السلام عليكم ورحمه الله وبركاته

كل سنه وحضراتكم بخير والف صحه وسلامه...اللهم بلغنا رمضان
بعد ان قدمت لكم الحلقتين الاولى والثانيه من هذه اليوميات

يسعدنى انا وزميلى مستر حازم دهب ان نقدم الحلقه الثالثه فكره مستر حازم دهب


الابطال : المتعاقد هيئه التدريس بالمدرسه المدير

المكان : المدرسه
:
الموضوع :اجتماع بالمدرسين بمناسبه العام الدراسى الجديد



المدير : كل سنه وانتم طيبين بمناسبه العام الدراسى الجديد واتمنى يكون افضل من الماضى..ونتلافى اخطاء العام الماضى
ويكون جد ونشاط اكتر وحماسه..


هيئه التدريس : وحضرتك بالف صحه وسلامه...(باذن الله خير)

المدير : ارجو من الجميع الانتظام والحضور بدرى يوميا الساعه 7 ونصف واللى هيتاخر هافل عليه حضور

المتعاقد : اذااى حضرتك انا من مكاان بعيد واركب 3 مواصلات واتبهدل اخر بهدله غير اللى بشوفه فى

المواصلات....(خناقات وشتومه..وانتظار طويل)

المدير : مش شغلى......المهم تيجى بدرى وتحضر الطابور..

المتعاقد : طب ليه كدا حضرتك...انا لو من مكان قريب من المدرسه هاجى من بدرى (( فى عقل باله)) ... اصلى الفجر واجى))
ممكن ده للاستاذه اللى موجودين هنا جنب المدرسه..

احد المدرسين المتثبتين: لو سمحت يا استاذ اتكلم عن نفسك..

المدير : يا استاذ...انتا لسه متعاقد جديد ولازم تتعب فى الاول شويه...انتا لسه فين..لسه بدرى عليك...

المتعاقد : هو عشان اشتغل واتعب يطلع عينى..ده كفايه
انا اصرف نصف المرتب على المواصلات...غير اللى بشوفه فيها..

المدير :خلاص يا استاذ الحضور بدرى...انتا هتمسك سنه اولى ورابعه وخامسه

المتعاقد: سنه اولى ..لا لو سمحت مش اقدر دول محتاجين مدرسه عندها صبر شويه وطوله بال
هيا تقدر تتصرف معاهم لو سمحت ممكن اخد فصل تانى

المدير : يا استاذ.انتا معلم مساعد...يعنى تسمع الكلام وانتا ساكت وتعمل اللى نقلك عليه...:slap1qk6:

المتعاقد : يعنى ايه معلم مساعد..؟تقصد ايه من كلام حضرتك؟؟
المدير : انتا ... .. بالقلم الرصاص

المتعاقد:القلم الرصاص !! برضوا تقصد ايه حضرتك من كلامك
المدير :يعنى زى ما بيقولوا على الشط..كدا
فى اى وقت ممكن نتسغنى عنك...

المتعاقد: للدرجادى؟!!!!:mad::mad::mad:

المدير: اه
المتعاقد: ليه..احنا نشتغل زى المتثبتين واكتر كمان
الحمد لله وكل واحد وضميره..
وبالنسبه لسنه اولى ممكن اتفق مع زميلتى المدرسه
ونحل المشكله دى....:frown::frown:

المدير:انا مش هغير كلامى...وكل واحد يلتزم
بشغله...واللى مش هيسمع الكلام ليا تصرف تانى
اتفضلوا انتهى الاجتماع..:040vk0::040vk0:



وجهه نظر
ده بيحصل كتير لزمايلنا واكتر..وربنا معاهم...
والجيل الجديد ده من المعلمين المساعدين...فيه ناس كويسه
جدا جدا جدا....وبيهم هيتطور التعليم..

اللهم يا مفرج الكروب فرج هما وكربنا

سؤال الحلقه؟؟

ماذا تفعل لو كنت مكان المتعاقد؟؟


اللهم بلغنا رمضان

اللهم ولى امورنا خيارنا


اللهم صلى وسلم وبارك على سيدنا محمد رسول الله صلى الله عليه وسلم

اعمل ايه؟؟؟
هقول لحرتك كل الحلول
لو اعرف الموجة ولا اي حد واسطة للمدير هيظبطلى الموضوع
ولو معنديش حد هنفز كلامه لكن لو لاقيت واحد بس مش ماشي زي ماانا ماشي وباجي بدري هقلب عليهم الترابيزة حتي لو كان متثبت(هو متبثت ده بدبوس ولا بمسدس)
الحل التالت اني افضل ادعي وادعي ربنا لحد ما يغير الامور لصالحي

فكرة جميلة
وشكراً لحضرتك انت وزميلك

والله انا عن نفسي اليوميات دي بجد عجباني والله يعطيكم العافية وهي فعلا بتصف الواقع وصفا فعليا بكل تفاصيله حتي ما يدور في اذهاننا والله المستعان . واهي الدراسة داخلة ولا يوجد اي مبشر ولا حل وبعدين يا جماعة انا بجد تعبت تعبت تعبت

السلام عليكم ورحمة الله وبركاته ..............
الزملاء الأعزاء أصحاب الفكرة مع احترامى الشديد لجهدكما المشكور أود أن أسجل أعتراضى على هذه الحلقات التى لا تنقل الواقع كاملاً وإن كانت قد نقلت جزءا منه ..........
أنا معلم مساعد ... أعمل بالكنترول (مسؤل صف) يعنى مسؤل عن صف كامل ... كما أننى عضو بلجنة الجدول بالمدرسة التى من شأنها وضع الجدول العام للمدرسة ..كما أننى أتعامل فى مدرستى معاملة حسنة من رئيسى فى العمل كما أننى لا أشعر يوما بأننى مهان بين زملائى المعينين بل بيننا كل احترام وود ....
برجاء خاص عند تصوير الواقع أن تنقلا سلبياته وايجابياته حتى تكونا قد أصبتا كبد الحقيقة وشكرا لكما

لو حصل معايا كدة ولو انه مش بيحصل لان 75% من الناس فى المدرسة متعاقدين واحنا اللى شايلين المدرسة بس انا بحب اكون فى مكان الناس بتحترمنى فيه وانا احترمهم ومااقبلش حد يكلمنى كدة وطبعا يااما هقدم طلب نقل وانقل مكان تانى يااما هحاول احل الموضوع بهدوء واوسط ناس زى الموجه مثلا او ح يعرف المدير بشكل شخصى وواحدة صاحبتى عملت حاجة كويسة جدا قدمت شكوى فى المدير بتاعها للادارة وقالت ان فيه تمييز عنصرى فى المدرسة المدرسين بياخدو مواد والمدرسات فصول وطبعا الدنيا اتقلبت عالمدير وعملها اللى عايزاه

السلام عليكم ورحمة الله وبركاته ..............
الزملاء الأعزاء أصحاب الفكرة مع احترامى الشديد لجهدكما المشكور أود أن أسجل أعتراضى على هذه الحلقات التى لا تنقل الواقع كاملاً وإن كانت قد نقلت جزءا منه ..........
أنا معلم مساعد ... أعمل بالكنترول (مسؤل صف) يعنى مسؤل عن صف كامل ... كما أننى عضو بلجنة الجدول بالمدرسة التى من شأنها وضع الجدول العام للمدرسة ..كما أننى أتعامل فى مدرستى معاملة حسنة من رئيسى فى العمل كما أننى لا أشعر يوما بأننى مهان بين زملائى المعينين بل بيننا كل احترام وود ....
برجاء خاص عند تصوير الواقع أن تنقلا سلبياته وايجابياته حتى تكونا قد أصبتا كبد الحقيقة وشكرا لكما


احب بس اعلق علي كلام حرتك
هم منقلوش كل الصصورة فعلا عارف ليه؟؟
لانهم نقلوا مثلا نسبة 99% من كلامهم ده بيحصل في كل المدارس
ونسبة واحد في المية بس من كلام حرتك هو اللى بيحصل
بكلم حرتك من واقع مرورى بالتجربة ديه ومرو كتير من زميلاتي بيها
مش عايزة اقول لحرتك انا كنت بتشغل فين وازاي...لككن اللي الاخ كاتبه جزء بسيييييييييييييييييييييييط جدا جدا من اللي مريت بيه
يعني كلمة انتي لسه صغيرة سمعتها مليون مرة ..
انتي اسمك بالرصاص
اتعبي زي ما تعبنا
وتخيل بقي انهم كانوا بيقولى لا افترا طبعا ان الانجليزي لازم حصصوه تبقي اخرررررررررر حصص ...علشان كلهم بيدوا دروس وكانوا بيمشوا بدرى والمدرسة مكنش بيبقي فيها غيري انا وزميلتى مدرسة الانجلش برضة (متعاقده)
ياستاز اسكت ده فيه بلاوي
وكفاية عليا كده لان ميسعنيش غير اني اقول (حسبي الله ونعم الوكيل في كل من استغل كلمة متعاقد وعقدني ...وستغل عدم خبرتي وقتها بامور الشغل وشيلنى فوق طقتي وضحك عليا وقالى حصص الانجليزي لازم تبقي في الاخر..وقالى كمان اصغر مدرسين هم اللي بيشيلوا الاحتياطي كله وحدث بلا حرج عن احتياطي المدرسة (في مدرس كان بيجي المدرسة بالمحايلة والله)
بس احب اقول لحرتك اني كمان مريت بنسبة الواحد في المية اللى بتتكلم عنها
واني حاليا في مدرسة تانية معظمهم اصلا ميعرفش اني تعاقد ....باختصار لانهم مش فارق معاهم الموضوع ده وكلهم ولله الحمد محترمين

كلام فاضى أنا فى مدرستى عضو فى الكنترول بل بالعكس تماما كل أمتحانات المدرسة بأقوم بمراجعتها وتغير وحذف بعض الأسئلة فى جميع المو اد فى كل أمتحانت النقل الصف الأول والثانى والرابع والخامس وكل معظم الى بيضع هذه الأمتحانات أساسين وبتقبلوا كل اللى بقوله ...وجميع الأعمال فى الكنترول الحمد لله نقوم بالعمل بها كما أن المدير والحمد لله بيأخذ رأينا فى أى موضوع بيخص العمل فى المدرسة والحمد لله الجميع يكن لنا الأحترام والتقدير .........وليس هذا من فراغ
أولا أحضر التابور وأشرف على الإذاعة المدرسية زأخر من يخرج من المدرسة أخر النهار بل أقوم بغلق الباب كما أنى أفتحه صباحا .
لا يمكن أن أترك فصلى حتى لو أنتظرت فيه يوما كاملا ....بأقوم بتدريس 24 حصة لغة عربية للصف السادس فصلين ولايمكن أن أكمل جدولى بأنشطة .......والحمد لله من خلال العمل الجاد تنال تقدير الجميع .لاأخفى عليك هناك الكثير من يحقد عليك لأنك بتأخذ مكانهم مثل بعض الأساسيين الذين يقولون كيف أن هذا المتعاقد يمسك الكنترول ويراجع لينا الأمتحانات وأحن بقلنا عشرين سنة بيمشي رأيه علينا لكن بفضل من الله هناك من يدافع عنك ويعرف قدرك بقدر عملك .....................نأسف على الإطالة

اولا احب اشكركم على مجهودكم فى الحلقات
ثانيا الكلام دة فعلا بيحصل فى مدارس بس فى مدارس تانية ادارتها محترمة وبتعامل الناس كويس وانا راى ان المشكلة مش انك متعاقد المشكلة فى المدير نفسه لانه انسان معقد ومش سوى الحل بقى انك تتفق مع زميلتك تروح هيا تقنعه انها عايزة سنة اولى وفى نفس الوقت تقول على المدير (حسبنا الله ونعم الوكيل فيه)

شكرا على مروركم..جميعا

بس يا جماعه ..
ده شىء بسيط من اللى بيحصل لمعظمنا..ممكن كله او بعضه

فين ناس مرتاحه وناس متبهدله خالص..... وربنا معاهم

واللى ايده فى الميه مش زى اللى ايده فى الناااار....

لو انتا فى مدرستك رئيس كنترول حتى...فيه غيرك
تعبان جدا خصوصا من المواصلات .والى بيشوفه فيها..وغيره وغيره..

وما حدش بيقدر..

انا مش كاتب الموضوع ده عشان ازعلكم..
انا بوصف اوضاع حصلت...

ويارب يكون العام الدراسى الجديد اجمل
وكل واحد يحقق اللى يتمناه

وربنا يوفق الجميع

وصلى اللهم على سيدنا محمد رسول الله صلى الله عليه وسلم...

وربنا يوفق الجميع...

احب احى حضرتك على الفكره الرائعه دى وبجد اليوميات دى جميله جدا.ليه حضرتك مستغلش الموهبه دى بجانب التدريس؟ وتالف كتاب عن التعاقد وسلبياته وما يخلقه من تفرقه بين اصحاب المهنه الواحده عشان تخلد ذكرى المدرسين المساعدين وما تحملوه من زل ومهانه. يمكن حد يحس بينا . فانا شخصيا على الرغم من انى اعامل معامله جيده جدا من زملائى ومديرى ولا اشعر باى فرق بين المتعاقد والاساسى وولكنى من داخلى اشعر بانى لا ااخذ جميع حقوقى على الرغم انى قد اكون اكفا علميا وثقافيا وتربويا ز فالتعيينات القديمه شملت مدرسين قد يكونوا حاصليين على مؤهلات اقل منا بكثير بل وقد يكونا حاصليين على دبلومات اما نحن فمن اوائل الخريجين .مع ذلك كان بيجلهم جواب التعيين لحد البيت بدون اى تعب او مشقه مما ذقناه اما نحن فاعصابنا بجد تعبت من الانتظارلذلك مع احترامى لراى من قال اننا نعامل معامله جيده الا انه حتى فى هذه الحاله الا اننا نشعر من داخلنا باننا لا ناخذ جميع حقوقنا.

احب احى حضرتك على الفكره الرائعه دى وبجد اليوميات دى جميله جدا.ليه حضرتك مستغلش الموهبه دى بجانب التدريس؟ وتالف كتاب عن التعاقد وسلبياته وما يخلقه من تفرقه بين اصحاب المهنه الواحده عشان تخلد ذكرى المدرسين المساعدين وما تحملوه من زل ومهانه. يمكن حد يحس بينا . فانا شخصيا على الرغم من انى اعامل معامله جيده جدا من زملائى ومديرى ولا اشعر باى فرق بين المتعاقد والاساسى وولكنى من داخلى اشعر بانى لا ااخذ جميع حقوقى على الرغم انى قد اكون اكفا علميا وثقافيا وتربويا ز فالتعيينات القديمه شملت مدرسين قد يكونوا حاصليين على مؤهلات اقل منا بكثير بل وقد يكونا حاصليين على دبلومات اما نحن فمن اوائل الخريجين .مع ذلك كان بيجلهم جواب التعيين لحد البيت بدون اى تعب او مشقه مما ذقناه اما نحن فاعصابنا بجد تعبت من الانتظارلذلك مع احترامى لراى من قال اننا نعامل معامله جيده الا انه حتى فى هذه الحاله الا اننا نشعر من داخلنا باننا لا ناخذ جميع حقوقنا.
اتفق معاكى جدا فى ان اليوميات حلوة جدا ماشاء الله وافكارها جميلة
اما عن حكاية التعيين والتعاقد دى اللى خلت الناس تبص لنا بنص عين كاننا حاجة غريبة انا فيه ناس قرايبى لغاية دلوقتى مفكرانى بالحصة وفيه ناس تقولى هو انتى مش بتتثبتى ليه واسئلة رخمة جدا حتى من الاقل فى المؤهل مش مستسغين فكرة التعاقد دى ونظرة دونية جدا وعشان اخلص من الموضوع ده قلت لهم انا دخلت امتحان كادر واخدت زيادة فى مرتبى ونجحت ولسة هاخد كمان اهى حاجة تبعدهم عن ودانى شوية طبعا ميعرفوش مرتبى كام بس اهى زياة وخلاص هتلاقيهم مفكرين انى باخد الف جنيه الصيت ولاالغنى بقى هههههههه
بس بلاش حد يجيب لى سيرة التعيينات القديمة دى انا اتصدمت لما عرفت ان فيه ناس فى دفعة 2002 كانو ساقطين ولامؤاخذة يعنى لما امتحنو الدور التانى بعتو لهم جواب التعيين ههههههههه واحنا اللى فيه ناس مننا كتير دراسات عليا ويمكن دكتوراة ومؤهلات زى الفل وتقديرات مستخسرين فينا التعيين حاجة تقرف بجد منهم لله جننونا

شكرا جدا على مرورك

الاستاذه رائحه الورد...والاستاذه جارة الوادى..

شكرا جدا على كلامكم.

....اتمنى اليوميات تكون نالت اعجابكم

وطبعا مش كلنا نعانى نفس الظروف بس من جواك مش حاسس انك مرتاح

.هو التاليف جميل وموهبه...هههههههه

بس التدريس شىء رائع برضوا..

بس لو المكان المناسب..والراحه النفسيه

و
الحمد لله فينا اوائل الخريجين زى ما حضرتك رائحه الورد تقولى

وباذن الله هيتطور التعليم..على الجيل الجديد ده ((مستقبل مصر))

وربنا يوفق الجميع

وصلى اللهم على سيدنا محمد رسول الله صلى الله عليه وسلم

على فكرة الفكرة دي جامدة بس احب اقولك انها مش هتم لان في نشرة وصل المدارس بتقول ان الصفوف الاولى من المرحلة الابتدائية تكون للسادة المدرسين الحاصلين على دبلوةم معلمين او بالاحرى اصحاب المؤهلات غير العليا وهما طبعا الناس القدامى امام الصف الرابع والخامس والسادس للمدرسين ذوي المؤهلات العليا

على فكرة الفكرة دي جامدة بس احب اقولك انها مش هتم لان في نشرة وصل المدارس بتقول ان الصفوف الاولى من المرحلة الابتدائية تكون للسادة المدرسين الحاصلين على دبلوةم معلمين او بالاحرى اصحاب المؤهلات غير العليا وهما طبعا الناس القدامى امام الصف الرابع والخامس والسادس للمدرسين ذوي المؤهلات العليا

على فكرة الفكرة دي جامدة بس احب اقولك انها مش هتم لان في نشرة وصل المدارس بتقول ان الصفوف الاولى من المرحلة الابتدائية تكون للسادة المدرسين الحاصلين على دبلوةم معلمين او بالاحرى اصحاب المؤهلات غير العليا وهما طبعا الناس القدامى امام الصف الرابع والخامس والسادس للمدرسين ذوي المؤهلات العليا
الكلام ده بجد يعنى اكيد التعليم الابتدائى اخذ خبر بيه بس المشكلة ان الناس دول بقيت اعدادهم محدودة جدا احنا عندنا فى المدرسة اتنين بس وصراحة على درجة كبيرة من الكفاءة انا شخصيا بتعلم منهم يعنى كدة الصفوف الثلاثة الاولى فى المدرسة عندنا هيمسكوهم التربويين عشان العجز برضو

انا مدرس متعاقد 2005وشغال زى الماكينة
والناظر بيحملنى فوق طاقتى لانى بسمع كلامه وباحترمهرغم ان زملائى بيعملوه معاملة زبالة
فبياخدوا حقوقهم
ولما بحس انى مظلوم
باسكت ومش بتكلم لانى حاسس انى بادى رسالتى اللى بحبها
لناظر شيلنى منهج الدين من الصف الثالث الى الصف السادس
وده معناه انى مسئول عن 400ملف
رغم ان فى ناس لا تعمل فى اكثر من مائة ملف
ده ظلم مش كده

ربنا يوفق الجميع...

وربنا معاك استاذ حاتم...

اهم حاجه اعمل اللى مطلوب منك....

وباذن الله خير..

وربنا يوفق الجميع

وصلى اللهم على سيدنا محمد رسول الله صلى الله عليه وسلم

انا اسف ع الكلام اللي هقوله جدا
اولا انا بتعامل كويس جدا بالمدرسة من الجميع

بس انا عصبي برو لذلك يؤسفني انا اقول
لو حصل الكلام دا معايا معلهش هضرب المدير دا باللي في رجلي

سامحوني انا اسف لان الكلام دا فعلا بيحصل
و هو فعلا يغيظ

يا جماعه انا قلت
كل واحد يختلف وليه وضع فى مكانه..غير زميله او زميلته..

سواء مرتاح او تعباااااان...بس فيه ناااااس تتعب مووووت وربنا معاهم

انا بس بعرض صورة مصغره ىمن اللى بيحصل لينا

..عشان لو حصل ان حصل حوار مع زميل لينا معلم مساعد

وكان مرتاح فى مدرسته ..الناس مش تاخد صورة اننا مرتاحين او كلنا زى البعض...

ومش وصلت لدرجه الضرب يا جماعه...أستاذ نصر

ليك حقق ممكن تاخد بالقانون


وربنا يوفقنا جميعا

اللهم بلغنا رمضان

وصلى اللهم على سيدنا محمد رسول الله صلى الله عليه وسلم

طب تعمل ايه لو كنت انتا المسؤل؟

((المدير))...

ومعظم اللى معاك متعاقدين