مشاهدة النسخة كاملة : محتارة ما بين الـAmerican System و الـنظام العادى !
Toutaya 09-09-2010, 04:58 AM السلام عليكم ،، إزيكوا جميعا يارب تكونوا بألف خير وكل عام وأنتم طيبين بمناسبة عيد الفطر المبارك
أنا السنة دي مخلصة ثانوية والحمد لله جاتلى طب الإسماعليه وهيا مش أول رغبه عندى بس كتبتها ف الرغبات
خايفه أوى من موضوع إنها مختلفة عن باقيت كليات الطب في مصر !
وحاسه إني ضايعه في وسط الكلام اللى بتقولوا ده في التوبيكات الخاصة بالنظام الأمريكي في طب الإسماعليه
أ
نا بجد حاسه إني مش فاهمة حاجة ..
فمعلش عندي كذا سؤال ليكوا عشان أفهم أكتر ..
بالنسبة للى بيدرسوا النظام العادى اللى موجود في كليات الطب العادية غير الإسماعليه :
هل فعلا النظام قائم على الحفظ ؟
وهل الكلية معتمدة ع الدروس بشكل كبير ؟
وهل الدراسة حاسس إنها بدائية مش مواكبه التعليم اللى بقا موجود برة مصر دلوقتى ؟
ولو خيروك بين كليتك ونظامها وبين نظام التعليم الأمريكي بتاع طب الإسماعليه ( بأمانه ) تختار ايه ؟
بالنسبة للجماعة اللى بيدروسوا في الإسماعليه :
دلوقتى نظام البلوكات اللى بتقولوا عليه ده مش بيلخبط ؟! يعني أقعد أدرس كل حاجة ف نفس الوقت مع بعضها لمشكلة
أرجع تانى أدرس كل حاجة مع بعضها لمشكلة تانية وهكذا ؟ .. طب أنا أزاى هتبقى الأفكار بتاعت كل ماده متسلسله في دماغي
إذا انا باخد منها حتة حتة وبلخبطها ف باقي المواد ؟
تاني حاجة .. ايه مشاكل دي اللى بتقولوا عليها واللى بتقولوا انها نظام دراستكو ؟ أمراض يعني ولا ايه ؟
( معلش هاتوا مثال على مشكلة علشان أفهم )
وإذا انتوا من سنة أولى بتدرسوا مشاكل مشاكل .. أومال فين الأساس اللى المفروض يكون عندكوا الأول
عشان تعرفوا تحلوا المشاكل دي ؟
ولما يكون لكل مشكلة حل اخر وهكذا ده مش بيعقد الموضوع وبيفرعه اكتر مما لو اخدناه ماده ماده زي بقيت الكليات ؟
كمان نظام عدم وجود كتب ! طب أنا أذاكر منين ؟! وهل المصدر الأجنبى ده أنا هفهم فيه من وانا في سنة أولى كده على طول ؟
مش المفروض يبقى فيه سنة إعدادى عشان نتأسس ولا ايه يا جماعه ؟
بأمانة الكلية فيها ميزة ولا التعليم التاني بتاع الكليات اللى في باقي مصر التقليدي أحسن ؟
أنا حقيقي متلخبطة اوى .. أنا متعلمة برة مصر والنظام اللى اتعلمت بيه بردو كان فيه مشاريع وكلام من ده وحجات كتيرة شبه الموضوع ده
بس النظام كان ليه سلبيات بردو
ياريت أفهم الله يرضى عنكوا حد يفهمنى ويجاوب على أسئلتى وشكرا جدا وآسفة على الإطالة وكل عام وانتم بخير :)
stoof 09-09-2010, 02:15 PM أنا زي حضرتك ولسة هدخل سنة أولى طب عين شمس السنة ده النظام العادي وهقول رأيي بدون أي تحيز
هل فعلا النظام قائم على الحفظ ؟
مفيش حاجة اسمها حفظ صم بس ... فيه سكاشن عملي في مشرحة و فيه معمل هستولوجي وبيو كميستري وغيره
كل الطلبة الي جابت امتيازات الي الأكبر مننا جابوها إزاي على ما أعتقد مفيش حاجة اسمها ذكاء أو غباء في الموضوع ده ومفيش حاجة اسمها مبعرفش احفظ .... انا أساسا بكره الحفظ بس كليتنا مش كدة ... وحتى لو هحفظ يبقى هحفظ حاجة فاهمها يبقى كدة مش هتعب أكييد وبالارادة القوة كله هيهون إن شاء الله
وهل الكلية معتمدة ع الدروس بشكل كبير ؟
لو الواحد مننا بدأ المذاكرة من اول يوم إن شاء الله مفيش أي أحتياج .. والموضوع ده راجع للطالب بس لو حضرتي محاضرات الكلية و بدأتي بجد من أول يوووم إن شاء الله مفيش أي احتياج أبدأ للدروس
وهل الدراسة حاسس إنها بدائية مش مواكبه التعليم اللى بقا موجود برة مصر دلوقتى ؟
مفيش حاجة اسمها بدائية ..... كلنا بندرس جسم الانسان .. وعلى ما اعتقد إن جسم الانسان مش هيختلف من دولة لدولة .... لو حضرتك بتقصدي مثلا على طرق الشرح لطلبة أه أكيد في اختلاف بين طرق الشرح و التكنولوجيا المستخدمة للشرح بس برضو ده بيعتمد على امكانيات الكلية يعني لو كانت في العاصمة اكيد هتكون إلى حد ما فيها وسائل شرح حديثة بس مفيش يعني أي عائق يحول دون الطالب و هدفه والي قبلنا بيقولوا كدة
ولو خيروك بين كليتك ونظامها وبين نظام التعليم الأمريكي بتاع طب الإسماعليه ( بأمانه ) تختار ايه ؟
بكل امانة هختار النظام العادي .... وسواء كان النظام عادي أو مش عادي كلنا هنتخرج و هنبقى أطباء إن شاء الله وده راجع للطالب نفسه .....
لو مثلا إنت عندك دلوقتي حرية الاختيار ممكن تصلي استخارة وإن شاء الله تختاري مافيه الخير ......... اما لو مفيش قدامك غير طب اسماعلية يبقى ربنا يوفق حضرتك و طب اسماعلية جميل جدا و الناظم بتاعه حلو ......
ده كان رايي (( وبدون تحيز )) أكيد
ربنا يوفقنا كلنا إن شاء الله وعيد فطر مبارك علينا وعليكم إن شاء الله
Toutaya 09-09-2010, 09:08 PM أنا زي حضرتك ولسة هدخل سنة أولى طب عين شمس السنة ده النظام العادي وهقول رأيي بدون أي تحيز
هل فعلا النظام قائم على الحفظ ؟
مفيش حاجة اسمها حفظ صم بس ... فيه سكاشن عملي في مشرحة و فيه معمل هستولوجي وبيو كميستري وغيره
كل الطلبة الي جابت امتيازات الي الأكبر مننا جابوها إزاي على ما أعتقد مفيش حاجة اسمها ذكاء أو غباء في الموضوع ده ومفيش حاجة اسمها مبعرفش احفظ .... انا أساسا بكره الحفظ بس كليتنا مش كدة ... وحتى لو هحفظ يبقى هحفظ حاجة فاهمها يبقى كدة مش هتعب أكييد وبالارادة القوة كله هيهون إن شاء الله
وهل الكلية معتمدة ع الدروس بشكل كبير ؟
لو الواحد مننا بدأ المذاكرة من اول يوم إن شاء الله مفيش أي أحتياج .. والموضوع ده راجع للطالب بس لو حضرتي محاضرات الكلية و بدأتي بجد من أول يوووم إن شاء الله مفيش أي احتياج أبدأ للدروس
وهل الدراسة حاسس إنها بدائية مش مواكبه التعليم اللى بقا موجود برة مصر دلوقتى ؟
مفيش حاجة اسمها بدائية ..... كلنا بندرس جسم الانسان .. وعلى ما اعتقد إن جسم الانسان مش هيختلف من دولة لدولة .... لو حضرتك بتقصدي مثلا على طرق الشرح لطلبة أه أكيد في اختلاف بين طرق الشرح و التكنولوجيا المستخدمة للشرح بس برضو ده بيعتمد على امكانيات الكلية يعني لو كانت في العاصمة اكيد هتكون إلى حد ما فيها وسائل شرح حديثة بس مفيش يعني أي عائق يحول دون الطالب و هدفه والي قبلنا بيقولوا كدة
ولو خيروك بين كليتك ونظامها وبين نظام التعليم الأمريكي بتاع طب الإسماعليه ( بأمانه ) تختار ايه ؟
بكل امانة هختار النظام العادي .... وسواء كان النظام عادي أو مش عادي كلنا هنتخرج و هنبقى أطباء إن شاء الله وده راجع للطالب نفسه .....
لو مثلا إنت عندك دلوقتي حرية الاختيار ممكن تصلي استخارة وإن شاء الله تختاري مافيه الخير ......... اما لو مفيش قدامك غير طب اسماعلية يبقى ربنا يوفق حضرتك و طب اسماعلية جميل جدا و الناظم بتاعه حلو ......
ده كان رايي (( وبدون تحيز )) أكيد
ربنا يوفقنا كلنا إن شاء الله وعيد فطر مبارك علينا وعليكم إن شاء الله
كل عام وحضرتك بخير وأنا كمان مش مقتنعه بنظام طب الإسماعليه وادعولى احول يارب
وبالتوفيق اللجميع
dr\villa 09-09-2010, 09:17 PM كل عام وحضرتك بخير وأنا كمان مش مقتنعه بنظام طب الإسماعليه وادعولى احول يارب
وبالتوفيق اللجميع
سوري يعني ...سؤال ... وانتي ايه اصلا عشان تقتنعي بنظام طب اسماعيليه ولا ما تقتنعيش ؟؟ !!!
مش انتي شهاده معادله في سنه فراغ ؟؟؟ ولا انا غلطان ؟؟!!:p
Toutaya 09-09-2010, 10:07 PM انا فعلا مش حاجة عشان أقتنع أو مقتنعش
معاك حق اللى عملوا النظام دول أساتذه على عيني وراسي :)
بس أنا متلخبطة من الكلام اللى قاعدين تقولواه عليه
لو سمحت ممكن تجاوبنى على الاسئلة اللى فوق عشان أقتنع طيب ؟!
وعلى فكرة أنا بفتخر إنى شهادة معادلة الإمارات اللى بعتبر التعليم فيها بقا من أحسن التعليم ف الوطن العربي ويكفى ان الاولى السنه دي علمى علوم في مصر كانت زملية دراسة معايا في مدارس الإمارات لحد 3 إعدادى
وحسبي الله ونعم الوكيل في وزير التعليم العالى
اللى تعامل معنا في السنة دي تعامل ظالم ظالم ظالم
فيه فراغ في مصر يقوم ياخد مننا نسبة اقل ليه ؟ ذنبنا ايه بالتخبط في التعليم اللى بقا موجود في مصر وحذفوا سنة ورجعوها ! نتضر احنا ليه وياخد مننا نسبة اقل من كل سنة !
حسبي الله ونعم الوكيل
Dr-Mahmoud Ehab 10-09-2010, 05:57 AM سوري يعني ...سؤال ... وانتي ايه اصلا عشان تقتنعي بنظام طب اسماعيليه ولا ما تقتنعيش ؟؟ !!!
مش انتي شهاده معادله في سنه فراغ ؟؟؟ ولا انا غلطان ؟؟!!:p
يياريت حضرتك تلتزم بآداب الحوار شوية
المرة إلي فاتت جات فيا وقولنا ماشي
وياريت تبطل تعصب عندك معلومات مفيدة إتفضل بإدراجها معندكش يبقي الصمت خير من الكلام
Dr-Mahmoud Ehab 10-09-2010, 06:08 AM وياريت يا طالبة من الإمارات متقتنعيش برأي شخص واحد إذا كنتي قريتي توبيكات مكتوبة عن طب الإسماعيلية
إفتكري انها مكتوبة بواسطة شخص واحد
والإنسان إلي بياخد برأي واحد يبقي إنسان ساذج
مقومات الإعتماد سهلة جدآ لكية فيها 200 طالب
لكن عمرها ما هتكون أفضل من كليات عريقة إنشأت من عقود
بكل المقاييس أستاذة يعني مثلآ انا بيدرسلي استاذ خرج صيادلة عندهم 54 سنة
مستشفي جامعة محترمة تتدربي فيها
بالإضافة لصعوبة الكليات نفسها
سواء القاهرة أسيوط إسكندرية عين شمس أو غيرها من الجامعات المحترمة
مش نظام الدراسة هو العامل
صيدلة إسكندريه و وعين شمس مازالوا نظام قديم أو سنة في علوم
صيدلة بني سويف فيها 200 طالب في الدفعة ونظام حديث مفيهاش علوم
معني كده أني اجري أدخلها
يعني عندك مثلآ النظام الأمريكي أتطبق في طب إسكندرية
من أول دفعة السنة إلي فاتت بس
الدفعات الكبيرة قالت إيه " الحمد لله أننا قلتنا منه ده نظام أسود وصعب "
Mostafa Ahmad 10-09-2010, 06:42 AM سوري يعني ...سؤال ... وانتي ايه اصلا عشان تقتنعي بنظام طب اسماعيليه ولا ما تقتنعيش ؟؟ !!!
كلك ذوق يا دكتور
مش انتي شهاده معادله في سنه فراغ ؟؟؟ ولا انا غلطان ؟؟!!:p
رغم ان الكلام مش ليا
لكن انا كمان سنة فراغ
احب اقولك يا دكتور ان ال اهم من الشهاده والعلم كله الاخلاق
وجدان حنفي 10-09-2010, 07:49 AM سوري يعني ...سؤال ... وانتي ايه اصلا عشان تقتنعي بنظام طب اسماعيليه ولا ما تقتنعيش ؟؟ !!!
مش انتي شهاده معادله في سنه فراغ ؟؟؟ ولا انا غلطان ؟؟!!:p
معلش حضرتك ايه سنة فرااغ دي ؟؟؟؟
اعتقد دي شتيمة ؟؟ او زي ما انت فاكر انها شتيمة
انا ليا الفخر اني في السنة دي لان امتحاناتها كانت صعبة ومع ذلك الحمد لله دخلت كلية طب بردو
وبعدين كل واحد ليه ظروف يا فندم ولازم تقدر دة كويس يعني اغلب الدفعة جات فيها غصب عنها
stoof 10-09-2010, 09:34 AM سوري يعني ...سؤال ... وانتي ايه اصلا عشان تقتنعي بنظام طب اسماعيليه ولا ما تقتنعيش ؟؟ !!!
مش انتي شهاده معادله في سنه فراغ ؟؟؟ ولا انا غلطان ؟؟!!:p
شكرا جزيلا لحضرتك على هذا الاسلوب في التعامل مع الاخرين :redface:
وكلمة سنة فراغ وسام على صدري وعلى صدر كل انسان محترم هنا .... وعلى الأقل ولله الحمد لسنا أغبياء كما عرف عنا و قاموا باهانتنا في جميع صفحات الجرائد ...... وبكل فخر واعتزاز ..بقولهم
انا سنة فراغ والحمد لله دخلت كلية طب وبالتي فلسنا اقل شانا من الذين سبقونا ...... وكلمة
(( سنة فراغ )) ليست وصمة عاااااار ...... ( ايه يعني سنة فراغ مش فاهم )
وعلى رأي الأخ عزت الدقاق .... (( الأهم من الشهادة والعلم كله الأخلاق )) :078111rg3::078111rg3::078111rg3:
Toutaya 10-09-2010, 01:26 PM يقول الله تعالى : " ياأيها الذين آمنوا لايسخر قوم من قوم عسى أن يكونوا خيراً منهم ولانساءٌ من نساءٍ عسى أن يكن خيراً منهن ولاتلمزوا أنفسكم ولاتنابزوا بالألقاب بئس الإسم الفسوق بعد الإيمان ومن لم يتب فأولئك هم الظالمون "
لو سمحتوا بلاش اللي بيحصل هنا .. وبلاش الإستهزاء بالناس
وأنا كاتبه التوبيك لمجرد أسمع آراءكم بما إنكم في طب وأكيد عندكوا خلفية
حصل خير وشكرا على الردود وكل عام وأنتم بخير .
وجدان حنفي 10-09-2010, 01:36 PM انا متأسف جدا يا فندم
انا كنت ناوي اكتب رد بس بصراحة المشاركة دي استفزتني جدا
المهم شوفي يا ستي انا سألت حوالي 12 دكتور متخرج ولسة بيدرس
ومنهم ناس فس اسماعيلية نفسها
قالولي ان النظام العادي والمتهارف علي في كل الجامعات افضل
Toutaya 10-09-2010, 01:45 PM انا متأسف جدا يا فندم
انا كنت ناوي اكتب رد بس بصراحة المشاركة دي استفزتني جدا
المهم شوفي يا ستي انا سألت حوالي 12 دكتور متخرج ولسة بيدرس
ومنهم ناس فس اسماعيلية نفسها
قالولي ان النظام العادي والمتهارف علي في كل الجامعات افضل
حصل خير والله مفيش مشاكل بس اهدوا شوية إحنا ف العيد
أنا كمان حاسة بكده ووالدى قاللى كده فإن شاء الله هحول من الكلية
وشكراً جزيلا على الرد والإفادة ومفيش أسف ولا حاجة حضرتك مغلطتش ومينفعش الاستهزاء بالناس .
Toutaya 10-09-2010, 01:48 PM شكرا للدكتور محمود إيهاب على المشاركة و المعلومات المميزة والإفادة
وشكرا جداً للدكتور stoof على الرد المفصل الكافي
وادعوا لي أحول إلى كلية أخرى
وأسأل الله لكم التوفيق جميعاً .
وجدان حنفي 10-09-2010, 01:57 PM ان شاء الله ربنا يوفقك في التحويل لاي طب اخرى بإذن الله تعالي
ودمتم سالمييييييييييين
stoof 10-09-2010, 02:05 PM شكرا للدكتور محمود إيهاب على المشاركة و المعلومات المميزة والإفادة
وشكرا جداً للدكتور stoof على الرد المفصل الكافي
وادعوا لي أحول إلى كلية أخرى
وأسأل الله لكم التوفيق جميعاً .
لا شكر على واجب يادكتور : ( طالبة من الامارات ) و إن شاء الله ربنا يوفقك وتقدري تحولي للكلية الي حضرتك عايزاها ....
وكل سنة وانتم طيبين
Dr-Mahmoud Ehab 11-09-2010, 06:48 AM تم غلق الموضوع مؤقتآ لحين إتخاذ قرار بشأن تجاوزات ومخالفات
dr\villa
نعتذر لجميع الأعضاء
الأستاذة أم شاهندة 11-09-2010, 12:19 PM تم وقف العضو لمدة شهر لتجاوزه فى طريقة الحوار وتهكمه على أراء الأخوة الأعضاء
وتم إعادة فتح الموضوع فقد يتمكن أحد الأعضاء الكرام من إفادة الطالبة صاحبة الموضوع
وفقكم الله جميعاً
بالتوفيق
ومرحلة جديدة سعيدة عليكم جميعاً
كل عام وأنتم بخير
stoof 11-09-2010, 02:10 PM سنترك للإدارة الرد المناسب
وجدان حنفي 11-09-2010, 02:17 PM ما علينا يا دكتور مصطفى انا بلغت الادارة وان شاء الله هم بيشوفو شغلهم
المهم حاول تجمع معلومات من السايت بتاع عين شمس لاني ملفتش حاجة خالص في سايت القصر العيني
وكمان مش عارف اسجل في السايت بتاعكم لاني لازم اكون في طب عين شمس عشان اسجل
Toutaya 11-09-2010, 03:44 PM يا جماعة أنا تقريباً اللي عملت المشاكل دى ولا ايه ؟
أنا بعتذر للجميع ، وشكرًا جزيلاً للأستاذة أم شاهندة على إتاحة الفرصة لي للاستفادة مرة أخرى
وشكرًا لكل من ساهم في إعطائي معلومة بنيت عليها قراري بالنقل إن شاء الله
والرجاء من الجميع عدم رد الإساءة بالإساءة وجعل الإدارة تتصرف .
وخاصة أن الإساءة وجهت لي وقد تعاملت معها و لم أعرها اهتمامًا .
وشكرًا للجميع
الأستاذة أم شاهندة
Dr
( وجدان حنفى - عزت الدقاق - stoof - Dr-Mahmoud Ehab)
Dr-Mahmoud Ehab 11-09-2010, 03:52 PM تم التعامل مع جميع المخالفات
تم وقف العضو timo mido نهائيآ نظرآ لتطوله علي الإدارة
نعتذر لأعضاء وزوار المجموعة الطبية
كل عام وأنتم بخير
Toutaya 11-09-2010, 05:55 PM وحضرتك بألف خير .. شكراً جزيلا على ما قدمتموه وإلى الأمام دائمًا . :)
أزهار الخريف 11-09-2010, 10:45 PM يا دارس الطب ترجوا أن تنال به *** غير الوظيفة ذكر الناس والجاهَ
عجبا تقلب في الأوراق مجتهدا *** لولا الشهادة ما ذاكرت لولاها
هل ينفع الطب نفسا أسرفت زمنا؟ *** أو يغفر الطب شيئا من خطاياها؟
هلا ابتدرت إلى الرحمن مبتهلا *** تعلوا إلى رتبة ما كنت ترقاها
يا جامع الطب والإيمان في هدف *** أبشر بمكرمة لا بد تلقاها
أنت الطبيب الذي في قلبه أمل *** في فنه حذق في علمه ضاهى
ما طأطأ الرأس يوما عند ممتحن *** أو غادر الفحص قبل الوقت إكراها
ياريت تعجبكم الابيات
أزهار الخريف 11-09-2010, 10:46 PM شكرا للادارة ع موقفها الصارم يمكن اللى حصلهم ده بدعوة منى لانهم هما الاتنين عقدونى من المنتدى
stoof 11-09-2010, 10:48 PM يا دارس الطب ترجوا أن تنال به *** غير الوظيفة ذكر الناس والجاهَ
عجبا تقلب في الأوراق مجتهدا *** لولا الشهادة ما ذاكرت لولاها
هل ينفع الطب نفسا أسرفت زمنا؟ *** أو يغفر الطب شيئا من خطاياها؟
هلا ابتدرت إلى الرحمن مبتهلا *** تعلوا إلى رتبة ما كنت ترقاها
يا جامع الطب والإيمان في هدف *** أبشر بمكرمة لا بد تلقاها
أنت الطبيب الذي في قلبه أمل *** في فنه حذق في علمه ضاهى
ما طأطأ الرأس يوما عند ممتحن *** أو غادر الفحص قبل الوقت إكراها
ياريت تعجبكم الابيات
أبيات غاية في الروعة :022yb4::022yb4::022yb4: ... بارك الله فيكي
أسمحيلي سآخذ بيت من هذه الأبيات وسأضعه في توقيعي :excl:
وجدان حنفي 12-09-2010, 05:48 AM المشاركة الأصلية كتبت بواسطة سياتى الضياء
يا دارس الطب ترجوا أن تنال به *** غير الوظيفة ذكر الناس والجاهَ
عجبا تقلب في الأوراق مجتهدا *** لولا الشهادة ما ذاكرت لولاها
هل ينفع الطب نفسا أسرفت زمنا؟ *** أو يغفر الطب شيئا من خطاياها؟
هلا ابتدرت إلى الرحمن مبتهلا *** تعلوا إلى رتبة ما كنت ترقاها
يا جامع الطب والإيمان في هدف *** أبشر بمكرمة لا بد تلقاها
أنت الطبيب الذي في قلبه أمل *** في فنه حذق في علمه ضاهى
ما طأطأ الرأس يوما عند ممتحن *** أو غادر الفحص قبل الوقت إكراها
ياريت تعجبكم الابيات
بجد ابيات جميلة والله
بس حسيت اني اخدت في نفسي مقلب بعد ما قريتها
بس بردو هظل في عيون بابا (والله بحبه اوي -ادعوله بطولة العمر-) الواد وجدان ومهما كان انا اللي هنزل اجيب الفطار وانا اللي هنزل اشتري الخضار
|