مشاهدة النسخة كاملة : أخيرا الموعد النهائي لنتائج الشهادات المعادلة
ahmed _bk 04-09-2010, 04:54 AM يعلن مكتب تنسيق القبول في الجامعات والمعاهد في مصر خلال الـ «48» ساعة المقبلة نتائج قبول حملة الشهادات المعادلة العربية.
وانتهى المكتب الرئيسي أمس من مراجعة نتائج 89 في المئة من إجمالي المتقدمين من مختلف الدول العربية، وتم توزيع الطلاب حسب ترتيب الرغبات التي قام الطالب بإعدادها، وكشفت المراجعات عن وجود عدد قليل استنفدوا رغباتهم.
وقال رئيس قطاع التعليم بوزارة التعليم العالي المصرية عبدالحميد سلامة في تصريح له أمس ان "المكتب استقبل حملة الشهادات الأجنبية الذين ينطبق عليهم قرار المجلس الأعلى للجامعات الأخير في شأن قبول حملة الشهادات الأجنبية بـ «11» سنة دراسية"، لافتا إلى أن المكتب لن يلتفت للطلاب الذين لم يقضوا «3» سنوات بعد الإعدادية أو الصف التاسع في التعليم الدولي.
وأوضح سلامة أن المكتب سوف يعلن أيضا نتائج حملة الشهادات الأجنبية خلال هذا الأسبوع وقبل إجازة عيد الفطر المبارك.
ahmed _bk 04-09-2010, 04:56 AM يعلن مكتب تنسيق القبول في الجامعات والمعاهد في مصر خلال الـ «48» ساعة المقبلة نتائج قبول حملة الشهادات المعادلة العربية.
وانتهى المكتب الرئيسي أمس من مراجعة نتائج 89 في المئة من إجمالي المتقدمين من مختلف الدول العربية، وتم توزيع الطلاب حسب ترتيب الرغبات التي قام الطالب بإعدادها، وكشفت المراجعات عن وجود عدد قليل استنفدوا رغباتهم.
وقال رئيس قطاع التعليم بوزارة التعليم العالي المصرية عبدالحميد سلامة في تصريح له أمس ان "المكتب استقبل حملة الشهادات الأجنبية الذين ينطبق عليهم قرار المجلس الأعلى للجامعات الأخير في شأن قبول حملة الشهادات الأجنبية بـ «11» سنة دراسية"، لافتا إلى أن المكتب لن يلتفت للطلاب الذين لم يقضوا «3» سنوات بعد الإعدادية أو الصف التاسع في التعليم الدولي.
وأوضح سلامة أن المكتب سوف يعلن أيضا نتائج حملة الشهادات الأجنبية خلال هذا الأسبوع وقبل إجازة عيد الفطر المبارك.
و ده الرابط :
http://www.alraimedia.com/Alrai/Article.aspx?id=224721&date=04092010
وزير الحب 04-09-2010, 05:05 AM بصراحة انا اتخنقت وزهقت
بس يا عم شكرا على الخبر....
mohamed7777 04-09-2010, 07:32 AM نتائج تنسيق الشهادات العربية بمصر خلال ساعات آخر تحديث:السبت ,04/09/2010
القاهرة - “الخليج”:
يعلن مكتب تنسيق القبول بالجامعات والمعاهد المصرية نتائج قبول حملة الشهادات المعادلة العربية خلال ساعات . وكان المكتب الرئيسي انتهى أمس من مراجعة نتائج 89% من إجمالي المتقدمين من مختلف الدول العربية، ووزع الطلاب حسب ترتيب رغباتهم، وكشفت المراجعات عن وجود عدد قليل استنفدوا الرغبات . وقال عبدالحميد سلامة، رئيس قطاع التعليم في وزارة التعليم العالي، إن المكتب استقبل حملة الشهادات الأجنبية الذين ينطبق عليهم قرار المجلس الأعلى للجامعات الأخير بشأن قبول حملة الأجنبية ب11 سنة دراسية، لافتا إلى أن المكتب لن يلتفت للطلاب الذين لم يقضوا ثلاث سنوات بعد الإعدادية أو الصف التاسع في التعليم الدولي .
وأوضح أن المكتب سوف يعلن أيضاً نتائج حملة الشهادات الأجنبية خلال هذا الأسبوع
rimaza 04-09-2010, 07:40 AM ربنا يستر ان شا ءالله بس ممكن اعرف المصدر منين لو سمحت؟؟
Bellsh 04-09-2010, 08:31 AM اخيراااا ... ربنا يوفقك كل اخوانا طلبة الشهادات المعادلة ويدخلوا الكليات الى نفسهم فيها
عقبالنا احنا كمان طلبة الدبلومات الفنية لما يظهروا النتيجة الى مش عارف لحد دلوقتى مظهرتش ازاى ؟!!!! والى مش عارف احنا هنستنى لغاية امته مثلا
ربنا معاكوا ومعانا ويعوض صبرنا خيير
محمد(o) 04-09-2010, 09:46 AM جزاكم الله خيرا
yara Maher 04-09-2010, 11:13 AM النتيجة عن طريق هذا الرابط http://www.tansik.egypt.gov.eg/fapplication/DefaultFtansik.aspx
hend 20 04-09-2010, 11:28 AM يلا الف مبروك مقدما عقبالنا كدا يارب
myegy10 04-09-2010, 12:37 PM ال48 ساعة دول عند الحكومة بشهرين
اسال مجرب
الأستاذة أم شاهندة 04-09-2010, 12:47 PM بالتوفيق للجميع
وعلى خير إن شاء الله
سمبل سمايل^_^ 04-09-2010, 01:57 PM جزاك الله الف خير بس يارب يطلعوها بقه
وعقبال الشهادات الفنية
ma7moud_mada 04-09-2010, 06:29 PM ربناااااا يسهل النتايج كلها تطلع
varios 04-09-2010, 06:53 PM هتلاقي ال 48 ساعه زي نهايه الاسبوع الجار يكدة بالظبط ........منهم لله
al malak 04-09-2010, 08:05 PM الله يستر وميحصلش زي كل مره ونستنا كمان ايبوع ولا ايبوعين
VitaGorT™ 05-09-2010, 03:34 AM انا سامع النتيجة بعد العيد
الكلام ده شكلوا صح ولا ايه
varios 05-09-2010, 03:59 AM انا سامع النتيجة بعد العيد
الكلام ده شكلوا صح ولا ايه
بعد العييييييييييييييييييييييد؟!!!!!!!!
يا لهوي بعد العيد
... والله كل شئ مع حكومتنا دة جايز ......جايز يلغوا النتيجه خالص ...اللهم ارحمنا :frown:
ma7moud_mada 05-09-2010, 04:08 AM نتيجة ايه بالظبط اللى بعد العبد ؟؟؟
Ahmed Al-Maghraby 05-09-2010, 04:53 AM لا لا ان شاء الله مش بعد العيد باذن الله ... بس ممكن بعد الفصل الدراسي الاول يعني على شهر فبراير كدا وعليك وبخير
mohamed7777 05-09-2010, 07:39 AM لا لا ان شاء الله مش بعد العيد باذن الله ... بس ممكن بعد الفصل الدراسي الاول يعني على شهر فبراير كدا وعليك وبخير
ههههههههههههههههههههه حلوة منك .
سمبل سمايل^_^ 05-09-2010, 11:26 AM ايه يا جماعة لعب الاعصاب ده
مترسولكو على حل
ندى بالنعناع 05-09-2010, 12:00 PM من الواضح انهم تحفظو على النتيجة اصلا واحتمال كبير تكون اتلغت :)
varios 05-09-2010, 01:29 PM يا جماعه النتيجه امتي بقي انا زهقت خلاص لا اله الا الله
وعلي راي الشاعر
زهقت طهقت قمت اكلت تعبت نمت وحلمت .....حلمت ان الموقع فتح والنتيجه ظهرت
اصلو كان شاعر متفائل.؟!!!!!!
سمبل سمايل^_^ 05-09-2010, 02:10 PM يا جماعه النتيجه امتي بقي انا زهقت خلاص لا اله الا الله
وعلي راي الشاعر
زهقت طهقت قمت اكلت تعبت نمت وحلمت .....حلمت ان الموقع فتح والنتيجه ظهرت
اصلو كان شاعر متفائل.؟!!!!!!
ههههههههههه مين الشاعر الخطير ده
تصدق انا كمان حلمت انها ظهرت
يلا ربنا يسهل
الصبر
الصبر
varios 05-09-2010, 02:13 PM ههههههههههه مين الشاعر الخطير ده
تصدق انا كمان حلمت انها ظهرت
يلا ربنا يسهل
الصبر
الصبر
ياااااااااه انت كمان شفتها......دي تبقي رؤيا يا جماعه دي تبقي رؤيا هع هع:028ja7:
elyasmina 05-09-2010, 02:17 PM http://abeermahmoud08.jeeran.com/986-Thanks-AbeerMahmoud.gif
varios 05-09-2010, 04:36 PM والله حراااااااااااااام دة كتير والله كتير ربنا ينتقم منهم يارب في الايام الفضيله اللي احنا فيها دة
varios 05-09-2010, 05:15 PM حد موجووووووووووووووووود
Ahmed Al-Maghraby 05-09-2010, 05:28 PM ياااااااااه انت كمان شفتها......دي تبقي رؤيا يا جماعه دي تبقي رؤيا هع هع:028ja7:
طب تصدق والله اني حلمت انها ظهرت :)
varios 05-09-2010, 05:31 PM طب تصدق والله اني حلمت انها ظهرت :)
كدة يا جماعه يبقي احنا التلاته فينا حاجه لله
varios 05-09-2010, 06:13 PM لا حول ولا قوة الا بالله
VitaGorT™ 05-09-2010, 06:19 PM المؤكد ... نتيجة المعادلة بعد العيد ان شاء الله
وأوعدو بالعافية... على راي ابو حفيظة
انا انهارده جالي اخبار مؤكده
وكل الكلام الي بيتقال لعب في الاعصاب
وبعدين احنا مستعجلين على خيبتنا ليه
سيبوها على الله
محمد كامل فوده 05-09-2010, 06:22 PM بارك الله فيكم
simsim_sad 05-09-2010, 07:02 PM المؤكد ... نتيجة المعادلة بعد العيد ان شاء الله
وأوعدو بالعافية... على راي ابو حفيظة
انا انهارده جالي اخبار مؤكده
وكل الكلام الي بيتقال لعب في الاعصاب
وبعدين احنا مستعجلين على خيبتنا ليه
سيبوها على الله
انت تتكلم بجد .. ولا بتهزر !!!!
معقولة بعد العيد .. ارجوك لو كنت عرفت أي حاجة قول كل حاجة بالتفصيل
varios 05-09-2010, 07:02 PM بعد العيد انت متاكد بجد والله؟
simsim_sad 05-09-2010, 07:07 PM !!!!!!!!!!!!!!!!!!!!!!!!!
hend 20 05-09-2010, 07:12 PM المؤكد ... نتيجة المعادلة بعد العيد ان شاء الله
وأوعدو بالعافية... على راي ابو حفيظة
انا انهارده جالي اخبار مؤكده
وكل الكلام الي بيتقال لعب في الاعصاب
وبعدين احنا مستعجلين على خيبتنا ليه
سيبوها على الله
ايوة ياريت حضرتك تقولنا الكلام دا انت جايبه منين ودا ينطبق على المعادله بس ولا كمان الشهادات الفنية ارجو الرد وعدم التجاهل
simsim_sad 05-09-2010, 07:22 PM المؤكد ... نتيجة المعادلة بعد العيد ان شاء الله
وأوعدو بالعافية... على راي ابو حفيظة
انا انهارده جالي اخبار مؤكده
وكل الكلام الي بيتقال لعب في الاعصاب
وبعدين احنا مستعجلين على خيبتنا ليه
سيبوها على الله
سبحان الله عليك يا عم انت !!!!!!!
عمال تقول "كلامهم لعب باعصابنا" .. مع إنك بردو بتلعب باعصابنا
يا ريت حضرتك يا استاذ لما تقول خبر أو شيء انت متأكد منه بالشكل ده . إنك توضح الموضوع بكل التفاصيل اللي عرفتها .. مش تقول "متأكد" وخلاص
حاجة غريبه والله ... يعني مش كفاية مكتب التنسيق يلعب بعصابنا .. علشان إحنا كمان نلعب باعصاب بعض
ma7moud_mada 05-09-2010, 07:23 PM مفيش مصدر طيب ولا دى توقعاااااات ؟؟؟
Ro0o7 05-09-2010, 07:23 PM لأ طبعا مين قاال انه بعد العيد
دا كده بيستهبلوا لو طلعوها بعد العيد
هما كل شويه برأي احنا زهئنا و عايزين نرتب احوالنا
فين القرار حضرتك اللي قال انه بعد العيد !!!!!
VitaGorT™ 05-09-2010, 07:24 PM اسف ع التأخير يا جماعه
انا النهارده اتصلت بالرقم الي حاطينوا في
موقع التنسيق
ردت عليه واحده وقالتلي احنا مش عندنا خبر
بس الاحتمال الاكبر انها بعد اول يوم عيد ان شاء الله
والكلام ده بالنسبة للمعادله
Ro0o7 05-09-2010, 07:29 PM كل الناس اللي كلمانهم ف مكتب التنسيق بيقولو بعد العيد
و هما اصلا معندهمش خبر ميعرفووش حااجه
ma7moud_mada 05-09-2010, 07:42 PM اكيد هما برضه مش عارفين على فكرة .
simsim_sad 05-09-2010, 08:41 PM اكيد هما برضه مش عارفين على فكرة .
يا جماعة الرقم الخدمة بتاعت 19246 بجد مبعرفوش حاجة .. والأخبار مش بتوصلهم أول بأول
اللي عايز يعرف أخبار أكثر تأكيداً يتصل بمكتب التنسيق الرئيسي
شكراً
الأستاذة أم شاهندة 05-09-2010, 08:47 PM والله يا جماعة مفيش أى أخبار مؤكدة حتى الآن
الجرائد أعلنت أن نتيجة تنسيق الأزهر هى التى ستؤجل لبعد العيد
لكنها لم تذكر نتائج المعادلات ولا الفنى فى عملية التأجيل
ورغم عدم وجود تاريخ محددد إلا أنها إن شاء الله تكون قبل العيد
ربنا معاكم
VitaGorT™ 05-09-2010, 09:17 PM يارب يسمع من بوئك يا استاذه ام شاهنده
ويطمنا
ويارب كل الناس تدخل الكليه الي نفسها فيها
سمبل سمايل^_^ 05-09-2010, 09:57 PM لا اله الا الله وحسبي الله ونعمل الوكيل
يعي هنقول ايه ...حكم القوي
mohamed7777 05-09-2010, 10:28 PM حسبنا الله ونعم الوكيل
Mostafa tantawy 05-09-2010, 10:48 PM حركة مكشوفة يا جماعة
عشان اللي مسجل في جامعة خاصة احتياطي ميقدرش يسترد فلوسه اللي دفعها
بس ان شاء الله تظهر النتيجة انهارده
Ro0o7 05-09-2010, 11:08 PM النتيجه شكلها يا اخر الاسبوع دا يا بعد العيد بأه و انتوا طيبين ><
الاء محمد السيد 06-09-2010, 01:22 AM يا جاعة حرام اللي بتعملوا الحمكومة دة هتتحايب بسببنا
حد ممكت يفيد و يكون النتيجة امتي ؟؟؟؟؟؟؟؟؟
انا عندي مرارة واحدة و عايزة احافظ عليها
rimaza 06-09-2010, 01:56 AM لالا مفتكرش ان النتيجة بعد العيد اللي بعد الععيد نتيجة الازهر مش المعادلة وربنا يوفق الجميع ويجيب لنا الكليات اللي نفسنا فيها ياااااااااااااااااااااااااااااااااارب
rimaza 06-09-2010, 02:03 AM طب حد ياجماعة يتصل بمكت التنسيق نفسه مش يتصل بالرقم اللي على الموقع لأن مش هيفدوه بحاجة
مكتب التنسيق نفسه ممكن يفيدونا
nour_92 06-09-2010, 05:26 AM ان شاء الله هتظهر الناهردا و موضوع بعد العيد دة صعب اوى يكون صحيح لان مش هيكون فية وقت كافى للتقديم فى الكليات لان الدراسة هتبدأ 18-9 .....و كمان رقم التليفون اللى موجود دة تقريبا مش مسئول عن ميعاد ظهور النتيجة فمعلوماته مش مؤكدة اوى
و الله اعلم
sahlola 06-09-2010, 08:23 AM مش عيب كدا بقى اللي بيحصل فينا ده
بجد والله العظيم أعصابي تعبت .. وحرام أهلي هيسافروا
ومش هيحضروا كدا نتيجتي يارب تطلع بقى ونخلص لني بجد مبعرفش أنام
mhmoudko 06-09-2010, 09:56 AM مش عيب كدا بقى اللي بيحصل فينا ده
بجد والله العظيم أعصابي تعبت .. وحرام أهلي هيسافروا
ومش هيحضروا كدا نتيجتي يارب تطلع بقى ونخلص لني بجد مبعرفش أنام
والله انا زيك نفس حالتك
اهلي هيسافروا بكرة و النتيجة لسه ما ظهرتش
الـ48 ساعة خلصوا من بدري ,, ده احنا النهارده 6 - 9 - 2010
حرام والله الي بيحصل ده !!!!!!!!!!!
حسبي الله و نعم الوكيل
mhmoudko 06-09-2010, 10:15 AM http://i27.servimg.com/u/f27/11/37/34/39/06-09-10.jpg
http://i27.servimg.com/u/f27/11/37/34/39/06-09-10.jpg
simsim_sad 06-09-2010, 10:17 AM الشيء المؤكد -في اعتقادي- إن نتيجة إحدى الشهادتين إما الشهادات المعادلة أو الشهادات الفنية هتكون بعد العيد
لكن أظن إن نتيجة الشهادات المعادلة هي اللي هتكون قبل العيد .. أما الشهادات الفنية بعد العيد تقريباً
ده مجرد ظن من عندي
وحسبنا الله ونعم الوكيل في مكتب التنسيق اللي مش شايف شغله زي ما يرضي ربنا
simsim_sad 06-09-2010, 10:20 AM http://i27.servimg.com/u/f27/11/37/34/39/06-09-10.jpg
http://i27.servimg.com/u/f27/11/37/34/39/06-09-10.jpg
هههههههههههههه ... جااااامدة
الصورة دي -على ما أظن- جز من حلم حلمته، صــح؟
سمبل سمايل^_^ 06-09-2010, 10:24 AM هدوا اعصااابكم يا جماعه واستهدو بالله
احنا المفروض نصبر بعض مش نقلق بعض كدا
اهدو شويه كدا واشغلو وقتكم برمضان واداء العبادات
انا والله زيكم مش بعرف انام بس بحاول مفكر في النتيجة عشان مقلقش نفسي
والي فيه الخير هيقدمه ربنا
ندى بالنعناع 06-09-2010, 01:35 PM احنا كده بنتعلم الصبر : ) والله فاض بينا اساسا هيا السنادي اصلا غير كل سنة والاعداد قليلة جدا يعني مش هيحتاج وقت زي كل سنة قبل كده .. التاخير ده موش عارفة انا سببو ايه والنبي .. !!! وفي نهاية البرنامج بردة اطلب اغنية الناجح يرفع ايدو وبهديها لمامي وبابي وتوتو وميمي بمناسبة القرف اللي اناا فيه .... وعجبي !!!
big_sh0w 06-09-2010, 03:36 PM المشكله ان بعد فضيحه ال 48 ساعه مافيش اي مسؤول يوحد ربنا ويطلع يعتذر ولا يقول اي حاجه ولا حتى يطلعلنا لسانه ويقول احسن
حاجه غرييييييييييييييييبة
Ro0o7 06-09-2010, 03:55 PM بجد اه و الله مفيش اي مسؤول طلع اتكلم عن نتايجنا
مثلا يقولوا حتظهر بكره او بعد بكره او متظهرش خاالص
بس حد يتكلم بأه حرام كده و الله
احنا ورانا مشاغل بردو مش المسؤولين بس !!!!!
islam-92 06-09-2010, 04:29 PM هانقول ايه
حسبنا لله ونعم الوكيل
ربنا يجازي كل واحد كان له يد فى تأخير النتيجة لغاية دلوقتى
المحب لله 06-09-2010, 05:10 PM المشكله ان بعد فضيحه ال 48 ساعه مافيش اي مسؤول يوحد ربنا ويطلع يعتذر ولا يقول اي حاجه ولا حتى يطلعلنا لسانه ويقول احسن
حاجه غرييييييييييييييييبة
ايه الغريب فيها انت فى مصر وبعدين التمسوا العذر ليهم هو بس تلاقى الى طلع كان الصيام ماثر عليه وقال 48 بدل 84 معلش :bosyht9:
sahlola 06-09-2010, 05:28 PM والله يا جماعة أنا بنام وبقوم بحلم بالنتيجة انهاردة حلمت بنتيجة صاحبتي وعرفت هي دخلت ايه
هبقى أبشرها وأقولها.. احنا نوفر على حكومتنا التعب واللي يحلم بكلية يروح يجيب ورقها على طول
والله الواحد بيهزر من قلقه بس عايزين فعلا نهون على بعض عشان كتر القلق ده مضر ..
ربنا يهون الأيام اللي جاية
varios 06-09-2010, 05:28 PM حسبــــــــــــــي الله ونعم الوكيل
varios 06-09-2010, 05:30 PM والله يا جماعة أنا بنام وبقوم بحلم بالنتيجة انهاردة حلمت بنتيجة صاحبتي وعرفت هي دخلت ايه
هبقى أبشرها وأقولها.. احنا نوفر على حكومتنا التعب واللي يحلم بكلية يروح يجيب ورقها على طول
والله الواحد بيهزر من قلقه بس عايزين فعلا نهون على بعض عشان كتر القلق ده مضر ..
ربنا يهون الأيام اللي جاية
مظبوط وكل واحد يمسك كابل الطابعه وهو نايم عشان او ما تظهر يطبع بطاقه الترشيح علي طول
varios 06-09-2010, 05:48 PM كل يوم نقول بكرة بكرة بكرة............لحد خلاص ما فاض بينا هو مفيش حدج يطلع يقولنا هتظهر امتي ولا ايه ....ولا هي وزارة البركه
varios 06-09-2010, 05:49 PM http://i27.servimg.com/u/f27/11/37/34/39/06-09-10.jpg
http://i27.servimg.com/u/f27/11/37/34/39/06-09-10.jpg
في الجنه ان شاء الله
varios 06-09-2010, 06:01 PM يا جدعان اللي موجود يكتب اي حاجه بدل مانا اعد اكلم نفسي كدة
night-knight 06-09-2010, 06:07 PM الناس قامت تفطر :d
varios 06-09-2010, 06:10 PM هو حد ليه نفس يفطر بعد النهاردة المغرب لسه ماذنش
mhmoudko 06-09-2010, 06:13 PM هههههههههههههه ... جااااامدة
الصورة دي -على ما أظن- جز من حلم حلمته، صــح؟
انا قولت أعمل لها برنت اسكرين قبل ما يخلص الحلم ... !
يا ناس مش ممكن الي بيحصل ده :giljotiiniug3:
طيب فين المسؤولين ؟؟ = (( :039uw8: :romarioxp6:))
هيا على فكرة بدام بالشكل ده النتيجة كده كده بعد العيد
وحسبنا و نعم الوكيل
سمبل سمايل^_^ 06-09-2010, 06:15 PM خلاص ولا تزعل نفس انا موجوده اهو
بس انا حلمت بكلية شرطة مع اني مكتبتهاش في الرغبات ...هههه
VitaGorT™ 06-09-2010, 07:01 PM يا بني آدمين احنا بالنسبة للمتقدمين للجامعات
نقطه حبر في بحر ميه
يعني مين هيشوف الكلام ده اساسا علشان يرد علينا
...بدل ما احنا قاعدين على اعصابنا كده
نقوم من عليها شويه ...هههه... وندعي ربنا يرزقنا بكلية حلووة
varios 06-09-2010, 07:17 PM لا اله الا الله يارب افرغ علينا صبرا من عندك....
varios 06-09-2010, 07:24 PM قولوا للي اخر التنسيق يخاف بكرة اللي اخروا يفسدوا
Ro0o7 06-09-2010, 07:43 PM استغفر الله العظيم
طيب ماهي ال 48 ساعه خلصت فييين النتاااايج بأه!!!!!!!!!!!!!!!!!
VitaGorT™ 06-09-2010, 07:48 PM هههههههههه
انت تبع اي دوله يا varios
وجايب كام ؟؟؟؟
varios 06-09-2010, 07:50 PM استغفر الله العظيم
طيب ماهي ال 48 ساعه خلصت فييين النتاااايج بأه!!!!!!!!!!!!!!!!!
يا جماعه انتوا مش فاهمين السياسه الحكيمه للوزارة الوزارة تتسغل فرصه رمصان والصبر فهي تعلمنا الصبر ....الصبر مفتاح الفرج ولا ايه...........وهي دي الحياه مع وزارة زيروا هع هع
:o
VitaGorT™ 06-09-2010, 08:11 PM انا جايب 87%
علمي
ومش عارف ممكن يجيلي ايه ؟؟؟
توقعاتكم ايه يا اعضاء
myegy10 06-09-2010, 08:29 PM الحكومة شكلها عاوزة رمضان على خير
هيا كدا كدا لازم تظهر بس ربنا يستر
------------------------------------
يا ريت حد يبعت رقم التنسيق الرئيسى
klmna2268 06-09-2010, 10:00 PM والله فكره ياريت كل واحد يقول جايب كام ومن اى دوله يمكن نطمن شويه
mohamed7777 06-09-2010, 10:18 PM انا مبعرفش أنام علشان أحلم بسبب القلق...وحسبنا الله ونعم الوكيل في اللي كانوا السبب.
VitaGorT™ 06-09-2010, 10:41 PM ههههههههههه
طب قل انت من اي بلد
وجاب كاااام و توقعاتك ليه اييييييييييي
mayar5 06-09-2010, 10:51 PM انتو مش شايفين اما المجاميع بتاع تنسيق السنة الي فاتت دي عاااااااااالية قوي قوي
اذا كان تنسيق المصريين الي هنا السنادي كان الطب وصل ل94 وشوية
يبقى اشمعنى احنا ده لو فضل كده مش هندخل حاجه
انا تنسيق السعودية وجبت في المدرسة100% بس القدرات جبت فيها85
وبقى الاجمالي94%
تفتكرو ده يعتبر كويس بالنسبة للمجاميع
يعني فيه ناس جايبة اكتر من كده كتييييير ولا لا
ياريت الي تنسيق السعودية علمي يقولو مجامعيهم واي مجاميع سمعوها ربنا يطمنكم
sahlola 06-09-2010, 11:05 PM احنا ممكن نعمل فركة حلوة نسلي بيها نفسنا كل واحد يعرف نفسه هو منين وجايب كام ونفسه في ايه
أبدأ أنا
سهيلة
من الكويت جايبة 95 ونفسي أدخل طب أسنان
mayar5 06-09-2010, 11:07 PM انا كتبت طب وبعدين اسنان وبعدين صيدلة وهندسة
بس التنسيق لو فضل زي السنة الي فاتت
هيبقى استنفاذ رغبااااااااااااااااات!!!!!!!!!!!!!!!!!!!!!
varios 06-09-2010, 11:14 PM احنا ممكن نعمل فركة حلوة نسلي بيها نفسنا كل واحد يعرف نفسه هو منين وجايب كام ونفسه في ايه
أبدأ أنا
سهيلة
من الكويت جايبة 95 ونفسي أدخل طب أسنان
فكرة حلوة .......انا احمد ....السودان.....وكاتب اول رغبه طب.....انتي كاتبه اسنان ايه؟
varios 06-09-2010, 11:15 PM يا جماعه انا في مشركتين ليا اتمسحوا مش عارف ليه ........ممكن المشرف اللي مسحهم يقولي ليه؟؟؟؟؟؟
varios 06-09-2010, 11:29 PM http://www.thanwya.com/vb/showthread.php?p=2629083#post2629083
mayar5 06-09-2010, 11:33 PM افرحوا ياولاد النتيجة بكرة باذن الله بس يارب تكون حلوة يارب
Ahmed Al-Maghraby 06-09-2010, 11:53 PM بكره اكيييد ؟ يا ريت تجيب المصدر علشان انا بقالي اسبوع معسكر على الكومبيوتر بدون نتيجة :\
Ro0o7 07-09-2010, 12:04 AM الحمدلله الحمدلله يارب بأه الكلام يكون صح المره دي
يارب تفرح الكل ان شاء الله :d
sahlola 07-09-2010, 12:09 AM ربنا يسهلنا الأحوال يارب يارب .. ربنا يفرح قلوبنا وقلوب أهالينا بينا يا جماعة يارب
أنا كاتبة طب أسنان اسكندرية
Ahmed Al-Maghraby 07-09-2010, 12:10 AM انا نشرت انو بكره خلاص وان شاء الله يكون خير
انا احمد من الكويت وجايب 97.5 وكتبت طب الاسكندرية الاول وبعدين اسنان وبعدين هندسة وان شاء الله خير :)
|