قام الدكتور أحمد زكى بدر، وزير التربية والتعليم، بجولة مفاجئة، اليوم الاثنين، على عدد من المدارس التابعة لإدارة السادات التعليمية بمحافظة المنوفية، اكتشف خلالها عدم استعدادها لبدء العام الدراسى الجديد السبت المقبل، فأبدى استياءه الشديد من مسئوليها وقرر خصم 15 يوماً من راتب مدير إدارة السادات و10 أيام من راتب مدير مدرسة "العبور الابتدائية" الواقعة بالإدارة مع نقلهما إلى وظائف إدارية غير إشرافية داخل المنوفية.

وأكد "بدر"، فى تصريحات صحفية اليوم، أنه اكتشف عدم إلمام مدير الإدارة التعليمية بمدينة السادات بأية استعدادات تخص بدء الدراسة، كما فوجئ بإهمال فى عمليات النظافة بمدرسة "العبور" واكتشف أن مديرتها حوّلت مسرح كبير وحديث الإنشاء إلى مخزن للكتب والمعدات القديمة.

وأضاف أنه سأل مدير الإدارة التعليمية عن الإجراءات التى يتخذها استعدادا لبدء الدراسة فلم يتمكن من الإدلاء بأى بيانات، وأوضح "بدر" أنه اكتشف موافقة مدير "السادات التعليمية" على منح إجازات لعدد من العاملين بعد بداية العام الدراسى بالمخالفة للوائح، كما لاحظ تثبيت موجه واحد على مدرسة بعينها لأكثر من أسبوع مخالفاً التعليمات الوزارية.

وبمجرد انتهاء جولته المفاجئة أرسل وزير التعليم خطاباً إلى المهندس سامى عمارة، محافظ المنوفية، لإخطاره بما لمسه بنفسه من ضعف أداء الإدارة التعليمية بـ "السادات"، وصرح "بدر" بأنه لا بديل عن انضباط العملية التعليمية كأساس لتطوير التعليم بالتوازى مع تطوير المناهج.

واعتبر "بدر" أن مديرى المديريات والإدارات التعليمية مسئولون بشكل مباشر عن أى قصور داخل نطاق عملهم، وقال "البعض يظن أن جولاتى المفاجئة توقفت، وأن الأمور ستعود إلى ما كانت عليه"، مشدداً على أنه سيفاجئ أى مدرسة أو مديرية بزيارة فى أى وقت، وأنه سيوقع جزاءات رادعة ضد المقصرين والمتسيبين، غير أنه أوضح "سنكافئ أيضاً المتميزين"http://www.youm7.com/News.asp?NewsID=277330&SecID=97&IssueID=0

thaaaaaaaaaaaaaaaaanks

والله جدع يا سيادة الوزير في زمن لم يعد به جدعان
و علي الكل تقوي الله في عملهم ثم ضمائرهم

ياريت يعمل الكلام ده مع كل المحافظات عشان الناس تشتغل بقي

عجبانى جرئه الوزير بصراحه ومش قاعد فى مكتبه ويدى تعليمات
بصراحه المدارس مش بتتظبط الا لما يجلها زائر هو صحيح فى مدارس منضبطه احيانا ومدرسين منضبطين بس هم قله ويجيلك الزائر يمسكلك على غلطه بس بصراحه من بعدها بنتعدل كان فى حاجه لم اكن اعرفها وهى انه يجب ان نرقم صفحات دفتر التحضير وجالى زائر ولفت نظرى ليها بس دا كان فى اول سنه شغل ... ومن ساعتها وانا اول ما اشترى الدفاتر من المكتبه اجرى وارقم الصفح علشان انا بحب الالتزام ومش بحب حد يجدنى مقصرة ولو فى حاجه ذى دى.
ومرة جالنا ذائر قلب المدرسه من فوق لتحت من اول البوابه ....حتى تنك المدرسه بتاع الميه وفى المدرسه كانو مستائين ولكن انا كنت شيفااه راجل بيشوف شغله.. فما باللك بالوزييييييييييييييييييير
ربنا يجعل كلمنا خفيف عليه

يارب الوزير يروح لحد من اعضاء المنتدى المتعاقدين بس ياريت يشرفنا قدامه ويعرض عليه موقفنا من التثبيييييت
ودا هيبقى اجمد موضوووووع فى المنتدىface

يارب الوزير يروح لحد من اعضاء المنتدى المتعاقدين بس ياريت يشرفنا قدامه ويعرض عليه موقفنا من التثبيييييت
ودا هيبقى اجمد موضوووووع فى المنتدى face toface

والله برافو عليه وزير من بعد العيد على طول نزل شغله
اصل احنا متعودين ناخد اجازة قبل او بعد الاجازه يعنى قبل يوم الوقفه ناس كتير مرحتش الشغل المدارس وانا اولهم
وبعد العيد النهارده يهنى تلاميذ كتير مرحوش الدروس بتاعتهم ( تلت ارباع المجموعه مجتش والله) قال يعنى اجازة عيد وخد من دا بقى لغايه يوم السبت
وعلى راى معظم الناس والكلمه المأثورة اليومين دوووا
(عيد بقى كل سنه وانت طيب) ودا ال مضيعنا
بس والله العظيم انا رحت المدرسه امضى اول يوم رمضان مقلتش بقى رمضان وكل سنه وانت طيب
علشان بس متخدوش عنى فكرة سيئه لانى اقوم بعملى واتقى الله فيه.

اعتقد الوزير لو سأل حد من المتعاقدين عن الاستعداد للعام الدراسى الجديد هيرد عليه احسن من الموظف الاساسى ويمكن يكون كمان بيعمله شغله بدل منه احنا عايزين زى مالوزير بيعاقب المقصر يكافىء الملتزم علشان نحس ان فيه حد بيقدر تعبنا ونعرف موقفنا ايه بعد الانتظار ده كله

جزاكم الله خيرا

اعتقد الوزير لو سأل حد من المتعاقدين عن الاستعداد للعام الدراسى الجديد هيرد عليه احسن من الموظف الاساسى ويمكن يكون كمان بيعمله شغله بدل منه احنا عايزين زى مالوزير بيعاقب المقصر يكافىء الملتزم علشان نحس ان فيه حد بيقدر تعبنا ونعرف موقفنا ايه بعد الانتظار ده كله
كلامك صح 100%100

هى العملية التعليمية مش محتاجة برضه انه يلقى نظرة على احوال المتعاقدين ولا هما مش تبع العملية

مشدداً على أنه سيفاجئ أى مدرسة أو مديرية بزيارة فى أى وقت، وأنه سيوقع جزاءات رادعة ضد المقصرين والمتسيبين، غير أنه أوضح "سنكافئ أيضاً المتميزين
الراجل مقلش غير كده هو احنا على طول نعترض وبسسسسسسسسسسس

هى العملية التعليمية مش محتاجة برضه انه يلقى نظرة على احوال المتعاقدين ولا هما مش تبع العملية
يعنى هو لو عمل حاجه كويس حرام نقوله احسنت ..واحده واحده يا استاز ايهاب وبعدين مشاكل التعليم كتير لا حصر لها يعنى مش متعاقدين وبس (على فكرة انا متعاقده والله والحال زى بعضه بس لا احب ان اكون متحامله اوى على حد) وبعدين الراجل قام بزيارة مفاجئه بجد .مش زيارة مفاجئه من بتاعت زمان ال كان المعاد بيتححد قبلها والزرع يتحط والشجر يتسقى والمدرسه ال كانت طول عمرها ما اتكنست تتمسح والمدرسن ال مش بيحضرو تلاقيهم من الصبح فى الطابور

كويس اوي والواحد مننا لازم يعمل حسابه ويستعد كويس لليوم ده

ولازم نعالج جوانب القصور فينا

ونستعد نستعد