مشاهدة النسخة كاملة : كيميا حيوية /علوم البيئة !!!! رجاء الافادة
Nogha 06-09-2010, 05:30 PM السلام عليكم و رحمة الله و بركاته
انا طالبة بعلوم الاسكندرية رايحة 3 ان شاء الله تخصصى الرئيسى كيميا حيوية
كنت عيزة اعرف ضرورى جدا ايه مجالات عمل قسم علو البيئة؟؟؟
و هل لو انا ميجور بيو و اخدت مينور بيئة ايه المجالات المتحة ليا و انا معايا التخصصين دول؟؟؟
جزاكم الله خيرا
the spider mido 06-09-2010, 06:38 PM هو كيميا حيويه بتاخد من علمي رياضه؟
Nogha 07-09-2010, 10:06 AM لأ
كيمياء حيوية من الأقسام المتاحة لعلمى علوم فقط
the spider mido 07-09-2010, 12:43 PM طيب ايه هي الاقسام المتاخه لعلمي رياضه
clinical chemist10 07-09-2010, 05:52 PM السلام عليكم و رحمة الله و بركاته
انا طالبة بعلوم الاسكندرية رايحة 3 ان شاء الله تخصصى الرئيسى كيميا حيوية
كنت عيزة اعرف ضرورى جدا ايه مجالات عمل قسم علو البيئة؟؟؟
و هل لو انا ميجور بيو و اخدت مينور بيئة ايه المجالات المتحة ليا و انا معايا التخصصين دول؟؟؟
جزاكم الله خيرا
البيو كويس
وبالنسبه للبيئه القسم ده ملغي من غالبيه كليات العلوم
وبيبقي شغله في تحاليل البيه والتربه والميه والهوا
وارجحلك ان المينور يكون ميكرو او كمياء او حيوان
clinical chemist10 07-09-2010, 06:00 PM طيب ايه هي الاقسام المتاخه لعلمي رياضه
الكمياحيوي لعلمي علوم
والاقسام المتاحه لعلمي رياضه
هي الجيولوجيا والجيوفزيا والحاسب والبترول والجيوكميا والرياضه و الاحصاء
والكمياء في بعض الجامعات
Nogha 07-09-2010, 09:55 PM البيو كويس
وبالنسبه للبيئه القسم ده ملغي من غالبيه كليات العلوم
وبيبقي شغله في تحاليل البيه والتربه والميه والهوا
وارجحلك ان المينور يكون ميكرو او كمياء او حيوان
جزاك الله خيرا
طيب انا المشكلة دلوقتى ان الماينور المتاح ليا حاليا اقسام معينة فقط (طبعا ده بسبب المعدل التراكمى للاسف السنادى قل شويتين) فميكرو للاسف كان نفسى فيها بس مش جيالى اصلا و كيميا مش جيالى برده بس احسن انا اللى مش عيزاها حتى لو كانت متاحة
الاقسام المتاحة ليا هى
بيئة
حيوان
حشرات
نبات
بحار
طبعا نبات و بحار و حشرات ملغيين من تفكيرى اصلا
حضرتك بتقولى حيوان احسنلى
طيب معلش احسن فإيه؟؟؟ ايه مجالات شغله؟؟ خصوصا لما يكون زى ما قلت لحضرتك انا ميجور بيو مينور حيوان
Nogha 07-09-2010, 10:11 PM وبيبقي شغله في تحاليل البيه والتربه والميه والهوا
و ايه معلش تحاليل المية و التربة و كدة هما مبيطلعوش من الأرض و اللا ايه؟؟؟
انا كنت مستريحة لبيئة بس حسة انى قفلت منه
يعنى انا قسمى اصلا تحاليل و كدة كدة فىيه تحاليل مية ده ابسط حاجة
انا حبة مجال التحاليل اللى هى تحاليل الدم و كدة انما احلل هوا و تربة مش حسة انى حبة اوى الموضوع
معلش حتقل على حضرتك
قسم الحليوان كمينور لو ينفع حضرتك تقولى شغله و كدة
يعنى انا كدة معايا التخصصين بيو و حيوان مثلا..صح؟ هل فيه ترابط بين القسمين يعنى حيوان حيساعدنى مع بيو و لا اصلا ملهمش علاقة ببعض
معلش حتبك معيا بس كنت عيزة لو ينفع بالتفاصيل و ايه المعامل اللى اقدر اشتغل فيهم بالتخصصين دول..نسيبنا من بيو انا عرفاه الحمد لله خلينا فحيوان
و هل بتفرق لو حيوان بس او لو كيميا حيوية حيوان (من ناحية الشغل)؟
و شكرا عالافادة جزاك الله خير
clinical chemist10 08-09-2010, 01:58 AM و ايه معلش تحاليل المية و التربة و كدة هما مبيطلعوش من الأرض و اللا ايه؟؟؟
انا كنت مستريحة لبيئة بس حسة انى قفلت منه
يعنى انا قسمى اصلا تحاليل و كدة كدة فىيه تحاليل مية ده ابسط حاجة
انا حبة مجال التحاليل اللى هى تحاليل الدم و كدة انما احلل هوا و تربة مش حسة انى حبة اوى الموضوع
معلش حتقل على حضرتك
قسم الحليوان كمينور لو ينفع حضرتك تقولى شغله و كدة
يعنى انا كدة معايا التخصصين بيو و حيوان مثلا..صح؟ هل فيه ترابط بين القسمين يعنى حيوان حيساعدنى مع بيو و لا اصلا ملهمش علاقة ببعض
معلش حتبك معيا بس كنت عيزة لو ينفع بالتفاصيل و ايه المعامل اللى اقدر اشتغل فيهم بالتخصصين دول..نسيبنا من بيو انا عرفاه الحمد لله خلينا فحيوان
و هل بتفرق لو حيوان بس او لو كيميا حيوية حيوان (من ناحية الشغل)؟
و شكرا عالافادة جزاك الله خير
قسم علم الحيوان مع الكميا الحيوي
هيساعدك في التحاليل الطبيه عن اي قسم من الاقسام للي انتي طرحتيها
قسم علم الحيوان بتدرسي فيه المملكه الحيوانيه وليس حيوانات فبتدرسي الانسان
والدم والمناعه والطفيليات وعلم الخليه وعلم الفسيولوجي وعلم الانسجه و علم الاجنه
بالاضافه لفقاريات ولا فقاريات
فكل مواد قسم علم الحيوان هتساعد في فهم التحاليل الطبيه باستثناء مادتي الفقاريات والالفقاريات
ولكن قسم حيوان نفسه شغله بيعتمد ع مراكز البحوث اكتر
فلما تخدي كميا حيوي معاه
هيشيلو بعض وهتربطي بينهم لانهم قريببين من بعض
....................................
الفرق بين حيوان بس
وبيو وحيوان
حيوان بس ده مش كميائي وبالتالي ميقدرش يبقي اخصائي تحاليل طبيه ولا يقدر يفتح تحاليل
اما بيو وحيوان ده كميائي وبالتالي يبقي اخصائي تحاليل ويفتح معمل تحاليل
clinical chemist10 08-09-2010, 02:04 AM وبالنسبه لعلم التحاليل الطبيه ينقسم
لكمياء حيوي وميكرو و طفيليات وهيماتولوجي
والكمياء حيوي بتمثل من 70 ل 80 في الميه
والميكرو حوالي 10
في الميه
واحنا من حقنا نفتح معمل تحاليل كمياحيوي وميكرو شرط انك تكون كميائي
يعني لازم تكون في شهادتك كيمياء
لكن لو عايز تشتغل في معمل بتشتغل كله يعني الفروع الاربعه
عادي مفهاش مشاكل
عشان كده قلتلك قسم علم الحيوان هيفيدك شويه في التحاليل لانه بيدرس طفيليات وهيماتولوجي من ضمن مواده
Nogha 08-09-2010, 12:23 PM جزاك الله كل خير
هو معلش ايه الهيماتولوجى ده ترجمته ايه علم ايه؟؟؟
انا الل مقلقنى من حيوان كتر الرسومات اللى فيه و فيه مادة الفقاريات اعرف انها صعبة جدا
انما انا اصلا بحب البيولوجى جدا و بحب جدا ادرس الكائنات الحية و الوراثة و كدة
يعنى انا عرفة ان كل قسم فيه مواد صعبة فيه بس اهم حاجة هل الصعوبة دى حقدر اتغلب عليها و اللا لأ
يعنى بيو مثلا صعب جداااااا بس انا حباه اوى
و كنت درست من قسم البيئة مادة اسمها اساسيات علوم البيئة و اتعذبت فيها مفهمتش عايزين ايه برده و دى اساسيات فما بالك التخصص
جزاك الله كل خير ربنا يكرمك يارب عالافادة و معلش تعبت حضرتك
the spider mido 08-09-2010, 02:08 PM هو قسم الفزياء الحيويه بيقبل علمي رياضه؟
Nogha 08-09-2010, 06:44 PM هو قسم الفزياء الحيويه بيقبل علمي رياضه؟
انا حتكلم عن علوم اسكندرية لأن كل جامعة و لها نظامها فممكن الكلام يختلف
قسم الفيزياء الحيوى تبع قسم الفيزياء و قسم الفيزياء متاح لشعبة علوم طبيعية فقط و شعبة علوم طبيعية متحة لعلمى رياضة
يعنى فيزيا حيوى متاحة لعلمى رياضة
حضرتك جامعة اسكندرية؟؟؟لو آه فان شاء الله فيزيا حيوى لعلمى رياضة
the spider mido 09-09-2010, 12:49 AM شكرا على مرورك وردك
the spider mido 09-09-2010, 12:51 AM طيب لو سمحتوا
ماهي مجالات عمل قسم الفيزياء الحيوي؟
clinical chemist10 09-09-2010, 02:11 AM جزاك الله كل خير
هو معلش ايه الهيماتولوجى ده ترجمته ايه علم ايه؟؟؟
انا الل مقلقنى من حيوان كتر الرسومات اللى فيه و فيه مادة الفقاريات اعرف انها صعبة جدا
انما انا اصلا بحب البيولوجى جدا و بحب جدا ادرس الكائنات الحية و الوراثة و كدة
يعنى انا عرفة ان كل قسم فيه مواد صعبة فيه بس اهم حاجة هل الصعوبة دى حقدر اتغلب عليها و اللا لأ
يعنى بيو مثلا صعب جداااااا بس انا حباه اوى
و كنت درست من قسم البيئة مادة اسمها اساسيات علوم البيئة و اتعذبت فيها مفهمتش عايزين ايه برده و دى اساسيات فما بالك التخصص
جزاك الله كل خير ربنا يكرمك يارب عالافادة و معلش تعبت حضرتك
الهيماتولوجي هو علم خلايا الدم وامراضه
يعني بتدرسي كرات الدم الحمرا والبيضاء والصفائح الدمويه والامراض الناتجه عن زيادتهم او نقصهم زي الانميا
وفيه بعض كليات العلوم فيها ماجستير هيماتولوجي
والرسومات ع فكره هتاخدي عليها بالتدريج وكمان الاهم ان قسم الحيوان هتدرسي فيه مواد هتساعدك كتير في التحاليل زي ما قلت
clinical chemist10 09-09-2010, 02:22 AM طيب لو سمحتوا
ماهي مجالات عمل قسم الفيزياء الحيوي؟
الفزيا الحيوي هو علم بيربط بين الفزيا والبيولوجي
يعني زي مثلا بيشوف تاثير الاشعه علي جسم الانسان واثارها وازاي هي بتتسبب حدوث السرطان
الاشعه دي اكيد هتتفاعل مع مركبات جوه الجسم وده اسمه كميا حيوي
انما الفزيا الحيوي مش بتركز علي المركبات للي جوه الجسم لكنها بتركز علي الاشعه للي داخله مثلا واثارها وكده
الفزيا الحيوي بردو
لها حجات كتير
زي مثلا العلماء للي كانو في بحث الدكتور مصطفي السيد
في علاج الاورام بيجزيئات الدهب عند التعرض لاشعه وضوء
جزيئات الدهب وحدوث السرطان ده كمياءحيوي
انما تعرض الاشعه ده فزياء حيوي
وللي كانو شغاليين في البحث ده في المركز القومي للبحوث هم كميائيين حيوين وفزيائيين حيوين
وبالتالي شغل الفزياء حيوي
بيبقي في مراكز البحوث اكتر
Nogha 09-09-2010, 12:55 PM الهيماتولوجي هو علم خلايا الدم وامراضه
يعني بتدرسي كرات الدم الحمرا والبيضاء والصفائح الدمويه والامراض الناتجه عن زيادتهم او نقصهم زي الانميا
وفيه بعض كليات العلوم فيها ماجستير هيماتولوجي
والرسومات ع فكره هتاخدي عليها بالتدريج وكمان الاهم ان قسم الحيوان هتدرسي فيه مواد هتساعدك كتير في التحاليل زي ما قلت
الله
هو ده اللى نفسى فيه
طيب و بتوع بيئة مش بياخدوا الكلام ده؟
يعنى مش حيدوهالى فبيئة لأنى ميجور بيو و اللا بيئة ملوش علاقة اصلا بالتحاليل دى
معلش هو سؤال ذكى حبتين بس اصل سمعت ان ممكن القسم المينور لما اخده بيبصوا عالميجور بتاعى و بيحاولوا انهم يخدمونى بالماينور ده
عمتا انا فعلا مش عرفة اقرر بس كل اللى عرفاه ان انا من ساعة ما عرفت انى بيئة و انا عمالة بحاول اقنع نفسى انى مبسوطة بس انا من جوايا مش حسة ان ده اللى انا عيزاه و لا ده الشغل اللى عيزة اشتغله
طيب بالنسبة لمينور حيوان هل لنا برده شغل فمراكز الأبحاث و اللا معامل تحاليل فقط؟؟؟ يعنى اقدر ابقى فمعمل و فمركز ابحاث و لا مش متاح ليا؟؟
ربنا ييسر الخير لنا جميعا
و شكرا لحضرتك جدا ربنا يجعله فميزان حسناتك يارب
the spider mido 09-09-2010, 01:15 PM يعني الفيزيا الحيوي ممكن يشتغلو اخصائي اشعه طبيه؟
clinical chemist10 09-09-2010, 01:40 PM الله
هو ده اللى نفسى فيه
طيب و بتوع بيئة مش بياخدوا الكلام ده؟
يعنى مش حيدوهالى فبيئة لأنى ميجور بيو و اللا بيئة ملوش علاقة اصلا بالتحاليل دى
معلش هو سؤال ذكى حبتين بس اصل سمعت ان ممكن القسم المينور لما اخده بيبصوا عالميجور بتاعى و بيحاولوا انهم يخدمونى بالماينور ده
عمتا انا فعلا مش عرفة اقرر بس كل اللى عرفاه ان انا من ساعة ما عرفت انى بيئة و انا عمالة بحاول اقنع نفسى انى مبسوطة بس انا من جوايا مش حسة ان ده اللى انا عيزاه و لا ده الشغل اللى عيزة اشتغله
طيب بالنسبة لمينور حيوان هل لنا برده شغل فمراكز الأبحاث و اللا معامل تحاليل فقط؟؟؟ يعنى اقدر ابقى فمعمل و فمركز ابحاث و لا مش متاح ليا؟؟
ربنا ييسر الخير لنا جميعا
و شكرا لحضرتك جدا ربنا يجعله فميزان حسناتك يارب
البيئه ملهاش علاقه بالتحاليل الطبيه
لكن ليها علاقه بالتحاليل البيئيه
يعني تحاليل المبه والهوا والتربه
وشغلها بيبقي في وزاره البيئه
والبيئه كويسه بردو علي فكره
بس لو انتي اتجاهك تحاليل طبيه
بيقي بتلعبي في تلات اقسام
الكميا الحيوي والميكروبيولوجي والحيوان
clinical chemist10 09-09-2010, 01:43 PM يعني الفيزيا الحيوي ممكن يشتغلو اخصائي اشعه طبيه؟
ممكن تسال الفزيائيين الحيويين الطبيين
في الموضوع ده
لان القسم ده مش موجود في جامعات كتير
واغلبهم بيبقو شغاليين
علي الاشعه وعلاقتها بالسرطان
فيه اشعه بتضر طبعا وفيه اشعه بتعالج
فاغلب الابحاث في القسم ده في الحته دي
askao 09-09-2010, 02:21 PM منتدي كلية علوم طنطا
http://www.tantascience.net/forums/
Nogha 11-09-2010, 11:46 AM جزاك الله كل خير عالمعلومات القيمة دى
بارك الله فيك
و ربنا ييسر يارب و يزيل عنى الحيرة و يقدر لنا جميعا الخير
|