زي منتو عارفين انه المشرف عضو قبل ما يكون مشرف

بل إنه المشرف هو عضو مقيد بظروف معينة

فمن الواجب اننا جميعاً نتعاون مع بعضنا

انتو كلكو مشرفين القسم العام

مش لازم يبقى معايا صلاحيات عشان انظم المنتدى

انا اقدر بنفسي افيد القسم بالمواضيع الهادفة والمفيدة
وابلغ عن المخالفات اللى فيه

اكيد انا مش كاتب الموضوع بمجد في المشرفين ولا بوضح اهميتهم

النهاردة انا حسيبلكو المنصة
كل واحد يعتبر نفسه مشرف القسم العام

ويقول كل اللى هو شايفه حلو او وحش في القسم

ايه اللى كان ممكن يضيفه او يشيله من قوانين القسم

ايه الاقتراحات اللى ممكن يضيفها عليه

ايه تقييمك للقسم حالياً ؟
الآن - وقبل شهور (قبل الانتخابات) - وفيما بعد !

ما مدى استفادتك من مواضيع القسم العام

ما مقدار الوقت الذي تنفقه على وجودك في القسم العام
مقارنة ببقية الاقسام ؟

هل يحقق الاهداف المرجوة منه ؟


يلا كل واحد يطلق العنان لنفسه ويقول كل اللى شايفه في القسم
خلو بالكو بقول القسم مش المشرفين :d
في انتظار آرائكم وافكاركم جميعاً

القسم العام هو أكثر الأقسام دخولاً ومشاركة من الأعضاء , ولذا تقع علي المشرف مسئولية كبيرة جداً . وسبق لي أن قلت بأن القسم له 4 مشرفين , ولكنني لا أري سوي 2 . انت وتسابيح النجوم , ولا أدري أين الباقي؟!! فكما قلت مسئولية هذا القسم ومتابعة موضوعاته الكثيرة جدا , أمر مرهق جدا جدا . الأخ بانزر والأخت تسابيح انتوا بتبذلوا مجهود واضح , لكن أعتقد ان انتم لسه طلبة ما لم أكن علي خطأ , والدراسة علي الأبواب , ولما يكون للقسم 4 مشرفين يبقي لازم الأربعة يتعاونوا مع بعض .
أما بالنسبة إلي الانتقادات الخاصة بالقسم فهي :-
1- تكرار بعض المواضيع بأساليب مختلفة ولكن بنفس الجوهر.
2- مشاركة الأعضاء في المواضيع معظمها لزيادة عدد المشاركات فقط دون ابداء لرأيه .
3- كثرة الموضوعات الجديدة مما يجعل الموضوعات السابقة لا تأخذ حقها من المناقشة.
القسم العام مفيد جداً في معرفة الآراء المختلفة. وهذا القسم أقضي فيه معظم وقتي.
ولدي اقتراح واتمني التفكير فيه وهو ان يسمح للعضو بعمل موضوعين فقط في الأسبوع , حتي يتاح لكل موضوع مناقشته وابداء الأراء المختلفة فيه , وكمان يتيح للأقسام الأخري أن يشارك بها الأعضاء.

القسم العام هو أكثر الأقسام دخولاً ومشاركة من الأعضاء , ولذا تقع علي المشرف مسئولية كبيرة جداً . وسبق لي أن قلت بأن القسم له 4 مشرفين , ولكنني لا أري سوي 2 . انت وتسابيح النجوم , ولا أدري أين الباقي؟!! فكما قلت مسئولية هذا القسم ومتابعة موضوعاته الكثيرة جدا , أمر مرهق جدا جدا . الأخ بانزر والأخت تسابيح انتوا بتبذلوا مجهود واضح , لكن أعتقد ان انتم لسه طلبة ما لم أكن علي خطأ , والدراسة علي الأبواب , ولما يكون للقسم 4 مشرفين يبقي لازم الأربعة يتعاونوا مع بعض .

برده قايل في الموضوع القسم مش المشرفين واول حاجة تتكتب في التوبيك عن المشرفين :d
مش معنى انك بتشوف اتنين بيردو داخل المواضيع انه التانيين مش بيدخلو
في كم مواضيع بتتحف وبتتنقل مش بتشوفوها اصلاً :d
واكيد يعني بنتعاون مع بعض مش واقفين بنتفرج على بعض
لكن مش كل الاجراءات اللى بتتم بتشوفوها

كان نفسي يبقى ردك شامل اكتر بخصوص الاسئلة اللى حطيتها بالاحمر
وحستنى كل تعليقاتكم وحرد عليكو في الاخر بإذن الله

أولا : ايه المانع إن الواحد يشارك بأكثر من موضوع في يوم واحد إن كان هادف

ثانيا : ايه المانع أن يكون العنوان جذاب ومثير للذهن بس المهم إنه يدلك علي موضوع هادف

وشكرا

خلاص مفيش حد شايف اي حاجة تاني حلوة او وحشة في القسم

أكيد في حاجات حلوة وحاجات ...
بالنسبة للحلو ان المواضيع اعتقد قلت نوعا ما عن الأول ودا راجع للإلتزام بالقوانين وكمان راجع لنشاط المشرفين الجدد

ولسة الموضوع جديد وباقي الأعضاء كل واحد هيقول رأيه
تقبل تحياتي بانزر

بصراحة مش عارفة دى مبالغة ولا ايه
بس المنتدى كله رائع سواء مشرفين اعضاء مواضيع ويا رب للامام دائما
بس بالنسبة للاشراف مليش فيه بس شايفة ان مشرفين القسم العام قايمين بمجهود جامد جدا وانهم بيقفوا كل حاجة عند حدودها ربنا يحفظهم ولهم منى خالص الاحترام والتقدير
أما القسم العام فهو رائع بصراحة
وأنا مالى أنا عضوة وبس مليش فى الاشراف
وربنا يخليلنا مشرفين القسم العام والمنتدى كله يا رب

بأختصار شديد
الاخ رضا عطية هناك قرار ايقاف نهائى ومنعة من دخول المنتدى نهائياً
لما سببة من اهانات لكثير من الاشخاص المحترمين
ولأسلوبة المتدنى الذى لا يليق بأى مكان محترم
لذا ممنوع منعاً باتاً لاى من المشرفين السماح لة او اعطائة اى فرصة لاى مناقشة
لانة قد استنفذ جميع الفرص التى منحت لة بأهاناتة المتكررة واسلوبة الغير مقبول
وتم فتح الموضوع
فى رعاية الله

أما بالنسبة إلي الانتقادات الخاصة بالقسم فهي :-
1- تكرار بعض المواضيع بأساليب مختلفة ولكن بنفس الجوهر.
2- مشاركة الأعضاء في المواضيع معظمها لزيادة عدد المشاركات فقط دون ابداء لرأيه .
3- كثرة الموضوعات الجديدة مما يجعل الموضوعات السابقة لا تأخذ حقها من المناقشة.
القسم العام مفيد جداً في معرفة الآراء المختلفة. وهذا القسم أقضي فيه معظم وقتي.
ولدي اقتراح واتمني التفكير فيه وهو ان يسمح للعضو بعمل موضوعين فقط في الأسبوع , حتي يتاح لكل موضوع مناقشته وابداء الأراء المختلفة فيه , وكمان يتيح للأقسام الأخري أن يشارك بها الأعضاء.
رد حضرتك هو الرد الايجابي الوحيد في الموضوع حتى الآن ... جزاك الله خيراً

بخصوص التلات نقاط فهما فعلاً موجودين
والسبب في معظمهم كثرة المواضيع المنقولة
وقد يتم حل هذه المشكلة بمنع المواضيع المنقولة تماماً إلا في حالات خاصة يتم استثنائها

لإنه فعلاً المواضيع كتيرة جداً وكله بيجيب جاهز اسهل من الكتابة الشخصية
وعشان كدا قررنا مشرفي القسم العام بمنع المواضيع المنقولة الغير نقاشية
حيث أن ردود تلك المواضيع لا تتعدى الشكر والثناء دائماً
واراهنكو ... محدش بيقراها :p

في انتظار اقتراحات اخرى لتطوير القسم والنهوض به

وشكراً لبقية الردود