بسم الله الرحمن الرحيم
السلام عليكم ورحمه الله وبركاته

اخوانى / اخواتى طلبة وحملة الشهادات الفنية والمعاهد الفنية ......

ان الساكت عن الحق شيطان اخرس وان الظلم ظلمات يوم القيامه .........

كلكم عارفين ان احنا اتظلمنا فى التنسيق ظلم فاجر وان كانت كلمة فاجر اقل ما يقال على ما فعله هذا التنسيق بذبحنا وقتلنا وضياع اهدفنا فى دخول كليات كانت فى يوم من الايام حلم من احلامنا

كلكم عارفين ان التنسيق نسبته اترفعت عن السنه الى فاتت ب 4 % تلك النسبة الجنونية والتى اعتقد انها ماحصلتش فى تاريخ الدبلومات الفنية او الشهادات الفنية عموما على مدار تاريخها والى مش مصدق يشوف تنسيق السنين الى فاتت

يعنى لما الاقى هندسة القاهره تنسيق 2007 بتاخد من 87 وبقدرة قادر فى تنسيق 2010 تاخد من 93 ده تسموه ايه ؟

لما الاقى كلية تربية حلوان فى 2006 وفى 2008 بتاخد من 85 و 84 والاقيها بقدرة قادر بقت فى 2010 بتاخد من 89 لا يبقى ده مش صح

لما الاقى فى تنسيقى وانا بكتب الرغبات معهد عالى تكنولوجيا بنها واكتبه فى رغباتى ولما نتيجة التنسيق تظهر والاقيه مش موجود من ضمن الكليات ولا حتى ليه اى ذكر فى اى جريدة ( لا يبقى فى حاجه غلط ) يمكن المعهد اختفى وان ممكن يكون رحلوه او باعوه او اى حاجه بقى

لما الاقى زميلى فى الثانوية العامه تنسيقه 2010 يجيبله طب من 94 ويجيبله هندسة من 86 وانا هندسة تجيلى من 93 ده يبقى حرام وافترى وظلم بين !!!!!!!!!!!!!!!

طبعا سامعكم كلكم بتقولوا طيب وهنعمل ايه يا فااالح ؟

هرد عليكم واقولكم يعنى هنحط ايدنا على خدنا ونقعد نعيط ونندب الحظ والزمن الى وجدنا فى بلد ما حدش فيها يعرف الرحمه

ولا هنلعن اليوم الى ضحينا فيه بالثانوى من اجل الدبلوم عشان نخش كلية هندسة وفى الاخر نضيع الضياع المبين ؟؟

لالالالالالالالالالا والف لالالالالالالالالالالالا

عاوزين مانسكتش عن حقنا عاوزين نوقف وقفه رجاله ونوقف جنب بعض ونشوف حل لموضوعنا ده

طيب برضو سامع فيكو واحد بيقول يعنى انته هتغير التنسيق ولا هتخليهم يعيدوه مثلا ؟!!!

اقوله احنا مش اقل من اى حد فى طلبة مصر بل بالعكس احنا فينا ناس مستواها احسن من طلبة الثانوى العام ... ولما نشوف اخوانا طلبة الشهادات المعادلة الى اتظلموا زينا رافعين قضايا على الوزير وصل عددها دلوقتى 14 قضية يبقى الناس دى مش ساكتة على حقها يبقى الناس دى تقدر تعمل حاجه وانا اسأل الله العظيم رب العرش العظيم انه ينصرهم ويرجعلهم حقهم ... يبقى احنا نوقف جنبهم ونساندهم وهما كمان يساندونا عشان لما كلنا نتحد نبقى لينا كلمه قويه جدا جدا جدا وان شاء الله نعمل حاجه

طيب سامع واحد بيقول طيب ودلوقتى هنرفع قضايا احنا كمان ؟؟ هقولك ان احنا هنتجمع كلنا ونتفق على يوم فى هذا الاسبوع ده ونروح كلنا كتله واحده مكتب التنسيق او نطلع على مكتب الوزير ونطلب مقابله معاه ونعرض عليه مشكلتنا ونخليه يشوفلنا حل يا اما نتحد مع اخوانا فى الشهادات المعادلة ونرفع معاهم القضايا وان شاء الله ربنا يرجعلنا حقنا

طبعا هتقولوا هنتفع على التجمع امته وهنعمل ايه

انا عامل جروب على الفيس بوك اسمه اتحاد طلبة الدبلومات الفنية دفعة 2010 ياريت الكل يخش يشارك معانا هنا او فى الجروب ونعرف اصحابنا كلهم بالتوبيك وبالجروب عشان نبقى عدد كبير ونتفق على يوم كلنا نروح مع بعض ان شاء الله ونعرض عليهم مطالبنا ان التنسيق ده نسبته تقل زى ما قلت نسبة تنسيق الثانوية العامه

ياريت يا جماعه ما تنفضوش ده مستقب حرااام عليكم لو سكتوا عن حقكم .....

شعارنا لالالالالا لتنسيق 2010 الظالم للكل

وده عنوان الجروب
http://www.facebook.com/#!/group.php?gid=138910192814279

وانا متابع معاكوا هنا فى التوبيك برضو ... وياريت ادارة الموقع تساندنا وماتحذفش الروابط بتاعتنا لاننا مش بنعمل دعايه احنا واقعين فى مصيبه ولازم نشوفلها حل وبأقصى سرعه لان فاضل على الدراسة اسبوع

ياريت ادارة المنتدى تدعمنا وتثبت مواضيعنا احنا برضو ولاد المنتدى وضايع حقنا

ياريت فعلا الاستاذة شاهندة تثبت الموضوع او اي حد من ادارة المنتدي ليه صلاحية التثبيت

نعمل الي علينا للاخر ولو بعد ده كله محصلناش نصيب ،، يبقي دي ارادة ربنا

وانا بضم صوتى لصوتكم ان الموضوع يتثبت انا الحمد لله جالى هندسه بس حاسس بيكم ناس ياما زمايلى جايبين 87 و88 يعنى امتياز ومدخلوش فاضل ايه تانى ولا ببتوع الثانوى عليهم ريشه وربنا على الظالم دحنا طول السنه منقول التنسيق حينزل عشان السنه الفراغ يقوم يترفع وبالهبل ده حسبنا الله ونعم الوكيل

ياااريت الموضوع يتثبت وكل الى شعر بظلم يعمل حاجه ميسكتش وربنا عالظالمم :giljotiiniug3:

انا معاك يامحمود

كلنا معاك

على فكره انا احمد على اللى بكلمك على الفيس بوك

بس ان شاء الله تفتكر ان احنا ممكن ندخل هندسه بعد ده كله

يارب وفقنا ان شا ء الله

وانا معاك يا محمود انا عمر الى بكلمك على الجروب وان شاء الله نتفق على يوم ونروح كلنا مكتب التنسيق

تفتكر ان الكلام دة ها يمشى مع هلال وها نصعب علية ولا اى مسؤل فى التعليم
خلاص قرار التنسيق دا عامل زى صفارة الحكم ما ينفعش يرجع فى قرارة
---------------------------------
اقل كلمة ها يقولهاللك ما ذاكرتش لية وجبت مجموع زى الناس الى جايبة مجاميع عالية
--------------------------------
وبعدين الموضوع معروف من زمان وفى كليات خاصة خليها ترزق من جميع النواحى
-------------------------------
من الاخر مش ها تعرف تاخد حق ولا باطل مع الناس دى الناس لما بتحب تخطط بتعلبها صح
غير كدا هما نزلو التنسيق قبل الدراسة ب اسبوع عشان محدش يلحق يعمل حاجة
والعملية تمر بسرعة ----------- بقوللك مظبطنيها مع بتوع الخاص خلى دعبس بتاع مودرن وغيرو يرزقو
حسبى الله ونعم الوكيل
------------------------------

ياريت يا جماعة نتلم كلنا فى يوم واحد علشان نعمل حاجة والمكان مايكنش فى مكتب التنسيق
احنا نروع نقف اقدام المجلس الاعلى لجامعات علشان مكتب الوزير منه الله هناك لكن مكتب التنسيق مش هيعمل حاجة يا ريت حد يقول اليوم امتى علشان نتلم كلنا بس ياريت يوم الاتنين علشان نلحق نعمل حاجة وربنا معانا

انا معاكو انا وزمايلي رايحين يوم الاثنين

ياجماعه احنا عايزين نختار وقت ونختار مكان لازم موصل القضيه للرأى العام لان احنا هنا بتكلم والمسؤولين مش حاسين بحاجه

احنا من الشهادات المعادله وهنروفع قضيه ان شاء الله وريحين للمحامى يوم الاتنين وهنعمل وقفه اعتصاميه يوم السبت قدام مقر الوزاره يمكن احنا لو سكتنا دلوقتى قدام هنضرب نفسنا بميه جزمه لان كل واحد فينا عارف الظروف الى فيها الدوله الوسخه ديه

بقت الحياه فيها اشبهه بالحياء فى الصحراء

الى انت بتحس فيها انك محروووم من نعم الله يريت نقف جنب بعض

يا ريت يا جماعة حد يوضح اكتر ها نروح يوم الاثنين ماشى كويس وها نعمل الى احنا عاوزينو
بس لازم برضو يكون بفايدة او يكون فى نتيجة
بمعنى انا رايح اطلب من وزير التعليم العالى ربنا ياخدو هوة ونظيف ومبارك فى ساعة واحدة
انو يرجع فى كلامة ويعيد حسابتة وينزل اتنسيق طيب هوة احنا ما نروح كلنا هل ها يرحب بينا
وها يسمعنا --زى ما بقوللكم الناس لما بتحبب تخطط ما بتسيبش وراها حاجة
وبلنسبة الى عاوز يروح يرفع قضية ها تقول اية فى القضية مش من حقك ان التنسيق ينز ل بمذاجك
بلبلدى كدا الحكومة تفصل وانت تلبس -------- انا من ضمن طبعا ضحايا نكسة التنسيق
بس يا ريت قبل ما تعملو او نعمل حاجة لازم نبقى حاطين كل الاحتمالات وعارفين الثغرات الى ها نتكلم من خلالها
ونبقى عارفين احنا من حقنا اية
وبجد لو احنا عاوزين نعمل وقفة لازم تكون فى انتخابات الرئاسة الجاية عشان كفاية كدا
-------------------------
لو حد عندو اى سبب مقنع لرفع قضية او نعمل وقفة يا ريت يقولو عشان فى ناس كتير مش فاهمة وانا واحد منهم

بسم الله الرحمن الرحيم
السلام عليكم ورحمه الله وبركاته

اخوانى / اخواتى كل طلبة الشهادات الفنية عموما

ان شاء الله ... سيتم التجمع يوم الثلاثاء الموافق 15 سبتمبر الساعه 10 صباحا

امام مكتب التنسيق بجامعة القاهره .. وبعد تجمع الافراد يتم الذهاب إلى مكتب وزير التعليم العالى هانى هلال ( لا اعرف اين المقر ولكن اعتقد انه كائن ب 101 شارع القصر العينى

ياريت يا شباب نجمع اكبر قدر من اصحابنا وأولياء امورنا وده مش عيب ده حقنا

-----------------------------------------------------------------------------------------------------

خطوات ايجابية لابد من تنفيذها حالا

1- على الجميع الاتصال برقم شكاوى جريدة الجمهورية وهو 139 داخلى وهى جريدة رسمية حكومية ولها مواقف جريئة فى تجاه الطلبة المهضوم حقها مثلنا والى يتصل يحكيلهم كل حاجه ويوقلهم على التجمع

2- على الجميع ارسال شكوى نصية إلى هذا البريد scu*eun.eg وهذا البريد info*egy_mhe.gov.eg وهم خاصان بالمجلس الاعلى للجامعات ومكتب وزير التعليم العالى
واكتب فى الرساله كل حاجه انت عاوزها بس ياريت تكون الرساله بأسلوب لبق

3- اى حد يعرف اى صحفى فى اى جريدة ما يتأخرش عن الاتصال بيه وشرح الموقف عشان نبقى مسندوين من الحصفيين

4- على الجميع ارسال رسائل إلى كل البرامج التوك شو الارضية والفضائية بمشكلتنا عشان نوصل صوتنا لاعلى جهه اعلاميه وانا هكتبلكم اسماء البرامج وارقام تليفوناتهم وعناوين البريد الخاصه بكل تلك البرامج

5- على الجميع ان يثقوا تماما ان الله سبحانه وتعالى لا يرضى بالظلم وان الظلم ظلمات يوم القيامه وانك إذا رأيت منكرا فلتغيره بيدك فأن لم تستطع فبلسانك فأن لم تستطع فبقلبك وذلك اضعف الايمان ... واحنا الحمد لله فينا ايد ولسان وقلب وكل حاجه

6- ليعلم الجميع ان هذه هى اخر فرصه قد يعود لنا حقنا فيها فلابد من عدم التكاسل او التخاذل او الضعف امام الحق ... لما تضيع حقك دلوقتى هيضيع بعد كده كتيييييييير

بسم الله الرحمن الرحيم

السلام عليكم ورحمه الله وبركاته


بفضل الله سبحانه وتعالى ثم بفضل شجاعه كل اخوانى / اخواتى حمله الشهادات الفنية بمختلف فروعها تم عمل تجمع رهييييييب يوم الاثنين الماضى ويوم الثلاثاء وكان هناك ما يزيد عن 200 طالب حيث تجمهرنا امام مكتب الوزير وقابلناه شخصيا والحمد لله اثبتت الحمله نفسها اعلاميا وده الدليل

-----------------------------------------------------------------------------------------

اولا اليوم السابع

http://www.alyoum7.com/News.asp?NewsID=277417&SecID=97&IssueID=130
طلاب الدبلومات الفنية يتجمهرون أمام مكتب التنسيق
الإثنين، 13 سبتمبر 2010 - 18:33


كتب محمد البديوى - تصوير سامى وهيب

تجمهر ظهر اليوم الاثنين نحو 200 طالب وطالبة من طلاب الدبلومات الفنية نظام الـ5 سنوات، والمعاهد بنظام العامين أمام المكتب الرئيسى للتنسيق بالمدينة الجامعية فى جامعة القاهرة، وذلك اعتراضا على إغلاق باب التحويل للطلاب وارتفاع الحد الأدنى لهم للقبول بكليات القمة عن طلاب الثانوية العامة لأول مرة.

وحاول الطلاب الاعتداء على محمد طه وكيل وزارة التعليم العالى لشئون التنسيق، رافضين كل محاولات التهدئة، ومطالبين بحلول عملية لمشكلتهم، حيث اشتكى الطلاب من ارتفاع مجاميع العام الدراسى الحالى 4 % عن الحد الأدنى للقبول بالكليات الجامعية لطلاب الثانوية العامة، واصفين هذا الارتفاع بـ"غير المبرر"، خاصة أن الجامعات خالية فى العام الدراسى الجديد بسبب سنة الفراغ ولا يمثل قبولهم أى مشكلة.

وواصل الطلاب تجمهرهم ومعهم بعض طلاب المعادلات من الخارج، ثم استكملوا التجمهر خارج المدينة الجامعية قبل أن يستقلوا بعض السيارات متجهين إلى وزارة التعليم العالى.

http://www.alyoum7.com/images/issuehtm/images/youm/hghfg/1.jpg

http://www.alyoum7.com/images/issuehtm/images/youm/hghfg/2.jpg

http://www.alyoum7.com/images/issuehtm/images/youm/hghfg/3.jpg

http://www.alyoum7.com/images/issuehtm/images/youm/hghfg/4.jpg

http://www.alyoum7.com/images/issuehtm/images/youm/hghfg/5.jpg

http://www.alyoum7.com/images/issuehtm/images/youm/hghfg/6.jpg

----------------------------------------------------------------------------------------------------------------------------

ثانيا : جريدة الاخبار
http://www.akhbarelyom.org.eg/elakhbar/detailze.asp?field=news&id=16035&num=%C3%CE%C8%C7%D1+%E3%CD%E1%ED%C9

طلاب الدبلومات الفنية يحتجون علي نتيجة التنسيق
مدير التنسيق : ارتفاع الحد الأدني نتيجة ارتفاع المجاميع .. ولا تحويل بين الكليات
13/09/2010 07:55:30 م
كتب مصطفي عبده :
http://www.akhbarelyom.org.eg/elakhbar/admin/news_pic/13092010075524.jpg

نظم أكثر من 003 طالب وطالبة من طلاب الدبلومات الفنية وقفة احتجاجية داخل مكتب التنسيق الرئيسي بالجيزة احتجاجا علي نتيجة ترشيحهم للكليات والمعاهد وعدم السماح لهم بالتحويل ما بين الكليات المناظرة وغير المناظرة .. ناشد الطلاب د . هاني هلال وزير التعليم العالي بإعادة التنسيق مرة اخري مؤكدين ارتفاع الحدود الدنيا للقبول بالكليات عن الاعوام الماضية علي الرغم من وجود سنة الفراغ هذا العام .. خاصة كليات الهندسة التي بلغ الحد الادني لها 31.98 ? مقابل 68 ? العام الماضي كما طالبوا بالسماح لهم بالتحويل بين الكليات . من جانبه اكد محمد طه مدير مكتب التنسيق انه تم تمديد الحدود الدنيا للقبول وفقا لمجاميع الطلاب المتقدمين للتنسيق ووفقا للاماكن المتاحة في كل كلية .. مؤكدا ان ارتفاع الحد الادني للقبول جاء نتيجة ارتفاع مجاميع الطلاب . وأكد طه استحالة فتح التحويلات ما بين الكليات لطلاب الدبلومات الفنية نظرا للطاقة الاستيعابية لهذه الكليات . وطالب عدد كبير من اولياء الامور معاملة ابنائهم اسوة بطلاب الثانوية العامة الذي شهدت نتيجة تنسيقهم انخفاضا ملحوظا في الحد الادني للقبول بالكليات والذي بلغ في الهندسة 78 ? مؤكدا ان الوزارة باعت ابنائهم للجامعات والمعاهد الخاصة .
من ناحية اخري اجري عدد كبير من طلاب الشهادات المعادلة العربية والاجنبية اعتراضهم علي رسوم التحويلات التي بلغت 0002 جنيه مطالبين مساواتهم بباقي الشهادات التي تتم فيها التحويلات مجانا .

----------------------------------------------------------------------------------------------------------------------------

ثالثا : صحيفة المصرى اليوم

http://www.almasry-alyoum.com/article2.aspx?ArticleID=269645&IssueID=1893

طلاب الدبلومات الفنية يتجمهرون أمام «التنسيق» بسبب ترشيحهم لمعاهد خاصة.. وتحويلات «تقليل الاغتراب» للشهادات المعادلة اليوم
كتب أبوالسعود محمد ومحمد كامل 14/ 9/ 2010

تصوير ـ أدهم خورشيد
الطلبة وأولياء أمورهم أمام مكتب التنسيق
http://ggmedia.gazayerli.net/photo.aspx?ID=117793&ImageWidth=240
احتشد نحو 200 من طلاب الدبلومات الفنية (نظام الـ5 سنوات) أمام مكتب التنسيق الرئيسى بجامعة القاهرة، أمس، للاحتجاج على ترشيح معظمهم للمعاهد فقط، رغم حصولهم على درجات مرتفعة تؤهلهم للالتحاق بالكليات الجامعية - على حد قولهم.

واتهم الطلاب وزير التعليم العالى بما سمّوه «بيعهم» للمعاهد الخاصة ذات المصروفات المرتفعة، بعد انخفاض عدد المقبولين بها هذا العام، بسبب قلة أعداد طلاب الثانوية العامة فى «سنة الفراغ».

وطالب أولياء أمور الطلاب بمساواة نسب قبول أبنائهم بالنسب التى قبلت بها الكليات طلاب الثانوية العامة، وفتح باب تحويلات تقليل الاغتراب أمامهم، أسوة بزملائهم فى الثانوية العامة والشهادات المعادلة.

كما تجمهر عدد من طلاب الشهادات المعادلة الذين استنفدوا رغباتهم للمطالبة بفتح باب التنسيق أمامهم مرة أخرى، وإتاحة الفرصة لهم للقبول بالجامعات.

ويبدأ مكتب التنسيق، اليوم، فى تلقى طلبات تحويلات تقليل الاغتراب من طلاب الشهادات المعادلة الذين تم ترشيحهم لكليات بعيدة عن محل إقامتهم، لمدة خمسة أيام، تنتهى يوم السبت المقبل، ويشترط المكتب على الطالب إحضار الأوراق المطلوبة للتحويلات، وهى: صورة بطاقة الترشيح، وصورة تحقيق شخصية، وصورة من إيصال التنسيق.

فى سياق متصل، يبدأ مركز جامعة القاهرة للتعليم المفتوح، بعد غد (الخميس)، فى عقد اختبارات القدرات الشفوية لطلاب الثانوية العامة المرشحين للالتحاق بكلية الإعلام عن طريق مكتب التنسيق.

وقال الدكتور عوض عباس، مدير مركز جامعة القاهرة للتعليم المفتوح، إن الاختبارات الشفوية ستتم عن طريق مقابلة شخصية مع الطالب المرشح للالتحاق بالكلية، تجريها لجنة مكونة من مجموعة من الإعلاميين والأساتذة بكلية الإعلام.

وأضاف عباس أنه سيتم تحديد قبول الطلاب بالكلية عن طريق حساب المجموع الكلى للطالب بناء على الاختبارين التحريرى والشفوى معاً، مؤكداً أن الطلاب الذين يرسبون فى هذه الاختبارات ستحال أوراقهم إلى مكتب التنسيق، حتى يعيد توزيعهم مرة أخرى على كليات أخرى.

وأشار إلى أنه بالنسبة للطلاب الذين تخلفوا عن حضور الاختبارات التحريرية، بسبب ظروف قهرية، بعد ترشيحهم عن طريق مكتب التنسيق، فسيتم إعداد حصر شامل بأسمائهم وتحديد موعد لاحق لاختباراتهم.

----------------------------------------------------------------------------------------------------------------------

خامسا : موقع اخبار مصر التابع للاذاعة والتلفزيون
احتجاجات داخل مكتب التنسيق بالجيزة
مدير التنسيق: استحالة التحويل ما بين الكليات لطلاب الدبلومات الفنية

http://www.egynews.net/wps/wcm/connect/b195bf8043f1e7378d998d6ad28330c0/Thumbmail2010-09-14+02%3A34%3A12.856X.jpg?MOD=AJPERES


القاهرة - أخبار مصر
أكد محمد طه مدير مكتب التنسيق استحالة فتح التحويلات ما بين الكليات لطلاب الدبلومات الفنية نظرا للطاقة الاستيعابية لهذه الكليات ، وطالب عدد كبير من اولياء الامور معاملة ابنائهم اسوة بطلاب الثانوية العامة الذي شهدت نتيجة تنسيقهم انخفاضا ملحوظا في الحد الادني للقبول بالكليات والذي بلغ في الهندسة 78 ? .
وقال طه انه تم تمديد الحدود الدنيا للقبول بالجامعات والمعاهد وفقا لمجاميع الطلاب المتقدمين للتنسيق ووفقا للاماكن المتاحة في كل كلية، ?مؤكدا ان ارتفاع الحد الادني للقبول جاء نتيجة ارتفاع مجاميع الطلاب .
ومن ناحية أخرى، نظم أكثر من 003 طالب وطالبة من طلاب الدبلومات الفنية وقفة احتجاجية داخل مكتب التنسيق الرئيسي بالجيزة احتجاجا علي نتيجة ترشيحهم للكليات والمعاهد وعدم السماح لهم بالتحويل ما بين الكليات المناظرة وغير المناظرة .
ومن جهته، ?ناشد د . هاني هلال وزير التعليم العالي الطلاب بإعادة التنسيق مرة اخري مؤكدين ارتفاع الحدود الدنيا للقبول بالكليات عن الاعوام الماضية علي الرغم من وجود سنة الفراغ هذا العام ، خاصة كليات الهندسة التي بلغ الحد الادني لها 31.98 ? مقابل 68 ? العام الماضي، في حين،أن المحتجون طالبوا بالسماح لهم بالتحويل بين الكليات .
وأجري عدد كبير من طلاب الشهادات المعادلة العربية والاجنبية اعتراضهم علي رسوم التحويلات التي بلغت 0002 جنيه مطالبين مساواتهم بباقي الشهادات التي تتم فيها التحويلات مجانا .
وكان مكتب تنسيق القبول بالجامعات والمعاهد قد أعلن منذ شهرين عن الحد الأدنى لقبول الطلاب الحاصلين على دبلوم الشهادات الفنية نظام 3 سنوات /تجارى، صناعى، زراعى/ والمدارس الفنية نظام 5 سنوات الدور الأول لعام 2010 .
وأوضح مكتب التنسيق أن الحد الأدنى للقبول بالثانوية الصناعية والفنية بنات (إعداد مهنى) ستكون 60% والأقصى 70%، وكذلك مدارس مبارك كول (تعليم مزدوج) .
وذكر بيان صادر عن المكتب أنه تقرر صرف رقم التسجيل من المكتب الرئيسى والفروع للشهادات الفنية هذا العام وفتح تسجيل الرغبات اعتبارا وفقا للحد الأدنى لكل شهادة، أما الطلاب الذين لم تعلن نتائجهم سيتم تحديد مواعيد التقدم لهم بعد ظهور النتائج .