لكى تتعمق فى هذا الموضوع وتكون إيجابى وتشارك ولاتكتفى بالمشاهدة لابد وأن تجيب عن السؤال التالى :--
هل أنت معى فى أن نجوم الفساد فى المجتمع المصرى تزداد توهجا يوما بعد يوم وتنطفىء نجوم الاصلاح والموده والانتماء للجماعه وأصبحت الانانية والفردية هى فى المقام الاول ؟؟
بعد تكوين الإجابة (بنعم) أو(لا )
إليك معطيات البحث العلمى الذى نريد تقديمه للناس وعليك أن تضع نسب لكل إجابة::
1_ لو دخلت أى مسابقة أنت وصديقك والمطلوب طبعا فائز واحد فماشعورك الحقيقى؟
2-لو أنت تقود سيارة أو تركب سيارة أجرة هل معاملة رجل المرور واحدة مع السائقين؟
3- لو إنت فى الفصل هل معاملة المدرس واحدة مع الجميع ؟
4-لوحدثت مشاجرة هل عد المصلحين تساوى عدد اللى بيولعوها ؟
5-هل أخلاق الناس فى رمضان زى أخلاقهم دلوقتى فى الشهور التانيه؟
6- هل صاحب الفرن اللى بيرمى لك العيش وهو بينفخ -بيرميه للموظف المختص اللى بيوصل له العيش لحد البيت ليغذى عليها طيوره ؟
7-هل ناظر المدرسه يحبك كما يحب إبنه؟
8-هل عندما تقول كلمة حق يكون رد الفعل عند الناس كمن يكذب ليحمى نفسه والاخرين ؟
9- هل يبكى الباشا بن الباشا على نهر النيل كما يرعب موضوع هذا النهر فقراء هذا الوطن ؟
10- هل تحترم مشرف هذا القسم وهل تظن إنه يحترمك؟

العشرة نقاط ليست اجبارية --- فلك حق الاختيار فى أى عدد حتى لو نقطة واحدة http://www.egystu.com/vb/images/smilies/biggrin1.gif
المهم تكون إيجابى وتشاركنا الرأى --- وأرجو عدم فلسفة الردود
فليست هذه قاعدة عامة فهناك من هم مازالوا يحملون الخير فى قلوبهم وضلوعهم ويتجرعوا المرار من أجل زرعها فى نفوس أبنائهم وكل من حولهم

اختار موقف أونقطه واتكلم فيها
المهم اتكلم قوووووووووووووووووول
فكفانا مارحل عن عالمنا من قيم وشهامة وتضحية كان يتميز بها المصرى على مر الزمان الطويييييييل
والمتهم الأول المقوله الشهيره ( وأنا مالى)

1_ لو دخلت أى مسابقة أنت وصديقك والمطلوب طبعا فائز واحد فماشعورك الحقيقى؟

بدون فلسفة اكيد مفيش حد مش بيحب نفسه بس ده مش من فراغ لان اتحداك لو فى صديق يستاهل !كان زمان فى عهد الصحابة وبس دلوقتى مفيش

لو إنت فى الفصل هل معاملة المدرس واحدة مع الجميع ؟

طبعا مستحيل تكون واحدة
لان بتختلف على حسب المدرس والله فى مدرسين بيحترموا الطلبة المتدينة جدا وهنا مفيش مشكلة
وللاسف فى مدرسين بتحب التمييز زى الواسطة وغيره
وبدون غلط فى المدرسين برضه فى مدرسين بتحب الهزار وكده فعمر المعاملة ما هتكون واحدة
4-لوحدثت مشاجرة هل عد المصلحين تساوى عدد اللى بيولعوها ؟


برضه اكيد لا

الشر بيكون اقوى تأثير من الخير للاسف وانا شاهدت هذا بعينى ولكن لا ننكر ان اهل الخير يقوموا بالاصلاح ايضا


-هل أخلاق الناس فى رمضان زى أخلاقهم دلوقتى فى الشهور التانيه؟
دى اكتر حاجة بضايق لان للاسف المؤسف الان حتى رمضان ما عدتش فى الاخلاق زى الاول
كان فى ناس بتتغير علشان رمضان وبعده ترجع الان الحالة تسوء وتسوء وهذه الغالبية لكن بدأت ارى يقظة كثير ممكن كانوا فى غفلة طيلة حياتهم

هل صاحب الفرن اللى بيرمى لك العيش وهو بينفخ -بيرميه للموظف المختص اللى بيوصل له العيش لحد البيت ليغذى عليها طيوره ؟

فى السؤال ده اجيب عليك بحق لا طبعا الفرق واضح فى المعاملة مش محتاجة تعليق

7-هل ناظر المدرسه يحبك كما يحب إبنه؟
بالطبع لا فى حد اغلى من ابنه ولو انى ما جربتش بس ابن الناظر زى ابن المدرس سيان


فى كل الاسئلة الاجابة واحدة وانت قلتها

رحلت من عالمنا قيم كثيرة ولكن لم ترحل كلها ولكن على وشك الرحيل لا اريد فلسفة لكن هذا ما يعلمه الجميع حق العلم

هناك ازمة اخلاق

ربنا يهديهم .

1_ لو دخلت أى مسابقة أنت وصديقك والمطلوب طبعا فائز واحد فماشعورك الحقيقى؟
اكيد هشعر انى انا اللى عايزة افوز ومحدش هيبقل انه يبقا الخسران من اجل صديقه،،،،،،،،،
2-لو أنت تقود سيارة أو تركب سيارة أجرة هل معاملة رجل المرور واحدة مع السائقين؟
اكيد طبعا لاء مع الناس اللى من عامة الشعب معاملته هتبقا مش حلوة اوى لكن لو مع حد من الناس الكبارة او من المسئولين هيحترمه ويقوله اتفضل يا سعادة الباشا لو لو كان معاهوش رخصة،،،،،،،،،،،،،،،،،،،،،،،،،،،،،!
3- لو إنت فى الفصل هل معاملة المدرس واحدة مع الجميع ؟
طبعا لالالالالالالالالالا،،،،،،،،،،،،،،،،،،،
4-لوحدثت مشاجرة هل عد المصلحين تساوى عدد اللى بيولعوها ؟
ممكن يبقا اه وممكن يبقا لاء حسب البيئة اللى فيها المشاجرة (بس فى ناس كتير بتحب تهدى النفوس:p)،،،،،،،،،،،،،،،،،،،
5-هل أخلاق الناس فى رمضان زى أخلاقهم دلوقتى فى الشهور التانيه؟
لالالالالالالالالالالالالالالالالالا خالصــــ ،،،،،،،،،،،
6- هل صاحب الفرن اللى بيرمى لك العيش وهو بينفخ -بيرميه للموظف المختص اللى بيوصل له العيش لحد البيت ليغذى عليها طيوره ؟
بصراحة مش فاهمة دى ،،،،،،،،،،،
بس اكيد هتبقا الاجابة لاء ،،،،،،،،،،،،،،
7-هل ناظر المدرسه يحبك كما يحب إبنه؟
اكيد لاء طبعا محدش بيحب حد اكتر من ابنه !،،،،،،،،،،،،،،،،،،،،،
8-هل عندما تقول كلمة حق يكون رد الفعل عند الناس كمن يكذب ليحمى نفسه والاخرين ؟
ممكن اكيد فى بعض الاحيان فى انواع ناس كتير بس برده اكيد فى ناس كتير بتقف جنب الحق،،،،،،،،،،،،،،،،،،،،،،،
9- هل يبكى الباشا بن الباشا على نهر النيل كما يرعب موضوع هذا النهر فقراء هذا الوطن ؟
اكيد لاء طبعا ،،،،،،،،،بس ميمنعش برده ان فى ناس كتير ابناء بشوات وبيحسو بعامة الشعب،،،،،،،،،،،،،،،،،،،،،،،
10- هل تحترم مشرف هذا القسم وهل تظن إنه يحترمك؟

بجد انا بحترم كل الاعضاء مش المشرفين وبس وكل واحد فينا ليه كيانه الخاص الذى يجب ان يحترم من الاخرين
واكيد لما انا هحترم غيرى طبعا هو كمان هيحترمنى وفى الخر اللى بيحترم بيحترم نفسه والمهزء بيهزء نفسه،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،
مرسيــــــــــــــــــــه علا هذا الموضوع الجادى،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،

شكرا على المرور الطيب والفكر الواعى لأجمل شباب
بارك الله فيكم وفى وعيكم الطيب
وجزاكم الله كل خير

_ لو دخلت أى مسابقة أنت وصديقك والمطلوب طبعا فائز واحد فماشعورك الحقيقى؟
على فكرة انا مش مثالية اوى بس لو شايفة ان صاحبتى تستحق الفوز اكتر منى فهنيئا لها وحصلت لى قبل كده
2-لو أنت تقود سيارة أو تركب سيارة أجرة هل معاملة رجل المرور واحدة مع السائقين؟طبعا لا لان اللى بيدى غير اللى ما بيديش
3- لو إنت فى الفصل هل معاملة المدرس واحدة مع الجميع ؟احيانا باحس بكده وساعات بيعامل ناس احسن من ناس بس جايز عشان يحفز باقى الطلبة الله اعلم بالنوايا
4-لوحدثت مشاجرة هل عد المصلحين تساوى عدد اللى بيولعوها ؟ساعات كده وساعات كده
5-هل أخلاق الناس فى رمضان زى أخلاقهم دلوقتى فى الشهور التانيه؟انا فى النقطة دى اقتنعت بحاجة غريبة اوى السنة دى وهى ان اخلاق الناس فى رمضان اسوأمن الشهور التانية
6- هل صاحب الفرن اللى بيرمى لك العيش وهو بينفخ -بيرميه للموظف المختص اللى بيوصل له العيش لحد البيت ليغذى عليها طيوره ؟الدنيا مصالح وهو اكيد هيشوفها كده فالمعاملة اكيد هتكون مختلفة تماما واكيد طبعا الاجابة لأ
7-هل ناظر المدرسه يحبك كما يحب إبنه؟محدش بيحب حد زى اولاده او بقى نادر اوى النوع ده
8-هل عندما تقول كلمة حق يكون رد الفعل عند الناس كمن يكذب ليحمى نفسه والاخرين ؟اكيد لسه موجود اللى يسمع كلمة الحق بتاعتى ويصدقش اللى يكذب بس يا ترى هو فين
9- هل يبكى الباشا بن الباشا على نهر النيل كما يرعب موضوع هذا النهر فقراء هذا الوطن ؟وايه اللى هيبكى الباشا ابن الباشا من الاساس شايف المر اللى شايفه الانسان العادى
10- هل تحترم مشرف هذا القسم وهل تظن إنه يحترمك؟

طبعا ربنا وحده يعلم انا باحترم وباقدر كل المنتدى سواء مشرفين او اعضاء ربنا يحميهم والمنتدى يكون دايما فى تقدم بمساعدتهم وجهودهم

[1_ لو دخلت أى مسابقة أنت وصديقك والمطلوب طبعا فائز واحد فماشعورك الحقيقى؟

لكل مجتهد نصيب اللى يستحق هو اللى يفوز2-لو أنت تقود سيارة أو تركب سيارة أجرة هل معاملة رجل المرور واحدة مع السائقين؟
لا للاسف اللى بيرشي دلوقتى بيبقى فوق الراس
3- لو إنت فى الفصل هل معاملة المدرس واحدة مع الجميع ؟
فى رايي لو الطالب جاد ومحترم ومجتهد المدرس بيكرمه فى المعامله بس احيانا المدرسه بيفضل اللى بياخدوا عندوا درس
4-لوحدثت مشاجرة هل عد المصلحين تساوى عدد اللى بيولعوها ؟
زمان ( مش من قرون يعنى بس وقت مضى) كانت الناس بتجرى على اى خناقه تفضها بس دلوقتى كل واحد بيقول يا نفسي
5-هل أخلاق الناس فى رمضان زى أخلاقهم دلوقتى فى الشهور التانيه؟
كان السنه اللى فاتت الكلام ده بس السنادى صراحه الناس بقوا ماشاء الله مش منافقين ( على طبيعتهم يعنى ) مش فارقه معاهم
بس اكيد لازم نتقرب اكتر لربنا لان ده شهر مغفرة بس برده منبعدش عنه باقى السنه..
6- هل صاحب الفرن اللى بيرمى لك العيش وهو بينفخ -بيرميه للموظف المختص اللى بيوصل له العيش لحد البيت ليغذى عليها طيوره ؟
هى الناس طهقت من طوابير العيش من شويه
7-هل ناظر المدرسه يحبك كما يحب إبنه؟
هو ناظر المدرسه يعرف الطلبه اصلا ولا هو بيخرج من مكتبه
8-هل عندما تقول كلمة حق يكون رد الفعل عند الناس كمن يكذب ليحمى نفسه والاخرين ؟
لا بس اما اقول كلمه الحق بطريقه كويسه المفروض رد فعل الناس يكون كويس والكذب فى النهايه مهما طال الوقت لمعرفه الحقيقه عاقبته فى النهايه سيئه جدا..
9- هل يبكى الباشا بن الباشا على نهر النيل كما يرعب موضوع هذا النهر فقراء هذا الوطن ؟
الباشا بن الباشا ده بفلوسه يعملوا نهرين ..ثلاثه
انما احنا غلابه اولاد غلابه وربنا معانا



ومفيش وانا مالى ولا حاجه ماهى دى اللى مضيعانا و مخلينا متهانين اوى من كبار الدوله اللى هو ( الباشا بن الباشا ) اللى سبق وقلت عليه وكذلك الدول التانيه فلما يجى حد من الاكابر دول ويقول مصر دى بركه يبقى احنا بيتنصب علينا اينعم مصر فيها خير بس فين بقى واحنا نايمين و الكبار اوى ناهبين فلوس الدوله احنا شعبنا لازم يفوق ويتكلم ويقول رايه ميخفش ويشتغل بجد ساعتها يبقي لينا قيمه حقيقه ويارب يا معين...

مجنونة الكيمياء
ندى علام
بارك الله لكما ونفعنا بعلمكما وفكركما الطيب
فعلا الكيمياء والدين والنظرة الثاقبة لكما
أنتجت لنا فكر واعى وقلوب طيبه تبدو واضحه فى كلامكما
جزاكم الله كل خير
وشكرا لكما

ههههههههههه

انت فظيع اوي والله

كل الاسئلة دي عشان توصل للسؤال ده :d

ربنا يهديك يابني ...

جميله قوى كلمة يابنى دى
وبعدين لقيت الأسئله صعبه عليك
بلغ فرار واطلع من الموضوع :p
بالله عليك فيه مشرف قدوة يعمل كدا
طيب أقول إيه للناس اللى شاركوا قبلك فى الموضوع
أقول لهم أنتم بلا فكر وبلا وعى والمشرف فاهم أكتر مننا
ماوضعت هذا الموضوع إلا لقياس مدى وعى الشباب ونقدهم لما حولهم بفكرى وفكرهم المتعايش مع من حولهم
أما بالنسبة للسؤال الأخير فهو لقياس الظن لديهم واتجاهه ولم يسىء أحدهم الظن فيكم فلم الغضب؟
غريب أمرك ياباشمهندس دخولك فى الموضوع بهذه الطريقه
بدلا من المشاركة الجادة حولتهالتريقة على ماقد يكون فى سن والدك
شكرا أيها المشرف الهمام:078111rg3:

جميله قوى كلمة يابنى دى
وبعدين لقيت الأسئله صعبه عليك
بلغ فرار واطلع من الموضوع :p
بالله عليك فيه مشرف قدوة يعمل كدا
طيب أقول إيه للناس اللى شاركوا قبلك فى الموضوع
أقول لهم أنتم بلا فكر وبلا وعى والمشرف فاهم أكتر مننا
ماوضعت هذا الموضوع إلا لقياس مدى وعى الشباب ونقدهم لما حولهم بفكرى وفكرهم المتعايش مع من حولهم
أما بالنسبة للسؤال الأخير فهو لقياس الظن لديهم واتجاهه ولم يسىء أحدهم الظن فيكم فلم الغضب؟
غريب أمرك ياباشمهندس دخولك فى الموضوع بهذه الطريقه
بدلا من المشاركة الجادة حولتهالتريقة على ماقد يكون فى سن والدك
شكرا أيها المشرف الهمام:078111rg3:
يابني العب غيرها بجد
خلاص مش لعبة بقى كل ما تكلم واحد تقوله دنا اكبر منك
حتى وانت بتكلم المدرسين :d
ووبعدين ده السؤال واضح تماماً إنه مش متعلق بالموضوع
ومشرف ... مش مشرفين
ماشي ياعم ...
و بتقول لمين مشاركة جادة دي
انت مسمعتش اللى بيته من ازاز ميحدفش الناس بالطوب ولا ايه :d

ههههههههههههههههههههههههههههههه
هوصلك للى انت عايزه
أنا البعبع بتاعك يابنزر
وانت عارف كويس أنا مين ؟
وإوعى تنسى إنك إنت اللى دخلت الموضوع وبدأت
علشان ماتستغلوش هذا الموقف وتقولوا إن أنا اللى نشرت الفوضى فى القسم زى المرة اللى فاتت رغم غيابى
لكن مشكلتك إنك وقعت مع إنسان لايسمح لأحد أن يهزأ به أويسخر منه
ومش إنت دايما اللى كنت بتقول إن النقاش ده له أماكن مخصصه
ليه دخلت الموضوع وأفسدته
ولا أنت فوق قوانين البوابه
نفض غبار الزمن هتلاقينى طالع لك من كل مكان
وياريت كفاية كدا

وإوعى تنسى إنك إنت اللى دخلت الموضوع وبدأت

لا معلش نشتغل بعض ما ينفعش
شوف مين اول واحد جاب في سيرة التاني بشكل غير مباشر :d
وده موجود في اول التوبيك اصلاً
وبعدين ابقى قول مين اللى بادئ

وبعدين انت مش عارف ترد على ردي هناك جاي بتهزر هنا ؟