ياتري هيا دي مصر ؟؟؟؟ [الأرشيف] - بوابة الثانوية العامة المصرية

مشاهدة النسخة كاملة : ياتري هيا دي مصر ؟؟؟؟

Free Love

08-09-2010, 04:17 PM

السلام عليكم ورحمه الله وبركاته

أنا النهارده هتكلم عن أصعب مشكله بتواجهنا أحنا كمصريين

والا هيا :
http://contactcars.com/Images/News/Large/zeham_7.jpg

طبعا مفيش أصعب من مشكله المواصلات في مصر لانها بتمثل أكثر مشكله اعاقه للمصرين
وبالزات الايام الي بنعيشها دلوقتي ايام العيد ورمضان
يعني الي يخرج علي الساعه 1 الظهر عاوز يروح أي مشوار أو شغل يوصل بعد المغرب
هتستغربوا بس دي الحقيقه الي بنعيشها وفي وسط كل دا ودا عمليات السرقه بتنتشر في الزحمه
وبالاخص في المترو .................... ياتري هيا دي مصر بلد الامن والامان ؟
وطبعا الحكايه دي بتحصل لازم كل يوم
لانها حصلتلي وأتسرق مني الموبايل في المترو مش أنا بس تلت تربع المترو اتسرق منو
ياتري هيا دي مصر ؟؟؟؟؟؟

BaNZeR

08-09-2010, 04:22 PM

مصدر بلد الامن والامان للسياح والاجانب

هانى الشرقاوى

08-09-2010, 04:33 PM

للأسف هى دى مصرنا
لأن مصر مش مصر واحدة بس
مصر أمصار كتيرة
على كل لون ....تلاقى
بس اللى فى الصورة دى مصر الأغلبية

usernamo

08-09-2010, 04:36 PM

يا حلاوة .. الراجل اللى ماسك العيش ماسك فى ايه .. و شوف ماسك الرغيفين زاى يعنى مش عايز سند بأيدو التانية مقابل الرغيفين .. بجد هو ده اللى معبر مش الصورة (( الراجل خايف على العيش اكتر من نفسه )) و عجبى ^^

**تسابيح**

08-09-2010, 04:40 PM

Free Love

08-09-2010, 04:50 PM

طبعا مصر بلد الأمن والآمان

كفاية انها مذكورة في القرآن
(ادخلوا مصر إن شاء الله آمنيين)
مصر هتفضل طول عمرها مصر
هي مصر اللي عاش فيها سيدنا موسي وسيدنا يوسف
عليهم وعلي نبينا أفضل الصلاة والسلام
وهي بردو مصر اللي عاش فيها جمال والسادات
وهي بردو اللي عاش فيها نظيف ومبارك !!
المشكلة في الناس مش ف مصر..
المشكلة أن انتشار الفساد بئا في كل مكان
في كل وادي والناس بتشوف الفساد
ومحدش بيتكلم خلينا في حالي
طيب هسأل سؤال لما أتسرقت رحت المركز
وعملت محضر ولا لا...؟!
وهل اللي اتسرقوا بلغوا ولا لا...؟!!
إجابة السؤال معروفة لا أكيد
وحتي لو انت اللي بلغت أكيد غيرك مش بلغ
لان ببساطة كل واحد مش عايز يدخل نفسه
في مشاكل وكل واحد عايز يمشي جنب الحيط !!
شكراا ع الموضوع

[

أولا شكرا علي ردك الجميل
بس حابب اوضحلك حاجه أنا أو غيري أو غيري راح قال انا اتسرقت للشرطه الي في المترو أو روحت بلغت في القسم
تفتكري كده هيعملوا ايه؟؟؟؟؟
هيجبولي مثلا التليفون تاني يوم
انا مش زعلات علي التليفون ولا حاجه انا زعلان من حال البلد وغيري وغيري
طب اقولك علي حاجه واحد لسه قابض المعاش بتاعه وراجل غلبان علي اد حاله وحاطط المحفظه في جيبه عادي وراكب المترو يرجع في امان والمحفظه تتسرق منه دا هيعمل ايه ؟؟
يروح للشرطه ترجعله فلوسه مثلا ؟؟؟؟؟؟
المشكله فينا كلنا
وبرضوا أقول هيا دي مصر

Dr.Silent

08-09-2010, 04:56 PM

هى دى مصر

طالما احنا موافقين انها تبقى دى مصر

موضوع جميييييل

Free Love

08-09-2010, 05:19 PM

مصدر بلد الامن والامان للسياح والاجانب
أزاي للسياح والاجانب ؟؟؟
ليه مش أحنا مصريين وأصحاب البلد ميحفظوش علينا يحافظا علي الاجانب بس

شكرا لمرورك الكريم

sympathique

08-09-2010, 08:23 PM

المشكلة في الناس مش ف مصر..

samar saad

08-09-2010, 08:26 PM

:078111rg3:يبقا انت اكيد اكيد فى مصر تررم
والله يا محمد هى دى مصر صدقنى
ما شاء الله حتى مش الاتوبيسات وبس لا والمكيروباص والتاكسى بكرة تلاقى التاكسى الناس متشعبطه فيه برضوة او التوكتوك كمان ههههههههههه
هنعمل ايه بلدنا :078111rg3:

NeVeR CoMe BacK

08-09-2010, 08:33 PM

هو ده صراع الحضارات ............................
يا جماعة احنا دلوقتى مش بنتكلم عن مصر لكن احنا بنتكلم عن الناس اللى عايشة فى مصر هما اللى بإيديهم يخلوها احسن واحسن .......................لكن هنعمل ايه طالاما البطالة والجهل منتشر يبقا اكيد الناس لازم تفسد واللصوص يكتروا والناس لازم تخرج عن طاقتها وكمان المشكلة السكانية عمالة بتزيد يوم عن التانى ........... والمشاكل الاقتصادية بتزيد يوم عن يوم...........
والاسعار بتغلا...........(والدنيا حر هههههه)
مش كل دى مشاكل بتخلى الواحد يزهق من عيشته .............................................
بالرغم من ان فى ناس كتير فى مصر مليارديرات يعنى لو وزعو علا كل واحد 100000 جنيه برده فلوسهم مش هتخلص .............
يعنى مش بيقفو جنب حد هنا عندنا فى مصر الغنى غنى اوى اوى والفقير فقير اوى ......................
يلا
مرسيه عالموضوع
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،

Mr. Ali 1

08-09-2010, 08:53 PM

الحكومة والحزب الوطني عايزين البلد كده . ايه هي بلدنا ولا بلدهم؟؟ طبعاً بلدهم وعشان هي بلدهم يبقي يعملوا فيها اللي هم عايزينه !!! الدكتور مصطفي الفقي " كان سكرتير في رئاسة الجمهورية " قالها في برنامج 2×2 ان الشعب المصري بتاع كلام فقط ولا يستطيع احداث أي تغيير !!!!! يعني من الأخر " قول واخبط دماغك في أتخن حيطة " . ومصر منذ القدم عمرها ما كانت لشعبها أبداً باستثناء بعد فتح عمرو بن العاص وبعدها بحوالي 300 سنة ثم عادت ريمة لعادتها القديمة !!!!

ميراج

08-09-2010, 09:18 PM

مصدر بلد الامن والامان للسياح والاجانب
عنده حق..:romarioxp6:
مصر امن وامان للسياح والاجانب وبس:049gc0:
لكن احنا اللى اسمنا مصريين ولا حاجه فى البلد دى..:giljotiiniug3:
بص كده على ا لاجانب ولا السياح لما يشرفونا..
اخر حلاوه:friendsxs3:
كل حاجه ليهم متوفره :p
انما احنا ناخد على قفانا راضيين..:p
نتسرق نضرب نتهان فى بلدنا بردوا اضيين..:040vk0:
والله واحده صحبتى كانت فى المترو..
وشافت واحده بتحط ادها فى جيب واحده تانيه وخلاص هتاخد
الموبايل:slap1qk6:
راحت صحبتى علت صوتها وهيه بتتكلم
راحت سحبت ادها بكل هدوء ونزلت اول ما المترو وقف..;)
شى طبيعى حاجه لظيظه خالص:romarioxp6:
احنا اللى عملنا فى نفسنا كده من الاول
لو كان اول واحد اضرب على قفاه فى البلد دى اتكلم:p
يمكن مكنش حالنا بقا كده..
ولو كان كل واحد من الاول مسمحش لنفسه انه يقف فى الموصلات:frown:
مكنش السواق حشر العربيه وركب الناس فوق بعضها..:049gc0:

هبةمحمود

08-09-2010, 09:28 PM

فى ادينا نغيرها لو عاوزين بجد مش هزار

samar saad

08-09-2010, 09:36 PM

فى ادينا نغيرها لو عاوزين بجد مش هزار

صح يا هبة برافو عليكى ما احنا مصر واحنا الزحمة واحنا اللى مش بنحافظ على النظام او المواعيد
لو كل واحد فينا التزم وحافظ يبقا هتكون مصر اجمل بلد فى الدنيا

روووووز

09-09-2010, 08:11 AM

مصدر بلد الامن والامان للسياح والاجانب

ده صح لان لو فى سائح حصله اى حاجة شوفوا اللى بيحصل
ولو مصر حصله نفس الحاجة دى مبيعملوش اى حاجة ولا حياة لمن تنادى

شوفوا المصريين برة بيتبهدلوا ويتعذبوا برة

اما المواصلات دى مشكلة كبيرة جداااااا فين فلوس السياحة وقناة السويس هيقولوا بنعمل مصانع ومشاريع للشباب وعشان البطاله الحمد لله الشباب مش عارفة تشتغل
لانه كل نصب فى نصب :stickjo4:
لان المستولين على البلد الكبار واللى ملهوش كبير فى البلد دى الله يكون فى عونه
واخيرا حسبنا الله ونعم الوكيل

=امير الشعراء=

09-09-2010, 11:19 AM

يا جماعه بطلوا تقطيع لمصر واحمدوا ربنا انتو لم تروا البلاد الخرى وتقرنوها تخيل فيه بلاد اهلها بيموتوا من الجوع والعطش وفى بلاد عندها زلازل كل ساعو وفيضانات مصر احسن من بلاد كتير وعمركوا ماهتلاقوا زيه

mera_mar21

09-09-2010, 12:08 PM

انا من البلد انا من البلد دى بلد ابويا وجد جدى ***********
مصررر حلوة بناسها الطيبين الى اصلن هم معدودين
بس بالنسبه للمشكلالالالالات دى اظنها فى محافظات معينه بس
احنا الحمد لله نو زحمه وامان وسلالالالالالالالالالالالالالالالالام وكل حاجه حلوة
ربنااااااااااا يعينكم
ومنجيبش اللووووووووووم على مصر العيب فى الى حااااااااااااااااااكم مصر
تقبل مرورى
جزاك الله خيرا

Free Love

09-09-2010, 08:34 PM

شكرا علي ردودكم الكريمه

a7mad 3abdo

10-09-2010, 01:03 AM

المشكلة في قلة الانضباط ...
السواقين ..و الناس اللي بتركب المواصلة
تبص تلاقي المترو ماشي والناس بتفتح الباب عشان تركب
تبص تلاقي الناس محشورة في الاتوبيس و السواق نازل يشرب شاي
كل دا لازم يعمل زحمة
تبص تلاقي واحد نازل يجيب بجنيه عيش , وواخد العربية معاه
ومش عايزين يبقي في ازمة مرور !!
هنلقي اللوم علي مين ؟
الحكومة هتعمل ايه تاني ؟؟
دا احنا 80 مليون
في شعب في الدنيا 80 مليون عايشين علي 3% من مليون كم مربع ؟
اما السرقه دي فكل واحد مسئول عن متعلقاته
كل واحد ياخد باله من حاجته ... لان احنا كترنا اوي ..
شكرا علي الموضوع .

Free Love

11-09-2010, 07:05 PM

نقاء الروح

12-09-2010, 12:56 AM

النظام اساس اي حاجة كويسة فالعالم ،

و لما غاب النظام عندنا

ظهرت مصر بشكلها الحالي ،
يعني المفروض ندور على النظام ال ضياعناه
حياتنا تكون مرتبة
مش هيصة ،

وتحيا مصر ،