السلام عليكم
كل عام وانتم بخير وعيد سعيد على كل الامة الاسلامية
انا ساكنة فى قرية برطباط مركز مغاغة المنيا
فى مهزلة بتحصل كل عيد وانا قاعدة ومش عارفة اعمل حاجة خالص
يوم العيد ده مفيش احتفال تقريبا الاحتفال الحقيقى بالعيد تانى يوم
تانى ايام العيد يعنى الناس شباب وبنات تلبس وتتشيك وروحوفين يحتفلو بالعيد
تخيلو فين مش هاتصدقوا عارفين فين
فى المدافن
دى عادة قديمة الستات الكبيرة تروح المدافن وتوزع رحمة على روح الميتين وكدة يعنى
مع انو حرتم تخصيص يوم معين لزيارة المقابر وخاصة للنساء قولت عادى ما فيهاش حاجة
دول مهما كانوا ستات كبيرة ودى حاجة اتعودوا عليها
انما تتحول لكدة لمهزلة ومسخرة بيعملوها الشباب والبنات
دى اسمها انتهاك حرمة الميتين ولمكان ده باذات ليه حرمته
انا بجد مش عارفة اعمل ايه انا مفيش بايدى حاجة اعملها غير انى افوض امرى الى الله واسكت
بس انا حزينة على حال المسلمين هنا
ودى اول مصيبة بتحصل فى بلدنا انتظرونى مع باقى المصائب
وما خفى كان اعظم
لا حول ولاقوة الا بالله

كل اللى اقدر اقوله
ربنا يهدى المسلمين والمسلمات
ويهدى الشباب والبنات
ويلطف بينا ياااااااااااااااااااااااااااااااااارب .

وشكراااااااااااااااا على الموضوع

امين يارب
ومرسى لمرورك نورت التوبيك

للاسف مع ان العلم انتشر
و الوعي الديني بيحاولوا ينشروه

الا انه لا يزال فيه حاجات حرام منتشرة على شكل عادات ،

يعني ال انتي شوفتيه ده حاجة بسيطة
انا فاكرة اني من فترة شوفت تقرير على قناة الناس
عن منطقة فمصر مش فاكرة اسمها
بس لو تشوفي التخاريف ال عندهم
دا فيها شرك والعياذ بالله ،
عندهم منطقة بيروحوا فيها ويقولوا اي واحد نفسه فحاجة
يتدحرج على رملتها و تتحقق
وبيطوفوا حولين حاجة كدة
و يقولوا في حد مدفون هنا
والحاجات كتيييير
اانا بقيت بتفرج وانا مش مصدقة انه لسة فيه ناس كدة ،

ولازم نعمل حاجة عشان الناس ديه تخرج من العادات الحرام ال بيعموولها ،
يمكن ما نقدرش عالكبار فالسن
بس زي ماقلتي المشكلة انه الشباب بدأو يعملوها،
لازم نوعيهم بدينهم صح

وربنا يهدي ،

زيارة القبور من أجل العظة حلال , أما إذا كان الذهاب بغرض أخر كاللطم أو النواح أو الندب فهو حرام حرام . كذلك زيارة القبور في العيدين " عيد الفطر وعيد الأضحي " لا تجوز لأنها أيام فرح وبهجة للمسلمين . للأسف هذه عادة سيئة جداً لدي المصريين . والأمر لا يخص قريتك فقط , بل في كل أنحاء مصر , مع اختلاف أوقات الزيارة فنجد من يزورها ليلة العيد " بعد صلاة العشاء لليلة السابقة للعيد " ونجد من يزورها صباح أول أيام العيد , ومنهم من يقضي وقتاً طويلاً في أول أيام العيد , ومنهم من يذهب بعد صلاة العيد مباشرةً . وقام خطباء معظم المساجد ببيان حرمة زيارة القبور في العيدين , ولكن بلا جدوي . للأسف عادات المصريين كثيراً ما تتغلب علي أصول الدين !!!!!!!!

عادات قديمة مخلة بالشرع

الاهم من كده ان العادة دي متنتشرش عند الجيل الحالي او الجيل اللي كان قبلنا علي طول
هي يمكن عادة مازالت قائمة لكن احنا عايزين لها الزوال
علشان كده الاهم اننا نعرف ابناء الجيل ده بحرمتها علشان تبدأ تختفي
و تقبلي مروري علي موضوعك المهم

لا اله الا الله مهزلة بجد
واصلا حرام زيارة المقابر فى العيد حرام جدا وللاسف لا زال عندنا ناس بتعمل كده
ربنا جعل العيد للفرج مش نروح نعيط ونفتكر اللى ماتوه
هنقول ايه غير لا اله الا الله وربنا يهديهم يااااارب
وجزاكى الله على الموضوع فعلا مهم جدا

لا اله الا الله
الموضوع ده بيستفزني انا كمان بصراحه وش عارفة فيها ايه المدافن عان يروحوها
ايه الجهل ده
للاسف دي من اغبى العادات في الشعب المصري

لا حول ولا قوة االا بالله
ربنا يهديهم ويهدينا

قال رسول الله صلى الله عليه وسلم :
من رأى منكم منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان .
وأنت أيتها الأخت جزاكي الله خيرا وبارك فيكي لأنك حريصة على التمسك بالدين ولا يعجبك مثل هذه التصرفات الجاهلية وقد تكوني لا تستطيعين تغيير هذه الخرافات بيدك او بلسانك فلكي القلب وهو ان ترفضي هذه الخرافات او ثم تدعو الله لهم بالهداية وان يسلكوا سبيل الرشاد .
تقبلي تحياتي

انا متشكرة لكل اللى نوروا الموضوع بردودهم الجميلة
وادعوا معايا ربنا يصلح حالنا جميعا

ربنا يهدى الشباب والفتيات الى ما يحبه ويرضاه

علي فكره دا الي بيحصل عادي في كل المناطق
القاهره وكل المحافظات بيروحو أول يوم العيد بيفرقوا حاجات للميت والحاجات دي منتشره جدا
وهيا حرام

ربنا يهدي الجميع

أظن اني اول مرة اسمع عن الحكاية دي
بس سمعت انها في اماكن كثير في مصر
ام مشرعيتها مش عارفة الصراحة ....
وع فكرة في بلاد عربية نفس الموضوع
ربنا يهدي
شكراا

لا حول ولا قوة الا بالله
هو لسه فى ناس كده
وكمان الشباب بيقلدوهم
ربنا يهديهم

لا إله إلا الله ولا حول ولا قوة إلا بالله
ربنا يهدي المسلمين والمسلمات
اللهم آمين

ربنا يهدى جميع المسلمين لما يحب ويرضى امين
مرسى كتير لمروركم

للاسف ده بيحصل في مناطق كتير جدا في مصر مش عندك بس.....

وديه عادة نابعة عن جهل وعدم وعي ابدا لا باصول الدين او بالعادات والتقاليد......واللي بستغربله اكتر ان الشعب المصري بيقولوا عليه شعب متدين ...للاسف ظاهريا بس لكن كسلوك وتصرفات ما اظنش.....

شكرا على نقلك لموضوع زي ده...عشلن نحاول نقضي على العادات ديه...
جزاكي الله خير.....

أظن اني اول مرة اسمع عن الحكاية دي
بس سمعت انها في اماكن كثير في مصر
ام مشرعيتها مش عارفة الصراحة ....
وع فكرة في بلاد عربية نفس الموضوع
ربنا يهدي
شكراا

مشروعيتها ............... حرااااااااااااااااااام
والله تعالى اعلى واعلم

هو حرام تخصيص يوم محدد لزيارة المقابر
وحرام زيارة النساء للمقابر والله اعلم

ده كمان جهل الصعيد انيل من كده

لا حول ولا قوة الا بالله
ربنا يهدى الجميع

واللى بيقول الصعيد

ما يقولنا حاجة ولا هو كلام وبس

طبعا ربنا يهدى الجميع ...بس دى عادة منتشرة فى مصر كلها..مش فى الصعيد بس...
وكمان فى شئ اصعب بيجصل عندنا انهم بيروحوا المقابر .. اخر جمعة فى شهر رمضان
بعد صلاة الفجر ... ليه كده معرفش واهم حاجة انهم لازم يلحقوا الزيارة قبل شروق الشمس
لان بعد الشمس متنفعش الزيارة.... هونى على نفسك ...دى عادات موروثة وبقت جزء منهم
صعب تغيير تفكيرهم بسهولة....