المعلم ........................... العفريت [الأرشيف] - بوابة الثانوية العامة المصرية

مشاهدة النسخة كاملة : المعلم ........................... العفريت

أحمد كووول

13-09-2010, 08:16 PM

نفسي أعرف ليه

http://www.d-m-m.org/image-files/teacher.jpg

كل مانحب نشكر ونمجد ف مدرسين زماااان

نقول :
دا المدرس زمان كان لما يمشي ف الشارع

طلابه يخافوا يمشوا قدامه ويلفوا من الشارع التاني

معني كده بالنسبة لي

إن الأولاد خايفة منه وشايفاه عفريت

وطبعا دا كله بسبب ضربه للأولاد و عقابه لهم بشدة وغلظة

مش هوه دا التعليم

المعلم الصح

المعلم اللي نقول عليه فعلا

قم للمعلم وفه التبجيلا كاد المعلم أن يكون رسولا

هو من يحبب التلاميذ فيه وفي مادته ويتفاعل معهم ويتفاعلون معه ويربط ما يتعلمون بحياتهم فيتذكرونه في كل وقت بكل خير وهنا يقفون للمعلم ويوفوه التبجيل و التعظيم فعلا لأنه كاد و اقترب من أ ن يكون رسولا ولو كان فظا غليظ القلب لانفضوا من حوله

لاوصف المعلم العفريت يعجبني معلم زمان

ولا حال المعلم الحالي يعجبني معلم المعلوم

الذي نقول له :

قم للمعلم وأعطه المعلوما وإلا ترسبن رياضة وعلوما

وأخيرا ليس كل المعلمون معلم زمان ومعلم المعلوم

ولكن هناك معلمين نرفع لهم القبعة بحق لأنهم يبذلون أقصي ما في وسعهم ليبارك الله لهم وليتقنوا عملهم الذي هو عمل الأنبياء

مجدي صـالح

13-09-2010, 08:21 PM

جميل فعلا
نحن نريد المعلم كما يجب أن يكون
ل

أحمد كووول

13-09-2010, 08:23 PM

جميل فعلا
نحن نريد المعلم كما يجب أن يكون
ل

شكرا علي مرورك الجميل يا مجدي

ايه كمال

13-09-2010, 08:25 PM

لكن هناك معلمين نرفع لهم القبعة بحق لأنهم يبذلون أقصي ما في وسعهم ليبارك الله لهم وليتقنوا عملهم الذي هو عمل الأنبياء

رائع
http://rtoosh.com/up/images/33957326371985071787.gif

أحمد كووول

13-09-2010, 08:27 PM

لكن هناك معلمين نرفع لهم القبعة بحق لأنهم يبذلون أقصي ما في وسعهم ليبارك الله لهم وليتقنوا عملهم الذي هو عمل الأنبياء

رائع

http://rtoosh.com/up/images/33957326371985071787.gif

شكرا علي مرور حضرتك الرائع

**تسابيح**

13-09-2010, 08:33 PM

لا ع فكرة
مش معني انه بيمشي من الشارع التاني انه عفريت
اكيد احترام شويتتيين ثلاثة
انا لو بشوف استاذي في الشارع ببقي نفسي اروح
اقول حضرتك عامل ايه وكدا
لان فيه اساتذة كثير بجد اتعلمت منهم حاجات
واثروا في حياتي
طبعا انا اتكسف اعمل كدا وعيب كمان ...
ببص في الأرض
وببقي نفس امشي من الشارع التاني
بس مش بلاقي شارع تاني امشي منه :d
يبقي حته كسوف اوووي
عن نفسي مش شايفة ان المعلم فقد احترامه ولا حاجة
بس فيه معلم قوي الشخصية فتلاقيه عنده هيبه كدا
ومع ذلك مرح وجد لكل شيء حدود
ومعلم ضعيف الشخصية مش قادر يسيطر
ومعلم قوي الشخصية بس يعني مش عنده الا وش التكشيره
ومعلم ضعيف الشخثية بس عنده شوية مرح حبيتيين
انا اتعملت مع كله
بس في الاول والاخرة انا مقتنعة بحاجة واحدة
ان اللي بخترم بيحترم نفسه
يعني الطالب المحترم هو المحترم سواء معلم شخصية قوية او مش قوية
ولكن دا مش يمنع ان فيه طلاب مش محترمة
وعايز الدبح في ميدان عام
المعلم له مكانة
لو مش بيؤثر ف المجتمع أكيد
مكنش حد اهتم به
زي ما قال الدكتورة مرة لو ممكن طبيب يغلط غلطة
فهو غلط ع مريض واحد ولو حتي دا حاجة كبيرة
بس لما المدرس يغلط
فهو بيدمر جيل بحاله
ان اتعاملت مع اساتذة مش كانوا بس بيدروا المواد
بيدروا التعامل والاخلاق
ربنا يرزقهم الفردوس الأعلي
شكراا لحضرتك

أحمد كووول

14-09-2010, 10:17 PM

بس فيه معلم قوي الشخصية فتلاقيه عنده هيبه كدا
ومع ذلك مرح وجد لكل شيء حدود
ومعلم ضعيف الشخصية مش قادر يسيطر

شكرا علي مرور حضرتك

تنويه رووووعه

a7mad 3abdo

14-09-2010, 10:25 PM

بص انا هقولك حاجة ,
من الاخر يعني وعلي بلاطة :)
المدرس اللي بيحبب الناس في مادته , شوية تلامذة بيسمعوه , والباقي بيتنطتوا ,
المدرس اللي بيخوفهم , كلهم بيسمعوه زي ال....
بص انا بتكلم بحكم اللي انا بشوفه في المدارس ,
انا اعرف مدرسين محترمين جدا , عايزين الواحد يفهم , وبيعملوا المستحيل عشان كدا
مع ذلك تلاقي محدش عايز يسمعهم ...

حكاية المدرس اللي بيحبب الطالب في المادة دا لازم يلاقي طالب عايز يتعلم بجد
بس هيجيبه منين ؟؟؟
لازم التعليم يبقي اجباري ,, بالشدة والعنف ...
لان الطلبة مش عايزة تتعلم
يعني مثلا : انت عندك طالب فاشل جدا ,,
هتقوله : تعالي يا حبيبي اشرحلك درس ؟؟
والله هيسيبك ويجري ,
مهما عملت .
المدرس اللي بيحبب الطلبة في مادته دا بيبقي عايز واحد حابب انه يتعلم من الاصل

بص المقارنة اللذيذة دي ,
شوف زمان كان عامل ازاي , ودلوقتي ؟!
هتلاقي ان مع الشدة والعنف .. ماكنش في تسيب ولا نسبة الرسوب دي
مكنتش تسمع عن حكاية التزويغ من المدارس والحصص
شوف دلوقتي بقي ... !!
اتمني تكون فهمتني صح ,
جزاك الله خيرا علي الموضوع .

MR : ABO BATTA

15-09-2010, 09:19 AM

نفسي أعرف ليه

كل مانحب نشكر ونمجد ف مدرسين زماااان

نقول :
دا المدرس زمان كان لما يمشي ف الشارع

طلابه يخافوا يمشوا قدامه ويلفوا من الشارع التاني

معني كده بالنسبة لي

إن الأولاد خايفة منه وشايفاه عفريت

وطبعا دا كله بسبب ضربه للأولاد و عقابه لهم بشدة وغلظة

مش هوه دا التعليم

المعلم الصح

المعلم اللي نقول عليه فعلا

قم للمعلم وفه التبجيلا كاد المعلم أن يكون رسولا

مش شرط لأنه كان بيضرب .. وحتى لو كان هذا هو السبب فشكرا لهذا المدرس الذي ربى أجيال تعرف قيمة المدرس بدليل ان من يقول هذه العبارات هم رجال كبار الآن وعندما يتحدثون عن أحد هؤلاء " العفاريت " على حد قولك واعتقادك بهم لا يذكره بسوء ابدا وانما يذكر انه قوم فيه سلوكا كان معوجا ومن يومها اختفى هذا السلوك منه
يا اخي الكريم هل يعجبك حال المعلم اليوم ؟؟؟!!!!!
أين المعلم امام طلبة لا يذهبون المدرسة ؟؟؟؟
أين المعلم امام طلبة لا يردعهم رادع امامه ؟؟؟؟
أين المعلم امام إدارة المدرسة التي لا حول لها ولا قوة ؟؟؟؟
أين المعلم الذي يهدده الخوف على مستقبله لو تعرض لأحد الطلاب ولو بكلمة بسيطة فضلا عن ضربه ؟؟؟؟
لا يا عزيزي مدرسينا زمان لم يكونوا عفاريت ولم يتجنوا علينا ولم يضربوننا من الباب للطاق كما يقولون ولكن المخطئ هو من كان يقوم والصائب كان يحفز ويكافأ ... ليت هذه الأيام تعود ..ولكن هيهات .. هيهات ..
وعلى رأي الست : قول للزمان ارجع يا زمان ... !!!!

أحمد كووول

15-09-2010, 12:59 PM

بص انا هقولك حاجة ,
من الاخر يعني وعلي بلاطة :)

هات م الآخر إذا كان كده ماااااااشي

المدرس اللي بيحبب الناس في مادته , شوية تلامذة بيسمعوه , والباقي بيتنطتوا ,
المدرس اللي بيخوفهم , كلهم بيسمعوه زي ال....
بص انا بتكلم بحكم اللي انا بشوفه في المدارس ,
انا اعرف مدرسين محترمين جدا , عايزين الواحد يفهم , وبيعملوا المستحيل عشان كدا
مع ذلك تلاقي محدش عايز يسمعهم ...

مش كفايه إن المدرس يكون عايز الطالب يفهم

المهم إن المدرس يعرف يجذب أذهان الطلاب للدرس

ودي أهم حاجة من خلال قصة أو موقف أو عرض وسيلة جذابة

ولازم دا يكون الانطباع الأول لدي الطلاب

إن هذا المدرس مختلف عن باقي المدرسين

ولازم المدرس علشان يكون ناجح يكون مختلف

علشان كده المدرس لازم يكون عنده مادة علمية و مهارة في جذب ذهن التلاميذ لموضوع الدرس و طبعا لا زم يكون في حزم وشدة مع من يخرج الطلاب من تركيزهم الذهني
بس لما مايكونش فيه أصلا جذب لذهن التلاميذ !!!

حكاية المدرس اللي بيحبب الطالب في المادة دا لازم يلاقي طالب عايز يتعلم بجد
بس هيجيبه منين ؟؟؟
لازم التعليم يبقي اجباري ,, بالشدة والعنف ...
لان الطلبة مش عايزة تتعلم

حال التعليم في مصر أصلا مأساوي

يعني مثلا : انت عندك طالب فاشل جدا ,,
هتقوله : تعالي يا حبيبي اشرحلك درس ؟؟
والله هيسيبك ويجري ,
مهما عملت .
المدرس اللي بيحبب الطلبة في مادته دا بيبقي عايز واحد حابب انه يتعلم من الاصل

بص المقارنة اللذيذة دي ,
شوف زمان كان عامل ازاي , ودلوقتي ؟!

بمناسبة زمان
جدي كان مدرس كان بيقبض 17 جنية ونص
بس ايه ملك زمانه

أيام الجنية = 3 دولار
كان مستريح ماديا .................. بال 17 جنية ونص وكان بيحوش

عدد التلاميذ في الفصل 30
رايح المدرسة رايق
المادة العلمية موجودة
لازم يبدع

آسف علي الرغي

هتلاقي ان مع الشدة والعنف .. ماكنش في تسيب ولا نسبة الرسوب دي
مكنتش تسمع عن حكاية التزويغ من المدارس والحصص
شوف دلوقتي بقي ... !!
اتمني تكون فهمتني صح ,
جزاك الله خيرا علي الموضوع .

شكرا علي مرورك الرووووعه

أحمد كووول

15-09-2010, 01:13 PM

يا اخي الكريم هل يعجبك حال المعلم اليوم ؟؟؟!!!!!
بالطبع لا وألف لا
أين المعلم الكفء ؟
أين المعلم الذي يقرأ في علم النفس التربوي قبل ما يحضر درسه ؟
أين المعلم الذي شغله الشاغل كيفية جذب انتباه التلاميذ للدرس ؟
أين المعلم الذي لديه خبرات تربوية بحق ويساعد علي بناء شخصية مختلفة لكل تلميذ ؟
أين المعلم المرتاح ماديا ليبدع في عمله ؟
أين معادلة التربية و التعليم ؟
علم + خيال = ابداع

أين المعلم امام طلبة لا يذهبون المدرسة ؟؟؟؟
أين المعلم امام طلبة لا يردعهم رادع امامه ؟؟؟؟
أين المعلم امام إدارة المدرسة التي لا حول لها ولا قوة ؟؟؟؟
أين المعلم الذي يهدده الخوف على مستقبله لو تعرض لأحد الطلاب ولو بكلمة بسيطة فضلا عن ضربه ؟؟؟؟
لا يا عزيزي مدرسينا زمان لم يكونوا عفاريت ولم يتجنوا علينا ولم يضربوننا من الباب للطاق كما يقولون ولكن المخطئ هو من كان يقوم والصائب كان يحفز ويكافأ ... ليت هذه الأيام تعود ..ولكن هيهات .. هيهات ..

وعلى رأي الست : قول للزمان ارجع يا زمان ... !!!!

بصدق نحن بحاجة إلي تغيير جذري في التعليم

وبصدق لن ننعم بتعليم جيد إلا إذا كان هناك من يخاف علي أبناء الوطن وكرامتهم وسط التقدم العلمي الرهيب من حولنا واحنا لسه مش عارفين نصنع قلم رصاص

وبصدق هذا غير متوفر في الوقت الحالي

والله المستعان

وكل واحد يعمل اللي يقدر عليه ويتقن عمله علي قد ما يقدر

إلي أن يصلح الحال

إما بأيدينا أو بأيدي من يأتي بعدنا

وشكرا علي مرور حضرتك يا أبو بطة

ومتقولش للزمان إرجع يا زمان

لا يغير الله ما بقوم حتي يغيروا ما بأنفسهم

BaNZeR

15-09-2010, 02:09 PM

scream angle

15-09-2010, 02:30 PM

مش معنى انى امشى من الشارع التانى لما اشوف مدرسى انه عفريت بالعكس ده احترام وتقدير

أحمد كووول

15-09-2010, 02:34 PM

والله العظيم العصايا مش هي الحل

انا جربت المدرس اللى بيدخل بعصايا وحصته بتبقى فوضى
وجربت المدرس اللى بيدخل مفيش في ايده ورقة حتى
والفصل بيبقى كله منتبهله

بلاش كدا
تعالى في الجامعة مثلاً

عندنا في هندسة مثلاً
معروف انه الطلبة دايماً بتزوغ المحاضرات ومبتحضرش حتى ولو في غياب في المحاضرة

وانا في اعدادي كان عندنا دكتور (جديد) بس راجل شخصية بجد
عمره ما هزق ولا طرد ولا شتم ولا حتى بيعلق على اللى تليفونه بيرن في المحاضرة :d
والله المجموعات اللى مش بتاخد عنده كانت بتيجي تحضرله معانا وبيبقى المدرج في ناس واقفة !

المدرس بشخصيته مش بعصايته

ولو في مدرس بحبه ماشي في الشارع
بسلم عليه طبعاً ايه اخاف وامشي في الشارع تاني ده :d
لو حصل كده يبقى اكيد عشان بكرهه او بخاف منه
وده اللى كان بيحصل زمان

الله ينور عليك إذا كان كده ماااااااااااااااااااااشي

أيوه كده المعلم بشخصيتة القوية ومش معني الشخصية القوية

الضرب و الشخط و النطر

الشخصية القوية لها ملامح

ملامح الشخص القوي :
1- التفكير الجيد و التخطيط وترتيب الأولويات .
2- مهارات اجتماعية عالية ( يعبر عن رأيه ( آه و لا ) يتعاطف مع الآخرين حازم أحيانا ولطيف أحيانا أخري )
3- الإصرار ....مهما وجه له نقد لا يحبطه ومش مستني حد يشجعه
4- غالبا ما يكون هادئاً .
5- لديه رؤيه واضحه في حياته ( يعرف ماذا يعمل ولماذا ) .

وشكرا عل المرور الرائع

أحمد كووول

15-09-2010, 02:38 PM

مش معنى انى امشى من الشارع التانى لما اشوف مدرسى انه عفريت بالعكس ده احترام وتقدير

بالنسبة للبنات تختلف

ممكن يكون عندها حياء ودا حاجة كويسه جدا

شكرا علي تعليق حضرتك أيتها الفتاة العنيدة

عبد الله الرفاعي

15-09-2010, 04:28 PM

لا تقل لى من انت ولكن قل لى من تلاميذك أقل لك من انت

MR : ABO BATTA

20-09-2010, 03:52 PM

بصدق نحن بحاجة إلي تغيير جذري في التعليم

وبصدق لن ننعم بتعليم جيد إلا إذا كان هناك من يخاف علي أبناء الوطن وكرامتهم وسط التقدم العلمي الرهيب من حولنا واحنا لسه مش عارفين نصنع قلم رصاص

وبصدق هذا غير متوفر في الوقت الحالي

والله المستعان

وكل واحد يعمل اللي يقدر عليه ويتقن عمله علي قد ما يقدر

إلي أن يصلح الحال

إما بأيدينا أو بأيدي من يأتي بعدنا

وشكرا علي مرور حضرتك يا أبو بطة

ومتقولش للزمان إرجع يا زمان

لا يغير الله ما بقوم حتي يغيروا ما بأنفسهم

اشكرك يافندم على هذه المداخلة الجميلة