مشاهدة النسخة كاملة : معلم مساعد
aladdin027 04-09-2010, 08:06 PM يوم الخميس اللي فات قلت أعمل فيها بطل و أروح الادارة أستفتسر عن تأخر قرار التعيين ، اللي حصل بأه :
أول واحد رحت له راجل جدع أوي ، و بأستبشر خير بوشه لأنه أول واحد بشرنا بالعقود اللي جاتلنا من سنتين ، اتقدمت خطوة و اتأخرت اتنين و قرأت المعوذتين في سري و كأنني داخل بيت أشباح
المهم دخلت عليه المكتب و كان هذا الحوار :
- السلام عليكم يا حاج / أحمد
- و عليكم السلام اتفضل يا بني
- و الله كنت جاي أسأل علي التعيينات .
- تعيينات ايه ؟ و الله يا بني الكلمة دي ما سمعتهاش من زمن ، هوا لسه الحكومة بتعين حد دلوقت ؟
- يا حاج أحمد انت مش فاكرني و لا ايه ؟ أنا علاء المدرس المساعد
- المساعد ربنا يا بني
ابتدا شعور التحفز و الانقضاض يستعد داخلي و أنا أقول :
- يا أستاذنا فيه ايه ؟ حد مزعلك و لا ايه ؟
- يا بني انت عايز ايه بالضبط ؟
- احنا دخلنا امتحان الكادر و نجحنا و مستنيين التثبيت ، و كنت جاي أسأل ما فيش جديد ؟
- في ايه بالضبط ؟
عندها فقدت أعصابي ، و صحت قائلا :
- و بعدين يا أستاذنا ، حضرتك مش معايا خالص ، هما كلمتين و رد غطاهم ، في أخبار جديدة و لا لأ ؟
- ممكن تسأل فوق في الدور الثاني في قسم التعيينات
- طاب ما تقول كدا من الصبح يا أستاذنا !! الظاهر انك
ما اتسحرتش كويس امبارح ؟
- لا يا بني ، بس انت دخلت عليا و انا بعمل حسبة مصاريف العيد و المدارس للعيال .. اعذرني ؟
- و لا يهمك ، و ربنا معاك ، لكن مش الكادر سد شوية معاك ؟
- لا و الله يا بني ، حتي الكادر مش (كادر) يسد المصاريف الكتييييير دي
و تركته متوجها للدور الثاني
انتظروا
الجزء الثاني
ghoneem84 04-09-2010, 08:25 PM هههههههههههههه
كل سنة وانت طيب
ياراجل يا طيب
رائحه الورد 04-09-2010, 09:03 PM مشكور على مجهودك وذهابك للسؤال ربنا ييسر لنا جميعا ويارب يكون فى خبر كويس فى الجزء الثانى
mattya 04-09-2010, 09:37 PM يا عم الحاج ادارة اية ال انت رايح تسال فية لما الاكادمية نفسها ما تعرفش حاجة الادارة حتعرف سر شويبس عند الوزير شخصيا ريح نفسك على ما يجى الفرج
منار على 04-09-2010, 09:45 PM تصدق الراجل دا كويس جدا
على الاقل قالنا الحقيقه اللى مش عايزين نعترف بيها
hassan43 04-09-2010, 09:57 PM على العموم بارك الله فيك و كل سنة و انت طيب
أنتظروا الجزء التانى على رمضان اللى جاى إن شاء الله .... على قناة المتعقدين بيشجعوا مصر ... أنت بتشجع مين ؟
منار على 04-09-2010, 10:09 PM طب هما متعقدين هيشجعوا مصر على ايه ؟؟؟؟؟؟؟؟؟؟؟؟؟؟؟؟؟؟
إيهاب النجار 04-09-2010, 10:51 PM هو ده مسلسل من اجزاء ياعم قول لنا الللى حصل ولا انت م فطرتش ومش قادر تقول اللى حصل فى الدور التانى منتظرين اجزاءك
سامح الدميرى 05-09-2010, 03:07 AM هو ده مسلسل من اجزاء ياعم قول لنا الللى حصل ولا انت م فطرتش ومش قادر تقول اللى حصل فى الدور التانى منتظرين اجزاءك
فاصل ونعود:av4056bb7jp3:
mahmmoud_sakr 05-09-2010, 03:19 AM شرح جميل للموقف والنهاية ؟
mratwa7 05-09-2010, 03:22 AM موهبه ادبيه مش بطاله ههههههههه
محمد ابوصلاح 05-09-2010, 03:23 AM ههههههههههههههههههههههههه
هو فيه حد بيسأل في إدارة تعليمة او حتي مديرية التربية والتعليم ده السؤال علي الاقل في الاكاديمية او الوزارة
miss math2010 05-09-2010, 03:25 AM انا شايفه ان الموضوع ده استخفاف بعقولنا لو فى خبر يتقال على طول مفيش يبقى نسكت بلاش كده
وربنا يسترها
muhammad ellithy 05-09-2010, 01:27 PM انا شايفه ان الموضوع ده استخفاف بعقولنا لو فى خبر يتقال على طول مفيش يبقى نسكت بلاش كده
وربنا يسترها
فعلا موضوع بلا قيمة
و قالي و قولتله و ف الآخر
هو رغي و خلاص
مواضيع و السلام
دي حاجة تفطر
مسيو محمود طلعت 05-09-2010, 01:53 PM كل عام وانت بخير
العروبة2 05-09-2010, 02:24 PM في ايه عملت ايه في الدور الثاني
داليا مصطفى ابراهيم 05-09-2010, 02:32 PM ايه ياعم هى دى يوميات معلم مساعد
ما تقول اللى حصل معاك مره واحده
هو احنا ناقصيين انتظار
prof2007 05-09-2010, 04:39 PM هههههههههههههههههههههههههههههههههههههههههههههههههه هههههههههه
هههههههههههههههههههههههههه
هههههههههههه
هههههههه
ههههه
ههه
هه
bright.light**** 05-09-2010, 04:48 PM والله موضوع تحفة انت تنفع كاتب سيناريو وايه حكاية الجزء التانى دة احنا بنتفرج على مسلسل
وبعدين مين قلك تروح تسأل فى الادارة دول مش عارفين حاجة استنى الفرج من عند ربنا احسن
saber samy 05-09-2010, 04:59 PM " ويقولون متى هو قل عسى أن يكون قريبا "
araboska 05-09-2010, 05:03 PM أيه فى أييييييييييييييه الكهربا قطعت و لا الإرسال هو اللى قطع و لا فاصل و نواصل
شريف حسن . 05-09-2010, 05:04 PM لا تعليق....
prof2007 05-09-2010, 05:07 PM كل عام وانتم بخير
:039uw8:
مستر محمد ابو مريم 05-09-2010, 05:16 PM :friendsxs3:
Mr_MohamedRezk 05-09-2010, 05:46 PM استنى الفرج من عند ربنا احسن
مدرسة الانجلش 06-09-2010, 02:18 AM اكيد الجزء التاني فيه مفاجأة
كرم علي عبد الستار 06-09-2010, 02:02 PM بحـــــــــــــــــــبك يا مصر وبحـــــــــــــــــب نيـلك
بحـــــــب اللي يخرج منــــــك ويفـــــكر يجيــــــلك
بحــــــــــــــــــبك يا مـــــــــصر وبحـــــب شــــعبك
بحب الحضــــــــارة اللي باينة في ملامـــــــــــــحك
بلد الرجـــــــالة المحترمــين المترفهين الشـبعانين
بلد الاصــــــالة والنزاهـــــــة والنـــاس الغلابنـــين
واسألوا حكومة نظيف والرئيس حسني مبــــــارك
بحـــــــــــــــــــبك يا مصر وبحــــــــــــــــب حضنك
بحــــبك بحبــــــــك وطــــــــول عمـــــري هحبــــك
بحـــــب الفـــــــــلاح الي عـــاش فـــــي وحـــــــلك
وبحـــــب أي واحـــــــد داب فـــــي عشـــــــــــــقك
بلد الامــــــــــن والســــــتلام والشبـــاب المدلعــين
وبكــــره كـــل اللي بيهـــــاجر ويشتــــغلوا زبـالين
ليه بيعمـــلوا كـده ويغــرقوا - ليه كده يا وحشــين؟
انتوا ناس وصمة عــــــار علي طـــــول الســـــنين
بحــــــبك بحــــــبك بحـــــبك وطـــول عمري هحبك
eva2010 06-09-2010, 04:43 PM http://www.lakii.com/vb/smile/27-79.gif (http://www.lakii.com/vb/smiles/index.php)
دوري المظاليم 06-09-2010, 04:59 PM مش لازم الجزء التاني
عشرة على عشرة وتسلم الأيادي
ويعطيك العافية
دوري المظاليم 06-09-2010, 05:00 PM بحــــــبك بحــــــبك بحـــــبك وطـــول عمري هحبك
ostaz_yasser83 06-09-2010, 08:27 PM لاسف ادينا منتظرين
ولكن لابد من محافظة القاهرة والمحافظات المجاوورة لها هم اول ناس فى الاعتصام وهم اكبر عدد(ازهر وعام)-(مدرسين ومدرسات)
لان المحافظات الاخرى بعيدة ولا اتوقع فى اول يوم دراسى الذهاب للقاهرة
من هذه المحافظات اللى نايمين فى العسل(القاهرة-الجيزة-حلوان-بنها- المنوفية-الفيوم)دول اقرب محافظات
لابد من التحرك يوم الاعتصام لان ماينفعش واحد من بور سعيد الذهاب واياب فى نفس اليوم الا فى المرة التانية
يكون يوم جمعة ونكون عاملينم حسابنا
مدرب مساعد 09-09-2010, 12:18 AM واضح إن العملية ناقصة توتر ولعب بالأعصاب و استخفاف بعقولنا يظهر إن الأخ شغال في الأكاديمية أو في الوزارة
khaled_A 09-09-2010, 01:48 PM انت و الحاج احمد بتفكروني بالحاج سامحي
بس مش قادر احدد مين فيكم سامحي
hassan43 09-09-2010, 02:02 PM و ضاع الحق فيهم حين ضلوا
طريق النور و اتبعوا السرابا
بوسي111 09-09-2010, 05:30 PM ههههههههههههههههه هو ده الشعب المصري ابو دم خفيف ربنا معانا
aladdin027 11-09-2010, 01:52 PM http://www10.0zz0.com/2010/09/10/22/493275466.gif
elmister 11-09-2010, 02:09 PM فكرة حلوة والله
elmister 11-09-2010, 02:11 PM اظاهر ان فكرة المسلسلات بتاع رمضان مسيطرة عليك
عموما نتمنى ان يتم تثبيتنا فى الجزء الثانى والله لو الموضوع مسلسل بحق وحقيق يبقى التعين بتاعنا مفيش اسهل منه
|