مشاهدة النسخة كاملة : دبلوماسي سابق: ليلى البرادعي تزوجت في السفارة المصرية في فيينا على الشريعة الإسلامية
mrweb 07-09-2010, 02:43 PM صرح مصدر دبلوماسي سابق بالسفارة المصرية في فيينا بأن ليلي البرادعي- ابنة الدكتور محمد البرادعي مدير الوكالة الدولية للطاقة الذرية السابق- تزوجت علي الشريعة الإسلامية في مقر السفارة المصرية بالنمسا يوم 1 يوليو 2006 وهذا الأمر تؤكده وثائق الأحوال المدنية الموجودة تحت رقم 1123-10 في المركز الرئيسي للمصلحة.
وأضاف المصدر- الذي طلب عدم ذكر اسمه- أن شاهدي العقد كانا والدها الدكتور محمد البرادعي، بالإضافة إلي السفير رمزي عزالدين رمزي- سفير مصر في فيينا وقتها- بينما أقيم حفل الزفاف يوم 27-7-2006
وقال مراقبون إن حملة التشويه التي تقودها جهات قريبة من السلطة في مصر، والتي انتقلت مؤخراً إلي الصحف البريطانية الموالية للصهيونية والتي خاضت حرباً عدائية ضد مواقف الدكتور البرادعي المستقلة أثناء رئاسته الوكالة الذرية وهي تعبر عن عدم قدرة مدبري الحملة علي مواجهة مطالب التغيير والتصدي للتيار الجارف الداعي إلي التغيير في مصر، لذلك لجأوا إلي التشويه كسلاح لمواجهة رموز التغيير والتشكيك فيهم.
وأضاف المراقبون أن الأمر تجاوز هذه المرة التشكيك في السياسات والأهداف والأدوات، ووصل إلي انتهاك خصوصيات الآخرين وتعريض حياتهم الأسرية للخطر لمجرد النيل من سمعتهم وتشويه صورتهم أمام الرأي العام.
كانت شائعات قد خرجت عبر موقع الـ «فيس بوك» لتزعم أن ليلي البرادعي متزوجة من شخص غير مسلم وأنها أتمت مراسم الزواج في إحدي الكنائس.
من ناحية أخري يلتقي المدير العام السابق للوكالة الدولية للطاقة الذرية اليوم الثلاثاء مع قيادات عمالية من محافظات مختلفة لإدارة حوار ونقاش موسع حول التغيير بالمركز المصري للحقوق الاقتصادية وذلك ضمن برنامج يتبناه المركز تحت عنوان «العمال ودعاة التغيير».
يعقب ذلك لقاء للبرادعي مع مجموعة من المثقفين والفنانين مساء غد الأربعاء وهو اللقاء الثاني قبل سفره.
http://dostor.org/politics/egypt/10/september/7/27917
BaNZeR 07-09-2010, 05:52 PM http://dostor.org/sites/default/files/imagecache/article_image/sites/default/files/10/Sep/36/mainimage/78.jpg (http://dostor.org/sites/default/files/10/Sep/36/mainimage/78.jpg)
والله ما فرقت شريعة اسلامية من زواج في الكنيسة
البنت طالعة بشعرها ولابسة كات
هو شريعة اسلامية اسم وخلاص
نزيه الصعيدى 07-09-2010, 07:16 PM لذلك لجأوا إلي التشويه كسلاح لمواجهة رموز التغيير والتشكيك فيهم.
وأضاف المراقبون أن الأمر تجاوز هذه المرة التشكيك في السياسات والأهداف والأدوات، ووصل إلي انتهاك خصوصيات الآخرين وتعريض حياتهم الأسرية للخطر لمجرد النيل من سمعتهم وتشويه صورتهم أمام الرأي العام.
mrweb 07-09-2010, 07:28 PM هو شريعة اسلامية اسم وخلاص
بيعجنبي فيك موضوعيتك التامة و البرادعي اكيد من الكفار والادلة واضحة وانت بس لوحدك التعرفها.
تشويه السمعة كل واحد فينا معرض لذلك, فماحدش ياخد الموضوع ببساطة ويضحك لانك معرض لكده.
لذلك لجأوا إلي التشويه كسلاح لمواجهة رموز التغيير والتشكيك فيهم.
البرادعي من سنة واحدة كان من رموز و كان معمول طابع بريد باسمه والكل بيتغنى بانجازاته, ودلوقتي كل من هب ودب بينهش فيه و هو مطمئن البال منسبط السريرة.
التشوية ده اسلوب متخلف في مواجهة الحقائق يعني البيشوه البرادعي بدل ما يتدارى بجرايمه الارتكبها في حق المصريين طالع يكدب, وحتى لما يكون في دليل زي الخبر ده وعلى لسان مسؤل سابق في السفارة تلاقي واحد طالع بيشكك ويقول لك ياراجل انت بردو بتصدق الكلام ده دي حراكات انا بس العارف كل حاجة.
التغيير هايحصل قريبا ان شاء الله
Magi_90 07-09-2010, 07:42 PM هو ليه كل حاجة حلوة لازم نشوهها
engahmadez 07-09-2010, 08:46 PM واحنا مالنا
engahmadez 07-09-2010, 08:53 PM ولا حلوة ولا حاجة
الاستاذ / ياسر الشرقاوى 07-09-2010, 09:35 PM http://dostor.org/sites/default/files/imagecache/article_image/sites/default/files/10/sep/36/mainimage/78.jpg (http://dostor.org/sites/default/files/10/sep/36/mainimage/78.jpg)
والله ما فرقت شريعة اسلامية من زواج في الكنيسة
البنت طالعة بشعرها ولابسة كات
هو شريعة اسلامية اسم وخلاص
والله يا بندر انت امرك غريب
فى كل ارائك تقريبا احنا بنتكلم فى وادى وانت فى وادى تانى
وبعدين انت من الاخر مش بتحب الراجل دا واحنا مش بندور على الحب ولا الكره احنا بندور وبنفكر نطلع من مطب التوريث باختيار البرادعى كمرحلة انتقالية وليس دائمه وليس امامنا الا هو
وبعدين يا حبيبى لابسة كات ولا مش كات يعنى مدام جمال حبيبك بتلبس العباية الخليجى ولا اسمها ايش اوعى تكون فاكرها بتلبس نقاب
اخيرا بلاش الكلام الى ملهوشى لزمة
انا عارف انك ممكن تحذف مدخلتى كعادتك فى مشاركاتى السابقة انت والاخ لورد
على العموم احذف براحتك
حاول تشوف الفديو دا يمكن تغير رايك
http://www.facebook.com/video/video.php?v=132193383490055&ref=mf
BaNZeR 07-09-2010, 09:38 PM بيعجنبي فيك موضوعيتك التامة و البرادعي اكيد من الكفار والادلة واضحة وانت بس لوحدك التعرفها.
لا كفرنا حد ولا اسلمنا حد
بس ايه هدف الخبر ده ؟
بنثبت انهم ناس ملتزمين دينياً ولا فخر للامة الاسلامية ؟
كان الافضل مجبناش سيرة الدين في الموضوع
BaNZeR 07-09-2010, 09:42 PM والله يا بندر انت امرك غريب
فى كل ارائك تقريبا احنا بنتكلم فى وادى وانت فى وادى تانى
وبعدين انت من الاخر مش بتحب الراجل دا واحنا مش بندور على الحب ولا الكره احنا بندور وبنفكر نطلع من مطب التوريث باختيار البرادعى كمرحلة انتقالية وليس دائمه وليس امامنا الا هو
وبعدين يا حبيبى لابسة كات ولا مش كات يعنى مدام جمال حبيبك بتلبس العباية الخليجى ولا اسمها ايش اوعى تكون فاكرها بتلبس نقاب
اخيرا بلاش الكلام الى ملهوشى لزمة
انا عارف انك ممكن تحذف مدخلتى كعادتك فى مشاركاتى السابقة انت والاخ لورد
على العموم احذف براحتك
واخيراً وصلنا لاسم بندر :d
بندر ده اسم خليجي على فكرة وتقدر تقولي محمد افضل !
ثانياً حضرتك انا مدافعتش عن ماما سوزان ولا بابا مبارك عشان تقارنلي بيها وبين دي
وبعدين بتغاظ اوي من اسلوب احذفلي المشاركة دي
الموضوع اللى حضرتك بتتكلم عنه كان له ظروفه الخاصة وموضحة في الردود
اما ردي السابق فيكفي تقريباً للرد على تساؤولك حول هدف رأيي
وجدان حنفي 07-09-2010, 09:44 PM انا معاااك تماما يا بانزر
ماكانش لازم تيجي سيرة الدين من الاول
وعجبني لوي اسمك الجديد بندر
افتكرتك وانت بتقووول انك وصلت لحوالي 10 اسماء محرفة
هههههههههههههههه
ربنا يزيدك
Soaad-532 07-09-2010, 10:27 PM هو احنا حنختار البرادعى ولا بنته ..على الاقل حيفكر بطريقة علمية فى تنمية موارد مصر بدلا من اهدارها
صفاء عزمى 07-09-2010, 11:19 PM زوجة جيمي شوف لابسها ما تفرقش عن بنت البرادعي
Observer 08-09-2010, 03:29 AM http://dostor.org/sites/default/files/imagecache/article_image/sites/default/files/10/sep/36/mainimage/78.jpg (http://dostor.org/sites/default/files/10/sep/36/mainimage/78.jpg)
والله ما فرقت شريعة اسلامية من زواج في الكنيسة
البنت طالعة بشعرها ولابسة كات
هو شريعة اسلامية اسم وخلاص
ازاى الكلام ده ؟!!
تفرق كتير طبعاً
انت بتتكلم فى دين وعقيدة
دة لو زانية مسلمة افضل بكتير جداً
على الأقل باب التوبة مفتوح لها فى أى وقت !!!!
هانى الشرقاوى 08-09-2010, 04:10 AM ههههههههههه
أنا أول مرة أعرف ان ليلى بنت البرادعى هى اللى مترشحة للرئاسة مش البرادعى نفسه
الست فاسقة زى ما الكثير بيقول تبقى زى ما تبقى ( يا أيها الذين امنوا عليكم انفسكم لا يضركم من ضل إذا اهتديتم )
ولما تبقى ليلى ترشح نفسها للرئاسة نبقى نتكلم فى اللى بيحصل دلوقتى ده
الرجل مش مسئول عن حاجة ( كل أمرئ بما كسب رهين ) حاسبوه على أفعاله هو مش أفعال بنته
بس نقول ايه
احنا فى مصر تعودنا اننا نجعل من الأسود قرود ومن الأقزام أبطال
وجدان حنفي 08-09-2010, 04:13 AM ههههههههههه
أنا أول مرة أعرف ان ليلى بنت البرادعى هى اللى مترشحة للرئاسة مش البرادعى نفسه
الست فاسقة زى ما الكثير بيقول تبقى زى ما تبقى ( يا أيها الذين امنوا عليكم انفسكم لا يضركم من ضل إذا اهتديتم )
ولما تبقى ليلى ترشح نفسها للرئاسة نبقى نتكلم فى اللى بيحصل دلوقتى ده
الرجل مش مسئول عن حاجة ( كل أمرئ بما كسب رهين ) حاسبوه على أفعاله هو مش أفعال بنته
بس نقول ايه
احنا فى مصر تعودنا اننا نجعل من الأسود قرود ومن الأقزام أبطال
ربنا يبارك فيك يا هاني
انت عبرت عن اللي انا معرفتش اطلعه من جوايا
BaNZeR 08-09-2010, 04:18 AM مبدأياً انا مش انا اللى جبت في سيرة بنته عشان اهاجمه مثلاً :d
ثانياً على اي اساس بتقول
الرجل مش مسئول عن حاجة ( كل أمرئ بما كسب رهين ) حاسبوه على أفعاله هو مش أفعال بنته
ولو الاب مش مسؤول عن افعال بنته امال اللى مسؤول خالها ولا جد عمها مثلاً :d
طب لو كان ولد كنا قلنا الولاد منحلة لوحدها :d
وبعدين هي بصراحة ليها حق ... مهي تربية امريكي زي ابوها
هانى الشرقاوى 08-09-2010, 04:22 AM مبدأياً انا مش انا اللى جبت في سيرة بنته عشان اهاجمه مثلاً :d
ثانياً على اي اساس بتقول
ولو الاب مش مسؤول عن افعال بنته امال اللى مسؤول خالها ولا جد عمها مثلاً :d
طب لو كان ولد كنا قلنا الولاد منحلة لوحدها :d
وبعدين هي بصراحة ليها حق ... مهي تربية امريكي زي ابوها
أقولك بإختصار شديد مين المسئول
المسئول الحاجة ليلى :d نفسها ...
BaNZeR 08-09-2010, 04:28 AM أقولك بإختصار شديد مين المسئول
المسئول الحاجة ليلى :d نفسها ...
أكيد هي مسؤولة عن كل افعالها
ابوها مكنش فاضيلها اصلاً عشان يكون مسؤول عنها
تفتكر انت ممكن واحدة تطلع بالسفور ده الا لو من بيت فيه كده :d
هانى الشرقاوى 08-09-2010, 04:37 AM أكيد هي مسؤولة عن كل افعالها
ابوها مكنش فاضيلها اصلاً عشان يكون مسؤول عنها
تفتكر انت ممكن واحدة تطلع بالسفور ده الا لو من بيت فيه كده :d
نعيب زماننا والعيب فينا
منا قولتلك يا مهندس لما الست ليلى تترشح (ده لو ربنا نفخ فى صورتنا وقبلنا انه ممكن أصلا ست ترشح نفسها ) يبقى ساعتها اعتراضك يكون اعتراض مقبول :d
بس سيبك انت !
انت مش شايف إن الأسلوب ده فى تشويه سمعة الراجل أسلوب رخيص اوى ؟؟؟
BaNZeR 08-09-2010, 04:57 AM نعيب زماننا والعيب فينا
منا قولتلك يا مهندس لما الست ليلى تترشح (ده لو ربنا نفخ فى صورتنا وقبلنا انه ممكن أصلا ست ترشح نفسها ) يبقى ساعتها اعتراضك يكون اعتراض مقبول :d
بس سيبك انت !
انت مش شايف إن الأسلوب ده فى تشويه سمعة الراجل أسلوب رخيص اوى ؟؟؟
بعد ما الدنيا غليت ... لازم يدورو عالرخيص باي تمن :d
عادي دي طبيعة حكومتنا في اسقاط المعارضين للنظام
الفكرة هنا انه دي مش قضية ندافع عنها عشان تكون في صالحه مثلاً
يعني حندافع عن قضية خسرانة
هانى الشرقاوى 08-09-2010, 05:07 AM بعد ما الدنيا غليت ... لازم يدورو عالرخيص باي تمن :d
عادي دي طبيعة حكومتنا في اسقاط المعارضين للنظام
الفكرة هنا انه دي مش قضية ندافع عنها عشان تكون في صالحه مثلاً
يعني حندافع عن قضية خسرانة
المهم المبدأ حتى ولو اختلفنا فى وجهات النظر
بس ليه الإزداوجية دى معترض على الأسلوب وفى نفس الوقت نصبت نفسك محامى للحكومة :d
يا ابنى صدقنى الهندسة احسنلك من الحقوق :d
ههههههههه
صباحك سكر يا أبو حميد
طالبة ولكن 08-09-2010, 05:14 AM والله ما فرقت شريعة اسلامية من زواج في الكنيسة
البنت طالعة بشعرها ولابسة كات
هو شريعة اسلامية اسم وخلاص
مع احترامي ،
البنت حرة تلبس اللى تلبسه
هي اللي هتتحاسب
وربنا اللى بيحاسب
يبقى احنا مالنا
لو احنا مش عايزينه رئيس
ماشي
بس مش هيبقى سبب رفضنا انها مش لبست
حجاب في فرحها
BaNZeR 08-09-2010, 06:05 AM المشكلة انكو بتجروني لتفاصيل فرعية
وتيجي ناس ترد على التفاصيل على اني طلعت بره الموضوع :d
بصي ردي رقم 17 تاني
واقري ردودي كلها بتمعن
روووووز 08-09-2010, 06:35 AM يا جماعة الدين اهم حاجة
يعنى بنته كانت لابسه مايوه وصور تانية وهى بتشرب خامرة واكيد الوالد عارف وصور دى اتعرضت فى الصحف ويقولوا بطريقة الاسلامية واكيد ده طبعا لتشوية سمعتة اللى اصلا كانت متشوه قبل كده بالتهمة بالرشوة
واكيد الانتخابات دى مش شريفة ولا نزيهه والدليل الصور اللى اتسرقت من حسابها الخاص على الفيس بوك
وده طبعا يدل ان انت اكيد فى مصر
BaNZeR 08-09-2010, 07:09 AM يا جماعة الدين اهم حاجة
انتي بتكلمي ناس ماشية بمبدأ علماني
حتقنعي مين
دي سياسة مالها ومال البنت ودينها :d
mrweb 08-09-2010, 12:26 PM انتي بتكلمي ناس ماشية بمبدأ علماني
حتقنعي مين
دي سياسة مالها ومال البنت ودينها
صح و الواد و ابوه احسن يعرفوا ربنا حتى بامارة رشوة المرسيدس.
بدل من الانشغال بتكفير الناس ووصفهم بلالحاد, ندور على حقوقنا المسلوبة أولى
نزيه الصعيدى 08-09-2010, 01:22 PM أكيد هي مسؤولة عن كل افعالها
ابوها مكنش فاضيلها اصلاً عشان يكون مسؤول عنها
تفتكر انت ممكن واحدة تطلع بالسفور ده الا لو من بيت فيه كده :d
انت طول عمرك متحامل على البرادعى
انت منين تعرف الناس دى
وانت مين عشان تتكلم على ست مسلمة وتحكم عليها بالسفور
انت نسيت اللى بيتعمل فى الصور بالفوتوشوب
اتقى الله فى دينك
ياخسارة بوابة الثانوية
نزيه الصعيدى 08-09-2010, 01:25 PM مع احترامي ،
البنت حرة تلبس اللى تلبسه
هي اللي هتتحاسب
وربنا اللى بيحاسب
يبقى احنا مالنا
لو احنا مش عايزينه رئيس
ماشي
بس مش هيبقى سبب رفضنا انها مش لبست
حجاب في فرحها
ربنا يبارك فيكى
BaNZeR 08-09-2010, 02:00 PM انت طول عمرك متحامل على البرادعى
انت منين تعرف الناس دى
وانت مين عشان تتكلم على ست مسلمة وتحكم عليها بالسفور
انت نسيت اللى بيتعمل فى الصور بالفوتوشوب
اتقى الله فى دينك
ياخسارة بوابة الثانوية
اها قلبناها فوتوشوب بقى وانه الصور دي طلعت مزورة كمان :d
ديني بس يا راجل انتو بقيتو في دين في الموضوع
وبعدين بترد على ردي الاخير ليه
ممكن ترد على ردي الاول وهو ايه الهدف من الموضوع ده ؟
اثبات انهم ملتزمين دينياً ولا انهم فخر للامة للاسلامية ؟
mrweb 08-09-2010, 02:51 PM هدف الموضوع ده توضيح الكذب البيتعرض له البرادعي, ادعوا ان بنته ملحدة ومتجوزة بريطاني مسيحي وظهرت انه كلام كدب على لسان مسؤل سابق في السفارة وانهم تزوجوا زي المسلمين كلهم. هل في اعتراض على كده؟
|