مشاهدة النسخة كاملة : من اجدد طرق النصب!!!!!!


المحب لله
03-09-2010, 01:18 PM
السلام عليكم ورحمه الله وبركاته


قصه وقعت منذ ثلاث ايام تقريبا تكشف عن طريقه وحيله جديده للنصب ربما تستعجبوا منها

دخل شاب المسجد يرتدى شورت وتى شيرت ويقول انه اتى من اطاليا وانقطعت به السبل وانه يريد ان يسلم وانه يتحدث الايطاليه!!!!!!

وكعاده الشعب المصرى "عاطفى" ففرح لذلك فرحا شديدا وتحركوا على كافه الاصعده فهذا ياتى بمترجم وهذا يذهب للشيخ فلان ....
وعندما طلوبوا منه الباسبور او شىء يدل على هويته قال انه ليس معه شىء وهنا بدا الشك فاخذوه لامن الدوله ليعرضوا الامر وهنا رفض الرجل بشده فاخذوه قصرا وهناك اتضح الامر

انه نصاب اتى من المنوفيه الى المسجد ليستعطف الناس حيث انه اسلم وليس معه شىء فيتبرعوا له

ولكنه تلقى جزاءه فى امن الدوله بان ضرب ضربا مبرحا حتى سالت الدماااء منه

ولا حول ولاقوه الابالله

والى اللقاء فى حيله جديده .دمتم بخير

Dr. Hoda Ahmed
03-09-2010, 02:18 PM
لا حول ولا قوة الا بالله

خلاص مفيش غير النصب كمان

شكرا ع الموضوع

THE CodeR
03-09-2010, 02:24 PM
واضح ان النصب مافيهوش حاجة محرمة
حتي النصب بقي عن طريق الدين
لا حول ولا قوة الا بالله
ربنا يحمينا في الزمن ده

BaNZeR
03-09-2010, 02:34 PM
ايطالي منوفي ... شيء جميل جداً :d

روووووز
03-09-2010, 04:58 PM
لا حول ولا قوة الابالله بستغل الاسلام عشان ينصب
يستاهل اللى حصلة بس المفروض ميضربش كان يسجن احسن

Free Love
03-09-2010, 05:05 PM
ههههههههههه النصابين كتروا في البلد احنا اتنصبوا علينا مرتين في شهر واحد
أول نصبه
بيمروا ناس في البيوت قايلين هما تبع الوحده المحليه للمحافظه وانهم هيغروا نمر البيوت
وبياخدوا علي النمره 10 ج فضلوا لفوا المنطقه كلها لحد مفي الاخر عرفوهم انهم حراميه وهربوا ههههههههه
انا مكنتش موجود سعتها انا جيت لقيت الدنيا مقلوبه
وبعديها بأسبوع
فيه ناس بيلفوا البيوت بيختارو هما بيوت من عندهم ويخشوها ويضحكوا عليهم يقولولهم احنا تبع اريال مبروك كسبتي 5 علب شامبوهات مش عارف اسمهم ايه بس العلبه منهم ب 50 ج
فراحوا قالوا لجارتنا خدي خمس علب ب 50 ج بس لانك فائزه معايا والحجه فرحت بقي قالت اخد ب 100 ج وخلاص
راحوا دخلوا جم بليل يفتحوا العلب لقوها صابون هههههههههههههههههه
انا مش عارف مالهم منتشرين كده ليه حسبنا الله ونعمه الوكيل
معلش طولت عليكوا بقي بس بقولكوا لحد يحصلوا الي حصل

المحب لله
03-09-2010, 05:40 PM
اولا شكرا لجميع الردود :022yb4:


فى حاجه تانيه ان مجموعه نصابين يطلعوا على جنازه ويقولوا لا لا ده ميدفنش ده عليه ديون لينا وطبعا احنا نعرف ان الرسول الكريم كان الى عليه ديون مكنش بيرضى يصلى عليه او يدفنه الا لما يسد دينه وطبعا لان الشعب المصرى عاطفى يقوموا يجمعوا للميت فلوس عشان يدفن وهما يفكوا بالفلوس سبحان الله حتى الميت مش عاتقينه

Free Love
03-09-2010, 05:49 PM
اولا شكرا لجميع الردود :022yb4:


فى حاجه تانيه ان مجموعه نصابين يطلعوا على جنازه ويقولوا لا لا ده ميدفنش ده عليه ديون لينا وطبعا احنا نعرف ان الرسول الكريم كان الى عليه ديون مكنش بيرضى يصلى عليه او يدفنه الا لما يسد دينه وطبعا لان الشعب المصرى عاطفى يقوموا يجمعوا للميت فلوس عشان يدفن وهما يفكوا بالفلوس سبحان الله حتى الميت مش عاتقينه
لا حول ولا قوة الا بالله
دي حاجه تحزن بجد

shima'a
03-09-2010, 05:52 PM
حتي النصب بقي عن طريق الدين
لا حول ولا قوة الا بالله
ربنا يحمينا في الزمن ده
شكرا على الموضوع