الكهربة قطعت أمبارح فى بلدنا

سبعتشر مرة

كل حاجة فيكى يا بلد مرة

انا مش عارف انتى بلدنا أمنا

ولا انتى ضرة

كل أما أكلمك ترفسينى برجلك

وتقولولى أنا حرة

أنت هنا ضيفى

أموتك فى صيفى

وأكسر وراك جره

هو أنا من أمتى

بعمل حسابك

محروق ابو اللى جابك

البلد دى بلد أسيادك

بوس أيديك وش وضهر

اللى زيك لازم يموت م القهر

لية يا بلدنا كدا

هو علشان ما أحنا طيبين

يتعمل فينا كدا

نتهان صبح وضهر وعصر

لية يا بلد دا أحنا قلبنا فى حبك

بيتعصر عصر


الشاعر
عبد الحميد بدوى

تتهان صبح وضهر وعصر .. ياسلام .. شيء عظيم.. عندك طول الليل ما تتهان يعني ؟

ماشى احنا اصلا مخلوقين للاهانة لاننا بنتعامل على اننا اى حاجة غير اننا بشر

أرجو مراعاه قوانين القسم
والمشاركات تكون لائقه من فضلكم
وتكون متعلقه بالموضوع
ومحتواه وليس لمجرد التريقه على الكلمات
النقد البناء ياجماعه من فضلكم

تحياتى للجميع

اكثر من رااااااااااااااااااااااااائع

قصيدة روعة بجد
ولا اجد تعليق يناسب فهى فعلا تعبر عن راى كل مصرى وكلامه فى ما يحدث
دمت من ابداع الى ابداع

اشكرك تحياتى لك