( ايه يا عينيا؟؟ )

شايفة فيكي لمعة غريبة

حاسة انك عايزة تنزلي دمعة بريئة

لا يا عينيا

مش انت عينيا

عمري ما شوفتك قاسية عليا

دموعك ليه ؟؟؟ بتقولي ايه !!!!

حلم دا ايه

علشن حلم هنقعد نبكي ...نحكي ...ونشكي

لا يا عينيا

حلمك كان مجرد حلم ضاع وانداس

اه ما خلاص

امسكي نفسك جمدي قلبك وانسي زي ما نسيوا الناس

ياااه يا عينيا

فاكرة زمان كان يا ما كان

بنت جميلة وشاطرة كمان

راجعة من المدرسة مبسوطة

طالعة الاولى مش معقولة

غلبت كل صحابها كده بسولة

ياااه يا عينيا

فكرتيني باجمل فرحة

وكنت مفكّرة ان الدنيا هتفضل فرحة

مش كده جارحة تجرح..... تقسى..... وتنسى

وانا عمرى ما هنسى

ايه يا عينيا !!

غلبتني دموعك ؟؟

لا مغلبتنيش

مهزتنيش

وان كنت في يوم منعت دموعك تنزل

دا لان جوايا بحور مبـتــنـتـهيش

ايش فايدة دمعة ع الخد تنزل

والقلب جوة غرقان بينزف

لم اكن اعرف ان لهذه الدرجة كلماتي بذيئة

كلماتك جميلة
ولكن يجب عليكِ قراءة الكثير والكثير
كى تتلاشى الأخطاء



تقبلى مرورى

شكرا للمرور

هل من الممكن توضيح الاخطاء كي اتلاشاها المرة القادمة

جزاكم الله خيرا

جميلة اووووووى بجد

كلمات رائعة ومؤثرة اوى

دمتى مبدعة

مرورك شرفني والله

شكرااا