بسم الله الرحمن الرحيم
تسهيلا للجميع اقدم خطوات التحويل اللى اتبعها طلاب الشهادات المعادله العام الماضى واللى ان شاء الله مش هتختلف كتير عن السنادى بس الجديد ان التحويل بقى للكليات المناظرة فقط كما تم التصريح به فى موقع التنسيق وربنا يوفق الجميع.

أولا: تحويل من كلية الى كلية مناظرة:

{لا يشترط بلوغ الحد الأدنى }

يعني طالما انت جبت مجموع الكلية تقدر تحول من الكلية اللي ترشحت فيها الى أي كلية زيها في مصر

مثال:

لو جبت هندسة قنا ( 393.54875 ) وعاوز تحول لهندسة طنطا ( 399.2375 )

مفيش أي مشاكل عادي جدا


ثانيا: متطلبات التحويل:

1- بطاقة الترشيح ( اللي طبعتها من النت )

2- صورة البطاقة الشخصية أو صورة من الجواز

3- صورة ايصال مكتب التنسيق ( اللي مكتوب فيها المجموع الاعتباري )

4- مبلغ 1000 جنيه

ثالثا: خطوات التحويل ( للكليات المناظرة فقط ):

التحويل عند مكتب التنسيق اللي موجود في المدينة الجامعية بجامعة القاهرة بالجيزة

1- اذهب الى مبنى رقم 2 ( مش مبنى رقم 9 كالعادة انت هتروحه بس بعدين ) .

2- هتصف حضرتك طابور وتستنى دورك وهيطلب منك بطاقة الترشيح ومبلغ 1000 جنيه .

3- هيديك ورقة تملي بياناتها ( المجموع الاعتباري, الاسم , نوع الشهادة......الخ )

ومن البيانات هتلاقي 3 رغبات فقط للتحويل ولازم تختار كويس على حسب طبعا مجموعك

( طبعا هوا ينفع أي كلية مناظرة انت عايزها بس انا قصدي الواحد يستغل ال3 رغبات بحكمة

عشان يقدر يجيب اللي عايزه ان شاء الله, لأنك لازم تحط في الاعتبار انك مش انت الوحيد اللي

في البلد فيه ناس كتير عايزه تحول وفرص التحويل اذا كانت هتيجي ولا لا مبنية على عدد المحولين

للكلية اللي انت عايزها ومجاميعهم وكمان عدد الأماكن الشاغرة ) .

4- تروح مبنى رقم 9 عشان تسلملهم الأوراق ( صورة من البطاقة أو الجواز, ورقة طلب التحويل,

صورة من ايصال مكتب التنسيق ) .

رابعا: مبروك عليك التحويل!!!!!!!!!!!!!!!!!!!!! وبالقبول ان شاء الله

منقوووووووووووووول

شكراً لحضرتك


وتم وضع المشاركة فى موضوع خاص لسهولة الوصول لها



ونتمنى أن يتم فتح باب التنسيق عن طريق النت


وهذا سيسهل الخطوات نظراً لضيق الوقت


وسنتابع معكم الأخبار أولاً بأول

سواء هنا فى القسم أو فى قسم أبناؤنا فى الخارج





بالتوفيق

كل عام وحضرتك بخير يا استاذه(ام شاهنده)والامه الاسلاميه والعربيه كلها بخير وسلام ويارب مشاركات الاعضاء كلها تبقى فى ميزان حسناتهم وتعم الفائدة للجميع.اللهم امين

طيب
هل تعتبر هندسة اسكندرية كلية مناظرة لهندسة بترول وتعدين السويس ولا لأ؟؟

لا
هندسة البترول والتعدين هى كلية واحدة لا نظير لها

سؤال يا جماعة معلش :

أنا تم قبولي في طب الإسماعلية هل ممكن أحول منه ؟

أصل سمعت ان طب الإسماعليه كلية غير مناظرة لإي كليات طب مصر !

انا حاسبات ومعلومات اسماعيلية ممكن احول حاسبات حلوان او القاهرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بلييييييز حد يرد عليا

السلام عليكم
يا جماعة انا تقريبا فهمت ازاى هيكون التحويل عالنت
بما ان احنا مغتربين لازم يطلعو عين اهلنا فى الفلوس
وهياخدو منا الفلوس هياخدوها !!
يعنى هيعملو نفس اللى عملو فى التنسيق ...هتشترى استمارة التحويل بالف جنية
وترجع بيتكم ...تسجل عالنت رغباتك ...وترجع تانى تروحلهم ..بعد ما تطبع الورقة
وبعدها بكام يوم تفضل قاعد قدام الشاشة ليل نهار لمدة 3 ايام على ما تطلع نتيجة التحويل عالنت
بصراحة دا تفسيرى للتحويل عالنت !!
حد عنده تفسير تانى؟؟

معنديش غير حسبي الله ونعم الوكيل ف اللى عمل فينا كده ؟!
طالعه من الأوائل على شهادتى ومش عارفة أروح أول رغبة ؟!!!

والله مش هسامح اللى عمل فينا كده !!

سؤال يا جماعة معلش :

أنا تم قبولي في طب الإسماعلية هل ممكن أحول منه ؟

أصل سمعت ان طب الإسماعليه كلية غير مناظرة لإي كليات طب مصر !
هو فعلا طب الاسماعليه من الكليات التى ليس لها نظير وهذه قائمه بهه الكليات:
1. كلية الطب بالإسماعيلية.
2. كلية الهندسة الإلكترونية بمنوف.
3. كلية البترول والتعدين بالسويس.
4. المعهد العالي للتكنولوجيا ببنها.
5. المعهد العالي للطاقة بأسوان.

وللمزيد من المعلومات فى هذا الرابط
http://www.tansik.egypt.gov.eg/application/Dalel/14.htm

ويجب على كل الطلبه توخى الحذر حتى لا تضيع مصاريف التحويل عليهم وممكن تسألى فى مكتب التنسيق .وربنا يوفقك

انا حاسبات ومعلومات اسماعيلية ممكن احول حاسبات حلوان او القاهرة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بلييييييز حد يرد عليا
ايوة ينفع طالما كليه مناظرة وبالتوفيق يا بشمهندس

شكرا جدا على الإفادة والله المستعان :(

بس يا جماعة الكلام ده جاي في دليل الطالب بتاع المصريين في مصر مش الشهادات المعادلة ولا ايه ؟

السلام عليكم
يا جماعة انا تقريبا فهمت ازاى هيكون التحويل عالنت
بما ان احنا مغتربين لازم يطلعو عين اهلنا فى الفلوس
وهياخدو منا الفلوس هياخدوها !!
يعنى هيعملو نفس اللى عملو فى التنسيق ...هتشترى استمارة التحويل بالف جنية
وترجع بيتكم ...تسجل عالنت رغباتك ...وترجع تانى تروحلهم ..بعد ما تطبع الورقة
وبعدها بكام يوم تفضل قاعد قدام الشاشة ليل نهار لمدة 3 ايام على ما تطلع نتيجة التحويل عالنت
بصراحة دا تفسيرى للتحويل عالنت !!
حد عنده تفسير تانى؟؟
.....عمار يا مصر والله

معلش عندي استفسار هو التحويل بتاع الكليات المناظرة دا للمغتربين كمان عادي؟
يعني مش هيقوقو نستنى اول سنه عشان نحول لمحافظه تانيه ؟؟

انا مثلا صاحبتي جالها علوم حلوان وعاوزة تحول علوم طنطا ينفع ؟؟؟؟ جاوبوني بليييز
وهل التحويل ليه وقت محدد وينتهي ولا مفتوح وقدامو وقت ؟؟؟

معلش عندي استفسار هو التحويل بتاع الكليات المناظرة دا للمغتربين كمان عادي؟
يعني مش هيقوقو نستنى اول سنه عشان نحول لمحافظه تانيه ؟؟

انا مثلا صاحبتي جالها علوم حلوان وعاوزة تحول علوم طنطا ينفع ؟؟؟؟ جاوبوني بليييز
وهل التحويل ليه وقت محدد وينتهي ولا مفتوح وقدامو وقت ؟؟؟
ينفع تحول لعلوم طنطا من غير اى مشاكل خالص والتحويل هيبدأ من يوم الثلاثاء القادم ولمدة اربعة ايام فى مكتب التنسيق الرئيسى بالقاهرة وكانت مصاريف التحويل العام الماضى1000جنيه

يا جمااااعة محدش عندو اخبار عن التحويل لكلية غير مناظرة هيكون متاح السنادي ولا لاءة ؟؟؟؟ انا جالي طب بيطري وعايزة احول علوووووووم .. بليييييييييييز يا جماعة لو حد عندو اي خبر عن الموضوع ده ياريت يقووووول .. انا بجد الموضوع ده مأزمني جامد ولحد دلوقتي مفيش اخبار عن التحويل لكليات غير مناظرة خالص ..


وكمان عايزة حد يفهمني الخبر ده :

وقال «عبد الحميد سلامة» وكيل أول وزارة التعليم العالي، والمشرف العام على التنسيق، إن الغرض الأساسي من التحويلات تقليل اغتراب الطالب بعد ترشحه عن طريق مكتب التنسيق، وليس تعديل الترشح أو إعادة التنسيق مرة أخري


قصدهم ايه ب ( ليس تعديل الترشيخ او اعادة التنسيق مرة اخرى ) ده معناه ان الكليات الغير مناظرة اتلغت ولا ايه ؟؟ ولا هم بيقولو كده على حوار تقليل الاغتراب بس

انا عايزة اعرف هى نتيجة التحويل هتظهر بعد كام يوم من انتهائه ؟؟

انا عايزة اعرف هى نتيجة التحويل هتظهر بعد كام يوم من انتهائه ؟؟
بتبقى بعد حوالى عشرة ايام من التقديم وحاولى تكتبى فى البيانات اللى فى استمارة التحويل العنوان اللى انتى مقيمه فيه سواء كان شبه اللى بطاقتك الشخصيه والا لا علشان بيبعتوا جواب بالترشيح للكليه الجديده فحاولى العنوان يكون مظبو ط علشان الجواب يوصلك وبالتوفيق ان شاء الله.

ينفع تحول لعلوم طنطا من غير اى مشاكل خالص والتحويل هيبدأ من يوم الثلاثاء القادم ولمدة اربعة ايام فى مكتب التنسيق الرئيسى بالقاهرة وكانت مصاريف التحويل العام الماضى1000جنيه




شكرا ع الرد افدتني جدا :):078111rg3:

سؤال يا جماعة معلش :

أنا تم قبولي في طب الإسماعلية هل ممكن أحول منه ؟

أصل سمعت ان طب الإسماعليه كلية غير مناظرة لإي كليات طب مصر !


السلام عليكم و رحمة الله و بركاته
بخصوص موضوع طب الاسماعيليه و التحويل منها لا تقلقى ابدا لان العام الماضى كان لى اتنين من اصدقائى جالهم طب الاسماعيليه و كانوا يريدون طب القاهره و لكنهم كانوا لا يعلمون ان نظام الدراسه مختلف بها و قرأوا موضوع ان طب الاسماعيليه انه تحويل غير مناظر و لكنهم قدموا فى التحويل و دفعوا 1000 جنيه و تم التحويل عااااااادى جدا زى اى حد تانى محول تحويل مناظر و حولوا الى طب القاهره :)
لا تخافى انا متأكد 100 فى 100 ان شاء الله انه سيتم تحويلك الى طب المنصوره ان شاء الله

و بالنسبه تحويل الكليات المناظرة السنه اللى فاتت تم قبول جميع التحويلات

معليشي ياجماعة انا جالي هندسة اسيوط وانا مبحبش الهندسة اصلا وانا عايشة في المنصورة ينفع احول ولا بردوا ملهاش كلية متناظرة؟

وانا جبت 93 وجالي تربية رياضة عين شمس
هههههههههههههههههههههههههههههه
ايه الظلم ده يعني اللي هنا جايب 88 دخل هندسة وانا اجيب 93 وادخل تربية :(

معليشي ياجماعة انا جالي هندسة اسيوط وانا مبحبش الهندسة اصلا وانا عايشة في المنصورة ينفع احول ولا بردوا ملهاش كلية متناظرة؟
ينفع تحولى من هندسة اسيوط لاى كلية هندسه تانيه (تحويل مناظر) ودا اكيد مقبول اما لو عايزة تحولى لكليه اخرى خالص(تحويل غير مناظر) زى علوم مثلا دا ممكن ميتقبلش. بس كلية الهندسه جميله جدا ممكن تدخلى اتصالات او حاسبات ومع الوقت بتندمجى مع الكليه وبتتأقلمى عليها. وربنا يوفقك

السلام عليكم...

الإيصال الذي استلمته من مكتب التنسيق لا يوجد به المجموع الاعتباري، و أنا بصراحة لا أعرفه يقيناً؛ لأنه ظهر لي على الموقع بعد تسجيل البيانات مغايراً للمجموع الذي قمت بحسابه بنفسي وفقاً لقواعد هذا العام، فماذا أفعل؟

السلام عليكم...

الإيصال الذي استلمته من مكتب التنسيق لا يوجد به المجموع الاعتباري، و أنا بصراحة لا أعرفه يقيناً؛ لأنه ظهر لي على الموقع بعد تسجيل البيانات مغايراً للمجموع الذي قمت بحسابه بنفسي وفقاً لقواعد هذا العام، فماذا أفعل؟ مش مشكله المجموع الاعتبارى يكون مكتوب على الوصل اهم حاجه علشان تحول ان الوصل يكون معاك علشان بيبقى مكتوب عليه رقم الملف بتاعك ويكون معاك بطاقة الترشيح من على النت والمجموع اللى بيتحسب على النت من خلال تسجيلك انت لدرجات المواد اللى انت دخلتها بنفسك وبيتحسب اتوماتيك اهم حاجه تكون دخلت بياناتك صح

مش مشكله المجموع الاعتبارى يكون مكتوب على الوصل اهم حاجه علشان تحول ان الوصل يكون معاك علشان بيبقى مكتوب عليه رقم الملف بتاعك

لديّ الإيصال مطبوعاً عليه عدداً خماسياً باللون الأحمر.

ويكون معاك بطاقة الترشيح من على النت والمجموع اللى بيتحسب على النت من خلال تسجيلك انت لدرجات المواد اللى انت دخلتها بنفسك وبيتحسب اتوماتيك اهم حاجه تكون دخلت بياناتك صح

المشكلة هي أني لا أعرف كيفية استخراج المجموع الاعتباري من الإنترنت، كما أنني لست متأكداً منه.

أذكر أنني سمعت من زملائي في مكتب التنسيق أن الموقع الإلكتروني يختصم 30% من المجموع الاعتباري لاختبار القدرات العامة، و هو ما يتناقض مع ما ذُكر في الدليل المرفق مع المظروف، و التصريحات المنشورة في الصحف، و التي تعطي اختبار القدرات 40%!

لكنني أعتقد بعدم صحة ما قاله زملائي؛ فوفقاً له، من المفترض أن يتم ترشيحي لكلية طب أسنان المنصورة أو القاهرة، و هو ما لم يحدث!


أرجو الإفادة، و شكراً لردك و اهتمامك.

لديّ الإيصال مطبوعاً عليه عدداً خماسياً باللون الأحمر.



المشكلة هي أني لا أعرف كيفية استخراج المجموع الاعتباري من الإنترنت، كما أنني لست متأكداً منه.

أذكر أنني سمعت من زملائي في مكتب التنسيق أن الموقع الإلكتروني يختصم 30% من المجموع الاعتباري لاختبار القدرات العامة، و هو ما يتناقض مع ما ذُكر في الدليل المرفق مع المظروف، و التصريحات المنشورة في الصحف، و التي تعطي اختبار القدرات 40%!

لكنني أعتقد بعدم صحة ما قاله زملائي؛ فوفقاً له، من المفترض أن يتم ترشيحي لكلية طب أسنان المنصورة أو القاهرة، و هو ما لم يحدث!


أرجو الإفادة، و شكراً لردك و اهتمامك.انا عايز بس اعرف انت اترشحت لكلية ايه

انا عايز بس اعرف انت اترشحت لكلية ايه

طب الإسكندرية، و أريد التحويل لطب المنصورة.

طب الإسكندرية، و أريد التحويل لطب المنصورة.i
ماشى الحال هتقدم ان شاء الله التحويل وهو هيبدأ يوم الثلا ثاء وان شاء الله هيتقبل لانه تحويل مناظر واحضر من اول يوم فى طب المنصورة والف مبروك يا دكتور

من الامور المهمه اللى احب ان اذكر اخوانى بها (الراغبين فى التحويل) انه لو كان التحويل ورقى فى مكتب التنسيق فبعد دفع مصروفات التحويل سيتم اعطائكم استماره فرجاء التأكد من كل البيانات التى سيتم كتابتها وخصوصا عنوان الاقامه الذى لابد ان يكتب بالتفصيل وان يكون فعلا هو المكان الذى يقيم به الطالب داخل مصر حتى لاتحدث مشاكل فى استلام خطاب التحويل لانه سيعتبر بمثابة بطاقة ترشيح جديدة للكليه الجديده وهو مهم جدا جدا جدا لانه موجه لاكثر من جهه_ للجامعه التابع لهاالكليه الجديده والجامعه التابع لها الكليه التى تم التحويل منها .





وهذا مضمون جواب التحويل الذى ارسل للطلاب الراغبون فى التحويل بعد قبول تحويلهم العام الماضى .

اسم الطالب : ....................
الشهادة الحاصل عليها : .......................
سنة التخرج :...................
المجموع الاعتباري : .................
الدولة : ...............................
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
السيد الأستاذ / أمين جامعة : .....................
كلية : .....................
تحية طيبة وبعد ،
أنهى إلى سيادتكم بأن الطالب الموضح بياناته بعاليه قد سبق ترشيحه هذا العام 2009 للقبول بكلية : ........... جامعة : .............. وبناءا على الالتماس المقدم من الطالب فقد تقرر تعديل ترشيحه إلى كلية : ............ جامعة : ................ حيث يوجد مكان شاغر ومجموع الطالب الاعتباري يؤهله للقبول بالكلية .
برجاء التكرم بالتنبيه بإضافة اسم الطالب إلى قوائم أسماء الطلاب المرشحين للقبول بالكلية هذا العام 2009 ضمن هذه الفئة وطلب ملف أوراقه من كلية : ............ جامعة : ................ واستكمال باقي إجراءات قيده .
وتفضلوا بقبول فائق الاحترام
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ
السيد الأستاذ / أمين جامعة : ..................
كلية : ...........................
تحية طيبة وبعد ،
المسطر بعاليه صورة ما أرسل للسيد الأستاذ أمين جامعة : ................. كلية : .............. بشأن الطالب الموضح بياناته بعاليه
برجاء التكرم بالتنبيه بشطب اسم الطالب من قوائم أسماء الطلاب المرشحين للقبول بالكلية هذا العام 2009 وإرسال ملف أوراقه إلى كلية .............. جامعة ....................
على ألا يشغل هذا المكان إلا عن طريق المكتب
وتفضلوا بقبول فائق الاحترام
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــ
صورة مبلغة إلى : مراقب عام شؤون التعليم والطلاب جامعة : ........................
صورة مبلغة إلى : مراقب عام شوؤن التعليم والطلاب جامعة : ........................
صورة مبلغة إلى : ولى أمر الطالب / ........................
العنوان : ..................................

موضوع بالفعل هام جدا شكراً لك أخي الفاضل
وجاري التحضير لملء هذه البيانات ولكن هل هذا يعني أنه بالضرورة الذهاب إلى الكلية التى سيتم التحويل منها إن شاء الله ؟

( طالبة من الإمارات ) سابقًا .

موضوع بالفعل هام جدا شكراً لك أخي الفاضل
وجاري التحضير لملء هذه البيانات ولكن هل هذا يعني أنه بالضرورة الذهاب إلى الكلية التى سيتم التحويل منها إن شاء الله ؟

( طالبة من الإمارات ) سابقًا .
لا يا دكتورة .دة صورة من الجواب اللى هيوصلك ان شاء الله لما يتقبل تحويلك

الجواب لما يجى وتستلميه اذهبى به لادارة الجامعه التابع لها الكليه الجديده فقط لتدفعى من خلاله المصاريف الخاصه بالجامعه وكانت السنه اللى فاتت حوالى3000جنيه وهيدوكى وصل بتحافظى عليه ولما بتدفعى المصاريف ده بيبعتوا الكليه الجديده كشف بأسماء الطلبه المحولين والكليه الاولى بتبعت الملفات مباشرة للجامعه الجديده

يا جماعة دلوقتي مجموعي الاعتباري (اللي انا حسبته لانه مش ظاهر الوصل او في اي مكان) يأهلني لكلية حاسبات ومعلومات اسيوط وانا الرغبة محطوطة قبل فنون تطبيقية (اللي جاتلي) ليه ما جتليش حاسبات ؟
وهل ينفع احول لحاسبات اسيوط وبعدين لحاسبات القاهرة ؟

يا جماعة دلوقتي مجموعي الاعتباري (اللي انا حسبته لانه مش ظاهر الوصل او في اي مكان) يأهلني لكلية حاسبات ومعلومات اسيوط وانا الرغبة محطوطة قبل فنون تطبيقية (اللي جاتلي) ليه ما جتليش حاسبات ؟
وهل ينفع احول لحاسبات اسيوط وبعدين لحاسبات القاهرة ؟
لو انت متأكد من حساب المجموع الاعتبارى بتاعك ومن ترتيب رغباتك راجع مكتب التنسيق قبل ما تدخل فى اجراءات التحويل لان تحويلك هيبقى غير مناظر وممكن ميتقبلش وتضيع عليك مصاريف التحويل

طب معلش سؤال انا من اسكندريه لازم اروح مكتب تنسيق القاهره