السلام عليكم يا زملائي الاعزاء في كليات الصيدلة في جميع انحاء الجمهورية الحبيبة وخصوصا صيدلة المنصورة:022yb4:

ياريت تقبلوني زميل لكم بقى في الدراسة وتستحملوني 5 سنين كاملة ان شاء الله:d


ياريت بقى معلومات كاملة ومحدش يبخل عني بأي حاجة

انا عاوز اعرف كل حاجة عن صيدلة من اول ما ادخل لكد ما اخد البكالريوس بإذن الله وعاوز اعرف ايه هي الكلينكل فارمسي
وعشان افتح صيدلية ان شاء الله ايه المطلوب مني ؟؟
والمجلات التانية للصيادلة بردو ياريت اعرف ازاي اوصلها

وايه هي احسن حاجة من وجهة نظركم في مجال الصيدلة

والحاجات مثلا اللي انا مش عارفها ومعرفتش اكتبها في مقدمتي التقيلة والرخمة الغلسة دي

مستني ردودكم يا كاترة

تحياتي

ايه ده انت داخل علينا جامد اوي ليه كده

علي العموم اهلا بيك يا دكتور زميل في كلية الصيدلة وان شاء الله ربنا يقدرني واقولك نبذه مبسطه عن دراستنا طول خمس سنين

اولا اقسام الكليه 8 اقسام

1- قسم الكيمياء الحيوية Biochemistry
2- قسم الصيدلانيات والصيدلة الصناعية Pharmaceutics and Industrial Pharmacy
3- قسم الكيمياء الصيدلية Pharmaceutical Chemistry
4- قسم الكيمياء التحليلية Analytical Chemistry
5- قسم الكيمياء العضوية Organic Chemistry
6- قسم العقاقير Phamacognosy
7- قسم علم الأدوية والسموم Pharmacology
8- قسم الميكروبيولوجى Microbiology

طول الدراسه في الكلية هتعدي علي الاقسام دي

قسم الكمياء الحيويه هتدرس فيه بعد اول سنتين وتبتدي تدري الفيتامينات الدهون الكربوهيدرات الخليه ومكونتها ....الخ

قسم الصيدلانيات ده القسم اللي هتبتدي تحس من خلاله ان صيدلي فعلا
لانك هتحضر في العملي بتاعه مركبات صيدليه زي اللي بتشوفها في السوق بمختلف اشكلها وهتدرس زوبانيه المواد دي وازاي ممكن تاثر علي بعضها واي تفاعلاتها في الجسم والقسم ده معاك من اول سنه لاخر سنه

قسم الكمياء الصيدليه هتدرس فيه بعد اول سنتين
وهو قسم لذيذ ودراسته سهله عباره عن تصميم الادويه عن طريق برامج الكمبيوتر ازاي تصمم دوا يشتغل علي مرض معين وتاثير الادويه دي علي الجسم وتاثير الجسم عليها

قسم الكيمياء التحليلية هتدرس فيه كيمياء قريبه نسبيا من الثانوي زي الانيون والكاتوين وتحليل المواد في جهاز NMR وفصل المواد الكميائيه من بعضها والتعرف عليها

قسم العقاقير قسم هتشبع دراسه فيه من يوم ما تدخل ليوم ما تخلص
هتدرس كل ما يتعلق بالنبات من المواد الفعاله اللي موجوده فيه وازاي تفصلها
واستحدماته واضراره

قسم علم الأدوية والسموم تاني قسم هتحس من خلاله انك صيدلي
وهتدرس فيه بعد اول سنتين علم الفارما او الادويه ازاي بتدخل الجسم ازاي بتتفاعل داخل الجسم ازاي بتادي تاثيرها لحد ما تخرج من الجسم تاني


قسم الميكروبيولوجى قسم الديدان بمعني اصح هتدرس فيه كل حاجه عن الميكروبات والفيروسات والفطريات والمضادات الحيويه ...الخ


ده وصف بسيط جدااا لدراستنا طول الخمس سنوات



شروط ترخيص صيدلية

1 - أن لا تقل المسافة بين المكان المراد ترخيصه و أقرب صيدلية عن 100 متر في أى اتجاه يعني مش لازم في نفس الشارع بل في أي اتجاه حتى لو كانت في شارع تاني.
2- الاشتراطات الصحية المطلوبة
ا- ان لا تقل المساحة عن 25 م2 بعد خصم البروزات ( الأعمدة و الفواصل).
ب- ان لا يقل الإرتفاع عن 2.7 م لكامل مساحة الصيدلية يعنى لو فيه صندرة مثلا لازم يكون الارتفاع تحتها لا يقل عن 2.7 م
ج - أن يكون المكان مرتفعا عن مستوى الشارع أو الأرض المجاورة ( المحلات الملاصقة أو الرصيف)
د- أن لا تقل التهوية ( الأبواب والشبابيك) عن 1/6 المساحة يعنى لو المساحة 30 م2 يبقى التهوية المطلوبة 5 م2 يعنى لو فيه باب 2 فى 3 يفي بالغرض
هـ - توافر مصدر للمياة مع وجود حوض ستانلس او حوض صينى + رخامة بجواره مع عمل مرايا ( جزء اعلى الحوض والرخامة ) بالسيراميك بارتفاع 60 سم
و- بالاضافة طبعا للبلاط و الدهان و التشطيب
المستندات المطلوبة
ا- مستندات ترسل بالبريد السريع ( لحجز المكان أو قيد الطلب)
طلب ترخيص يسحب من المديرية
إيصال سداد رسم النظر ( حوالة بريدية بخمسة جنيهات باسم إدارة الصيدلة مديرية الشئون الصحية ب( محافظة)
صورة من شهادة الميلاد.

صورة من بطاقة تحقيق الشخصية.

صحيفة حالة جنائية.

رسم اهندسي معتمد من مهندس نقابى من 3 صور موضح به مسقط للموقع العام و مسقط أفقى و يبين عليه مسار أعمال الصرف الصحي
ب- مستندات تستوفي لاحقا باليد

صورة من مزاولة المهنة

شهادة الإدارة المركزية عن الملكية + شهادة الإدارة المركزية عن العمل بالحكومة بغرض فتح صيدلية بمحافظة ...................

شهادة قيد لفتح صيدلية من النقابة العامة بعد الحصول على موافقة النقابة الفرعية.

صورة من عقد الإيجار الموثق بمحضر تصديق و الأصل للإطلاع.



كما تزود المؤسسات الصيدلية بآلاتي

3 دفتر صيدلية من الفجالة أو من النقابة لو متوفر

قانون الصيدلة

4 أختام كالتالى

ختم يحمل " اسم الصيدلية وعنوانها "

ختم يحمل" اسم الصيدلية سموم"

ختم يحمل" اسم الصيدلية مخدرات"

ختم يحمل" اسم الصيدلية أدوية تالفة"

ثلاجة

طفاية حريق لا تقل عن 6 كجم

دستور الأدوية



الدمغات المطلوبة

عدد 6 تمغة فئة واحد جنية

عدد 9 تمغة فئة تسعون قرشا

عدد 11 تنمية موارد فئة عشرة قروش

عدد 3 مهن هندسية فئة واحد جنية

- دمغة مهن طبية من إدارة الصيدلة لكل صفحة من صفحات الدفاتر كالتالى

دفتر قيد التذاكر كل صفحة ب 25 قرشا

دفتر قيد السموم كل صفحة ب 50 قرشا

دفتر قيد المخدرات كل صفحة بواحد جنية

دوسية لحفظ الأوراق





بالنسبه لمجالات عمل الصيدله الاخري في موضوع في القسم ممكن تقراه وهتعرف

اما ايه افضل مجال محدش يقدر يفيدك لازم تقرر وتقتنع بنفسك

في ناس بتحب تقف في الصيدليات وفي بيحبو مجال التدريس في الجامعه وفي بيحبو مجال التسويق .. الخ

الف شكر يا دكتور Dr.Atropine (http://www.thanwya.com/vb/member.php?u=297283)
معلش انا متحس اوي فعشان كده دخلت سخن

عالعموم ربنا يوفقك يا دكتور

معلوماات جميلة

الف شكر

اقبلوني كمان زميلة جديدة ليكم

معلوماات جميلة

الف شكر

اقبلوني كمان زميلة جديدة ليكم


اهلا بيكي معانا يا اسراء :022yb4:

نورتي المنتدى والموضوع

يا دكتور Dr.Atropine (http://www.thanwya.com/vb/member.php?u=297283)

انا اقصد عشان افتح صيدلية ؟؟؟ في دبلومة ماجستير اي حاجة كده بعملها ولا بفتتح اول ما اخلص

انا كمان معاكم ،:022yb4:

و شكرا للدكتور عالمعلومات المفيدة ،

وربنا يوفقنا كلنا ،

اهلا بيكي معانا يا اسراء :022yb4:

نورتي المنتدى والموضوع

اهلا بحضرتك

ربنا يكرمك ..

يا دكتور dr.atropine (http://www.thanwya.com/vb/member.php?u=297283)

انا اقصد عشان افتح صيدلية ؟؟؟ في دبلومة ماجستير اي حاجة كده بعملها ولا بفتتح اول ما اخلص


لاء خالص مفيش ولا دبلومه ولا اي حاجه بس بتفضل سنه بعد التخرج علشان تقدر تاخد الترخيص
وتقدر تاخد ترخيص بصيدليتين صاحب وواحد مدير
بس شد حيلك انت وخلص
واي سؤال انا تحت امرك

لاء خالص مفيش ولا دبلومه ولا اي حاجه بس بتفضل سنه بعد التخرج علشان تقدر تاخد الترخيص
وتقدر تاخد ترخيص بصيدليتين صاحب وواحد مدير
بس شد حيلك انت وخلص
واي سؤال انا تحت امرك


اها ربنا يكرمك يا دكتور طب بالنسبه بقى للصيدلة الاكلينكية نظامها ايه ؟؟؟
معلش استحملني هتعبك معايا

انا كمان عاايزة اعرف الصيدلة الاكلنيكية دي ايه مميزاتها و موجودة فين ؟

وكمان لو عاايزة اشتغل في تحضير الادوية ايه المفروض اعمله هل نكمل درااسة يعني بعد الجامعة ونعمل ماجستير ودكتوراة وكده ؟

اها ربنا يكرمك يا دكتور طب بالنسبه بقى للصيدلة الاكلينكية نظامها ايه ؟؟؟

معلش استحملني هتعبك معايا




صيدلة الإكلينيكية هي تحقيق أفضل أستفادة من أحد أعضاء الفريق الطبي و هو الصيدلي لخدمة الفريق و لمصلحة المريض في النهاية.
و هي تهدف إلي تطوير دور الصيدلي من مجرد صرف الأدوية إلي التدخل الفعال و الإيجابي في العملية العلاجية من أجل الوصول إلي أفضل نتائج علاجية.
يوميات صيدلي في إحدي المستشفيات تكشف لنا الكثير عن الواقع المعاش و تفتح الباب أما المجالات المتعددة لتغييره..
يوم عمل عادي جداً...
يدخل الصيدلي إلي المستشفي صباحاً في الثامنة و النصف تماماً( و هو نهاية ميعاد التوقيع) ليكون آخر من يوقع في كشف الحضور ( باعتباره أهم ما يحرص عليه الموظف الحكومي).
ثم يتوجه إلي الصيدلية و يبدأ في الأستعداد لصرف الدواء للمرضي الذين يتزاحمون علي شباك الصيدلية لتلقي العلاج الذي وصفه الطبيب( و بالطبع لا يتسع وقت الصيدلي لأكثر من مناولة الدواء للمريض و أن يتمني له الشفاء).
و يظل علي هذا الحال حتي ينتهي تزاحم المرضي و بعد ذلك يقوم بمراجعة العهدة و التأكد من سلامة الأرقام في الدفاتر ثم يقوم بتحضير الطلبيات التي يحتاج إليها من النواقص. آملاً أن يذهب إلي مستودعات الأدوية في الغد لصرف الطلبيات( و بالطبع يأخذ باقي اليوم أجازة... أو ما يعرف بخط السير)
و أحياناً ما يصادف أن يلتقي الصيدلي مع الطبيب في طرقات المستشفي فيتبادلان التحيات و ينصرف كل منهم لمتابعة عمله.( و يظل كل منهما في جزيرة منعزلة عن الآخر)
ثم يأتي ميعاد الإنصراف فيتوجه الصيدلي إلي الكشف للتوقيع بالإنصراف و ينتهي بذلك عمله اليومي.
و بنظرة فاحصة نلاحظ ما يلي:


ينحصر دور الصيدلي في استلام أو صرف الأدوية و الإمضاء عليها و متابعة العهدة.
لا يوجد تفاعل حقيقي بينه و بين الأطباء أو باقي الفريق الطبي.
لا يستخدم الصيدلي أي شئ مما درسه علي مدي خمس سنين في الكلية.
و مع الوقت يفقد الصيدلي كل مهاراته التي إكتسبها خلال سنين الكلية و تقل معلوماته و تكاد تختفي من عدم الأستعمال.
يزداد الشعور لدي الصيدلي و كذلك كل من يتعامل معه بإنعدام دوره و قلة أهميته و تأثيره في العلاج أو حالة المرضي.
و نتيجة أحساسه بإنعدام دوره يبدأ الصيدلي في البحث عن حيل للإنصراف قبل إنتهاء مواعيد العمل أو الغياب في بعض الأيام و غيرها من الحيل للتقليل من تواجده بالمستشفي.( و يحاول استغلال وقته في العمل الحر لتحقيق مكاسب مادية تعوضه عن إحساسه بعدم الأهمية أو وجود دور فعال يقوم به)
و في المستشفيات التي يوجد بها عدد كبير من الصيادلة تجدهم يتعاونون في تنظيم جدول الإنصراف المبكر فيما بينهم و ترتيب أيام الغياب غير الرسميه
لماذا الصيدلة الإكلينيكية و هل حقاً نحتاج إليها؟
تهدف الصيدلة الإكلينيكية إلي تحقيق أفضل استفادة من خبرات و مهارات الصيدلي لخدمة الفريق الطبي و المريض...
الصيدلي هو خبير الأدوية و هو الأدري بالأمور الدقيقة الخاصة بها مثل: كيفية حساب الجرعات, تعديل الجرعات, تداخلات الأدوية مع بعضها, كيفية تحضير أدوية الحقن و كيفية حفظها... إلخ.
تولي الصيدلي هذه المهام يوفر علي الطبيب عمل كثير و يجعله يتفرغ أكثر للأستماع إلي المرضي و التركيز علي مهامه الأصليه.
وجود الصيدلي ضمن الفريق الطبي يتيح وجود خط دفاع ضد الأخطاء الطبية و خاصة تفاعلات الأدوية و الجرعات الزائدة و التي غالباً ما تكون أكبر من أن يولاها فريق التمريض. و بالتالي يحمي المريض و كذلك الطبيب.
الصيدلي يشكل مصدر معلومات غني و قريب للممرضين يتيح لهم المعلومات عن كيفية إعطاء الأدوية المختلفة و ترتيبها و مواعيدها و علاقة ذلك بالطعام.
يتيح للإدارة توفير معلومات عن الأدوية المختلفة و بدائلها مما يساعد علي إتخاذ قرارات شراء الأدوية و المفاضلة فيما بينها علي أساس علمي و بدون تحيز.
يكون الصيدلي مصدر معلومات سهل الوصول إليه بالنسبة للمريض للإجابة علي استفساراته عن جرعة الدواء و ميعاد أخذه و غيرها من الأسئلة المشابهة.
و هنا يظهر أهمية دور الصيدلي الإكلينيكي و ضرورة تواجده ضمن الفريق الطبي لما له من فوائد للفريق و كذلك لإدارة المستشفي و المرضي علي حد سواء.

ما هي المعوقات أمام إنتشار و تعميم الصيدلة الإكلينيكة؟
توجد معوقات عديدة أمام إنتشار الصيدلة الإكلينيكية و لكن التغيير ممكن و ضروري.
و تتلخص المعوقات فيما يلي:


تخوف الكثير من الأطباء من تنامي دور الصيدلي فيما يشكل( من وجهة نظرهم) خطر علي دورهم و تقليل من أهميتهم.
عدم معرفة الجهة الإدارية و متخذي القرار بالدور الفعال الذي يمكن أن يلعبه الصيدلي الإكلينيكي في العملية العلاجية و مدي الإضافة التي يمكن أن يحققها للفريق الطبي.
عدم وجود لوائح و قوانين تتيح للصيدلي تولي هذا الدور في المستشفيات الحكومية
عدم الإهتمام الكافي من قبل كليات الصيدلة بالتركيز علي تدريس و تدريب الطلبة علي هذه العلوم و المهارات العملية المتعلقة بها.
إنصراف الكثير من الصيادلة إلي الصيدليات الخاصة أو شركات الأدوية طمعاً في المكسب المادي السريع.
عدم وجود المقابل المادي المناسب الذي يجب توافره ليميز من يعملون في الصيدلة الإكلينيكة عن غيرهم من الصيادلة تقديراً للوقت و الجهد المناسب الذي يبذلونه و المخاطر الأكبر التي يتعرضون لها خلال عملهم.( و هنا تظهر مرة أخري اللوائح و القوانين البيروقراطية التي تعوق التقدم في هذا المجال.)
و علي الرغم من كثرة هذه المعوقات فإن التغيير ممكن و قد حدث بالفعل في العديد من الدول المتقدمة في هذا المجال و بدأ يحدث كذلك في بعض المواقع القليلة علي أرض مصر و في مستشفياتها.

ما هي صور التطبيق العملي للصيدلة الإكلينيكية؟
لنلقي نظرة سريعة علي أهداف الصيدلية الإكلينيكية:

تعظيم الفائدة من استخدام الأدوية عن طريق إعطاء أنسب جرعة لكل مريض في الوقت المناسب و بالطريقة المناسبة.
تقليل المخاطر الناتجة عن استعمال الأدوية مثل الآثار الجانبية أو الأخطاء في وصف أو تناول الأدوية.
تقليل الأنفاق علي الأدوية عن طريق ضمان الأستخدام الأمثل للدواء في كل حالة مرضية.
و يمكن تقسيم المراحل التي تساهم فيها الصيدلة الإكلينيكية كالتالي:


قبل وصف الدواء: و ذلك عن طريق المشاركة في وضع السياسات الدوائية التي تحقق الاستعمال الأمثل لكل نوع من الأدوية و البروتوكولات العلاجية المختلفة.
أثناء وصف الدواء: عن طريق التعاون مع الطبيب المعالج في إختيار الدواء الأمثل و حساب الجرعة المناسبة له. كذلك التأكد من عدم وجود أي تداخلات أو تفاعل بين الأدوية و بعضها.
بعد وصف الدواء: عن طريق متابعة إنتظام المريض في أخذ الدواء, و شرح الطريقة المثلي للأستعمال له. أو تحضير الجرعات الخاصة بالمريض في حالة الأدوية التي تؤخذ عن طريق الحقن الوريدي.
كذلك يمكن توضيح بعض صور التدخل الإيجابي الذي يمكن أن يحققه الصيدلي كالتالي:


تحضير الدواء: و خاصة أدوية الحقن أو تلك الأدوية التي تحتاج إلي ضبط الجرعات بدقة أو تتطلب طرق خاصة للتحضير مثل العلاج الكيماوي لأمراض السرطان. و غالباً ما يتم هذا في أماكن مخصصة لذلك تعرف بغرفة التحضير و التي تكون معقمة.
إعطاء الدواء للمرضي: و فيها يتعاون الصيدلي مع الممرض في كيفية إعطاء الدواء للمريض و زمن الإعطاء في حالة الحقن, أو توقيته بالنسبة للطعام في حالة الأقراص.
توفير المعلومات للمرضي و الأطباء و الممرضين: و هذه نقطة مهمة للغاية من عمل الصيدلي الإكلينيكي حيث يحرص علي توافر المعلومات عن الأدوية لكل فئة بالصورة التي تتناسب معها و تحقق أفضل أستفادة من المعلومات
منقول عن صيدليه الملاك
بالنسبه للإلتحاق بالقسم في كليات الصيدله التي تتبع النظام الحديث يكون الإلتحاق منه البدايه
في مقابل حوالي من 7 آلاف إلي 12 ألف

وهذا النظام موجود في العديد من كليات الصيدله بمصر وأولها القاهره وبني سويف والكليات التي تتبع النظام الحديث نظام الخمس سنوات دون الإعداديه وقد تم تطبيقه لأول سنه هذا العام بصيدله الإسكندريه

أما الكليات التي لاتمنح بكالوريس العلوم الصيدليه والصيدليه الإكلينكيه معآ
يمكن للدارسين عمل دبلومه مدتها تترواح بين 6 شهور إلي سنه وهي تشمل الصيدليه الإكلينكيه
الكلام ده موجود في موضوع في القسم هنا انا نقلتهولك
ومتقولش استحملني تاني اؤمر والكل هنا هيساعدك :friendsxs3:

الصيدلة الاكلنيكية الاستفسار ده جاوبت لاحمد عليه

وهيا موجوده في صيدله طنطا وعين شمس والأسماعيلية

بالنسبه لتحضير الادويه مش شرط اي تحضير ولا دبلومه هو ده شغل الشركات بس مش اي حد بيقدر يدخل الشركات بسهوله

انما لو تحضير يفضل في قسم الصيدلانيات والصيدلة الصناعية Pharmaceutics and Industrial Pharmacy

كمان في دبلومه افضل في جامعه الازهر للرقابة علي الادوية

يا رب اكون افدتك

طب ممكن انا اسأل سؤال
لو دخلت اكلينك هل ينحصر عملي في القسم ده بس
ولا ممكن شركات و تحضير وكده
وكانو بيقولوا في دبلومه سنتين في صيدلة اسكندرية
بس مش متأكد بتاعت ايه بياخدها خريج صيدله لو عايز

طب ممكن انا اسأل سؤال
لو دخلت اكلينك هل ينحصر عملي في القسم ده بس
ولا ممكن شركات و تحضير وكده
وكانو بيقولوا في دبلومه سنتين في صيدلة اسكندرية
بس مش متأكد بتاعت ايه بياخدها خريج صيدله لو عايز

لا طبعا مينحصرش عملك في القسم ده بالعكس ليك كل الامتيازات الخاصه بالصيدلي قي مجالات العمل وازيد

دبلومه Pharma d بتتاخد سنتين في صيدلة الاسكندريه ويبقي ممارس

اي خريج ليه الاحقيه انه ياخدها بس يكون جايب تقدير علشان يتقبل فيها

بس هما الدكاتره خلصوا علشان نروح ناخدها ( رأي شخصي :slap1qk6: )

لا طبعا مينحصرش عملك في القسم ده بالعكس ليك كل الامتيازات الخاصه بالصيدلي قي مجالات العمل وازيد

دبلومه pharma d بتتاخد سنتين في صيدلة الاسكندريه ويبقي ممارس

اي خريج ليه الاحقيه انه ياخدها بس يكون جايب تقدير علشان يتقبل فيها

بس هما الدكاتره خلصوا علشان نروح ناخدها ( رأي شخصي :slap1qk6: )

معاك حق والله
بس انا مقلتش حاجه انا بس بحب لما اكون في مجال اني اكون متميز فيه ويوم لما اشتغل مضطرش اني
اتبهدل بداعي الخبرة مثلا او ان في احسن مني
يعني انا بإذن الله بعد ما جالي صيدلة السنادي أني اخلص اكلينك وااخد الدورة دي وخاد كمان دبلوم ادارة المستشفيات
ان شاء الله
بس بيتهيألي اللي بيخدها بيبقي ممارس عام ولكن مينفعش يعمل مثلا دكتوره في حاجه معينة ويبقي اخصائي او استشاري مثلا
مش عارف
ربنا يوفقنا كلنا

الصيدلة الاكلنيكية الاستفسار ده جاوبت لاحمد عليه

وهيا موجوده في صيدله طنطا وعين شمس والأسماعيلية

بالنسبه لتحضير الادويه مش شرط اي تحضير ولا دبلومه هو ده شغل الشركات بس مش اي حد بيقدر يدخل الشركات بسهوله

انما لو تحضير يفضل في قسم الصيدلانيات والصيدلة الصناعية pharmaceutics and industrial pharmacy

كمان في دبلومه افضل في جامعه الازهر للرقابة علي الادوية

يا رب اكون افدتك

يعني المنصورة مفيهاش صيدلة اكلنيكية ولا ايه ؟؟؟
طب انا اعمل ايه كده بقى من رأيك ؟؟

يا دكتور على موقع الكلية نفسو كاتبين الاعلان ده

إلى طلاب برنامج الصيدلة الإكلينيكية تم تغيير ميعاد امتحان مادة الكيمياء الدوائية -2 كود pc610 من يوم الأربعاء الموافق 1/9/2010 إلى يوم الثلاثاء الموافق 7/9/2010 وذلك في امتحان الفصل الدراسي الصيفي للعام الجامعي 2009/2010.

يبقى ازاي مفيهاش صيدلة اكلينكية ؟؟؟

يا دكتور على موقع الكلية نفسو كاتبين الاعلان ده

إلى طلاب برنامج الصيدلة الإكلينيكية تم تغيير ميعاد امتحان مادة الكيمياء الدوائية -2 كود pc610 من يوم الأربعاء الموافق 1/9/2010 إلى يوم الثلاثاء الموافق 7/9/2010 وذلك في امتحان الفصل الدراسي الصيفي للعام الجامعي 2009/2010.

يبقى ازاي مفيهاش صيدلة اكلينكية ؟؟؟

صيدلة المنصورة فيها صيدله اكلينيكيه بس بمصاريف بحوالي 12 الف في السنه
يعني فيها صيدله عاديه وفيها كلينيكال بفلوس
انما بقى طنطا وعين شمس والاسماعيليه بتبقى اكلينيكال ببلاش وهما تقريبا 3 جامعات على مستوى الجمهوريه اللي مطبقين الكلينيكال وباقي الجامعات فيها كلينيكال برده بس بمصاريف سنويه على حد علمي
ياريت اكون قلتلك اللي انت عايزه

صيدلة المنصورة فيها صيدله اكلينيكيه بس بمصاريف بحوالي 12 الف في السنه
يعني فيها صيدله عاديه وفيها كلينيكال بفلوس
انما بقى طنطا وعين شمس والاسماعيليه بتبقى اكلينيكال ببلاش وهما تقريبا 3 جامعات على مستوى الجمهوريه اللي مطبقين الكلينيكال وباقي الجامعات فيها كلينيكال برده بس بمصاريف سنويه على حد علمي
ياريت اكون قلتلك اللي انت عايزه


كلام مظبوط يا دكتورة المنصورة فيها كلينيكل ب 10 في السنة 5 في الترم وطنطا اللي فيها ببلاش هتبقى بفلوس ابتدائا من هذا العام

انا سألت وعرفت

لا المنصوره ب 12 في السنه مش ب 10

لا المنصوره ب 12 في السنه مش ب 10


انا سأل بنفسي .........

وانا سائل في الكلية والله بس يمكن باه