أثارت صورة نشرها موقع جريدة الأهرام للرئيس مبارك يتقدم زعماء العالم سخرية وسخط زوار "فيس بوك" من أعضاء جروب كلنا خالد سعيد، حيث تم إنتاج الصورة باستخدام برامج الكمبيوتر.

جاءت الصورة "المفبركة" التي نشرتها الأهرام للرئيس مبارك متقدما الرئيس الأمريكي باراك أوباما ورئيس الوزراء الإسرائيلي بنيامين نتنياهو والعاهل الأردني الملك عبد الله الثاني والرئيس الفلسطيني محمود عباس، وذلك محاكاة أو ردا على نفس الصورة التي نشرتها بعض وكالات الأنباء العالمية، وأظهرت الرئيس مبارك سائرا في المؤخرة.

ونشرت الصورة مصاحبة لتقرير كتبه الدكتور عبد المنعم سعيد رئيس مجلس الإدارة، تناول فيه المفاوضات المباشرة بين الفلسطينيين والإسرائيليين، وبدا واضحا أن الصورة تم تركيبها وانها ليست حقيقية.

وعبر كثيرون عن عدم رضاهم عما يحدث في الأهرام مؤخرا معتبرين أن هذه الصورة هي استمرار لما اعتبروه سياسة الأهرام في تزييف الحقائق في بعض القضايا .

وطالب أحد أعضاء جروب خالد سعيد بوقف طبع الجريدة باعتبارها مطبوعة يتم الإنفاق عليها من أموال الشعب من دافعي الضرائب، ووصف آخر الجريدة بأنها يتم طباعتها لأهالي كوكب "المريخ"، واتهم آخرون الجريدة بأنها ناطقة باسم الحكومة ولا تعبر إلا عما ترضى عنه حكومة الحزب الوطني.

http://productnews.link.net/general/News/14-09-2010/mob_1.jpg

http://productnews.link.net/general/News/14-09-2010/mob_2.jpg

http://www.masrawy.com/News/Egypt/Politics/2010/september/14/ahram.aspx

هاتلاحظوا ان الوان الكرافتات مختلفة و ان الظل مش سليم

No Comment

ما يمشي ورا ولا يمشي قدام هي دي المشكلة :d

أكيد هو الأول وبلا منازع . هو فيه رئيس فيهم بقاله 30 سنة في الحكم؟!!! فيهم واحد قدر يعمل اللي عايزه في بلده زي الرئيس بتاعنا؟!! وبعدين يا جماعة الأقدمية تحكم !!!!!!!!!!!!!!!!!!!!!!!!!!!

http://productnews.link.net/general/news/14-09-2010/mob_1.jpg




http://productnews.link.net/general/news/14-09-2010/mob_2.jpg





مسابقة عالمية

استخرج 5 أخطاء بالصورة الثانية
لم نقل أكثر
ههههههههههههههههههههههههههه

يعني هي المشكلة ان الريس يمشي ورا ولا يمشي قدام ؟؟
وهي دي اللي اثارت السخرية ؟!
ومفيش اي مشكلة في انهم قاعدين يعملوا مفاوضات بقالهم 62 سنة ومازلنا ننتظر , دي مفيهاش اي سخرية ..
دي حاجة طبيعية جدا
رايحين نتفاوض مع يهود ... الوقت فات من زمان ..
فين ايامك يا سادات ؟ فين ايام كرسي عرفات ؟
دلوقتي نفسنا في معاهدة سلام ..
بعد ما قالوا علي السادات خاين ...
ربنا يصبرنا علي ما ابتلانا ...

المشكلة مش فى مكان الريس

المشكلة أن الأهرام
إحدى الجرائدالرسمية
مزورة


يعنى لا مصداقية




يعنى هى جت على مصداقية الجريدة


ربنا يرحمنا برحمته
ويزيح عنا الغمة


اللهم أمين

هي الفكرة في ان النظام اصبح توجه الطبيعي تجاه التزوير, تزوير كل شيء. تزوير استفتاءات تزوير انتخابات, تزوير انجازات وهمية, تزوير اخبار , تزوير التاريخ,تزوير استطلاعات رأي, واخيرا تزوير الصور ,تقريبا كل شيء عندهم بقى مزور وعاوزنا نصدق التزوير ده رغم ان اصبح تزوير رديء زي اي حاجة بتصدر عنهم.

نقدر نطلع من الخبر ده أن النظام الحالي لا توجد له ادنى مصداقية, فحتى صورة عادية في خبر في جريدة تم تزويرها. لابد من التغيير, ما ينفعش اننا نكمل حياتنا و أولادنا يكبروا في حياة كلها تزوير و مزيفة.

الاهرام قامت بحذف الصورة بعد ما اتعملت لها فضيحة
http://www.egyptwindow.net/news_Details.aspx?News_ID=9585

الصور دة اكبر خطا ومش هتصدق ابدا
عارفين لية لاننا عمرنا ورا وعمرنا مهنتقدم قدهم غير لما ربنا يرضى عننا اولا
واحنا نرضى على نفسنا ونعتز باسلامنا وكرمتنا ونفوق من الغمة الى احنا فيها
هى ناقصة تزوير... الله يهديكم

هههههههههههههههههههه


والله مش عارف ابكي عى حالنا ولا اصحك عليه !!!


حتى الجرايد انعدمت فيها المصداقية !!


طيب بعد كدة نصدق مين ؟؟


وهتفرق ايه مع سعادتهم بسلامته يكون ورا ولا أدام


مش مهم هو فين

المهم هو مودينا فييين



احنا ورا ولا أدام ؟؟

الخبر نزل في BBC
http://www.bbc.co.uk/news/world-middle-east-11313738
النظام فضحنا وبوظ سمعة مصر, ويرجع يتهم فلان وعلان انهم بيشوهوا سمعة مصر. يا ترى العالم بيقول ايه علينا دلوقتي؟

ظريفة الفكرة

اللهم لا تعليق

no comment tttttttttttttttttttttttttttttttttttttttttttttttttt tttttttttt

ما الفائدة من ذلككككككككككككككككككككككككككككككككك

عادي حال كل الجرائد ما يستدعي للدهشة:006et4:

يا جماعة
ده جرنان مصري
لازم يطلع الريس المصري في الصورة
ده منطقي جداً
بس بصراحة فكرة مضحكة جداً
ههههههههههه
قاعدين يدوروا مين اللي قدام و مين ورا
هو احنا في سباق ولا ايه ؟
مش فاهم الناس دي سايبين كل اللي بيحصل في البلد و جايين يعملوا سباق مين اللي قدام
سبحان الله
له في خلقه حكم !!