هل فعلآ نحن جيل فاااااشل؟!! [الأرشيف] - بوابة الثانوية العامة المصرية

Dr.Silent

06-09-2010, 10:29 PM

السلام عليكم ورحمه الله وبركاتهـ

موضوع اعجبني ويشغل تفكير اغلبنا

هـل نـحـن جـيل فــآشـل ؟

سؤال نطرحة اليوم علي الجميع لكي نري هل نحن جيل فاشل كما يراينا ابائنا؟

لان الكـثـير مـن أهــالينا هـذه الأيــام يـعتـبروننـا جيـل فــاشـل .. وانـه الزمـان تغــير ولـيس مـثل مــا كــان علـيه ايامهم وأننــا لا نقــدر عـلى تحـمل أي مسـؤوليــه واننا جيل نت

وأنـه زمـن الاتكـال علـى الغـير تسـمـعهـم يتـحسـرون عـلى ايــامـهم المــاضيه ويصــفونـنـا ويصـفـون زمــا ننــأ بـأمـور غـريبـه

فـهـل نـظرتـهـم صـحيـحــه أم أنهــا جــائره مهما كانت نظرتهم ؟

وهــل هـم دوماً محـقـين فيـمـا يذهـبـون إلـيه ؟

وهـل يخـلـو عصـرنــا مـن كـل شــيء جـميـل لهـذه الـدرجـة التـي يرونـها ؟

اريـد ان اسـمـع ارائكـم بعــقــلانــيه دون تعـصـب لـزمــاننا هذا

هـل فعـلا نـحن جيــل فأشــــــــــل !! ؟

اريد سماع ارئكم ^_^

تحياتي ..

small star

06-09-2010, 10:52 PM

أنـــــــــــــا عن نفسى عيلتى كلها بيقولوا أن احنا جيل فاشل من كل النواحى

يعنى من العلم والكورة وحتى الطرب من كل حاجة

بس احنا اكيد عارفين أن كل جيل لازم بيبقى غير اللى قبله

بس أقدر أقول فى رأيى أن أحنا ( جيل فاشل فعلا) الا عباد الله الصالحين يعنى المتخلق المتعلم

ودة بقا قليل اليومين دول شكررررااااااا ع الموضوع

samar saad

06-09-2010, 11:03 PM

معتقدش مع احترامى لرأي الجميع اننا جيل فاشل بالعكس
الحمد لله احنا جيل واعى وذكى بس الفرص هى اللى مش مساعدانا
بس احنا بجد جيل ذكى ومحتاجين توجيه وتوعيه اكتر
تحياتى لحضرتك موضوع جميل جدا جزاك الله خيرا

coody

06-09-2010, 11:10 PM

كل جيل بيتغير طريقة قياس نجاحه او فشله
احنا لو اعتبرونا جيل فاشل فهايكون علي مقاييسهم هما
لكن دلوقت احنا في عصر الانترنت و الكمبيوتر و كل حاجة اتطورت
فاللي يقول جيل فاشل لازم يكون شاف ناس من نفس العصر في مكان تاني علشان يقارنا ببيهم
تقبل مروري

Mr. Ali 1

07-09-2010, 12:12 AM

مش انتوا بس الجيل اللي فاشل , الجيل اللي قبلكم فاشل والجيل اللي قبله فاشل . دي حقيقة . لكن السبب الحقيقي في الفشل ده مش انتوا ولا الجيل اللي قبلكم ولا الجيل اللي قبله . الأجيال الثلاثة اتظلمت وما تزال تظلم . لا يوجد عمل أو وظائف سواء كانت مناسبة أو غير مناسبة , أزمة اسكان كبيرة جدا جدا , كارثة في المواصلات , فساد في كل مجال , عنوسة متزايدة , ملهيات كثيرة , اغراءات لا حدود لها مع قصر اليد والحيلة , انعدام الدفء الأسري , ..... . وبعد كل ده عايزة أي جيل منهم يبقي ناجح !!!! طيب ازاي؟!!!!!!!!!!!!!!!!!!!!!

Mahmoud EL-serafy

07-09-2010, 12:22 AM

احنا جيل فاشل بالنسبة ليهم دائما

و ده لانننا اتولدنا في زمن غير اللي هم كانوا فيه

كان زمنهم لا فيه كمبيوتر و لا تلفزيون ولا اي حاجة او كانت موجودة عند اغنياء الناس

كان زمان مهتمين بالارض و كانوا بيشغلوا عقلهم في كل حاجة عشان مفيش تكنولوجيا

كانوا زمان عيشتهم في القرى

انما احنا اتفرض علينا اننا اتولدنا في تكنولولجيا هائلة

علمتنا منعتمدش على عقلنا كتير

و نكون كسلانين

الخلاصة كل جيل شايف اللي بعده انه فاشل

كل جيل شايف زمنه صح و اللي بعده غلط

و بدل ما كل واحد يقول علينا جيل فاشل

الاولى انه يقول احنا جيل فاشل ليه

و الجيل الفاشل ده مين رباه اساسا

Dr.Silent

07-09-2010, 12:26 AM

طيب يا جماعة اللى شايف اننا فعلا جيل فاشل

يا ريت يقول نعمل ايهعشان نبقى ناجحين

انا رايى ان احنا كمان السبب فى دة

يعنى كل حاجة متوفرة لينا دلوقتى عنطريق النت

لكننا مع الاسف مش بنستخدمه الا للتفاهات وبس

طبعا مش كل الناس

Mr. Ali 1

07-09-2010, 12:53 AM

Dr.Silent

07-09-2010, 12:57 AM

عايز تبقي شخص ناجح في الزمن ده عليك بالأتي :-
1- الكوسة يعني الواسطة .
2- النفاق
3- شطب كلمة حرام من قاموس حياتك
4- تسيب البلد دي وتشوف بلد بتفهم وتقدر الناس كويس " مش سهل انك تسافر "
5- اربط الحمار مكان ما يقول صاحبه
6- طبل وزمر مع الرايجة
7- مصلحتك ثم مصلحتك ثم مصلحتك
8- اعكس مفاهيم الصح والخطأ
9- حذف كلمة ضمير نهائياً
10- للفتيات فقط .................... طبعاً مفهومة .
الوصايا العشر للنجاح في الدنيا . لكن جهنم وبئس المصير في الآخرة . " إلا إذا سافرت يبقي فيه كلام تاني" .

بالنسبة لبلدنا عند حضرتك حق

لكن لو اتخيلنا ان كل واحد فينا
(احنا الشباب)

عمل اللى عليه

يعنى ذاكر بجد ودور على شغل بجد ورضا ربنا بجد

وحط هدف لحياته يسعى ليه

تتخيل انه كان هيتقال علينا جيل فاشل

cool girle

07-09-2010, 12:59 AM

انا مع سمر فى رايها احنا جيل ذكى جدا

بس الفرص مش مساعده

وظروف الحياة وحشه اوى

تسلم ع الموضوع

Dr.Silent

07-09-2010, 01:01 AM

جزاكى الله خيرا ياحبيبتى عالرد

ورايك احترمه

Mr. Ali 1

07-09-2010, 01:35 AM

بالنسبة لبلدنا عند حضرتك حق

لكن لو اتخيلنا ان كل واحد فينا
(احنا الشباب)

عمل اللى عليه

يعنى ذاكر بجد ودور على شغل بجد ورضا ربنا بجد

وحط هدف لحياته يسعى ليه

تتخيل انه كان هيتقال علينا جيل فاشل
معظم الشباب بيكون عنده هدف وطموح ولكنه للأسف بعد التخرج يصطدم بالواقع المرير وتدريجياً الحماس يتلاشي . وبعدين ان الشاب يلاقي عمل من نفسه بقي شيء مستحيل في هذا الزمن . أنا لست متشائماً وانما فقط خبرتي في الحياة وتجارب كثيرة جدا جدا أعرفها هي التي تدفعني لقول ذلك . بصي علي أحوال الناس وانتي تعرفي ان الأمر غاية فيي التعقيد " يعني يسبب احباط شديد لكل شاب " مثلاً واحد بيلعب كورة شوفي بياخد كام في السنة وهو لا يفعل شيء سوي اللعب !! يلعب وياخد ملايين وبرده مش عاجبه !!! ممثل أو ممثلة بيمثل حاجات تافهة ومدمرة لعقول وسلوكيات الناس ويتقاضي الملايين أيضاً !!! مسؤلين يتقاضوا رشاوي كل يوم وما زالوا في مناصبهم وإذا احيلوا للمعاش لا تتم مسائلتهم !!! مقدمي ومقدمات برامج كل همهم يقولوا أي كلام عشان البرنامج يستمر ويتقاضوا الملايين أيضاً !! راقصات تتم استضافتهن في البرامج المختلفة وكأنهن قدوة ومثل للفتيات !!! أطباء كثر لها اسم كبير بلا ضمير , مهندسين , مدرسين , محامين , موظفين , بعض المشايخ , ..... , ..... كله بلا ضمير أو أخلاق . فمن أين يأتي الشباب بالقدوة التي تساعه علي أن ينجح ؟!! وكيف ينجح وهو ليست لديه أخلاقيات هؤلاء؟!! وهل سيسمحوا له بذلك؟!!!

Dr.Silent

07-09-2010, 01:56 AM

مثلاً واحد بيلعب كورة شوفي بياخد كام في السنة وهو لا يفعل شيء سوي اللعب !! يلعب وياخد ملايين وبرده مش عاجبه !!! ممثل أو ممثلة بيمثل حاجات تافهة ومدمرة لعقول وسلوكيات الناس ويتقاضي الملايين أيضاً !!! مسؤلين يتقاضوا رشاوي كل يوم وما زالوا في مناصبهم وإذا احيلوا للمعاش لا تتم مسائلتهم !!! مقدمي ومقدمات برامج كل همهم يقولوا أي كلام عشان البرنامج يستمر ويتقاضوا الملايين أيضاً !! راقصات تتم استضافتهن في البرامج المختلفة وكأنهن قدوة ومثل للفتيات

لو لاعب الكورة مكنش لقى الاقبال الفظيع دة عليه
والشباب اللى بيقلدة
والناس اللى بتسيب مصالحها عشان تتفرج على ماتش
مكنش اخذ ملايين

والممثلين شايفين نسخ مكررة منهم مليون مرة فى الشارع
والناس بتسيب العبادة فى شهر رمضان عشان تتفرج عليهم

والمذيعين لو كانوا مش شايفين اقبال على الكلام الفاضى دة عمرهم ماكانوا هيعملوه

والراقصات الطلب عليهم زاد جداااااااااااا فى الافراح
يعنى هم لو كانوا مش لاقيين حد يتفرج عليهم
مكنوش هيشتغلوا

محب الجنة 10

07-09-2010, 03:07 AM

باذن الله نحن جيل تحرير المسجد الاقصى

Dr.Silent

07-09-2010, 03:09 AM

ان شاء الله يارب

BaNZeR

07-09-2010, 03:16 AM

waleed ansary

07-09-2010, 03:18 AM

نحن جيل فاشل إذا لم نتمسك بكتاااب الله عز وجل وسنة رسوله فإن فيهما الصلاح والنجااااااح ولكننا غافلين عنهما .
" وقال الرسول يارب ان قومى اتخذوا هذا القرآن مهجورا "
صدق الله العظيم

Dr.Silent

07-09-2010, 03:19 AM

محب الجنة 10

07-09-2010, 03:25 AM

هو البلد باظت على ايد مين ؟ الجيل بتاعنا ولا بتاعهم ؟

البلد بقت مليانة كوسة ورشوة .... جيلنا احنا ولا جيل المسؤولين علينا ؟
البلد بقى تعليمها زفت .... جيلنا اللى حط المنهج ولا جيلهم ؟
فلسطين استعمرت ... في عهد جيلنا ولا في عهد جيلهم ؟

وبعدين لو جينا نتكلم على الفن والكورة
سيبك من الفن عشان كل واحد بيقتنع بفنانين جيله :d
الكورة شوفو منتخب جيلنا الحالي قدم كام انجاز لمصر ... عملوها الجيل السابق ؟

احنا مش جيل فاشل
احنا جيل اتوجد في مجتمع فاسد

انجاز ايه ؟؟؟

الكورة بقت انجاز

حضرتك سمعت عن بروتوكولات حكماء صهيون

هم مجموعة من البنود وضعوها وقالوا لو عملناها يبقى خلاص انتصرنا على المسلمين للابد

منها الهاء شباب المسلمين بالكورة

انا كطالب أو مدرس أو عامل الكورة هتعملى ايه ؟.؟

حتى لو أخدنا كاس العالم

يا أستاذى شباب مصر زعلوا اما الجزائر غلبتهم

اكتر ما زعلوا عن اللى حصل فى غزة

Dr.Silent

07-09-2010, 03:28 AM

طيب ياجماعة

الناس اللى بتقول ان المجتمع هو اللى فاسد

المجتمع ايه غير شوية بنى ادمين بيتحكموا فيه؟؟

احنا يعنى

يعنى احنا فى ايدنا نغير

مش نرمى العيب على الزمن

محب الجنة 10

07-09-2010, 03:31 AM

طيب ياجماعة

الناس اللى بتقول ان المجتمع هو اللى فاسد

المجتمع ايه غير شوية بنى ادمين بيتحكموا فيه؟؟

احنا يعنى

يعنى احنا فى ايدنا نغير

مش نرمى العيب على الزمن

كلام صحيح

ان الله لا يغير ما بقوم حتى يغروا ما بأنفسهم

واللى يوقو هو احنا هنغير الكون ؟؟؟

أقوله ايوة هنغير الكون

والله هنغيره

emadcom

07-09-2010, 03:54 AM

Y
E
S
:av4056bb7jp3:

BaNZeR

07-09-2010, 04:07 AM

انجاز ايه ؟؟؟

الكورة بقت انجاز

حضرتك سمعت عن بروتوكولات حكماء صهيون

هم مجموعة من البنود وضعوها وقالوا لو عملناها يبقى خلاص انتصرنا على المسلمين للابد

منها الهاء شباب المسلمين بالكورة

انا كطالب أو مدرس أو عامل الكورة هتعملى ايه ؟.؟

حتى لو أخدنا كاس العالم

يا أستاذى شباب مصر زعلوا اما الجزائر غلبتهم

اكتر ما زعلوا عن اللى حصل فى غزة
ياعم انا مش بتكلم في سياسة المسلمين دلوقتي
انا بتكلم عن انجازات الجيل الحالي والسابق في مختلف المجالات
في الموضوع جاب سيرة الكورة
فبقوله حتى الكورة هما مكانوش احسن مننا فيها
بتكلم على فريق الكورة نفسه كشباب كجيل حالي
مش من المهووسين بالفريق ويتعصبون له بطريقة غير عادي
وخلاص سبت ردي كله وعجبتك دي :d

sympathique

07-09-2010, 05:14 AM

موضوع جامد جدا
وكويس اوى انك اتكلمت فيه
وناقشناه كتير
احنا جيل فينا الفاشل وفينا الصالح
وانا بصراحة او اتكملت مش هخلص لانى اانا على اخرى من اللى بيجرى
بس رايى ممكن تشوفوه هنا بعد اذنكم
لان العيب مش فينا احنا

العيب عيب مين؟ (http://www.thanwya.com/vb/showthread.php?t=149464) ‏
العيب عيب مين 2 ( بنظرة جديدة) (http://www.thanwya.com/vb/showthread.php?t=169834)

Mr. Ali 1

07-09-2010, 06:59 AM

BaNZeR

07-09-2010, 07:40 AM

الأخ مشرف القسم العام / جيل كورة ايه اللي عمل انجاز لمصر؟!! هي الكورة أو الفن بيعملوا انجازات للدولة والشعب؟!! كانت البرازيل أصبحت من أعظم دول العالم . وهل أمريكا تتقدم علي العالم بسبب السينما؟!! أنا لما ضربت مثل بلاعبي الكرة والفنانين قصدت منه توضيح لبعض النماذج التي يمهد ويفرش لها طريق النجاح . وبعدين أنا قلت ان جيلكم واللي قبله واللي قبله فاشلين , ولكن العيب مش في الجيل . يا ريت تقرأ كلامي السابق كويس وبتأني . علي فكرة أنا بحب الكورة جدا جدا وأعتقد كنت لاعب كويس كمان لكن النصيب بقي . يا ريت نعيد نظر في مفهومنا للإنجازات .
مع انه الموضوع مش محورنا الاساسي لكن لو عايز نتمعن في الكلمة
ايوه انا بعتبرها انجازات
الكورة تقدر تقول هي الشيء الوحيد اللى رفع اسم قدام العالم كله
حتى ولو كانت مجرد رياضة
بس يكفي اننا تصدرنا القايمة مرة في حياتنا ... او مرات في حين اننا في جميع المجالات الاخرى في مؤخرة الدول دائماً

وعلى فكرة رد اصلاً مقارنة بين جيلنا والجيل السابق
لو حتحكم على ردي يبقى كلمني عن منتخب دلوقتي وفرق زمان (عن نفس معرفش عنها كتير !)

روووووز

07-09-2010, 08:09 AM

يااااااه الكلمة دى الاهالى بيقولوها كتير اوى المفروض تتعمل اغنية :p:p

احنا جيل مش فاشل ويقدر يتحمل المسئولية
صحيح بنشوف الشباب والبنات بيتصرفوا بطريقة غريبة يقولوا ده جيل فاشل هما عايزينا نعيش فى العصر الحجرى :p:p احنا فى عصر السرعة والتكنولوجيا والابتكار قال علي بن أبي طالب كرم الله وجه ربوا اولادكم لزمنهم ولا تربوهم لزمنكم
والكلمة دى بتكرر دول ميقدروش يتحملوا المسئولية هما اه طايشين فى السن ده بس لما يكبروا يعقلوا
واكيد اجدادنا قالوا كلمة فاشل لاولادهم وكلمة دى هتتكرر على طول وعلى مر الاجيال :p:p:p

روووووز

07-09-2010, 08:13 AM

مع انه الموضوع مش محورنا الاساسي لكن لو عايز نتمعن في الكلمة
ايوه انا بعتبرها انجازات
الكورة تقدر تقول هي الشيء الوحيد اللى رفع اسم قدام العالم كله
حتى ولو كانت مجرد رياضة
بس يكفي اننا تصدرنا القايمة مرة في حياتنا ... او مرات في حين اننا في جميع المجالات الاخرى في مؤخرة الدول دائماً

وعلى فكرة رد اصلاً مقارنة بين جيلنا والجيل السابق
لو حتحكم على ردي يبقى كلمني عن منتخب دلوقتي وفرق زمان (عن نفس معرفش عنها كتير !)

انا مش معتبرة الكورة مقياس لتقدمنا
جيلنا عمل انجازات كويسة عن الجيل السابق
بس موصلناش يعنى للعالمية :(:(
ولازم التقدم فى كل المجالات المفيدة مش الافلام والاغانى

yaso_yoyo

07-09-2010, 09:53 AM

اعتقد ان كل جيل جديد بيكون اسوأ من اللي قبله (في كل النواحي)
بس بردوا فيه بعض الايجابيات عشان ما اظلمش الجيل ده (بس هيه قليله )
وشكرا على الموضوع الجميل

yaso_yoyo

07-09-2010, 09:59 AM

لو تلاحظوا اهتمامات الشباب والبنات اليومين دول الكورة الموسيقى الااني الممثلين الافلام الحب الروشنه النيو عك او النيو لوك
النت المواقع ال......... معروفه طبعا ...الخ)
مفيش اهتام بالعلم ولا بالدين قليل قوي لما لاقي شاب مثقف الا من رحم ربي
زمان كان كل اهتامهم بالعلوم المفيده وازاي يبقوا اناس صالحين ومفيدين بس للاسف
الغرب قدر يأثر على عقولنا عشان يخلينا متخلفين وهما يتقدموا مع ان احنا اصحاب الحضاره والعلم في الاصل

محب الجنة 10

07-09-2010, 12:54 PM

انا بس نفسى أعرف كورة ايه اللى طالعين فيها دى

اتظن انها تستاهل كل التعصب والوقت دة

والله لو ماتش المنتخب رايح يقول مع صلاة العشا

والله المسجد بيبقى فاضى

أكن يبقى اهتمام الشباب ازاى اللاعب يحط كرة بلاستيك بين 3 خشبات

أكن مش لازم طاقة الشباب تستغل فى حاجة أفضل

أكن حرب تقوم بين بلدين شقيقين وتقول كورة

موجه دخل فصلى

وقف واحد

قاله

يا اما تقولى 10 لعيبة فى منتخب البرازيل

يااما تقولى سورة الفاتحة

قالوا 10 بس ؟؟

جابلوا أكتر من 10 بكتير

حضرتك عايز شباب بالاهتمامات دى يعمل حاجة لامته ووطنه

طب تقول ايه على الشباب اللى كانوا رهبان الليل فرسان النهار

وهم فى سن السابعة يتعاركون على الخروج للجهاد مع النبى

تقول ايه على محمد الفاتح اللى فتح القسطنطينة وهو فى سن العشرين علشان سمع ان خير القائد من يفتحها

اتمنى انه يكون هو خير القائد

تقول ايه على الصحابة اللى أسلموا فى سن الخامسة عشر من عمره

امثال سعد بن أبى وقاص

رغم كفر أهلهم

انت أكيد سمعت عن الارقم بم أبى الارقم اللى كان بيخلى المسلمين يصلوا فى منزله سرا

كان سنه 15 سنة

قارن بين اهتمامات الاتنين

ما سمعتش عن الطفلة التى حفظت القراءن من مصر

فى تسعة أشهر

وأخذت جائزة عالمية وتعتبر من القلائل على العالم

لما لا نذكرها

و كيف نلوم المجتمع

ونحن أساسا المجتمع

اذا كنت تريد تغيير المجتمع فتغير انت

غير الاهتمامات

لان المرء يعرف باهتماماته

Dr.Silent

07-09-2010, 03:36 PM

كلام جمييييييييييييل جدااااا

ووجهة نظرك يا بشمهندس بانزر وضحت

وشكرا على التفاعل دة

ايمان عبد ربه

07-09-2010, 03:47 PM

انا من رائى اننا لو كنا جيل فاشل ما كان زماننا بنتكلم فى الموضوع ده
لكن ما يجب ان نتناقش فيه هو لماذا يعتبرنا ابائنا جيل فاشل مع انالسلبيات هى
هى مى زماننا وزمانهم:039uw8:

Dr.Silent

07-09-2010, 03:49 PM

انا من رائى اننا لو كنا جيل فاشل ما كان زماننا بنتكلم فى الموضوع ده
لكن ما يجب ان نتناقش فيه هو لماذا يعتبرنا ابائنا جيل فاشل مع انالسلبيات هى
هى مى زماننا وزمانهم

راى حلو اوى

لكن لو تلاحظى

نسبة قليلة اوى هى اللى بتتناقش
يعنى السلبيات اكتر

رايك احترمه

ونورتى الموضوع

بلالل

07-09-2010, 06:11 PM

نحن جيل فاشل إذا لم نتمسك بكتاااب الله عز وجل وسنة رسوله فإن فيهما الصلاح والنجااااااح ولكننا غافلين عنهما .
" وقال الرسول يارب ان قومى اتخذوا هذا القرآن مهجورا "
صدق الله العظيم

اوافقك 100%
مشكور عالتوبيك
تقبلى مرورى

Mr. Ali 1

07-09-2010, 08:37 PM

الأخ / محب الجنة 10 / واضح انك تقرأ جيداً . بارك الله فيك وزادك من فضله . أنا فعلاً مش من الجيل ده ولما ضربت أمثلة علي النماذج اللي الجيل ده بيعتبرها نماذج ناجحة في الكورة والفن وغيرها , وجدت من يدافع عن بعض هذه النماذج ويعتبرها حققت انجازاً لمصر !! وهذا من وجهة نظري يسيء كثيراً لهذا الجيل . فلو اقيمت مسابقة في الغناء وفاز بها مغني أو مغنية من مصر لاعتبرنا هذا انجازاً لمصر أيضاً !!! أتمني من شباب هذا الجيل توضيح وجهة نظرهم فيما يعتبرونه انجازاً . علي فكرة يا ريت الموضوع لا يتحول لما يسمي بصراع الأجيال . أنا أيضاً من جيل فاشل . أكررها مرة أخري " أنا من جيل فاشل"

Dr.Silent

07-09-2010, 11:32 PM

لا مش صراع ولا حاجة
شكرا على المرور العطر

وراى حضرتك تماااااام

محب الجنة 10

07-09-2010, 11:41 PM

انا اسف يا جماعة لو حد كان اتضايق من كلامى

انا أسف بجد

وبخص بالاعتذار الاستاذ

بانزر

Mah200985

07-09-2010, 11:45 PM

محب الجنة 10

07-09-2010, 11:48 PM

لاتحد د نظرك فيمن حولك وافتح مداركك ستجد هناك شباب من هذا الجيل
تحمل المسئولية ويصنع المستحيل
فمن أين جئت بهذا المفهوم الخاطىء
إلا إذا كنت تنظر للجيل على إنه مجرد الاطفال الذى لازال تحت الرعاية والشباب الكسلان الذى يحتاج لمن يسقيه الماء
شكرا

كلام مظبوط مية فى المية

النبى قال ؛ نصرنى الشباب وخذلنى الشيوخ :

فالمسؤلية على الشباب كبيرة جدا

ومش معقول الرسول يحملنا المسؤلية دى

واحنا مش قدها