه يمكن اختيارها طالما استوفى الطالب الحد الأدنى لها
دون التقيد بشروط التوزيع الجغرافي أو الإقليمي

ملحوظة : أذكر أنني رأيت مشاركة لأحد طلاب الشهادات المعادلة العام الماضي
وقد تمكن من التحويل من طب الإسماعيلية إلى طب عين شمس
لذا أعتقدت أن هذه الشروط ربما لا تسير عليكم
ويمكن سؤال الأخ dr.abdullah إن تيسر عن ذلك
بالتوفيق


هاتان مشاركتان له قبل وبعد أن قام بالتحويل








متهيألي انا معايا الايميل بتاعه ...اداهولي السنه اللي فاتت وكان بيسأل علي طب اسماعيليه وكده

تم حذف الإيميل لأنه مخالف لقوانين المنتدي
نرجو من جميع الأعضاء الإلتزام بالقوانين

ده الايميل بتاعه ..معلش مفيش روابط بتتبعت في الرسايل