مشاهدة النسخة كاملة : (أريدُُُ أن أصبح صينيًا)..


**تسابيح**
12-09-2010, 10:23 PM
السلام عليكم ورحمة الله وبركاته
(أريدُُُ أن أصبح صينيا)هكذا قال لي ...
نظرت له باستغراب شديد ,شعرت وقتها بأن حاسة التفكير عندي قد فٌقدت .
رددت عليه رداا بديهيا:لماذا؟
قال :(قد تمكنوا من صناعة كل شيء كل شيء )أخذت يردد الكلمة
بذهول وإعجاب ...
صبي لم يتجاوز العاشرة من العمر يتمني أن يتخلي عن جنسيته ويصبح صينيا
وا آسفاه ياصغيري ...ليتك تعرف عن أجداادك المسلمين الذي غزوا العالم
بفكرهم وعلمهم ..حزينة عليك جداا ..ليتك تعرف
بأن جدك ابن سينا وعباس بن فرناس وحسن الرماح وابن خلدون
وابن بطوطة والحسن بن الهيثيم
ليتك تعرف أن الدول الغربية كانت تأتي للعالم الإسلامي كان ذات حضارة
وتقدم ,بل كان أوروبا والدول الغربية تعيش في عصور الجهل والظلام.
ليتك تعرف ياعزيزي بأن أجدادك كانوا مهرة في الطب والكيمياء
والعلوم وصناعة الأسلحة والسيوف والمدافع حتي لا يضعوا أنفسهم
تحت يد العدو...
وقتها رجعت بي الذاكرة لمحاضرة
قال الدكتورة لنا :تعرفون أن كل ما ترتدونه صينيا..
قلت:لا مستحيل ...
فرد عليه:حتي الحجاب التي ترتدينه صينيا وحقيقبة اليد .
أخذت أبحث عن العبارة مكان الصنع ,كمن تبحث عن عزيز مفقود
ووجود أن مصري الصنع قلت بفخر صناعة مصرية
فردت ماذا عن حقيبة يدك : وجدت للأسف الشديد أنها صناعة صينية ...
من وقتها وأن ابحث لدي هوس في معرفة محتويات بيتنا ,معرفة أي بلد
صنع هذا الشيء...
في مرة خلعت بطارية الهاتف النقال وجدت بصدفة
أن هاتفي صنع في سنغافور ....
من وقت قريب أتي لي هدية من السعودية فأخذت أنظروأبحث عن مكان الصنع
وجدت أنها صناعة صينية
ولكن العجب العجاب أن حتي الجلباب ذو الطابع العربي الأصيل
يصنع في الصين ...
حتي ظهر في الفترة الأخيرة موضوع الزواج من صينية ...
أشعر بأنني لا أعيش في مصر ,بل أعيش في مستعمرة صينية
لتماثيل تحمل جلود مصرية ...
أشعر بأنني لا نملك الإ جلودنا ..
حياتنا كلها أجنبية .
تعرفون أنا من المنوفية بلد تشتهر بالزراعة وبالذات القطن المصري
طويل التيلة تعرفونه أم لم تعاصره ؟! الذي سمعنا وقرأنا عنه في كتاب المدرسة
كان يُزرع في بلدنا ...الآن لا تُزرع
ولم يعد ينافس أي شيء ....
إليكم الخط ...

بلالل
12-09-2010, 10:26 PM
موضوع رائع اختى تسابيح

محمد عاطف 22
12-09-2010, 10:27 PM
جميـــــــــــــل جدا

انا من فترة كدة وضعت موضوع فى المنتدى عن العروسة الصينية

يعنى بقينا مية مية
على الاخر

تغريد الطيور
12-09-2010, 10:29 PM
موضوع رااااااااااااااائع يا تسابيح بجد كلام ممتاز

فعلا كل واحد لازم يعتز ببلده بس للاسف الصين فعلا هاتحتل المصنوعات

نقاء الروح
12-09-2010, 10:44 PM
رد فعل طبيعي من طفل ذو عشرة اعوام ،
يعني لما يشوف كل حاجة حوليه بلا استثناء
صينييي
اكيد هيعتبر الصين ديه حاجة كويسة
وبيتمنى يكون منتمي ليها
زي كتير مانفسهم يبقوا يابنيين ،

والسبب احنا ،

يعني لما يكون كل حاجة بنستخدمها تيجي من برة
ده حتى السجادة ال بنستخدمها في الصلاة فالعبادة
بتيجي من الصين ، السبحة
يعني وصلنا لمرحلة صعبة جدا ،

واهو طلعوا اليومين دول بالعروسة الصينية
يعني استعمار علني ،

كل حاجة الصين مهيمنة عليه
بس ده مش فمصر بس
احنا بنتكلم عن مشكلة عالمية
مشكلة بيعاني منها كتير من الدول ،
لحد ما دولة قررت انها تحط حد للحاجات الصينية
بدل ما اقتصادها ينهار و السبب الصين ،

الصين عملين زي الوباء ال غزا العالم كله
زي بيسموه المارد الصيني تقريبا ،

وللاسف انه ماحدش بيتحرك ويعمل حاجة ،
الكل ساكت و خلاص ،

وربنا يصلح الحال ،

وشكرا ياقمر عالموضوع المهم ،

prof_maher mohamed
12-09-2010, 10:52 PM
شكرا يا تسابيح على الموضوع الرائع

وردة امل
12-09-2010, 10:57 PM
كل شئ اصبح صينى دلوقتى مش فاضل
غير الناس تبقى صينى:dهى كمان
وكمان احنا نعتبر اننا بنشجها كمان لاننا بنستخدم
كل حاجة من صناعة الصين ومش بنشترى الصناعة المحلية;)
صنع فى مصر
مع اننا المفروض نشجع صناعتنا ونشتريها:)
وبعدين انا قريت قبل كده فى الجريدة
ان الجهات المختصة باالاستيراد بتحذر من بعض المنتجات
اللى بتيجى من الصين وطبعا المنتجات دى فيها الردئ والمتوسط
وفيها الاعلى جودة وانهم بيصدروا المنتجات اللى جودتها اعلى
لدول الاوروبية طبعا دى منتجات خاضعة لافضل معايير
وتعتبر من الدرجة الاولى
اما بئا المنتجات اللى بتجى عندنا فدى سيئة من ناحية الجودة
وغير خاضعة للمعايير المتفق عليها
واحنا بئا فرحانين اننا بنشتريها:d:d
معلش انا طولت عليكو
:):)

Mr. Ali 1
12-09-2010, 11:05 PM
لكل مجتهد نصيب والصين تجتهد وتجتاح كل الأسواق العالمية وتنجح , واحنا نايمين في العسل , يبقي العيب في مين : الطفل اللي عايز يبقي صيني أم في مصر حكومة وشعب؟!!! بالمناسبة وبما ان كل حاجة حولنا بقت صيني , ينفع نلاقي الحكومة بتاعتنا بقت صيني " بس صيني اللي بيروح أوربا وأمريكا " ؟!!!!!

**تسابيح**
13-09-2010, 04:41 AM
موضوع رائع اختى تسابيح
شكراا لحضرتك
جزيت خيرااا

جميـــــــــــــل جدا

انا من فترة كدة وضعت موضوع فى المنتدى عن العروسة الصينية

يعنى بقينا مية مية
على الاخر
مش بعيد الرد يكون صيني:d
شكراا لحضرتك
موضوع رااااااااااااااائع يا تسابيح بجد كلام ممتاز

فعلا كل واحد لازم يعتز ببلده بس للاسف الصين فعلا هاتحتل المصنوعات
واقع مرير جداا
ودا بسبب تقاعدنا وعدم أخذنا بالأسباب..
شكراا لحضرتك

**تسابيح**
13-09-2010, 04:49 AM
لكل مجتهد نصيب والصين تجتهد وتجتاح كل الأسواق العالمية وتنجح , واحنا نايمين في العسل , يبقي العيب في مين : الطفل اللي عايز يبقي صيني أم في مصر حكومة وشعب؟!!! بالمناسبة وبما ان كل حاجة حولنا بقت صيني , ينفع نلاقي الحكومة بتاعتنا بقت صيني " بس صيني اللي بيروح أوربا وأمريكا " ؟!!!!!
عندك حق أخي
فعلا هم أخذوا بالأسباب فوفقهم الله حتي لو لم يكونوا مسلمين!!
المشكلة فين
تخلينا عن ديننا
نسينا مجدنا ..أصبح كل صغيرة وكبيرة من صنع الصين...
شيء محزن يدعو للكآبة :(
تصدق فعلا
حكومتنا صيني أوربي
بقالهم 500 قرن ومش حصل لهم حاجة
االحاجة الصيني الحلوة طلعت في الحكومة ال......الله يسامحهم
عفوا لم افهم معني الجملة اللي بالأحمر
شكراا لحضرتك
جزيت خيراا

Mr. Ali 1
13-09-2010, 05:26 AM
عندك حق أخي


فعلا هم أخذوا بالأسباب فوفقهم الله حتي لو لم يكونوا مسلمين!!
المشكلة فين
تخلينا عن ديننا
نسينا مجدنا ..أصبح كل صغيرة وكبيرة من صنع الصين...
شيء محزن يدعو للكآبة :(
تصدق فعلا
حكومتنا صيني أوربي
بقالهم 500 قرن ومش حصل لهم حاجة
االحاجة الصيني الحلوة طلعت في الحكومة ال......الله يسامحهم
عفوا لم افهم معني الجملة اللي بالأحمر
شكراا لحضرتك
جزيت خيراا

ام في مصر حكومة وشعب قصدت بها أن الخطأ مش في الطفل , بل في حكومة مصر اللي مش قادرة حتي تصنع ولاعة بجنيه وبنستوردها برضة من الصين !! وكمان الخطأ في المصريين كلهم يعني فينا احنا لأن كما قلتي أنتي لا بقا عندنا دين ولا عندنا دنيا !!!! " نسوا الله فأنساهم أنفسهم"
صدق الله العظيم. جزيت كل الخير يا منوفية.
اوعي تزعلي أنا كمان منوفي.

**تسابيح**
13-09-2010, 05:29 AM
رد فعل طبيعي من طفل ذو عشرة اعوام ،

يعني لما يشوف كل حاجة حوليه بلا استثناء
صينييي
اكيد هيعتبر الصين ديه حاجة كويسة
وبيتمنى يكون منتمي ليها
زي كتير مانفسهم يبقوا يابنيين ،

والسبب احنا ،

يعني لما يكون كل حاجة بنستخدمها تيجي من برة
ده حتى السجادة ال بنستخدمها في الصلاة فالعبادة
بتيجي من الصين ، السبحة
يعني وصلنا لمرحلة صعبة جدا ،

واهو طلعوا اليومين دول بالعروسة الصينية
يعني استعمار علني ،

كل حاجة الصين مهيمنة عليه
بس ده مش فمصر بس
احنا بنتكلم عن مشكلة عالمية
مشكلة بيعاني منها كتير من الدول ،
لحد ما دولة قررت انها تحط حد للحاجات الصينية
بدل ما اقتصادها ينهار و السبب الصين ،

الصين عملين زي الوباء ال غزا العالم كله
زي بيسموه المارد الصيني تقريبا ،

وللاسف انه ماحدش بيتحرك ويعمل حاجة ،
الكل ساكت و خلاص ،

وربنا يصلح الحال ،


وشكرا ياقمر عالموضوع المهم ،

أكيد طبعا ياحبيبتي انا مش بتكلم عن مصر
انا بتكلم علينا كمسلمين
ازاي كنا بنحكم العالم
ودا طبعا بسبب التمسك بديننا وكل ما جاء به
ودلوقتي بئينا في الدرك الأسفل
ربنا يهدي
شكراا ياروحي
نورتيني

smsma81
13-09-2010, 05:32 AM
موضوع مهم يا تسابيح وانا فعلا مبسوطه انك طرحتيه!

الصيف اللي قبل اللي فات كانت موضه الاخذيه الباليرنات وده تصميم صيني . ولاني من مشجعي المنتجات المصريه بحثت في القاهره عن موديل يرضي زوقي .
ةانا اعلم تماما ان هناك مصانع احذيه بمصر حاصله علي دورات في هذا المجال من ايطاليا يعني صناعه مصريه مع تشطيب وديزين ايطالي .

وفعلا وجدت الموديل اذي ابحث عنه بالرينه جلد طبيعي وتشطيب فوق الممتاز وشغل دضدقيق وصناعه مصريه ونعل الجذاء فوق الوصف ومريح وبـ80جنيه .



الصيف الماضي كنت في زياره الي خالتي بالاسكندريه وبحثت عن اجذيه او ملابس إذا بي فوجئت بكل ما هناك صيني .

ووجدت جذاء بالرينه ايضا بـ75جنيه صنع في الصين اي ان الفرق 5 جنيهات فقط .مع ردائه الصناعه عن المصري واخبرتني خالتي ان النعل سوف يشقق بعد اسبوع

فسألت الرجل ماسبب وجود احذيه صنع في الصين وغلو الاسعار الجنونيه عن القاهره .

فاجابني لا يوجد مصانع احذيه بالاسكندريه غير وحد اما في القاهره نضيف اليه الموصلات فيصبح غالي ولكننا نستسهل الصيني .

وشعرت بالمراره .من هذا الهكسوس في ثوبه الجديد.

وقد صنعت حمله مع طلبتي في العام قبل الماضي اصنع قميص مدرستك بنفسك ولا تشجع الهكسوس ووفر اجره الخياطه علي الاقل وباجود انواع القماش .

نعم لابد من وقفه ايجابيه .فهي سلع رديئه يريدون البطاله اكثر لشعبنا وشبابنا .

**تسابيح**
13-09-2010, 05:46 AM
ام في مصر حكومة وشعب قصدت بها أن الخطأ مش في الطفل , بل في حكومة مصر اللي مش قادرة حتي تصنع ولاعة بجنيه وبنستوردها برضة من الصين !! وكمان الخطأ في المصريين كلهم يعني فينا احنا لأن كما قلتي أنتي لا بقا عندنا دين ولا عندنا دنيا !!!! " نسوا الله فأنساهم أنفسهم"
صدق الله العظيم. جزيت كل الخير يا منوفية.
اوعي تزعلي أنا كمان منوفي.
المشكلة أننا كنت حزينة جداا لعدم قدرتي ع الرد عليه
ووصل أطفالنا لهذه المرحلة
وأيضا المشكلة لا تقتصر ع مصر
مصر جزء من العالم الإسلامي
والذي نريده ان يكون واحد
ويصنع وينتج
فلا خير في أمتنا تأكل مما تصنع غيرها!!
ام عن الولادعة فلا اظن ان الامر بهذه السهولة
هناك مصاريف مستخبية للحكومة
الولادعة المصرية تصنع بجنية ونص
واكيد لازم الرجل يكسب
نقول نضيف ربع جنية
عن نفسي هتشري بديهي اللي بجنية
ولا اشتري حاجة ب2 جنية
وكمان رديئة !!!:(
يعني كبير
احنا تحت الاستعمار ومش عارفين نتحرك
لاننا مش قادرين نصنع اتفه حاجة
فما بالك بالصاوريخ والطائرات
لنا الله
شكراا لك أخي
وأريد لي الفخر كوني من المنوفية:d
ومرحبا بحضرتك

samar saad
13-09-2010, 05:47 AM
والله مش هنقول غير ربنا قادر على كل شىء
وفعلا الموضوع بقا زياده عن اللزوم بس احنا السبب احنا اللى سمحنا لده يحصل وانهم يغزوا اسواقنا
ومش الصين بس كل العالم
قليل اوووووووووى لما تلاقى حاجه صنع فى مصر
موضوع جميل يا تسابيح تقبلى مرورى

**تسابيح**
13-09-2010, 05:54 AM
موضوع مهم يا تسابيح وانا فعلا مبسوطه انك طرحتيه!

الصيف اللي قبل اللي فات كانت موضه الاخذيه الباليرنات وده تصميم صيني . ولاني من مشجعي المنتجات المصريه بحثت في القاهره عن موديل يرضي زوقي .
ةانا اعلم تماما ان هناك مصانع احذيه بمصر حاصله علي دورات في هذا المجال من ايطاليا يعني صناعه مصريه مع تشطيب وديزين ايطالي .

وفعلا وجدت الموديل اذي ابحث عنه بالرينه جلد طبيعي وتشطيب فوق الممتاز وشغل دضدقيق وصناعه مصريه ونعل الجذاء فوق الوصف ومريح وبـ80جنيه .



الصيف الماضي كنت في زياره الي خالتي بالاسكندريه وبحثت عن اجذيه او ملابس إذا بي فوجئت بكل ما هناك صيني .

ووجدت جذاء بالرينه ايضا بـ75جنيه صنع في الصين اي ان الفرق 5 جنيهات فقط .مع ردائه الصناعه عن المصري واخبرتني خالتي ان النعل سوف يشقق بعد اسبوع

فسألت الرجل ماسبب وجود احذيه صنع في الصين وغلو الاسعار الجنونيه عن القاهره .

فاجابني لا يوجد مصانع احذيه بالاسكندريه غير وحد اما في القاهره نضيف اليه الموصلات فيصبح غالي ولكننا نستسهل الصيني .

وشعرت بالمراره .من هذا الهكسوس في ثوبه الجديد.

وقد صنعت حمله مع طلبتي في العام قبل الماضي اصنع قميص مدرستك بنفسك ولا تشجع الهكسوس ووفر اجره الخياطه علي الاقل وباجود انواع القماش .

نعم لابد من وقفه ايجابيه .فهي سلع رديئه يريدون البطاله اكثر لشعبنا وشبابنا .
نعم 80 جنية ليه:d
بتمشي لوحدها
وماله ابو 18 جنية:p
احم احم
انت قلتي حاجة مهم وتجيب الضغط
الفرق بين الاسكندرية والقاهرة ساعة ونصف
والفرق بين مصر والصين شوف اد ايه
ومع ذلك تجيبي من الصين ارخص!!
اموت واعرف ازاي
انا بجد كرهت كل موضوع عن البضائع الصينية
حتي حاجة صيني
امته بئا هنقوق ونصنع بنفسنا
امته!!!
والله حاجة تزعل
بس حلوة الحملة دي
وفيه ناس بتعمل موضوع الحملات
ربنا يوفقهم ويلاقوا اقبال
جزيت خيراا

**تسابيح**
13-09-2010, 05:56 AM
شكرا يا تسابيح على الموضوع الرائع

شكراا لحضرتك

والله مش هنقول غير ربنا قادر على كل شىء
وفعلا الموضوع بقا زياده عن اللزوم بس احنا السبب احنا اللى سمحنا لده يحصل وانهم يغزوا اسواقنا
ومش الصين بس كل العالم
قليل اوووووووووى لما تلاقى حاجه صنع فى مصر
موضوع جميل يا تسابيح تقبلى مرورى
حتي لما تلاقي صناعة مصر
مش فيه لا دقة ولا اتقان
ربنا يهدي
نورتيني ياسمورة

**تسابيح**
13-09-2010, 05:58 AM
كل شئ اصبح صينى دلوقتى مش فاضل

غير الناس تبقى صينى:dهى كمان
وكمان احنا نعتبر اننا بنشجها كمان لاننا بنستخدم
كل حاجة من صناعة الصين ومش بنشترى الصناعة المحلية;)
صنع فى مصر
مع اننا المفروض نشجع صناعتنا ونشتريها:)
وبعدين انا قريت قبل كده فى الجريدة
ان الجهات المختصة باالاستيراد بتحذر من بعض المنتجات
اللى بتيجى من الصين وطبعا المنتجات دى فيها الردئ والمتوسط
وفيها الاعلى جودة وانهم بيصدروا المنتجات اللى جودتها اعلى
لدول الاوروبية طبعا دى منتجات خاضعة لافضل معايير
وتعتبر من الدرجة الاولى
اما بئا المنتجات اللى بتجى عندنا فدى سيئة من ناحية الجودة
وغير خاضعة للمعايير المتفق عليها
واحنا بئا فرحانين اننا بنشتريها:d:d
معلش انا طولت عليكو
:):)

يابنيي اصلا مفيش صناعة مصر
عشان نشجعها
وحتي لو فيه
بتبقي رديئة جداا
ومش بتستحمل
والصين بردو صناعها نص كم
بس رخيصة وف متناول الجميع
نتمي الافضل طبعا
شكراا لك

coody
13-09-2010, 06:05 AM
والله لو دخلتلنا حاجات صيني نضيفة مفيهاش مشاكل
لكن المشكلة ان احنا و بكل بساطة سامحين لمنتجات رخيصة انها تدخل عندنا من غير فرض القيود المطلوبة عليها
لو اتفرضت مش هايدخلنا منها الا الكويس
و ساعتها مش هايكون في مشكلة
اما الجواز من صينية فأنا مش عارف هما جايين مصر علي ايه
ما بلادهم مليانة رجالة
ولا يمكن في ازمة هناك و احنا مش عارفين ؟؟
الله اعلم
تقبلي مروري

**تسابيح**
13-09-2010, 06:08 AM
والله لو دخلتلنا حاجات صيني نضيفة مفيهاش مشاكل
لكن المشكلة ان احنا و بكل بساطة سامحين لمنتجات رخيصة انها تدخل عندنا من غير فرض القيود المطلوبة عليها
لو اتفرضت مش هايدخلنا منها الا الكويس
و ساعتها مش هايكون في مشكلة
اما الجواز من صينية فأنا مش عارف هما جايين مصر علي ايه
ما بلادهم مليانة رجالة
ولا يمكن في ازمة هناك و احنا مش عارفين ؟؟
الله اعلم
تقبلي مروري
المشكلة اننا مش بنصنع
ازاي ممكن حضرتك تتخيل
اننا نحارب الصهاينة واحنا مش عارفين نعمل ولاعة رخيصة وكمان باتقان
فازاي هانصنع طيارات وصاوريخ
الموضوع كبير
باين الصين بعثت لنا العرايس
عشان لما العروسة تعطل
نستبدلها :romarioxp6:
شكراا لحضرتك

مستر ايمن محمد راشد
13-09-2010, 09:37 AM
نعن العلماء العظماء القدماء كانوا مسلمين ؟؟ أين الصناعة العربية الآن
لقد انطلقت الصين تجاة الصناعة الدوليه وعرضت منتجاتها فى كل مكان فى العالم ؟؟ الى متى سنقف يا عرب
شكراً يا تسابيح النجوم على الموضوع

**تسابيح**
13-09-2010, 10:42 AM
نعن العلماء العظماء القدماء كانوا مسلمين ؟؟ أين الصناعة العربية الآن
لقد انطلقت الصين تجاة الصناعة الدوليه وعرضت منتجاتها فى كل مكان فى العالم ؟؟ الى متى سنقف يا عرب
شكراً يا تسابيح النجوم على الموضوع

أكيد لازم تكون فيه عندنا صناعات
عشان نقدر نكون كيان واع لما يحدث حووله
شكراا لحضرتك

MR : ABO BATTA
13-09-2010, 11:02 AM
لا شك يا تسابيح ان الصين مفخرة لأي شعب ان ينتمي اليها كدولة منتجة ومصدرة وتغذوا العالم بأكمله
والسؤال الآن : ما الذي وصل الصين الى هذه الدرجة من التقدم العلمي والاقتصادي والحضاري ؟؟؟؟؟
وعلى النقيض ما الذي جعلنا متأخرين علميا واقتصاديا ؟؟؟؟
شكرا تسابيح ... تقبلي تحياتي

**تسابيح**
13-09-2010, 11:05 AM
لا شك يا تسابيح ان الصين مفخرة لأي شعب ان ينتمي اليها كدولة منتجة ومصدرة وتغذوا العالم بأكمله

والسؤال الآن : ما الذي وصل الصين الى هذه الدرجة من التقدم العلمي والاقتصادي والحضاري ؟؟؟؟؟
وعلى النقيض ما الذي جعلنا متأخرين علميا واقتصاديا ؟؟؟؟

شكرا تسابيح ... تقبلي تحياتي

لان ناس أخذوا بالأسباب فربنا وفقهم وخلهم ناس متقدما
ام احنا زي واحد قاعد جنب طاولة وعمل يدعي يارب حرك الطاولة يارب حركها ...ومش أخذ بالأسباب
فلو قعد مليون سنة جنبها مش هتتحرك
احنا بعدنا عن الإسلام ومش بقيننا ننفذ حاجة فيه
عشان كدا وصلنا لما نحن فيه ....
شكراا لحضرتك أستاذنا
جزيت خيراا

MR : ABO BATTA
13-09-2010, 11:13 AM
لان ناس أخذوا بالأسباب فربنا وفقهم وخلهم ناس متقدما
ام احنا زي واحد قاعد جنب طاولة وعمل يدعي يارب حرك الطاولة يارب حركها ...ومش أخذ بالأسباب
فلو قعد مليون سنة جنبها مش هتتحرك
احنا بعدنا عن الإسلام ومش بقيننا ننفذ حاجة فيه
عشان كدا وصلنا لما نحن فيه ....
شكراا لحضرتك أستاذنا
جزيت خيراا

احسنتي الاجابة يا تسابيح
فعلا البعد عن تعاليم الاسلام هو السبب
قال الإمام محمد عبده عندما كان في فرنسا
وجدت في الغرب اسلام بلا مسلمين وهنا وجدت مسلمين بلا اسلام
شكرا تسابيح .. وفقكي الله

**تسابيح**
13-09-2010, 11:18 AM
احسنتي الاجابة يا تسابيح

فعلا البعد عن تعاليم الاسلام هو السبب
قال الإمام محمد عبده عندما كان في فرنسا
وجدت في الغرب اسلام بلا مسلمين وهنا وجدت مسلمين بلا اسلام

شكرا تسابيح .. وفقكي الله

فعلا
للأسف الشديد هو دا واقع مرير بنعيشه
بس اكيد مش نتمني انه يكون هو كل حياتنا
تبقي نصيبة
ربنا يهدينا
شكراا لحضرتك أستاذنا
أسعدني مرورك

عبد الله الرفاعي
13-09-2010, 02:43 PM
أكيد الصين دولة يرفع لها القبعات
لأن زى ما قال رئيس وزرائها قبل كده انه لا يوجد بيت فى العالم لا يوجد به منتج صينى
لكن هذا أيضا لا يمنع ان نفتخر كمصريين انه لا يوجد مكان فى العالم لا يوجد به مصرى يبحث عن فرصة عمل
وشوفوا ماتشات الأهلى فى الدول الاوربية والعربية وشوفوا الجالية المصرية حجمها بيكون قد ايه..
الصين غزت العالم بصناعتها وانتاجها
ومصر وزعت ابنائها على العالم مجانا

وعجبى!

prof_maher
13-09-2010, 02:53 PM
شكرا على الموضوع

BaNZeR
13-09-2010, 02:56 PM
لأن زى ما قال رئيس وزرائها قبل كده انه لا يوجد بيت فى العالم لا يوجد به منتج صينى
لكن هذا أيضا لا يمنع ان نفتخر كمصريين انه لا يوجد مكان فى العالم لا يوجد به مصرى يبحث عن فرصة عمل

جميلة الجملة دي
احنا بنغزو بارواحنا مش زيهم طبعاً :d

Free Love
13-09-2010, 04:10 PM
موضوع أكثر من روعه

مشكو أخت تسابيح

MR : ABO BATTA
13-09-2010, 04:28 PM
أكيد الصين دولة يرفع لها القبعات
لأن زى ما قال رئيس وزرائها قبل كده انه لا يوجد بيت فى العالم لا يوجد به منتج صينى
لكن هذا أيضا لا يمنع ان نفتخر كمصريين انه لا يوجد مكان فى العالم لا يوجد به مصرى يبحث عن فرصة عمل
وشوفوا ماتشات الأهلى فى الدول الاوربية والعربية وشوفوا الجالية المصرية حجمها بيكون قد ايه..
الصين غزت العالم بصناعتها وانتاجها
ومصر وزعت ابنائها على العالم مجانا

وعجبى!

ايوة يا يا سيدي فكرتنا برباعيات صلاح جاهين
جزاك الله خيرا مستر عبد الله

fatakat400
13-09-2010, 06:17 PM
وا آسفاه ياصغيري ...ليتك تعرف عن أجداادك المسلمين الذي غزوا العالم
بفكرهم وعلمهم ..حزينة عليك جداا ..ليتك تعرف
بأن جدك ابن سينا وعباس بن فرناس وحسن الرماح وابن خلدون
وابن بطوطة والحسن بن الهيثيم
ليتك تعرف أن الدول الغربية كانت تأتي للعالم الإسلامي كان ذات حضارة
وتقدم ,بل كان أوروبا والدول الغربية تعيش في عصور الجهل والظلام.
ليتك تعرف ياعزيزي بأن أجدادك كانوا مهرة في الطب والكيمياء
والعلوم وصناعة الأسلحة والسيوف والمدافع حتي لا يضعوا أنفسهم
تحت يد العدو...




lمتالقه كعادتك فى مواضيعك ياتسابيح
ولكن انا اعرف ماذا فعل اجدادى غيرى يعرفون
ولكن بماذا افادتنا المعرفه
كلما زادت معرفتى بهذه الاشياء ينتابنى شعور غريب بالحماقه
بماذا افادتنى المعرفه وانا فى عالم لا يوجد للتاريخ فيه مكانه
الموجود هو الحاضر والمستقبل فقط

**تسابيح**
14-09-2010, 10:24 PM
أكيد الصين دولة يرفع لها القبعات
لأن زى ما قال رئيس وزرائها قبل كده انه لا يوجد بيت فى العالم لا يوجد به منتج صينى
لكن هذا أيضا لا يمنع ان نفتخر كمصريين انه لا يوجد مكان فى العالم لا يوجد به مصرى يبحث عن فرصة عمل
وشوفوا ماتشات الأهلى فى الدول الاوربية والعربية وشوفوا الجالية المصرية حجمها بيكون قد ايه..
الصين غزت العالم بصناعتها وانتاجها
ومصر وزعت ابنائها على العالم مجانا

وعجبى!
بنبحث لسه !
وربنا يسهل
اصل احنا عندنا كرم زيادة شويتيين
بنعطي ببلاش
فعل مصيبة اللي بنعشها
مش بنقدر نستغل مواردنا البشرية
شكراا لحضرتك

**تسابيح**
14-09-2010, 10:26 PM
شكرا على الموضوع


الشكر لله
جزيت خيرااا

جميلة الجملة دي
احنا بنغزو بارواحنا مش زيهم طبعاً :d
وهي ارخص من بتاعتهم !!

موضوع أكثر من روعه

مشكو أخت تسابيح
الشكراا لله
جزيت خيراا

ايوة يا يا سيدي فكرتنا برباعيات صلاح جاهين


جزاك الله خيرا مستر عبد الله

استاذ عبدالله بيكتب شعر

**تسابيح**
14-09-2010, 10:28 PM
lمتالقه كعادتك فى مواضيعك ياتسابيح
ولكن انا اعرف ماذا فعل اجدادى غيرى يعرفون
ولكن بماذا افادتنا المعرفه
كلما زادت معرفتى بهذه الاشياء ينتابنى شعور غريب بالحماقه
بماذا افادتنى المعرفه وانا فى عالم لا يوجد للتاريخ فيه مكانه
الموجود هو الحاضر والمستقبل فقط
لعل في يوم من الايام نغير من ماضينا
ومن لم يكن ماضيه لن يعرف مستقبله
ربنا ييسر الامور
شكراا لك