الى كل مدرسين الرياضيات
ايه احسن طريقه لحل و مزاكره النهايات
المسائل مش بتطلع معايا
و مش عارفه اعمل ايه
يا ريت حضراتكم تساعدوني بالمذكرات و الشرح و بعض النصائح في المزاكره
من خلال خبراتكم
انا كده حاسه اني ضعت في الرياضه ارجوكم ساعدوني
و شكرا مقدما لكل الاساتذه الموجودين

عليك باتباع الخطوات خطوة بخطوة
أولا عوضي مباشرة في الدالة
ثم انظري للمسألة تنفع تتحل ب التحليل بمجرد النظر أو المقص او الفرق بين مكعبين و مربعين (أنواع التحليل ) أو العامل المشترك
أو القسمة المطولة أو الضرب في المرافق أو القانون
ثم احزفي الحدود المتشابهة في البسط مع المقام (العامل الصفري)
ثم عوضي في الباقي تطلع ان شاء الله (ركزي في الاشارات والتعويض الصح )

شكرا جدا لحضرتك
هي بس القسمه المطوله و الحاجات دي ساعات بتبقى رخمه و كمان لو مش واضح نوع التحليل
بس بعد كده كله بيبقى سهل
يعني مثلا لو عندي س اس خمسه + س اس تلاته + 6
اقسمها و اخد مشترك و لا قسمه مطوله و لا ايه ؟؟؟؟!!!
انا اسفه ان كنت بتقل على حضرتك

في مسالتك ممكن ينفع الحلين حسب المقلم
يعني المقام لو مقدار ينفع يتحلل حلليه ثم عليك البسط قسمة مطولة
اذا لم تنفع ممكن نقسم البسط نهايتين وتتحل بالقانون
ولو كتبت المسألة كاملة كان أحسن
ونصيحة حلي كتير واللي يقف عليك اسالي المدرسين لان هناك مسائل لها افكار كثير وعادي لا تحزني ولا تضايقي
واي مسالة تقف عليك انا تحت امرك

شكرا جزيلا لحضرتك
انا هحل فعلا مسائل كتير و يارب يكرمني
و ان شاء الله لو في حاجه في الرياضه اكيد مش هتردد اسال حضرتك
شكرا جزيلا مره تانيه

شكرا جزيلا لحضرتك
انا هحل فعلا مسائل كتير و يارب يكرمني
و ان شاء الله لو في حاجه في الرياضه اكيد مش هتردد اسال حضرتك
شكرا جزيلا مره تانيه
زى ما اتفضل أستاذنا / محمد السيد ولخص لك نهاية دالة عند نقطة بحيث يكسر حتة الرهبة منها ، احنا لسة فى أول السنة وشوية شغل منك على شوية متابعة للحاجات المحلولة هنا حتبقى تمام ! واللى يقف معاكى ابعتيه للمنتدى وأستاذ/ محمد ( وأساتذة كتير تانى ) حيحلولك ــ مع الشرح ــ أى مسألة تبعتيها ، والأستاذ عنده حاجات تانى كتير حيقدمها لك فى وقتها ، ادعى له ربنا يبارك له ، وانت ربنا يوفقك وشرح صدرك وتبقى من المتفوقين
احمد عبد العال

شكرا جدا لحضرتك يا مستر احمد
انا بجد مش عارفه اقول لحضراتكم ايه
و والله بدعي لحضراتكم طبعا
و اكيد مش هسكت لو حاجه وقفت معايا

و شكرا جزيلا لحضراتكم جميعا