ارجو رأيكم جميعا في موضوعى :( [الأرشيف] - بوابة الثانوية العامة المصرية

مشاهدة النسخة كاملة : ارجو رأيكم جميعا في موضوعى :(

choclate heart

06-09-2010, 01:01 AM

BaNZeR

06-09-2010, 01:55 AM

حنحلل الكلام واحدة واحدة لازالة معظم الاخطاء الفكرية في الموضوع :d

أنا طالبة في ثالثة ثانوى ان شاء الله

والحمد لله جبت في 2 مجموع جيد 92 ونص % كان املى من ربنا انى ادخل طب بشري
بس بالمجموع ده الامل اللي عندى ضعف اوى
يعني نوعاً ما متفقين هنا اه

وحولت مجبرة لعلمى ريـــــــــــــــــاضة ده عشان انا درجة الرياضة بتاعتى عاليه في 2 جبت فيها 49 /50 يعنى احسن درجه عندى الحمد لله
يفضل الا يتم قياس (الرياضيات 1) بالمستوى الرياضي العام
رياضة 1 اصلاً المفروض محدش يقل فيها عن النهائية

لكن برضه فكرة طب مش قادرة علي انى انساها وعشان كده مش عارفة اتأقلم على رياضة
يعنى حضرت كام حصة تفاضل حسيت انها عاديه وكأنى مش اخدت جديد لانه زى اللي فات كتير
( عادية في البداية بس ) لو عرفتي تلمي الدروس بعد كده ابقي قابليني :p
مش قصدي انها صعبة ولكنها اكبر بمراحل من سنة تانية وكان فروعها اكتر
ولو في حاجة مكررة من القديم فدي حتساعدك كمبادئ للدخول في متاهات اكبر
ومينفعش الحكم من كام حصة ارجح انها لم تتعدى الاربع حصص اكيد منهم واحد مراجعة مثلا

وحصة استاتيكا لاقيتها شبه الفيزياء اوى يعنى ملهاش لزمة في رياضه اصلا
معرفش بجد اوجه تفكيري لاى اتجاه لكن الطبيعى انى هكمل رياضة وباذن الله هندسة
الاستاتيكا شبه الفيزيا منين :confused:
جايز لو قصدك على حوار البندول وكده .. يعني الفيزيا بعد شوية حتتكلم عن الازدواج والعزم
هي بتاخد من الرياضة كتير اه
وبعدين ده كده مصلحة مش بنذاكر حاجات جديدة :d

سؤالى بقا انا عايزة اخد رأيكم في كل الكلام اللي فات
وكمان عايزة اعرف مدي فايدة هندسة في حياتى لانى انا اصلا مش عارفه هتخرج ابقا مهندسة
وبعدين ماهو الهندسة اقسام ولما قريت برضه ماهو كل الاقسام زى بعض من الاخر

ارجو الرد لانى اريد الافادة من تجاربكم
thnx all :D
اغرب سؤال شفته في حياتي ... ايه فايدة هندسة في حياتي :d
وبعدين ازاي اصلاً كل الاقسام زي بعض من الآخر
هو زي طب بتاع عيون يشتغل جراحة وبتاع توليد يشتغل جلدية :d
لا طبعاً اقسام هندسة تقدري تقولي اكتر اقسام في كلية
يعني فروعها لا حصر لها اصلاً
لكنها مش كلها موجودة في كل الجامعات
في اقسام مش موجودة غير في جامعة واحدة بس

يعني البدء في الحوار عن الاقسام محتاج قعدة لوحده
وأفضل إنك مادام على اي حال داخلة هندسة
نوفر الكلام في السؤال ده لحد ما يبقى عندنا عنه خلفية

choclate heart

07-09-2010, 02:39 AM

ميرسي علي مرورك
بس هي المشكلة مكنتش في السؤال التانى
لكن انا كنت مضطربة شوية لان كان من احلامى انى اكون طبيبة وكل قرياتى كانت في الطب
ومعرفش حاجة عن الهندسة اصلا غير انها مادة الرياضيات اللي بندرسها انما ككلية ولا اعرف
حتى لما قريت عن الاقسام علي اساس اشوف ان شاء الله اي قسم ممكن يناسب ميولى واحس نفسي فيه
معرفتش حاجة ومقدرتش احدد هدفي بالظبط
هو ده الموضوع مش اكتر
وشكرا اوى انك اعطيت لكلامى اهمية ولو صغنونة :)

BaNZeR

07-09-2010, 03:27 AM

ميرسي علي مرورك
بس هي المشكلة مكنتش في السؤال التانى
لكن انا كنت مضطربة شوية لان كان من احلامى انى اكون طبيبة وكل قرياتى كانت في الطب
ومعرفش حاجة عن الهندسة اصلا غير انها مادة الرياضيات اللي بندرسها انما ككلية ولا اعرف

اها فاهم اكيد
الواحد بيأقلم نفسه على وضع وفجأة يلاقي نفسه تايه في صحرا ميعرفش فيها طريق !

عامة كان في قسم اسمه هندسة طبية
ده بيتعامل مع المعدات والاجهزة الطبية وكده
كان والدي قالي عليه لما مرضتش اخش طب زيه :d
معنديش فكرة عن القسم ده كتير او حتى متواجد فين
بس اعتقد انها حتكون فكرة مثيرة للاهتمام بالنسبالك

وعامة هي هندسة مش رياضة بس .... هندسة اكبر من رياضة 2 دي بكتير

Bellsh

07-09-2010, 10:07 AM

choclate heart

13-09-2010, 05:31 PM

طيب حولتى ليه ماكنتى تكملى علمى علوم وتحاولى تجيبى مجموع احسن السنه دى وكان عندك بدائل للطب ( صيدلة - علاج طبيعى - طب بيطرى - علوم ) يعنى برضو اهى حاجات ليها علاقة بالطب مش لازم يكون بشرى يعنى وبعدين ممكن التنسيق يدخلك طب بشرى ماتضمنيش

بس عموما هندسة تعتبر حلم كثير من الطلبة لانها بجد كلية محترمه وليها تقلها فى الدراسة وفى الشغل وفى الحياه عامه

اتمنى ان ربنا يوفقك لما يحب ويرضى

ويوفقنا جميعا ويرفعنا لاعلي المناصب في الدنيا والاخرة

وميرسي كتير ع مرورك واحترم رايك بس انت اكيد عارف ان التنسيق مش ع هوانا ويمكن تكون صعبة اوى

شكرا Banzer اوى وميرسي ع مرورك الجميل :lol:

Eng.yasmeen

13-09-2010, 07:34 PM

معلش مداخله صغيرة

هو الاستاتيكا هندرسها في هندسة ؟!

وهي المادة دي عموما بتتكلم عن ايه ؟؟

BaNZeR

13-09-2010, 07:45 PM

معلش مداخله صغيرة

هو الاستاتيكا هندرسها في هندسة ؟!

وهي المادة دي عموما بتتكلم عن ايه ؟؟
في اعدادي هندسة حتاخدو مادة ميكانيكا
وهي تقريباً امتداد الميكانيكا بتاعت تالتة ثانوي

Eng.yasmeen

13-09-2010, 07:48 PM

طيب عن ايه بتدور
هاتلي امثلة عن الميكانيكا

a7mad3ali

15-09-2010, 05:37 AM

المكيانيكا في اعدادي هندسه القاهره
هتبقي عباره عن مادتين زي مهو معروف
استاتيكا وديناميكا
الاستاتيكا تيرم اول والديناميكا تيرم تاني
قبل كده كانوا الامتحانين بيبقوا في اخر السنه
بس من اول السنه اللي فاتت خلوا كل ماده في التيرم بتاعها
الاستاتيكا 100 درجه والديناميكا 125
ده بداية بتنوين ال ة :d
نيجي بقي هما عباره عن ايه
طبعا زي مهو معروف برده وباختصار شديد
الاستاتيكا هو علم دراسه الاجسام الساكنه
وهي 5 ابواب
هيتلموا فيها عن القوي المؤثره علي جسم ساكن
وحاجه اسمها مركز الكتل للجسم
وعزم القصور الذاتي
بس عموما هي هتبقي عن القوي المؤثره علي جسم ساكن

اما الديناميكا هتبقي علي القوي المؤثره علي جسم متحرك
هتاخدوا فيها الحركه علي خط مستقيم بسرعه ثابته وبعجله ثابته او متغيره
والحركه علي دائره وعلي منحني
والمحاور الكارتيزيه وحاجه اسمها المحاور الذاتيه والمحاور القطبيه
وحاجه ممتعه جدا اسمها المقذوفات
بعديها هتخلوا علي حركه الجسم لما تبقي ماثره عليه قوه سواء ثابته او متغيره
وقوانين نيوتن وبالاخص القانون التاني اللي بيقول ان القوه هي معدل تغير كميه الحركه للجسم
وفي الاخر هتاخدوا حركه البندول

بس هي الميكانيكا عموما ممتعه جدا لاقصي درجها وبالذات الديناميكا وان كانت الاصعب
وخلي بالك من اخر بابين في الاستاتيكا لانهم بيتشرحوا في الاخر خالصا
ومبيبقاش في ورق شارحهم كويس
رغم انهم سهلين جدا ومسائل متكرره وعليها درجات كبيره اوي ممكن ترفع الدرجه جامد جدا
انا عن نفسي فهمت البابين دول ليله الامتحان :d
بس الحمد لله بفضل ربنا والبابين دول جبت جدي جدا في الاستاتيكا
ومعظم صحابي معرفوش يحلوا مسائلهم عشان مكنوش فاهمنهم

انا اتكلمت كتير طبعا اكتر من السؤال
بس عشان عارف انك داخله القاهره ان شاء الله فاتكلمت علي اللي هيقابلك فيها

ده غير ان السؤال كات لبانذر اساسا بس احنا الاتنين واحد يعني :d
ده غير اني اعتقد هبقي فاكر اعدادي اكتر منه شويه
اصله راجل خلاص قرب يتخرج :d
مش كده يا بانذر :p

Eng. A'laa Salah

15-09-2010, 04:13 PM

رايي انك تحاولي تحبي الرياضه او علي الاقل تتقبلها
انا حاسه انك مش طايقاها خالص وبالطريقه لا هتقدري تذاكريها ولا تعملي فيها اي حاجه
الرياضه ممتعه جدا وجميله انا مكنتش باذاكر غيرها
ومتحكميش عليها من اول كام حصه
ده انت هتشوفي كتير في الاخر وهتلاقي حاجات غير الهيافات بتاعه الاول دي خالص
ولو عايزه فعلا تكملي رياضه طلعي من دماغك طب خالص ومتفكريش فيها نهائي اما هتضيعي هندسه بردو
عارفه لما تكوني كان نفسك في حاجه اوي وفجاه تطير من ايديك وتلاقي نفسك في حاجه تانيه مكانتش في بالك وتقعدي تفكري في القديم ولو كان حصل كذا كان زماني كذا والكلام ده
هتخسري كتير جدا وهتضيعي اللي بين ايديك بردو

ربنا معاك وشدي حيلك وفي رياضه في ناس كتير بتزيد في المجموع في ثالثه
ةربنا يوفقك

المحب لله

15-09-2010, 05:18 PM

انا برضو كنت كده كان عندى ميول لصيدله بس مكتش عارف ليه متمسك بيها بس والله حمدت ربنا انها ضاعت فى مجزره الثانويه ودخلت رياضه ودلوقتى فى هندسه والحمد لله مبسوط انى دخلتها رغم خوفى منها بس لازم الواحد يعمل حساب ويخاف بس بحساب انا راى انك تركزى فى مجالك الجديد ((وان لم تصلى لما تحبى فحبى ما تصلى اليه )).

واحمدى ربنا وانسى طب وكلام فاض واكيد ربنا بيوجهنا فى المكان الاحسن وشكرا:078111rg3:

clinical chemist10

15-09-2010, 07:28 PM

أنا طالبة في ثالثة ثانوى ان شاء الله

والحمد لله جبت في 2 مجموع جيد 92 ونص % كان املى من ربنا انى ادخل طب بشري
بس بالمجموع ده الامل اللي عندى ضعف اوى
وحولت مجبرة لعلمى ريـــــــــــــــــاضة ده عشان انا درجة الرياضة بتاعتى عاليه في 2 جبت فيها 49 /50 يعنى احسن درجه عندى الحمد لله
لكن برضه فكرة طب مش قادرة علي انى انساها وعشان كده مش عارفة اتأقلم على رياضة
يعنى حضرت كام حصة تفاضل حسيت انها عاديه وكأنى مش اخدت جديد لانه زى اللي فات كتير
وحصة استاتيكا لاقيتها شبه الفيزياء اوى يعنى ملهاش لزمة في رياضه اصلا
معرفش بجد اوجه تفكيري لاى اتجاه لكن الطبيعى انى هكمل رياضة وباذن الله هندسة

سؤالى بقا انا عايزة اخد رأيكم في كل الكلام اللي فات
وكمان عايزة اعرف مدي فايدة هندسة في حياتى لانى انا اصلا مش عارفه هتخرج ابقا مهندسة
وبعدين ماهو الهندسة اقسام ولما قريت برضه ماهو كل الاقسام زى بعض من الاخر

ارجو الرد لانى اريد الافادة من تجاربكم
thnx all :d

انتي كان ادامك تكملي في المجالات للي بتحبيها
يعني ع سبيل المثال
انا دكتور تحاليل "كميائي اكلنيكي وميكروبيولوجي اكلنيكي" وخريج كليه العلوم
وتخصصي هو الكميا الاكلنيكه والميكروبيولوجيا الاكلنيكه
والكمياء الاكلنيكه هي علم الكميا المسئول عن تشخيص الامراض زي امراض الكلي والكبد والسرطان والقلب الخ
والميكروبيولوجيا الاكلينيكه هي علم الامراض البكتريه والفطريه والفيروسيه والمناعه
ودي كلها اسمها علوم طبيه بتمزج بين الطب والعلوم
وبالتالي كان ادامك حجات تكملي فيها لها علاقه باللي انتي بتحبيه افضل من حاجه مش بتحبيها

وع العموم اعملي للي عليكي وان شاء الله ربنا يوفقك