احمد حمدى عبدالله
10-09-2010, 03:03 PM
انا طالب ازهر اسمى احمد من سوهاج وهدخل كلية تربية جامعة الازهر فانا كنت عاوذ استفسر عن الكلية صعبة ولا اية وبعدين انا من سوهاج يعنى هتبقى المصاريف جامدة على وانا مش عاوذ اصيع سنة من عمرى وانا كمان ضعيف فى الانجليزى عشان احنا كنا فى الاعدادى مخدناش انجليزى وانتوا عارفين مفيش اهتمام فى الازهر بالانجليزى والله وابوية راجل على كدا حالو لذا انا مش عايذ اضرف فلوس كتير فة مصر فى السكن والاكل وفى الاخر مانجحش ارجوكم ردوا على انا محتار انا مستنى رددكم والله المستعان على ما تصفون وياريت حد يشور علينا بقسم يكون الانجليزى فية مش مهم طيب اية رايكم فى قسم وسائل المعلومات وتكنولجيا التعليم
mohamed1020
10-09-2010, 07:26 PM
اولا كل سنة وانت طيب يا غالى
ثانيا انا زيك داخل تربية بس لغة عربية ان شاء الله وانا من رايى هى اجمل من وسائل التعليم بكتير يعنى تكنولوجيا بيبقى اية يا امين مكتبة او ما شابة فرصها ضعيفة جدا اما اللغة العربية مجالتها مفتوحة كتير يعنى عندك التدريس فى المعهد بالا ضافة الى امكانية الدروس وغير ذللك ضيف على كدة انها مطلوبة جدا برة ومستقبلها برة ممتاز دا من ناحية القسم الافضل
اما من نا حية المصاريف تكنولجيا مصاريفها كتير معرفشى الدكاترة بيطلبو طلبات غريبة انا اعرف ناس فيها بيصرفو مصاريف جامدة فيها اما اللغة العربية مصاريفها محدودة جدا
اما من ناحية الانجليزى يعتبر شبة معدوم فيها (دا كلام ناس متخرجين منها )
بس اهم حاجة انك تشد حيلك علشان التقدير اهم حاجة فيها هنا او برة ارجو انك يكون رايى وصلك صح وطمنى استقريت على اية
احمد حمدى عبدالله
10-09-2010, 08:03 PM
بارك الله فيك
طيب ممكن اميلك او رقم الهاتف عشان انا عاوذ اعرف منك معلمومات
وانتا هتدخل فرقة اولة ياريت تكتبلى اميلك
الاستاذه 2010
11-09-2010, 06:25 PM
ممكن اعرف اللى ما يلحقش تنسيق المرحله الاولى والثانيه ايه اللى يحصله
تيتو جبر
16-09-2010, 10:53 PM
انا عايز اعرف يعنى تربيه قسم عام يا جماعه يعني لما اتخرج ان شاء الله ولقيت شغل هدرس باللغه العربيه ولا الانجليزيه
تيتو جبر
16-09-2010, 10:55 PM
يا ريت اللي يرد عليا ياخد الميل بتاعي ويكلمنى عليه best.master88*********** او tito_lolo20***********
تيتو جبر
16-09-2010, 10:56 PM
ياهوووووووووووووووووووووووووووووووووو بسرعه يا جماعه انا مش فاهم حاجه خالص
matrex14
16-09-2010, 11:49 PM
بص انا معلوماتي مش قد كده
بس متهيألي عام يعني لما تدخل الكليه تتخصص في القسم اللي انت عايزه بس
إسأل برده عشان تتأكد
mohamed1020
18-09-2010, 06:47 PM
بصو يا جماعة بالنسبة لل الاخوة اللى بيسالو عن تربية تخصص عام
اولا كلية التربية 3 اقسام ودول اللى بيجو فى التسيق
1_ شعبة خدمة اجتماعية ( اخصائى اجتماعى او ما شابة )
2_ شعبة مكتبات وتكنولجيا التعليم (امين مكتبة او ما شابة )
3_شعبة التخصص العام ودى بندرج تحتها اقسام كتير اولا با لنسبة للادبى فى
(قسم انجليزى - فرنساوى -لغةعربية- جغرافيا - تاريخ -درسات اسلامية -علم النفس.......)
اما بالنسبة للعلمى (فية انجليزى -درسات اسلامية -فيزياء -كيمياء - احياء )
بس طبعا فى شروط لبعض الاقسام او تقريبا لكل قسم (والله اعلم )منها
زى شعبة الانجليزى بيشترط ليها مجموع معين فى الانجليزى ودا تقريبا مش بينزل عن 43 او 44 الا لو العدد اللى مقدم انجليزى كلة المجاميع اقل من ذللك
والفرنساوى نفس الموضوع بس فى الفرنساوى الى غير ذللك من الاقسام
اما با لنسبة للتخصص فانتا بتختار القسم اللى انتا حابة واللى شروطة منطبقة عليك وبعد اما تتخرج بتكون مدرس فية ارجو ان اكون اوضحت الموضوع
mohamed1020
18-09-2010, 06:51 PM
يا جماعة دا رابط علية كل كليات الجامعة واقسامها اللى عايز يعرف اى حاجة عن كليتة يشوفة الرابط دةhttp://www.elazhar.com/azharux/about.asp الف سلامة