مشاهدة النسخة كاملة : ان اتخنقت عايزة حل.............
bosyy cat 05-09-2010, 04:05 AM بسم الله الرحمن الرحيم
تعملوا ايه لو عرفتوا ان فى ناس بتتكلم عنكوا باسلوب وحش مع ناس تانية
تعملوا ايه وانتوا عارفين انكوا مظلومين من اقرب الناس ليكوا
تعملوا ايه لو مخنوقين من حاجة جواكوا ومش لقيين اللى تفضفضولهم وتعيطوا فى حضنهم
تعملوا ايه لو فى ناس عارفة عنكوا معلومة خاطئة من ناس تانية وانتوا للاسف مش عارفين تقولولهم ان المعلومة دى خاطئة بسبب انكوا مش بتكلموهم
تعملوا ايه لو اتخدعتوا من اقرب اصدقاء ليكوا
كل دى حاجات انا عايشة فيها دلوقتى ومخنوقة اوى مش ببطل عياط حاسة انى مظلومة ومش قادرة ادافع عن نفسى قولولى لو انتوا مكانى تعملوا ايه
ياريت اللى يعرف يعمل ايه يقولى ضرورى
وجدان حنفي 05-09-2010, 04:09 AM احسن حاجة انك تهدي نفسك
ولو على كلامك انا اكتر واحد في الدنيا مر بزعل
وبجد عشان ترتاحي لازم تحكي لحد
شوفي مين اكتر واحدة صاحبتك في المنتدى واتكلمي معاها هتحسي بفرق
وربنا يفك كربك
الأميرمحمد 05-09-2010, 04:11 AM استغفري الله ..
وقومي صلي الفجر
Dr.Silent 05-09-2010, 04:12 AM يا حبيبتى كلام الناس
دى اخر حاجة تفكرى فيها
وزى ما قال الدكتور لازم تكلمى حد
وتفضفضى
وربنا يهدى بالك ويطمن قلبك يا رب
bosyy cat 05-09-2010, 04:14 AM شكرا لردك ياأستاذ وجدان انا ليه فعلا اصدقاء هنا ومستعدين يساعدونى بس انا من النوع اللى مش بحب اشيل لحد همومى
طالبة ولكن 05-09-2010, 04:16 AM عايييزة الحل السحري والمفيد
واللى انا بعمله دلوقتي حاليا
لاني ع طوووول بمر باكتر من اللى انتي بتقولي عليا دا كله
الكلمة السحرية
قريييييت عنها كتيييير
(شدي الفيشة )
افصلي دمااااغك
قاقعدي كده مع نفسك لوحدك
ورجي اعصااابك
ومتفكريش
مهما حد جه ينادي عليكي
يقولك مش عارفة ايه
ليه عملتي كده
ايه رايك نعمل ايه
يا خبر ابيض انهضي مش عارفة ايه اللى حصل بصي
مالكيش دعوة
دا لو كانوا اسرتك سبب توترك
والضغط ع اعصابك
كده انتي شديتي الفيشة
وهنيئا لكي
bosyy cat 05-09-2010, 04:17 AM استغفري الله ..
وقومي صلي الفجر
استغفر الله العظيم
شكرا جزيلا
يا حبيبتى كلام الناس
دى اخر حاجة تفكرى فيها
وزى ما قال الدكتور لازم تكلمى حد
وتفضفضى
وربنا يهدى بالك ويطمن قلبك يا رب
شكرا لمرورك
وفعلا كلام الناس مش ليه لزمة بس لما ميكنش بيضرك لكن اذا كان فيه ضرر بيبقى له لزمة وكبيرة اوى وناس كتير بتصدقه حتى لو غلط
وجدان حنفي 05-09-2010, 04:18 AM انتي كدة مش بتشيليها همومك انتي بس بتفضفضي وتطلعي اللي جواكي
اقوللك حاجة حلوة
اشكي لربنا وهو هينصفك ويجيبلك حقك ويهديكي
بس لازم تكوني واثقة من كدة
يعني مثلا عشان دعاءك يستجاب لازم يكون عندك قناعة ان ربنا قادر على الاجابة
bosyy cat 05-09-2010, 04:19 AM عايييزة الحل السحري والمفيد
واللى انا بعمله دلوقتي حاليا
لاني ع طوووول بمر باكتر من اللى انتي بتقولي عليا دا كله
الكلمة السحرية
قريييييت عنها كتيييير
(شدي الفيشة )
افصلي دمااااغك
قاقعدي كده مع نفسك لوحدك
ورجي اعصااابك
ومتفكريش
كده انتي شديتي الفيشة
وهنيئا لكي
للاسف الموقف اللى انا محطوطة فيه لازم افكر فيه وده كمان مش بيخلينى اعرف انام اوقات كتير لانى فعلا مخنوقة
bosyy cat 05-09-2010, 04:28 AM انتي كدة مش بتشيليها همومك انتي بس بتفضفضي وتطلعي اللي جواكي
اقوللك حاجة حلوة
اشكي لربنا وهو هينصفك ويجيبلك حقك ويهديكي
بس لازم تكوني واثقة من كدة
يعني مثلا عشان دعاءك يستجاب لازم يكون عندك قناعة ان ربنا قادر على الاجابة
ونعمه بالله
ياااااارب يااااارب
شكرا جزيلا لحضرتك
bosyy cat 05-09-2010, 04:30 AM عايييزة الحل السحري والمفيد
واللى انا بعمله دلوقتي حاليا
لاني ع طوووول بمر باكتر من اللى انتي بتقولي عليا دا كله
الكلمة السحرية
قريييييت عنها كتيييير
(شدي الفيشة )
افصلي دمااااغك
قاقعدي كده مع نفسك لوحدك
ورجي اعصااابك
ومتفكريش
مهما حد جه ينادي عليكي
يقولك مش عارفة ايه
ليه عملتي كده
ايه رايك نعمل ايه
يا خبر ابيض انهضي مش عارفة ايه اللى حصل بصي
مالكيش دعوة
دا لو كانوا اسرتك سبب توترك
والضغط ع اعصابك
كده انتي شديتي الفيشة
وهنيئا لكي
للاسف سبب اللى انا فيه ده مش اسرتى
السبب فى كده المكان اللى بأخذ فيه الدروس اصل انا بدات الدروس وبدأت معاها المشاكل وللاسف كمان عرفت ان الناس اللى بيكلموا عنى دول بيكلموا من السنة اللى فاتت بس انا عرفت متاخر وللاسف مازالوا بيتكلموا
وعرفت كل الكلام اللى قالوه واللى لسه بيقلوه
BaNZeR 05-09-2010, 04:37 AM شكرا لردك ياأستاذ وجدان انا ليه فعلا اصدقاء هنا ومستعدين يساعدونى بس انا من النوع اللى مش بحب اشيل لحد همومى
من الناحية النظرية الناس ممكن تشارك الناس همومها
من الناحية العملية ممكن اناقشك في همومك وانا بضحك او ببتسم :d
يعني احكي عادي ممكن اه واحد حيدايق عشان موقفك بس مش معنى ذلك حتعيشيه في نفس الحالة اللى انتي فيها
مجرد انك تحكهالو حتى لو هو مش سامع دي فيها اراحة
ينقل للقسم الاجتماعي
bosyy cat 05-09-2010, 04:40 AM من الناحية النظرية الناس ممكن تشارك الناس همومها
من الناحية العملية ممكن اناقشك في همومك وانا بضحك او ببتسم :d
يعني احكي عادي ممكن اه واحد حيدايق عشان موقفك بس مش معنى ذلك حتعيشيه في نفس الحالة اللى انتي فيها
مجرد انك تحكهالو حتى لو هو مش سامع دي فيها اراحة
ينقل للقسم الاجتماعي
شكرا لحضرتك وفعلا محدش هيحس بيى الا اذا كان فى مكانى وربنا ميكتب على حد انه يكون مكانى وعليه كل الهموم دى
العميل السرى 05-09-2010, 04:41 AM الي يتكلم يتكلم
مش هتقدري تتحكمي فيهم وطالما دول ناس مش كويسين لازم تقطعي علاقتك بيهم
لسبب ان الناس هيصدقوهم لو عارفين انكم اصحاب فاي حاجة هيقولوها عليكي هتبقي كانها حقيقة
لانهم اصحابك ومفيش صحاب بوشين لازم تقطعي علاقتك بيهم
وكمان تعرفيهم السبب والكل يعرف السبب فأكيد اي كلام قالوة عليكي
والناس هتعرف انك سبتيهم علشان كدة وهيعرفو انهم كذابين وان اي كلام سمعوة مش صحيح
mahmmoud_sakr 05-09-2010, 04:45 AM نقرب أكتر من ربنا نحمده ونشكر فضله وكل ما نقرب هانفهم الدنيا صح وليه ده بيحصل
وحاجات ثانيه ما ينفعش الكلام فيها
bosyy cat 05-09-2010, 04:46 AM الي يتكلم يتكلم
مش هتقدري تتحكمي فيهم وطالما دول ناس مش كويسين لازم تقطعي علاقتك بيهم
لسبب ان الناس هيصدقوهم لو عارفين انكم اصحاب فاي حاجة هيقولوها عليكي هتبقي كانها حقيقة
لانهم اصحابك ومفيش صحاب بوشين لازم تقطعي علاقتك بيهم
وكمان تعرفيهم السبب والكل يعرف السبب فأكيد اي كلام قالوة عليكي
والناس هتعرف انك سبتيهم علشان كدة وهيعرفو انهم كذابين وان اي كلام سمعوة مش صحيح
عند حضرتك حق فى كل الكلام لكن ممكن تستغرب اذا قلت لك انهم اصلا مش صحابى دول مجرد ناس معايا فى مكان الدرس اول مابدخل مش بقولهم حاجة غير السلام عليكم وعمرى مااتكلمت معاهم بس هما زى ماتقول كده انهم متغاظين منى علشان انا عارفة انهم مش كويسين فمش بكلمهم فهما عايزينى اكلمهم وامشى معاهم واعمل زيهم بس ان تربيتى واخلاقى ودينى مش بيسمحولى بذلك وانا عمرى ماهسمع كلامهم واعمل زى مابيقولولى
bosyy cat 05-09-2010, 04:48 AM نقرب أكتر من ربنا نحمده ونشكر فضله وكل ما نقرب هانفهم الدنيا صح وليه ده بيحصل
وحاجات ثانيه ما ينفعش الكلام فيها
الحمد والشكر لله
شكرا لمرور حضرتك
bosyy cat 05-09-2010, 04:59 AM شكرا جزيلا لكم جميعا لكل اللى بيحاول انه يساعدنى وشكرا لوقوفكم بجانبى فى هذا الوقت اللى انا فعلا محتجالكم فيه
dr\villa 05-09-2010, 05:02 AM فيه تأهيل نفسي بيعملوا دكتور ابراهيم الفقي (بيريح جامد وبيفيد جدا )
اعملي سيرش عن حلقات (طريق النجاح ) لدكتور ابراهيم الفقي وشوفيها
هتحسي بفرق وابقي طمنينا عليكي
تقبلي مروري
bosyy cat 05-09-2010, 05:05 AM فيه تأهيل نفسي بيعملوا دكتور ابراهيم الفقي (بيريح جامد وبيفيد جدا )
اعملي سيرش عن حلقات (طريق النجاح ) لدكتور ابراهيم الفقي وشوفيها
هتحسي بفرق وابقي طمنينا عليكي
تقبلي مروري
شكرا جزيلا لمرور حضرتك
ويارب لما اشوفه يجى فعلا بفايدة علشان انا خلاص فعلا زهقتتتتتتتتت
bosyy cat 05-09-2010, 05:09 AM انا دلوقتى عملت السيرش ولقيت حلقاته بس للاسف مفيش حاجة راضية تشتغل عندى ولازم تتسطب وانشاء الله هبقى اسطبها الصبح باذن الله
dr\villa 05-09-2010, 05:24 AM اوك .....بس نصيحه شفيها ومتفوتيش حلقه
بجد راااااااااااائع
yaso_yoyo 05-09-2010, 06:45 AM طول مانتي واثقه في نفسك وعارفه انك صح مايهمكيش كلام حد عليكي
دانتي المفروض تشكريهم عشان بيدوكي حسناتهم فكري في الموضوع كده
وكمان زعلك ده هما عايزينه وهما بيعملوا كده عشان يضايقوكي فحاولي ماتعمليش اللي هما عايزينك تعمليه
وكبري دماغك............
BaNZeR 05-09-2010, 09:46 AM هو معلش في نقطة غريبة لاحظتها
في ردك الاخير او القبل الاخير
بتقولي هما متغاظين منك عشان انتي مش بتمشي معاهم ولا مبادئ تعملي اللى بيعملوه
طب ايه اللى يزعلك منهم مادام هما وحشين اصلاً
وطبيعي الوحش مش حيطلع غير وحش
وفين الظلم هنا اذا مكنتيش اضربتي او اتحرمتي من حاجة بتاعتك وكل اللى حصل شوية كلام بيتقال ؟
كل الناس بتترمي بالكلام بس بكره الايام حتلف وحتبين الحقايق لكل الناس
#sooma# 05-09-2010, 12:04 PM بصي انا يمكن في مواقف حصلت معايا وفعلا بيفضلو يكلمو كتير بس الحمد لله علشين واثقه في نفسي مطنشه للكلاب دول لانهم مش يستحقوا اني الواحد يبصلهم وتقريبا بيحصل كده من اعز الناس ليكي وفعلا ده الي حصل معايا بس الحمد لله انا كلمت حد كبير وفضفضتله وهو الي حليلي المشكله كلها ليه قولتله علشين واثقه من نفسي والحد ده عمي وهو الي خلص كل حاجه ومفيش اي حد دلوقتي يقدر يبصلي او يقول حاجه اصل كلام الناس لابيودي ولا بيجيب انا الحمد لله الناس كلها شايفاني كويسه بس الاصحاب هما الي بيبوظوا سمعة الواحده واحترسي منهم مش كلهم طبعا بس خلي بالك يعني واحنا هنا كلنا اخوات واكيد هنساعدك واعتبريني صديقتك ياقمرايه والله الدنيا ماتستاهل اني الواحد يزعل علشين حاجه بس انتي علشين طيبه فابيحصل معاكي كده وربنا يوفقك
جوووورى 05-09-2010, 11:10 PM بصى يا بوسى انا فيه حد قالى
قبل كده لما تلاقى كتير قوى
بيجرحوا فيكى من وراكى مش من قدامك
تعرفى انك فى المقدمه علشان كده
انتى بتنطعنى من الخلف كتير
بس انتى لازم تتاقلمى مع كده ونقرب كلنا من ربنا
لان دى بقى طبع ناس كتير اوى دلوقتى
اما لو انتى مش بتحبى تشيلى همومك لحد
انتى ممكن تسجلى لنفسك وتتكلمى براحتك
انا مجربه دى وصدقينى هيفرق معاكى شويه
Free angel 06-09-2010, 10:04 PM السلام عليكم ورحمة الله وبركاته
أخبارك ياقمر دلوقتى؟
يارب تكونى احسن
بس هطلب منك حاجة واحدة
متفكريش فى اى حاجة وطنشى لان الحاجات دى بقت بتحصل ف زمنا ده كتيييييييييييييييير جداااااااااااااا
ع الاقل مشكلتك مع ناس مش ليكى علاقة بيهم اوى ما بالك بقى لو كان امن اعز اصديقاك هتعملى ايه؟؟؟
وزى ما (طالبة ولكن ) قالتلك شلى الفيشة
بجد التعبير ده عجبنى جدااااااااااا حاولى تمشى بيه وهيريحك لان مش فى حاجة مستاهلة
احنا فى زمن ما يعلم بيه الا ربنا
وربنا يخفف عنك ياقمر وعن كل مهموم
سلاااااااااااام
bosyy cat 08-09-2010, 01:30 AM السلام عليكم ورحمة الله وبركاته
اولا شكرا جميعا ليكوا على وقوفكم بجانبى ومساعدتكم ليا وارشادى ونصيحتى
ثانيا انا بطمنكم انا الحمد لله دلوقتى بقيت كويسة وبحاول على قد مقدر اطنش كل الكلام اللى بيتقال وفعلا مادام واثقة من نفسى خلاص ميهمنيش كل الكلام اللى يتقال
ومرة اخرى شكرا ليكم جميعااااا
coody 11-09-2010, 05:28 AM تعملوا ايه لو عرفتوا ان فى ناس بتتكلم عنكوا باسلوب وحش مع ناس تانية
ادفع بالتي هي احسن السيئة
ببساطة اثبت للناس اللي سمعوا كلام وحش عني اني فوق الكلام ده
تعملوا ايه وانتوا عارفين انكوا مظلومين من اقرب الناس ليكوا
احاول اخد حقي و اقنعهم بحقي بالذوق و الادب لو منفعش اوكل امري لله و اسيبني من الموضوع كله
تعملوا ايه لو مخنوقين من حاجة جواكوا ومش لقيين اللى تفضفضولهم وتعيطوا فى حضنهم
في ناس كتير هنا علي المنتدي قمة في الاحترام و تقدري تديهم اسرارك و هايكونوا عليها اسوار عالية
و ممكن فعلاً تفضفضي مع اقرب الناس ليكي
تعملوا ايه لو فى ناس عارفة عنكوا معلومة خاطئة من ناس تانية وانتوا للاسف مش عارفين تقولولهم ان المعلومة دى خاطئة بسبب انكوا مش بتكلموهم
هاخلي في وسيط بيني و بينهم في الكلام و هابلغهم بخطأ معلوماتهم عن طريقه
تعملوا ايه لو اتخدعتوا من اقرب اصدقاء ليكوا
العيب مني انا لاني لم احسن الاختيار
فلن اندم
لانه زي ما خدعني دلوقت كان ممكن يخدعني في حاجة اكبر
و اقول في كل الاحوال الحمد لله رب العالمين
تقبلي مروري
rove angel 11-09-2010, 04:01 PM بصي يا حبيبتي لو كل واحد فينا قعد يفكر في كلام الناس ودة قال عني كذا ودة قال عني كذا وأنا والله ماعملتش حاجة صدقيني مفيش أي حد هيتعب غيرك إنتي .. فلييييه بقي ؟؟؟ متتعبيش نفسك وخلي اللي يتكلم يتكلم .. حتي لو هتتفهمي غلط وحتي لو قالوا عليكي إيه .. انتي مش هتروحي لكل واحد تقوليله انك بريئة أهم حاجة يكون عندك ثقة في نفسك وبإذن الله ربنا قادر يبين إن الكلام دة كله غلط بس انتي ماتحمليش هم وانتبهي لدراستك وحاولي علي قد ما تقدري تبيني انك عكس الكلام اللي اتقال بس بأفعالك مش بالكلام .. وربنا يكرمك ويعينك ..
HANY SLAH 13-09-2010, 06:13 PM ممممممممممممم
منورين يا جمااعه وبالنسبه للاخت صاحبة المشكله فأنا أحب أنضم ليها وأتمنى لو اشوف ردود مفيده وفيها حلول لأنى بعيش نفس المشكله بالظبط
يمكن أكتر حاجه بتزعلنى انى الاقى حد يشوفنى بصوره على غير حقيقتى
بس انا بعتقد انو اقرب الناس ليا واللى بيهمونى أكيد عارفينى كويس ومش محتاجين انى اعرفهم عنى واذا فيهم حد شايف غير كدا فيبقى أكيد انا غلطت لما اعتبرته من اقرب الناس او بيهمنى وفى النهايه ..... خليها على الله
Mohamed Kabil 15-09-2010, 07:07 AM أمممم ...
شوفي السكوت هو اجمل حل ...
لانك ممكن لو جيتي تحلي اي مشكله فيهم تتسببي بمشكله تانيه يعني لو روحتي تقوللهم ليه بتقولو كده تفتحي مواضيع للنقاش وتخلي الي معرفش يعرف فالاجمل من وجهه رايي انك تاخدي راحه واسترخاء وتفكري تعملي ايه وعجبني جدا تشبيه بنت بتقولك افصلي فيشه عقلك :)
حاولي تشوفي هتعملي ايه بدون توتر او قلق حافظي علي اعصابك وثقتك ف نفسك واتاكدي انك الاحلي
وربنا يعينك يارب ويصـبرك ...
تقبلي مروري ...
يا من ذل 16-09-2010, 02:34 PM انا هكلمك كاخ
فكك من العيال دى دا اية الهبل بتاعك دة
انتى اساسا عندك اصدقاء ازاى
المفرود انتى ثانوى وماتصاحبيش حد غير اشطر منك
وماعتقدش كلاب زى اللى بتتكلمى عنهم دول اشطر منك
الصاحب اللى يخسرنى مايبقاش صاحبى
بالتوفيق
Labes BarMuda *_^ 16-09-2010, 02:41 PM يا من ..
انا مختلف معـاك
هل الصداقه والحب لازم يكون بيني وبين الاحسن مني ؟
طيب لو كان الاحسن مني مغرور وبيعاملني وحش احبه ؟
ياا من الصداقه والحب عمرهم ما يوقفو علي اي حاجه ياما كانو أغنيه صاحبو عالم علي قد حالهم لان الصداقه والراحه ملهاش تمن
ممكن ترتاح ف الكلام ويا واحد فقير ، وبعدين مش يمكن الخايب ده ربنا عاينله حاجه احسن ربنا مش كاتبله هندسه باربع الاف ف الشهر بس كاتبله شغلانه محاسب ف شركه محترمه بالفين ويترقي فيها ويكسب قد ميت مهندس
قال تعـالي ( قل لن يصيبكم الا ما كتب الله لكم )
وتقبل مروري :)
bosyy cat 17-09-2010, 12:26 AM شكرا جميعا ليكوا وعلى اهتمامكم العظيم ده بس انا لقيت آراء كتير وكلها كويسة بس انا فى راى عجبنى من ارائكم اللى قاله استاذ coody انى اخلى فى وسيط لان الحل ده يعتبر حل وسط يعنى مش ههرب من المشكلة واقول بكره تظهر الحقيقة ولا هبقى مضايقة انى ساكته عن حقى فهو ده الحل الافضل وياريت اللى موافقنى على هذا الحل يقول واللى معارض بردو يقول اصل انا قدامى سنة كاملة مع الناس دى فى نفس المكان ومع نفس الناس اللى بيتكلموا عنى واللى بيتقلهم الكلام عنى
|