http://knol.google.com/k/-/-/qzmy2dbn72p/kdh6ys/1569198128.jpg


تعلن شركة (( المركب اللى تودى ))
عن تصدير شحنة جديدة من شباب مصر المهاجرين
عبر مياه البحر الاحمر لايطاليا ... و قايمة الاسعار حسب الطلب ...

سفر داخل نعش فى قاع المركب ........... 1000 يورو
سفر داخل اقفاص كتاكيت فيومى ............. 1200 يورو
سفر مع تجميد اطراف اليدين و القدمين .......500 يورو

http://hibapress.com/image-hiba/bitala.jpg


و على من يتقدم للسفر ... وجوب تقديم شهادة مختومة بختم النسر تفيد تحمل جسمه
لرصاص حرس الحدود الاوروبي ... و كذلك تحمله السباحة لمسافات طويلة لان المركب
هتنزلهم قبل الشواطئ الايطالية بتلاتين كيلو متر تقريبا ... عشان ترجع تحمل غيرهم ...
مع الزام الشاب المصرى المهاجر تقديم اقرار
بصحة جسمه و خلوه تماما من الامراض و ذلك حفاظا على معدة اسماك القرش !


و هكذا حال الشاب المصرى الذى يسعى لبناء نفسه
و الذى يأس تماما انه يعمل حاجة لمستقبله داخل مصر
و لسان حال (( مصر )) ... يقول له
: (( المركب اللى تودى يا بنى )) فى منك كتير !!!!

هل هوا صح و اكرم له انه يموت على حدود اوروبا بحثا عن لقمة العيش ؟

و لا مطلوب منه يفضل فى بلده شحات ؟

سؤال يبحث عن اجابة

السلام عليكم ورحمة الله وبركاته
أكيد طبعا اللي حضرتك بتقول عليه
مشكلة كبيرة
الهجرة للعمل في بلاد الأجانب
وياما تموت في البحر أو ياما تموت في البحر
مفيش خيار تلات :d
بصراحة حاجة تحزن
لأن معظم اللي بيروح
بيشتغل في ياما في غسل الصحون
ودا طبعا بيخليه بدوق المرارة
لانه طول الوقت هربنا من الشرطة الأوروبية
يعني أقلة قيمة
سواء في البلد أو خارج البلد
ونلاقي المصريين المقتليين خارج البلد
واللي بيتجاروا في الحشيش والمخدارات
بعضهم يعني ساعات بيتخلي عن مبادئه ...
عشان أكل العيش بردو


هل هوا صح و اكرم له انه يموت على حدود اوروبا بحثا عن لقمة العيش ؟


و لا مطلوب منه يفضل فى بلده شحات ؟

شحات بكرامته في بلده
أفضل مليون مرة من اي حاجة....
علي الأقل لما يموت هيلاقي اللي يعيط عليه
شكراا لك أستاذنا

لا حول ولا قوة الا بالله العلي العظيم
موضوع محزن جدا ولكن مع شديد الاسف واقعي
جدا

لا حول ولا قوة الا بالله



















على الاساس انهم هيلاقول شغل يعنى!!!!!!!

هل هوا صح و اكرم له انه يموت على حدود اوروبا بحثا عن لقمة العيش ؟


و لا مطلوب منه يفضل فى بلده شحات ؟
الأحسن انه يموت علي حدود أوربا علي الأقل يموت وهو بيحاول يعيش بالحلال اللي بلده مش عارفة توفره له . الموت أفضل من حياة الذل والمهانة وقلة الحيلة في مصر.

ههههههههههههه عجبني الاعلان ده اوي

لكن الفكرة في ان الشباب دول فشلوا فشل كامل انهم شغلانة تليق بمقامهم في بلدهم
اه تليق بمقامهم
خريج تجارة عايز يشتغل مدير حسابات والا مفيش
مش هايدخل تجارة و يتعين موظف عادي
اهه الحتة دي اللي جايبانا ورا دلوقت
ربنا يهديهم و يصلح احوالهم يا رب
موضوع جميل تقبل مروري

مع الزام الشاب المصرى المهاجر تقديم اقرار
بصحة جسمه و خلوه تماما من الامراض و ذلك حفاظا على معدة اسماك القرش !

هههههههههههه عجابتنى اووووووووووى الحته دى وفعلا هو ده اللى بيحصل والله
ربنا يرزقهم ياارب ومايحتاجوش للغربة دى

ههههههههههههه عجبني الاعلان ده اوي

لكن الفكرة في ان الشباب دول فشلوا فشل كامل انهم شغلانة تليق بمقامهم في بلدهم
اه تليق بمقامهم
خريج تجارة عايز يشتغل مدير حسابات والا مفيش
مش هايدخل تجارة و يتعين موظف عادي
اهه الحتة دي اللي جايبانا ورا دلوقت
ربنا يهديهم و يصلح احوالهم يا رب
موضوع جميل تقبل مروري


لا والله يا احمد دلوقتى الشباب بيدوروا على اى حاجه
ده حته لو لقوا الاى حاجه دى هو حد لاقى شغل
ومش تليق بمقامهم ولا حاجه بس فعلا مافيش فرص عمل
اتفرج على القهاوى كده وانت تعرف
ده حته اللى بيشتغلوا سوق العمل واقف عندهم
ربنا يفرجها من عنده

بقولكم علي قصه يا شباب وانت افهموا اللي انتوا تشفوه


اما كنت في كليتي تربيه فنيه الزمالك بعد ما نقوم بعمل تصميم لمشغوله نحاسيه بنروح ورش خان الخليلي عشان نلمعها او نطليها فضه او دهب حسب المطلوب .

المهم كان من حظنا ان قل عدد الدكاتره النحاس في هذه السنه وكنا في بكارليوس فاستعانت الكليه بدكتور من فنون تطبيقيه قسم معادن لتدريس الماده وكان يملك وره دهب وحاصل علي جائزه دبي لافضل تصميم في الذهب وكان من حظنا بدأ يدربنا علي شغل السوق .وطلب مننا تلميع المشغولات ثم طلاء التصميم الذي سوف يقع عليه الاختيار بماء الفضه او البرونز او الذهب حسب ما تفضل انت او تأكيده فقط.


ما ان دخلت مجموعه من البنات ورشه التلميع في حاره اليهود وهي ورشه صغيره تدخلها وانت مثني الظهر وجدنا شاب جالس علي مكنه التلميع للنحاس ويعلوه الغبار والبهدله ولا يلاحظ منه غير عينيه التي برقت عندما رات زميله لنا .

وخاطبها هل انت متزوجه؟ انا لا اري دبله
فأخبرته لا

فقال انا اريد الارتباط بكي .

فابتسمت ابتسامه خبيثه لانها كانت مخطوبه ولكن لا تزال لم تلبس الدبله .

فاخبرها لماذا تنظرين لي هكذا انا بكارليوس تجاره واعمل في ورشه ابي منذ الصغر وانا من طور الورشه واشتري هذا الجهاز (جهاز تلميع وجهاز اخر الي ايضا)

ووجدنا لديه تصميم في غايه الروعه من النحاس وقد كان مطلي فظهر جماله وإذا بشاب صغير السن يدخل ويتحدث معنا هو صاحب التصميم ومو الاخ الاصغر للشاب .

واخبرنا انه تعلم هذه الصناعه من صغره حتي احترفها ودخل كليه الفنون التطبيقيه ليساعد اخيه بالورشه ولكن عن علم وان الدكتور الذي يدرس الماده يدرسه ايضا.وان اخيه وهذه الورشه هما اصحاب الفصل عليه بعد وفاه ابوه لذ قرر دخول هذالكليه خصيصا ليربط الخبره بالعلم ويتمي الصناعه عن دراسه.

الموضوع معروض بشكل ساخر ولا يليق بهؤلاء الا ان يكون هكذا
يا اخي الكريم المثل بيقول اللي يتلسع من الشوربة بينفخ في الزبادي
ودول ما بيحرموش ولا بيتعظوا شافوا غيرهم راحوا في داهية ومع ذلك مصرين
إذن لا بد من البحث عن السبب لأنه لا يلقي بالا بأنه قد يموت غرقا مقابل ان يغادر البلاد .. لابد من معرفة السبب الحقيقي وراء هذه الهجرات المحفوفة بالموت
شكرا لك .. تقبل تحياتي

بداية كدا ياجماعة ..
أنا قريتى من أكبر القرى التى يعمل معظم شبابها بايطاليا فعدد شباب بلدنا الذين يعملون بايطاليا يتجاوز الألف
لدرجة ان فى منطقة فى قريتنا اسمها (ميلانو)
ومش بس كده فى منطقة فى مدينة فرنزة الايطالية اسمها (اخطاب *)على اسم بلدنا.
هتسألنى الشاب يسافر ولا يفضل فى بلاد الشحاتين
هقول لحضرتك لو فى فرصة أكيدة ومضمونة للسفر يسافر
لانه فى كلا الحالتين سواء سافر أو ظل فى بلده كدا كدا هيشتغل بذل ولكن الفرق أنه لما يسافر هيتذل بمقابل مادى محترم لكن فى مصر الشاب بيتذل شكك

فى مشكلة دلوقتى ان حتى اللى بيسافر ايطاليا حاليا مش لاقى شغل وبيشتغل يومين فى الاسبوع وكمان مفيش معاه ورق لأن المعظم مسافر تهريب _لكن مش عن طريق البحر لان البحر دا موضة قديمة_السفر دلوقتى بيتم ان الشاب مخرج سينمائى وطالع هو وأفراد الفيلم يصوروا هناك أو رايح يحضر مؤتمر فى دولة أوربية ومن هناك ياخد القطار الدولى لحد أيطاليا وفى طرق كتيرة للسفر حاليا أو حد قريبة يقدم له فى قانون العمالة الايطالى وهو مايعرف بقانون (الخدم)


http://sphotos.ak.fbcdn.net/hphotos-ak-snc3/hs449.snc3/25722_101835893185950_100000786203777_55889_744122 7_n.jpg (http://www.facebook.com/photo.php?pid=55888&id=100000786203777)

المصريين عاملين زى المنتج الصينى بقى فى كل مكان
http://sphotos.ak.fbcdn.net/hphotos-ak-snc3/hs469.snc3/25722_101835889852617_100000786203777_55888_584912 8_n.jpg (http://www.facebook.com/photo.php?pid=55888&id=100000786203777)
صور من صلاة عيد الفطر بايطاليا
http://sphotos.ak.fbcdn.net/hphotos-ak-snc4/hs626.snc4/58649_145907958777800_100000757911465_191929_58612 57_n.jpg (http://www.facebook.com/photo.php?pid=191938&id=100000757911465)
http://sphotos.ak.fbcdn.net/hphotos-ak-snc4/hs659.snc4/59930_145908068777789_100000757911465_191937_69167 54_n.jpg (http://www.facebook.com/photo.php?pid=191938&id=100000757911465)
http://sphotos.ak.fbcdn.net/hphotos-ak-snc4/hs434.snc4/47736_145907825444480_100000757911465_191919_14874 81_n.jpg (http://www.facebook.com/photo.php?pid=191921&id=100000757911465)http://sphotos.ak.fbcdn.net/hphotos-ak-snc3/hs449.snc3/25722_101836246519248_100000786203777_55892_647855 6_n.jpg (http://www.facebook.com/photo.php?pid=55889&id=100000786203777)

هايل يا مستر عبد الله
يعني بلدكم دلوقتي قطعة من أوروبا .... !!!!!!

هايل يا مستر عبد الله
يعني بلدكم دلوقتي قطعة من أوروبا .... !!!!!!


بلدنا دلوقتى تابعة للاتحاد الاوربى .
هههههههههههههه شكرا ليك استاذنا

بلدنا دلوقتى تابعة للاتحاد الاوربى .
هههههههههههههه شكرا ليك استاذنا
يا بختكم يا عم ... الاتحاد الأوربي مرة واحدة ... ههههه

التعاملات فى بلدنا باليورو
ههههههههههههه

دا اكيد ..... الا اليورو بكام النهاردة .... هههههه